Կան մարդիկ, որոնք վատ են աշխատում, միաժամանակ նաեւ պղտորում են մթնոլորտն իրենց վարքագծով. Ցոլակյան

ՀՀ պետական վերահսկողական ծառայությունն ավարտել է ստուգումներն Արտակարգ իրավիճակների նախարարությունում: Ստուգման արդյունքում ՊՎԾ-ն շոշափելի խախտումներ չի հայտնաբերել, ՀԺ-ի հետ զրույցում ասաց ԱԻ նախարար Ֆելիքս Ցոլակյանը:

Նշենք, որ ԱԻՆ փրկարար ծառայության տնօրեն Արտակ Նահապետյանի ազատումից հետո գերատեսչությունում լարված իրավիճակ էր: Նրա հետ միասին փրկարար ծառայության 9 պաշտոնյա ամիսներ առաջ վարչապետ Նիկոլ Փաշինյանին էին դիմել՝ նշելով, որ Ֆելիքս Ցոլակյանը կոռուպցիոն գործարքների է գնում: Մասնավորապես՝ բենզինի ձեռքբերման մրցույթում նախարարությունը գնել է նույն գնով, որը վաճառվում է բենզալցակայաններում: Իսկ մրցույթների ժամանակ համեմատաբար ավելի մատչելի գներ են սահմանվում:

Այդ դիմումից հետո ԱԻ նախարարը դիմել էր վարչապետին, որպեսզի Պետական վերահսկողական ծառայությունն այցելի նախարարություն եւ ստուգի այդտեղ նշված տվյալները: ՊՎԾ-ն ստուգումներն ավարտել է, սակայն այդպես էլ չի հրապարակել՝ ի վերջո խախտումներ հայտնաբերվել են, թե ոչ:

Ստուգումները թեեւ ավարտվել են, սակայն այժմ էլ ԱԻՆ-ում լարված է մթնոլորտը. տեղեկություններ են շրջանառվում, որ նախարարը փորձում է պաշտոնից ազատել վարչապետին դիմում գրած պաշտոնյաներին:

Թեմայի վերաբերյալ «Հայկական ժամանակ»-ը զրուցել է Ֆելիքս Ցոլակյանի հետ՝ պարզելու, թե ի վերջո ի՞նչ է կատարվում նախարարությունում:

- Պարո՛ն նախարար, ճի՞շտ է, որ Դուք փորձում եք աշխատանքից ազատել Փրկարար ծառայության այն 9 պաշտոնյաներին, որոնք ՓԾ նախկին տնօրենի հետ միասին Ձեր վերաբերյալ դիմում էին ուղարկել վարչապետ Նիկոլ Փաշինյանին:

- Աշխատանքից ազատելու հատուկ մտադրություն չկա: Եթե այդ մարդիկ սխալ էին համարում աշխատելը, ապա առաջին հերթին նրանք պետք է հրաժարվեին դրանից: Նրանք շարունակում են աշխատել, եթե ես իրենց աշխատանքից դժգոհ լինեմ, ապա, այո՛, կազատեմ:

Իսկ աշխատանքից դժգոհության տեղ կա: Այդ դժգոհությունը միայն իմը չէ: Դա նաեւ փրկարար ծառայության ղեկավարության դժգոհությունն է, որոնք եթե ներկայացրին աշխատողին ազատման, ուրեմն ես կազատեմ:

- Դժգոհության պատճառը վարչապետին ուղարկած դիմո՞ւմն է, թե՞ այլ պատճառներ կան:

- Ո՛չ, բավականին շատ մարդ է ազատվել աշխատանքից, որոնք ոչ մի տեղ չեն ստորագրել, ոչ մի տեղ չեն գնացել, ոչ մի անգամ ոչ մի վատ բառ չեն ասել, բայց ազատել եմ աշխատանքից, որովհետեւ դժգոհ էի:

- Պարո՛ն Ցոլակյան, կարո՞ղ եք տեղեկացնել, ի վերջո, ստուգումների արդյունքում ՊՎԾ-ն ի՞նչ է հայտնաբերել ԱԻՆ-ում:

- Որեւէ շոշափելի բան չեն հայտնաբերել: ՊՎԾ-ն ինքն է որոշում՝ հրապարակել, թե չհրապարակել: Հրապարակում են այն դեպքում, երբ խախտումներ են լինում: Իսկ եթե խախտումներ չկան, ի՞նչ հրապարակեն: Եթե մարդիկ դժգոհ են մնացել, որ վերահսկողական ծառայությունը որեւէ բան չի հայտնաբերել, դա արդեն այլ հարց է:

- Դիմումի մեջ նշված էր, որ Դուք բենզինի ձեռքբերումն իրականացրել եք թանկ գնով: Սա ինչպե՞ս կմեկնաբանեք, ստուգումների արդյունքում նման բան հայտնաբերվե՞լ է

- Դա սուտ է, ՊՎԾ-ն հիմնավորել է, որ այդ ամենն օրենքի սահմաններում է եղել:

- Պարո՛ն նախարար, ըստ Ձեզ, ո՞րն էր ի վերջո այդպիսի դիմում ուղարկելու նպատակը:

- Մարդիկ շահեր են հետապնդել: Երբ իրենց աշխատանքի ընթացքում վատ են աշխատել, դրա գնահատականը եղել է նրանց ազատումը: Իմ կարծիքով՝ ՊՎԾ-ն օբյեկտիվ է եղել իր քննության հարցում, ու որեւէ լուրջ խախտում չի մատնանշվել: Մանր-մունր թերություններ են արձանագրվել, որոնց հետ կապված ուղղումներ ենք կատարել:

- ԱԻՆ լրատվականի աշխատակիցներից մեկը գրել է, որ Դուք կրճատել եք երկարամյա մեծ փորձ ունեցող Փրկարար ծառայության աշխատակիցներին: Սա ինչպե՞ս կմեկնաբանեք:

- Այդ աշխատակիցը, որ գրել է, նախ, էթիկայի նորմերն է խախտել: Նա, իրավունք չունի այստեղ աշխատելով, ամբողջ օրը ֆեյսբուքյան գրառումներ անել բաների մասին, որոնք նախ չստուգված են իր համար: Նա չէ, որ պետք է գնահատական տա, թե ով ինչպես է աշխատում: Նա այդ աշխատակիցների աշխատանքի հետ կապված որեւէ առնչություն չունի: Կան մարդիկ, որոնք աշխատում են այդ անձանց հետ, եւ իրենք գիտեն, թե ով ինչ է անում: Լավ-վատ աշխատողի հարցը չի կարող որոշել լրատվական ծառայության աշխատակիցը: Նա օբյեկտիվ չէ: Սուբյեկտիվ, որեւէ մեկի ազդեցության տակ ընկած գրառում է արել:

- ԱԻՆ լրատվականի աշխատակիցը գրել էր նաեւ, որ ՓԾ ներկայիս տնօրեն Վրեժ Գաբրիելյանի թոշակի անցնելու տարիքն է, սակայն Դուք օրենքի այդ պահանջը չեք կատարել՝ ցանկանալով Գաբրիելյանին երկար պահել այդ պաշտոնում:

- Օրենքի որեւէ խախտում չկա: Փրկարար ծառայության տնօրենի տարիքը լրանալու հետ կապված խնդիր չկա: ՓԾ տնօրենն օգտվել է իր իրավունքներից եւ գտնվում է արձակուրդում: Եթե նա արձակուրդի մեջ չլիներ, բնականաբար, կկատարվեր օրենքի պահանջը, եւ նա փետրվարի 1-ից թոշակի կանցներ, իսկ արձակուրդից մարդուն հնարավոր է հետ կանչել միայն նրա ցանկությամբ: Իրավական տեսանկյունից այստեղ որեւէ խախտում չկա: Հանրային ծառայության մասին նոր օրենքով, որը շուտով ուժի մեջ կմտնի, չկա տարիքային սահմանափակում ՓԾ տնօրենի համար:

- ՓԾ նախկին տնօրենի նշանակած կադրերին պատրաստվո՞ւմ եք աշխատանքից ազատել:

- Չկա այդպիսի բան: Կա աշխատող եւ չաշխատող: Վատ է աշխատում՝ ուրեմն պետք է ազատվի: Բավականին շատ մարդիկ կան, որոնք նախկինում են ընդունվել, ու որեւէ խնդիր չկա իրենց հետ: Բայց կան նաեւ մարդիկ, որոնք վատ են աշխատում, միաժամանակ նաեւ պղտորում են մթնոլորտը՝ իրենց վարքագծով, էթիկայի նորմերը խախտելով, ոչ ճիշտ պահվածքով: Այդպիսի մարդիկ, որոնք կոլեկտիվի ընդհանուր մթնոլորտը փչացնում են, պետք է ազատվեն աշխատանքից:

Տպել
18390 դիտում

ՔՊ-ն վաղը կլինի Արարատի մարզում. նախատեսված է նաև քայլերթ՝ Երևանի վարչական շրջաններից մեկում

Անհրաժեշտ է դադարեցնել, ուղղակի բացառել հանրային տիրույթում փոխադարձ վիրավորանքի օրակարգի անհեռատես զարգացումը. ՄԻՊ

Երևանում մեկնարկել է բազմամարդ երթ՝ ՔՊ կուսակցության ու Նիկոլ Փաշինյանի գլխավորությամբ (տեսանյութ)

Նիկոլ Փաշինյանին Հրազդանում դիմավորել է Սասուն Միքայելյանը

Խաղի ժամանակ ուշագնաց լինելուց հետո հոսպիտալացված Էրիկսենը դեռ կմնա հիվանդանոցում (լուսանկարներ)

Մենք մեր նահատակների առաջ պարտք ենք և իսկապես դավաճանություն կլինի երկիրը թողնել կեղեքող էլիտային. Նիկոլ Փաշինյան

Սպասվում է կարճատև անձրև և ամպրոպ, առանձին հատվածներում՝ կարկուտ

Կալանավորվել են «Պատիվ ունեմ» դաշինքի անդամ Ռուբեն Խլղաթյանն ու Ջանֆիդայի բնակիչը

Ստեփանծմինդա-Լարս ավտոճանապարհը բաց է

Հրդեհ է բռնկվել Մրգավան գյուղի տներից մեկում

Վրաստանում ՀՀ դեսպանությունը շնորհակալություն է հայտնում Վրաստանին

Կոտայքում վստահաբար ապագա կա՛. Ռոմանոս Պետրոսյանը լուսանկարներ է հրապարակել

Ամեն հնարավորը անելու ենք, որպեսզի հայ ժողովրդի համար խաղաղ զարգացման դարաշրջան բացենք. Նիկոլ Փաշինյանն՝ Աբովյանում

Վրաերթի հետևանքով «Սուրբ Աստվածամայր» ԲԿ տեղափոխված 6-ամյա տղան մահացել է

ՄԻՊ ներկայացուցիչներն առանձնազրույցներ են ունեցել գերությունից վերադարձած 15 անձանց հետ

Մենք պողպատյա մանդատով յուրաքանչյուրին ցույց ենք տալու իր արժանի տեղը. Նիկոլ Փաշինյանը՝ Նոր Հաճնում

Թուրքիայի Սահմանադրական դատարանն ուսումնասիրում է քրդամետ կուսակցության փակման պահանջը

Նուբարաշենի աղբավայրում շարունակվում են հրդեհաշիջման աշխատանքները (տեսանյութ)

Եթե ժողովուրդը որոշի, որ մենք հեռանանք՝ կհեռանանք. եթե որոշի, որ պետք է մնանք՝ կմնանք. Նիկոլ Փաշինյանը՝ Նոր Գեղիում

Վրաստանը 15 հայ ռազմագերիների վերադարձի համար բոլոր կողմերի հետ աշխատել է 3 ամիս. Զալկալիանի

Արցախում հաստատվել է կորոնավիրուսային հիվանդության 4 նոր դեպք

ԵԱՀԿ նախագահը ողջունել է 15 հայ ռազմագերիների վերադարձը հայրենիք

Ոչ միայն 15 գերիներ են վերադարձել, այլև վերադարձի գործընթացը վերակենդանացել է. Փաշինյանը՝ քարտեզների փոխանցման մասին

Արագածոտնի մարզպետը հերքում է Թալինում ծեծի ենթարկվելու և միջադեպի մասին լուրերը

Բերդաշենում շչակ է գործարկվելու

Հաստատվել է կորոնավիրուսային հիվանդության 39 նոր դեպք. գրանցվել է 2 մահ

Մխչյան համայնքում ամբողջությամբ հրդեհվել է վագոն-տնակ

«Քաղաքացիական պայմանագիր» կուսակցության՝ հունիսի 18-ին նախատեսված հանրահավաքը չի չեղարկվել. լուրերը կեղծ են

15 ռազմագերիների վերադարձի գործընթացը տեղի է ունեցել ԱՄՆ-ի եւ Վրաստանի իշխանությունների միջնորդությամբ. Մ. Գևորգյան

Տեղ գյուղի 2 բնակիչ տրակտորներով հայտնվել են ադրբեջանական տարածքում. բանակցելուց հետո վերադարձվել են. ՊՆ

Միացյալ Նահանգները Հայաստանի և Ադրբեջանի քայլերը ողջունում է․ կրկին կոչ է անում վերադարձնել բոլոր գերեվարվածներին

Վարչապետը հրապարակել է գերությունից վերադարձած զինծառայողների անունները

Ադրբեջանում գտնվող գերիներից 15-ը վերադարձան Հայաստան

Ոմանք կերազեին, որպեսզի մեր գերեվարված եղբայրներից և ոչ մեկը մինչև ընտրություններ չվերադառնար հայրենիք. Տարոն Չախոյան

Առաջին ալիքի նկատմամբ քաղաքական ճնշումների փորձեր են արվում. Հանրայինը դիմում է ԿԸՀ, ՀՌՀ, ՄԻՊ՝ հրատապ արձագանքի համար

15 գերի է վերադառնում, նրանք ճանապարհին են. Փաշինյանը հայտարարել է Կարմիր գյուղում և լուսանկար է հրապարակել (տեսանյութ)

Եթե Լևոն Տեր-Պետրոսյանը լինի երկրի ղեկավար, մեկ շաբաթում կլուծվի գերիների հարցը. ՀԱԿ-ը Գյումրիում քարոզարշավ անցկացրեց

Հադրութի շրջանում այսօր ևս 8 աճյուն է հայտնաբերվել

Զանգեզուրի պղնձամոլիբդենային կոմբինատը փորձում է ազդեցություն ունենալ քաղաքական գործընթացների վրա. Իոաննիսյան

Հրդեհ Զովունիում. այրվել է խոտածածկույթ