Եվրամիությունը քննադատության է ենթարկել Մերձավոր Արեւելքի մասին Թրամփի նախագիծը

Եվրամիության արտաքին գործերի եւ անվտանգության քաղաքականության գերագույն ներկայացուցիչ Ժոզեպ Բորելը քննադատել է պաղեստինաիսրայելական հակամարտության լուծմանն ուղղված ԱՄՆ-ի նախագահ Դոնալդ Թրամփի առաջարկած  ծրագիրը: 

Բրյուսելը հավատարիմ է «2 պետությունների այն սահմաններին, որոնք հստակեցվել են 1967 թվականին եւ կարող են փոփոխվել միայն փոխհամաձայնեցված ձեւով,  տարածքների հնարավոր համարժեք փոխանակման տարբերակով», - ասվում է Բորելի հայտարարության մեջ, որը հրապարակվել է երեքշաբթի, փետրվարի 4-ին: Պաղեստինա-իսրայելական սահմանների մասին Վաշինգտոնի նախաձեռնությունը շեղվում է միջազգայնորեն համաձայնեցված պայմանավորվածություններից, ասվում է փաստաթղթում:

ԵՄ դիվանագիտության ղեկավարը շեշտել է, որ երկու կողմերի համար ուղիղ բանակցությունները անհրաժեշտւթյուն են՝ «արդար և հարատեւ խաղաղություն» հաստատելու համար»: Նրա խոսքով, միայն այս ձեւով կարելի է լուծել սահմանների, Երուսաղեմի կարգավիճակի, անվտանգության եւ փախստականների հետ կապված հարցերը:

Եվրամիությունը կոչ է արել հակամարտության կողմերին զերծ մնալ միակողմանի կայացված որոշումներից, որոնք կարող են հակասել միջազգային իրավունքի նորմերին եւ  էլ ավելի սրել լարվածությունը:

Մասնավորապես, Բրյուսելը անհանգստացած է Հորդանանի հովտի եւ Արեւմտյան ափի մասերի հնարավոր բռնակցման վերաբերյալ Իսրայելի հայտարարություններով: Ժոզեպ Բորելը հավելել է, որ ԵՄ-ն կշարունակի «աջակցել բոլոր այն ջանքերին, որոնք ուղղված են միջազգային գործընթացը վերակենդանացնելուն»:

Հունվարի 28-ին Սպիտակ տանը տեղի ունեցած միջոցառման ժամանակ, որին ներկա էեղել նաեւ Իսրայելի վարչապետ Բենյամին Նեթանյահուն, ԱՄՆ նախագահ Դոնալդ Թրամփը հրապարակել է պաղեստինաիսրայելական հակամարտության կարգավորման իր պլանը: Թրամփը ներկայացրել է նաեւ ապագա Պաղեստին պետության քարտեզը:

Նախագծի համաձայն՝ Երուսաղեմը լինելու է Իսրայելի անբաժան մայրաքաղաքը, իսկ Իսրայելի ինքնիշխանությունը տարածվելու է Հորդանան գետի արեւելյան ափի մի մասի նկատմամբ: Թրամփը միաժամանակ Պաղեստինին առաջարկել է սեփական մայրաքաղաքն ունենալ Արեւելյան Երուսաղեմում, որտեղ ԱՄՆ-ը «հպարտորեն» դեսպանատուն կբացի: Բացի այդ, ԱՄՆ նախագահը խոստացել է, որ համաձայնության դեպքում Պաղեստինում 50 մլրդ դոլարի ներդրումներ կանի:

Իսրայելի վարչապետ Բենյամին Նեթանյահուն առաջարկն անվանել է «իրատեսական տարբերակ» ՝ տարածաշրջանում երկարաժամկետ խաղաղության հասնելու համար:  Մինչդեռ Պաղեստինի ազգային ինքնավարության ղեկավար Մահմուդ Աբբասը եւ արմատական իսլամիստական «Համմաս» շարժման քաղաքական բյուրոյի ղեկավար Իսմայիլ Հանիան վճռականորեն մերժել են Սպիտակ տան ղեկավարի պլանը:

ԱՄՆ-ի նախագահի գաղափարին ՄԱԿ-ը բավական զուսպ արձագանք է տվել:

Թուրքիայի ԱԳՆ-ն Թրամփի ծրագիրը «բռնակցման պլան» եւ  «Պաղեստինի տարածքների գրավման փորձ» է որակել:

Գերմանիայի արտաքին գործերի նախարար Հեյկո Մաասը հատուկ ընդգծել է կարեւորությունը՝ ստուգելու, թե ինչպես է Ամերիկայի նախագահի առաջարկը համատեղելի միջազգային նորմերի եւ իրավական հիմքերի հետ:

Նշենք, որ պաղեստինաիսրայելական հակամարտության «բանալի» համարվող Թրամփի այս նախագիծը եւ քարտեզը 3 տարի մշակել է Թրամփի փեսա ու խորհրդական Ջերարդ Քուշները:

Հիշեցնենք, Թրամփի նախագիծը հրապարակվել է Սպիտակ տան պաշտոնական կայքում: 180 Էջից բաղկացած փաստաթուղթը 2 մասից է՝ տնտեսական եւ քաղաքական: Տնտեսական մասերը հրապարակվել են դեռ անցյալ տարվա ամռանը, իսկ քաղաքական բաղադրիչի մանրամասնությունների վերաբերյալ հայտնի Է դարձել միայն այժմ:

Պլանի հիմքում ընկած Է 2 պետությունների փոխադարձ ճանաչումը: Պաղեստինի տարածքը, որը բաղկացած Է Գազայի հատվածից եւ Հորդանան գետի արեւմտյան ափից, առաջարկվում Է անխզելիորեն կապել արագընթաց տրանսպորտային հաղորդակցությամբ. այդ կերպ, Թրամփի խոսքով՝ արաբական պետության տարածքը պետք Է կրկնակի մեծանա:

Բացի այս, ԱՄՆ-ը  մտադիր Է օրինական ճանաչել հրեական բնակավայրերը Հորդանան գետի արեւմտյան ափի օկուպացված պաղեստինյան հողերում:

Փաստաթղթում հատուկ ուշադրություն Է դարձվում Երուսաղեմի կարգավիճակին. Վաշինգտոնն առաջարկում Է արաբական պետության մայրաքաղաք ճանաչել Արեւելյան Երուսաղեմը, եւ միաժամանակ Իսրայելի «անբաժանելի մայրաքաղաք» համարել ամբողջ Երուսաղեմը:

ԱՄՆ-ի նախագահը որպես հաշտության գործընթացի պայմաններ Է նշել այն, որ Պաղեստինի իշխանությունների կհրաժարվեն Գազայում գործող «Համմաս» արմատական շարժման աջակցությունից, ինչպես նաեւ զինված պայքարի մեթոդներից:

Տպել
484 դիտում

«Գյումրի» ԲԿ-ի 29 աշխատակիցներ մեկուսացված են, կորոնավիրուսով հիվանդ որսորդի հետ շփված մարալիկցիները՝ ևս

Արցախում կառավարությունն ամրագրել է հյուրանոցային ավելի քան 80 համարներ, առանձնացվել են մեկուսացման տարածքներ

Վարակի տարածման ինտենսիվության գործակիցը գնահատված մոտ 2 արժեքից հաջողվել է նվազեցնել մինչև 1.4-ի

Չունեմ կորոնավիրուսային հիվանդություն, հիվանդանոցում կամ հյուրանոցում չեմ բնակվում. փոխնախարարի պարզաբանումը

Նոր Նորքի բազմաբնակարանները երեկվանից ախտահանվում են նոր, ավելի արդյունավետ սարքերով

Կոչ եմ անում չմասնակցել ընտրությունների երկրորդ փուլի քվեարկությանը․ Մասիս Մայիլյան

Ստեփանակերտի համեմատաբար խոշոր առևտրային սրահների տարածքներն ու մարդաշատ վայրերը ախտահանվել են

Տնտեսական բլոկի եւ կենտրոնական բանկի մասնագետների հետ քննարկում՝ վարչապետի գլխավորությամբ

Արցախ ներկրված նոր տեխնիկան ժամանակավորապես փոխանցվել է ՊԲ-ին՝ լրացուցիչ ախտահանման համար

Փլուզվել է ջրամբարի արտաքին պատը

Կորոնավիրուսի տարածման 7-օրյա կրկնապատկման տեմպը պահպանվում է. Արսեն Թորոսյան

Միասին ընթերցում ենք «Փոքրիկ իշխանը», Օր 2.ԿԳՄՍ նախարարն ուղիղ եթերում է

Քաղաքական խաղերի ժամանակը չէ

Թուրքիայի ԶՈՒ-ն 4 քուրդ զինյալի է սպանել Սիրիայի հյուսիս-արևելքում

Առողջապահության նախարարն այցելել է կորոնավիրուսի բուժմամբ զբաղվող բժշկական կազմակերպություններ

Վեհափառ Հայրապետն աղոթել է մխիթարության եւ բժշկության համար. դուրս է բերվել Աստվածամուխ Սուրբ Գեղարդը

Վրաերթ Արարատի մարզում․ 30 գառ տեղում սատկել է

Առաջիկա օրերին սպասվում է ձյան եւ անձրեւի տեսքով տեղումներ. կցրտի մինչեւ 10-12 աստիճանով

AC19 հավելվածն այլևս չի գործելու․ տվյալների բազաները տեղափոխվել են Covid-19 Armenia հավելված․ ՀՀ պարետ

Ուկրաինայի հայերը ֆինանսավորել են վիրուսաբանության լաբորատորիայի վերակառուցումը