Ներքին քաղաքական հարցեր, Սուլեյմանիի սպանություն, ԱՄՆ-ի դրոշը՝ լուսնի վրա. Թրամփի 80 րոպեանոց ուղերձը

Միացյալ Նահանգների նախագահ Դոնալդ Թրամփն ավանդական ամենամյա ուղերձով հանդես է եկել Կոնգրեսում՝ երկրի հետագա զարգացման վերաբերյալ իր ծրագրերը ներկայացնելով Սենատի եւ Ներկայացուցիչների պալատի անդամներին:

Ինչպես արդեն հայտնել էինք, ուղերձը դեռ չսկսած՝ իրավիճակը բավական սրվել է Թրամփի եւ Ներկայացուցիչների պալատի խոսնակ Նենսի Փելոսիի հետ կապված միջադեպից հետո, երբ Թրամփն օդում է թողել իրեն պարզված Փելոսիի ձեռքը, իսկ Փելոսին էլ բարկացած պատռել է նախագահի ուղերձի ելույթի տեքստի՝ իր մոտ եղած բոլոր էջերը:

Այնուամենայնիվ, դա չի խանգարել, որ ԱՄՆ-ի նախագահը ելույթ ունենա: Կոնգրեսին ուղղված նրա ուղերձը տեւել է 1 ժամ 20 րոպե:

ԱՄՆ-ի առաջին տիկին Մելանյա Թրամփն ինչպես ամեն տարի, այս անգամ էլ ամուսնուն աջակցելու համար Կոնգրեսում է եղել: Իրեն հատուկ էլեգանտությամբ ընտրել է ամբողջովին սեւ դասական զգեստ՝ ժամանելով այն ժամանակ, երբ Թրամփն արդեն դահլիճում է եղել: Նրան դիմավորել են ծափահարություններով:

Առաջին տիկինը Կոնգրեսում Ազատության մեդալ է շնորհել ամուսնու ամենաակտիվ աջակիցներից մեկին՝ ռադիոհաղորդավոր Ռաշ Լիմբոյին:

ԱՄՆ-ի նախագահն իր ուղերձում խոսել է միջազգային հարաբերություններից, տիեզերքից, առողջապահությունից, ներքին քաղաքականությունից եւ տնտեսությունից:

Թրամփի ուղերձի առանցքային կետերից մեկն Իրանի հետ փոխհարաբերություններն են: Խոսելով Իրանի հետ առկա լարվածության մասին՝ Միացյալ Նահանգների նախագահը նշել է, որ Իրանը պետք է հրաժարվի միջուկային զենք ունենալու իր փորձերից, դադարի ահաբեկչություն, մահ ու ավերածություն տարածել: Եթե միջուկային զենքի գաղափարից Իրանը հրաժարվի, ապա Վաշինգտոնը խոստանում է ամենասեղմ ժամկետներում չեղարկել Թեհրանի դեմ պատժամիջոցները եւ օգնել նրան տնտեսության հարցում: Թրամփը մեկ անգամ եւս ընդգծել է, որ ԱՄՆ-ի կոշտ պատժամիջոցների պատճառով Իրանի տնտեսությունը գտնվում է շատ վատ վիճակում: Նաեւ ասել է, որ Իրանը շատ հպարտ է կամ անխելք՝ ԱՄՆ-ից օգնություն խնդրելու համար:

Անցում կատարելով ահաբեկչության խնդրին՝ Թրամփը Կոնգրեսի ամբիոնից դիմել է ահաբեկիչներին՝ հայտարարելով, որ վերջիններին չի հաջողվի խուսափել ամերիկյան արդարադատությունից: Որպես օրինակ՝ նա նշել է ամերիկյան ռազմաօդային ուժերի կողմից սպանված գեներալ Սուլեյմանիին:

«Սպանված գեներալ Ղասեմ Սուլեյմանին իրանական ռեժիմի ամենաանխիղճ մսագործն էր: Լինելով թիվ 1 ահաբեկիչն աշխարհում՝ նա մեղավոր էր Իրաքում հազարավոր զինվորականների սպանության եւ վիրավորումների համար, ինչպես նաեւ հազարավոր կանանց, երեխաների ու քաղաքացիական տղամարդկանց մահվան մեջ»,- ասել է Թրամփը:

Շարունակելով ահաբեկչության թեման՝ ԱՄՆ-ի նախագահը հայտնել է, որ «Իսլամական պետություն» ահաբեկչական խմբավորումը ջախջախված է 100 տոկոսով, իսկ նրանց առաջնորդ արյունարբու ալ-Բաղդադին՝ սպանված:

Անդրադառնալով Աֆղանստանից իր զորքերի դուրս բերմանը՝ Թրամփն ասել է.

«ԱՄՆ-ն աշխատում է Աֆղանստանից զորքերը դուրս բերելու ուղղությամբ, քանի որ ժամանակն է վերջ դնել ամենաերկար պատերազմին: Մեր զինծառայողների վճռականությունը թույլ է տվել հասնել աներեւակայելի արդյունքների Աֆղանստանում. խաղաղ բանակցությունները շարունակվում են»:

Իր ուղերձում ԱՄՆ-ի նախագահը անդրադարձել է նաեւ Մերձավոր Արեւելքում տիրող իրավիճակին՝ նշելով, որ պաղեստինա-իսրայելական հակամարտության լուծման հարցում նոր մոտեցումներ են անհրաժեշտ: Տարածաշրջանում միլիոնավոր մարդկանց ապագայի համար հակամարտության կարգավորման բանաձեւն իրենք առաջարկել են:

Թրամփը նշել է նաեւ, որ ԱՄն-ը ձգտում է Վենեսուելայում, Նիկարագուայում եւ Կուբայում ժողովրդավարություն հաստատել:

Թրամփը խոսել է նաեւ Չինաստանի հետ հարաբերությունների մասին՝ նշելով, որ նրանց հետ առեւտրային առաջին համաձայնագրի կնքումից հետո այժմ Չինաստանի ու ԱՄՆ-ի հարաբերությունները հրաշալի են, քան երբեւէ:

ԱՄՆ-ի տնտեսությունը, ըստ նախագահի, վերելք է ապրում. «Տնտեսական անկման տարիներն ավարտվել են, ԱՄՆ-ի բանակն ամբողջությամբ վերակազմավորված է, իսկ ամերիկյան ընտանիքները հրաշալի են ապրում: Իմ եւ իմ ադմինիստրացիայի քաղաքականությունը երկիրը հասցրել է տնտեսական բումի, ստեղծվել է 7 մլն նոր աշխատատեղ, գործազրկության մակարդակը երբեւէ եղած ցուցանիշների մեջ ամենափոքրն է, իսկ ֆոնդային շուկայի ցուցանիշները բարձրացել են ավելի քան 70%-ով: Միացյալ Նահանգները դարձել է նավթի արտադրության առաջատարն աշխարհում: Երկիրը տնտեսապես ամբողջությամբ անկախ է»,- հայտարարել է Թրամփը:

Խոսելով երկրի ներքին քաղաքականությունից՝ նախագահն ասել է, որ հաջողություններ են գրանցում առողջապահության ոլորտում, փնտրում են նոր դեղամիջոց՝ մանկական քաղցկեղի բուժման համար, ինչպես նաեւ ակտիվ աշխատանք են տանում՝ ՄԻԱՎ-ի մակարդակը երկրում նվազագույնի հասցնելու: 51 տարում առաջին անգամ երկրում իջել է դեղորայքի գինը, ակտիվ պայքար է տարվում կորոնավիրուսի տարածման դեմ:

Երկրի հարավային սահմաններում շարունակվում է «բարձր եւ շատ ամուր» պատի կառուցումը: Ցանկապատի ավելի քան 150 կմ-ն արդեն կառուցվել է, 800 կմ-ից ավելին կկառուցվի մինչև հաջորդ տարի:

Եզրափակելով իր ելույթը՝ Թրամփը նշել է, որ իրենք հաջողություններ ունեն տիեզերագնացության ոլորտում: Թրամփն ընդգծել է, որ օրենսդիրները պետք է միշտ հիշեն ԱՄՆ-ի՝ առաջատար լինելու փաստն ու շարժվեն է՛լ ավելի առաջ՝ մինչեւ Լուսին: «Կոչ եմ անում Կոնգրեսին ամբողջապես ֆինանսավորել «Արտեմիս» ծրագիրը՝ երաշխավորելու համար, որ Լուսնի մակերևույթին վայրէջք կատարող հաջորդ կինն ու տղամարդն ամերիկացի տիեզերագնացներ են լինելու: Խնդրում եմ երաշխավորել, որ Ամերիկան կլինի Մարսի վրա դրոշ ծածանած առաջին պետությունը»,- ասել է նախագահը:

Հիշեցնենք, որ «Ապոլլոն 17» լուսնային առաքելության 45-ամյակի կապակցությամբ Թրամփը ստորագրել էր փաստաթուղթ, որով ԱՄՆ տիեզերագնացության հետազոտությունների ազգային գործակալությունը (ՆԱՍԱ) պետք է առաջիկա մի քանի տարում տիեզերագնացներին Լուսին ուղարկի, որտեղ տեղադրվելու է ամերիկյան դրոշը:

Թրամփն այս տարվա իր ուղերձի ժամանակ խոսել է շուրջ 80 րոպե:

Տպել
1107 դիտում

Վկան կաշկանդվել է Ալրաղացի Լյովիկի հետ առերեսումից. նրա դեմ ցուցմունք տված անձինք նախկինում դատապարտվածներն են

3 տարեկան Մարիամը հաղթահարել է COVID ասոցացված կավասակիանման հիվանդությունը

Ազգային ժողովի ինքնալուծարման ճանապարհ ստեղծելու հարցում «Իմ քայլին» եւս 5 ձայն է պետք. Բաբաջանյանը կաջակցի, եթե ...

Ազգային ժողովը սկսում է թվային խորհրդարանի ստեղծման աշխատանքները

Սուրբ Գրիգոր Լուսավորիչ բուժկենտրոնի վերակենդանացման նոր բաժանմունքն արդեն գործում է

Կայացել է «Բնակչության պաշտպանության ուժեղացումը Հայաստանում» ԵՄ Թվինինգ ծրագրի համատեղ կոորդինացիոն հանդիպումը

Հանդիպել են Սերգեյ Կոպիրկինն ու ԲՀԿ առաջնորդ Գագիկ Ծառուկյանը

Զարիֆը վաղը կհանդիպի ՀՀ ղեկավարության հետ. ինչ է քննարկվել ավելի վաղ Բաքվում ու այսօր Մոսկվայում

Ակնկալում ենք, որ ԱԹՍ-ների տեղական արտադրություն կստեղծվի եւ տարեկան 1700-ից ավելի մասնագետ կունենանք․ Քասսարջյան

Այս տարի սիրո բարեխոս Սուրբ Սարգսի տոնը կնշվի հունվարի 30-ին

Կառավարությունն առաջարկում է Ազգային ժողովի արտահերթ նիստ հրավիրել

Արմեն Ղուլարյանը կնշանակվի քաղաքաշինության կոմիտեի նախագահ

ՀՀ տարածքում կան փակ և դժվարանցանելի ավտոճանապարհներ

Հրազդանի բնակիչը զենք-զինամթերքը է կամավոր հանձնել. նշանակվել են փորձաքննություններ (տեսանյութ)

Մեկնարկել են 2021 թվականի գյուղատնտեսական տարվա համար ապահովագրական պայմանագրերի կնքման աշխատանքները

ԱԱՏՄ աշխատակիցների հանդիպել են Կենտրոն և Դավթաշեն վարչական շրջանների մանկապարտեզների ու դպրոցների պատասխանատուների հետ

ԱՄՆ իրավապահների պատվիրակությունն այցելել է ՀՀ ոստիկանություն

Շուշիի պետական թատրոնի տնօրենն ու պրոդյուսերը աշխատանքի են անցել Գյումրու տիկնիկային թատրոնում

Ռազմիկ Գրիգորյանը նշանակվել է Հայաստանի Մ19 հավաքականի գլխավոր մարզիչ

Հայաստանի հավաքականի նախկին ֆուտբոլիստը կարող է դատի տալ ռուսաստանցի ֆուտբոլային գործչին

Վարդենյաց լեռնանցքը կցորդիչով տրանսպորտային միջոցների համար դժվարանցանելի է

Մհեր Գրիգորյանը Բելառուսի դեսպանի հետ քննարկել է երկկողմ հարաբերությունների խորացմանն առնչվող հարցեր

Շիրակի ոստիկաններն առանձնապես խոշոր չափի մարիխուանա են հայտնաբերել(տեսանյութ)

Ծովինար Սողոմոնյանը նշանակվել է վարչապետի աշխատակազմի ղեկավարի առաջին տեղակալ

Սեղմ ժամկետում պետք է փաստաթղթերը ներկայացնել Զինծառայողների ապահովագրության հիմնադրամ. ԱՀ ՊՆ

Հավաք-պարապմունք է անցկացվել 5-րդ զորամիավորումում

Օկուպացիայի տակ հայտնված տարածքներում հայկական մշակութային ժառանգության ամբողջական ոչնչացման իրական սպառնալիք կա. ԱՀ ԱԳՆ

Կառավարություն ներխուժած անձինք հափշտակել են նաև վարչապետի դիվանագիտական անձնագիրը. այն չեղարկվել է. «Արմենպրես»

Վարչապետ Նիկոլ Փաշինյանն ընդունել է «իԳործ» ծրագրի մասնակիցներին (լուսանկարներ)

Մանե Գեւորգյանը պատրաստվում է բողոքարկել Գագիկ Խաչատրյանի եւ նրա որդիների գործով դատարանի վճիռը

Իրանի հետ քննարկվում է Հյուսիս-հարավ միջազգային տրանսպորտային միջանցքի ձևավորման գործընթացը. ԱԳՆ

Բանակում գտնվող ուսանող զինծառայողները, եթե մասնակցել են մարտական գործողություններին, աջակցության ծրագրի շահառու են

Անպտղության բուժման արդյունքում լույս աշխարհ է եկել 49 երեխա․ ԱՆ

Վաղարշակ Հարությունյանը կարևորել է հայ-ռուսական ռազմական համագործակցության խորացման անհրաժեշտությունը (լուսանկարներ)

Արմեն Սարգսյանը շնորհավորել է Մարսելո Ռեբելո Դե Սոուսային՝ Պորտուգալիայի նախագահի պաշտոնում վերընտրվելու առթիվ

Երևանի շենքերից մեկի վրա նոր շինություն է խոյացել․ թաղապետարանը ապամոնտաժելու մասին հայտնեց, բայց լուսամուտ էլ հայտնվեց

Քանի դեռ քրեական գործը չի հանգուցալուծվել, մենք չենք կարող որեւէ դիտարկում անել․ նախարարը՝ Ամուլսարի խնդրի մասին

Արցախին հումանիտար օգնության որոշակի հատված կտրամադրվի Ռուս-հայկական մարդասիրական արձագանքման կենտրոնի միջոցով

Հրետանավորներն գործնական պարապմունք են անցկացրել

Խոսրովի արգելոցում մի քանի երթուղիներով արշավային տուրիզմի ծրագրեր են մշակվել․ նախարար