Չինաստանի մի խումբ հայեր բաց նամակ-խնդրագրով դիմում են ՀՀ արտաքին գործերի եւ առողջապահության նախարարներին

Չինաստանի մի խումբ հայեր բաց նամակ-խնդրագրով դիմում են ՀՀ արտաքին գործեր Զոհրաբ Մնացականյանին եւ առողջապահության նախարար Արսեն Թորոսյանին՝ հույս ունենալով անհրաժեշտ աջակցություն ստանալ նոր կորոնավիրուսի տարածման ու ստեղծված խուճապային իրավիճակի պայմաններում:

 

Հարգելի պարոն Մնացականյան եւ Թորոսյան,

Ներկայումս Չինաստանի Ժողովրդական Հանրապետությունում գտնվող հայերի անունից ցանկանում ենք ներկայացնել մեզ հուզող խնդիրները՝ հնարավորության սահմաններում ակնկալելով պետական աջակցություն։ Վստահ չենք, թե այս պահին քանի հայ է գտնվում Չինաստանում (դա հեշտությամբ կարելի է ճշտել Չինաստանում ՀՀ դեսպանատնից)։ Այստեղի հայերը տարբեր առցանց խմբերում և սոցիալական հարթակներում մշտապես շփման մեջ են գտնվում միմյանց հետ և կիսվում են իրենց հուզող հարցերով։ Հաշվի առնելով միայն այս պահին այստեղ՝ Չինաստանում գտնվող հայերի կարծիքներն ու մտավախությունները՝ ներկայացնում ենք մեր խնդրանքն ու ակնկալիքները․

1. Այստեղ գտնվող հայերի մի խումբ ցանկանում է վերադառնալ Հայաստան, բայց, քանի որ զգալիորեն կրճատվել է Չինաստանից թռիչքներ սպասարկող ավիաընկերությունների թիվը, այս խմբում ներառված հայերը խնդրում են ապահովել իրենց թռիչքը դեպի Հայաստան։ Մեկնողներն ունակ են իրենք հոգալու իրենց թռիչքի ծախսերը, սակայն ցանկանում են վստահ լինել, որ որևէ երրորդ երկրով մեկնելիս խնդիրներ չեն առաջանա՝ տվյալ երկրի քաղաքացի չհանդիսանալու պատճառով։

2. Որոշ հայեր էլ ցանկանում են հնարավորինս շուտ լքել Չինաստանը՝ օր-օրի աճող խուճապի, ֆինանսական խնդիրների, ապրելու տեղ չտրամադրելու կամ այլ պատճառներով (որոշ գործատուներ շեշտել են, որ անորոշ ժամկետով դադարեցնում են աշխատանքը): Բնականաբար, այս խմբի հայերը ակնկալում և խնդրում են նաև տրամադրել ֆինանսական օգնություն՝ ավիատոմսեր ձեռք բերելու և ապահով ՀՀ հասնելու համար։

3. Չինաստանում գտնվող հայերի մի մասն էլ չի ցանկանում այս պահին վերադառնալ Հայաստան՝ գիտակցելով, որ առայժմ ՀՀ-ում հնարավորություն չկա կիրառելու ամենաանհրաժեշտ կանխարգելիչ միջոցները:

Ի հավելումն, ստորև ներկայացվող պահանջները բխում են վերը նշված խմբերի շահերից․

- Չինաստանից ՀՀ ժամանած քաղաքացիների անհրաժեշտ բուժզննում և առնվազն երկու շաբաթով նրանց մեկուսացում, նույնիսկ եթե վարակի նախանշաններ առկա չեն։

- Հայաստանում անհրաժեշտ բուժզննման, հսկողության, ուշադրության, զգուշավորության ցուցաբերում, որի ամենօրյա ականատեսն ենք Չինաստանում։ Չնայած մեր բնակավայրերը որոշ առումներով հեռու են հիվանդության բուն օջախ հանդիսացող արգելափակված Հուբեյ նահանգի Ուհան քաղաքից, և մենք առավելագույնս հետևում ենք սանիտարահիգիենիկ կանոններին, այնուամենայնիվ, գիտակցում ենք, որ վատագույն դեպքում այստեղ հնարավոր է ստանալ պատշաճ բուժօգնություն։ Հետևաբար, խնդրում և ակնկալում ենք Հայաստանում ևս տրամադրել համապատասխան օգնություն։

Առայժմ Չինաստանում մնալ ցանկացող հայերը մտահոգ են նաև, թե Չինաստանի՝ միջազգային մակարդակով արգելափակվելու պարագայում ՀՀ-ի կողմից ինչ միջոցներ ձեռք կառնվեն այստեղ գտնվող քաղաքացիներին տարհանելու ուղղությամբ։

Հ․Գ․ Վստահ ենք, որ ստեղծված իրավիճակում շատ ավելի արդյունավետ և օգտակար կլիներ, եթե Չինաստանում ՀՀ դեսպանատունը պատշաճ ուշադրություն և տեղեկատվություն տրամադրեր րոպե առ րոպե փոփոխվող իրավիճակի և դրանից բխող հետևանքների վերաբերյալ։

Կից ներկայացնում ենք այս խնդրագրի տակ ստորագրած անձանց ցանկը։

Ռուզաննա Ավետիսյան

Էմմանուել Ալեքսանյան

Նազարեթ Երամյան

Էմմա Ասլանյան

Սաթինե Թադևոսյան

Ալիխանյան Էլինա

Ռուզան Տեր-Խաչատրյան

Ալմիրա Նիկողոսյան

Աննա Բաղդասարյան

Տաթևիկ Գրիգորյան

Քրիստինե Բաղդասարյան

Տաթևիկ Եղիազարյան

Հարութ Հովսեփյան

Գայանե Սահրադյան

Մարիամ Բարսեղյան

Լիանա Հարությունյան

Լիլիթ Գրիգորյան

Մերուժան Այրանջյան

Տաթևիկ Սահակյան

Նելլի Զաքարյան

Մոնիկա Ստեփանյան

Գայանե Սարգսյան

Տաթև Միքայելյան

Լուսինե Խլոյան

Լիլիթ Պետրոսյան

Հայկ Արզիկյան

Սաթենիկ Մալխասյան

Անի Մկրտչյան

Լիլիթ Դովլաթյան

Անահիտ Ստեփանյան

Լուսինե Ավետիսյան

Մելինե Հայրապետյան

Ասյա Խալաթյան

Շառլ Ժակոբ Գասապյան

Քրիստինա Խաչատուրովա

Լիլիթ Չատինյան

Նելլի Մաթևոսյան

Տպել
1922 դիտում

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է

Գյումրեցիները Շիրակ գյուղից գողացած անասունը վաճառել են Արմավիրի մարզում

Ոսկեւանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան

Շուրջ 250 մարդ դուրս է եկել մեկուսացումից

Վրաստանում պարետային ժամ և կարանտին է սահմանվում երկրի ողջ տարածքում. 21:00-ից հետո դուրս գալ արգելվում է

Պարետը 6 ժամով 5 տնտեսվարողի գործունեությունն արգելելու որոշում է կայացրել

Ucom-ը դարձնում է հեռավար ուսուցումը հասանելի բոլորի համար

Գնդակը նախ դիպել է պատին, այնուհետեւ՝ երեխային․ Տավուշի մարզպետը՝ ոսկեւանցի երեխայի մասին

ՀՀ տարածքում ավտոճանապարհները հիմնականում անցանելի են. ԱԻՆ

Ադրբեջանական կողմը ձեռնարկել է դիվերսիոն ներթափանցման փորձ. թեթեւ վիրավորում է ստացել երկու զինծառայող

Անցկացվել է ցուցադրական մարտավարական զորավարժություն . ՊՆ

Ուսուցիչների եւ աշակերտների համար համակարգչային սարքերի հավաքագրմանը միացել են ե՛ւ անհատներ, ե՛ւ կազմակերպություններ

ԿԲ նախագահի պաշտոնում «Իմ քայլը» խմբակցությունն առաջադրել է Մարտին Գալստյանի թեկնածությունը․ Մանուկյան