Գագիկ Խաչատրյանի կողմից պետությանը հասցված ենթադրյալ վնասի չափը հասնում է մի քանի միլիարդ դրամի. պաշտպան

Վերաքննիչ քրեական դատարանը, դատավոր Սերգեյ Մարաբյանի նախագահությամբ, այսօր հեռացավ խորհրդակցական սենյակ՝ ՊԵԿ նախկին նախագահ Գագիկ Խաչատրյանի խափանման միջոցի վերաբերյալ որոշում կայացնելու:

Այն կհրապարակվի փետրվարի 6-ին՝ ժ. 11:00-ին:

Խաչատրյանի պաշտպանները, հիշեցնենք, բողոքարկել են նրա նկատմամբ ընտրված խափանման միջոց կալանավորման ժամկետը երկրորդ անգամ երկարաձգելու որոշումը:

Այսօրվա նիստից հետո Խաչատրյանի պաշտպան Երեմ Սարգսյանը լրագրողների հետ զրույցում ասաց, որ իրենց բողոքում մատնանշել են մի քանի խնդիր: Առաջին խնդիրն այն է, որ պետական իրավասու մարմինների կողմից խախտվում է անձի Եվրոպական կոնվենցիայի 3-րդ հոդվածով սահմանված իրավունքը. «Խոսքը վատ վերաբերմունքի մասին է, ինչը պետությունը որեւէ մեկի նկատմամբ դրսեւորելու իրավունք չունի»: Հաջորդ խդիրը, ըստ պաշտպանի, հիմնավոր կասկածի բացակայությունն է. «Գտնում ենք, որ առաջադրված մեղադրանքները հիմնավոր կասկածի շեմը չեն հաղթահարել, այսինքն՝ ներկայացված ապացույցները չեն հիմնավորում, թե առկա է ներկայացված հանցագործության հիմնավոր կասկածը»: Երրորդ խնդիրն էլ վերաբերում է կալանավորման հիմքերի բացակայությանը. «Արդեն 6 ամիս է՝ Գագիկ Խաչատրյանը կալանքի տակ է, նախաքննական մարմինը միշտ նույն հիմնավորումն է բերում՝ ասելով,  թե Գագիկ Խաչատրյանը, մնալով ազատության մեջ, կարող է թաքնվել վարույթն իրականացնող մարմնից, կարող է խոչընդոտել գործի քննությանը։ Բայց դրա համար չկան բավարար ապացույցեր, այլ կա ճիշտ հակառակը. Գագիկ Խաչատրյանը, ազատության մեջ լինելով, մշտապես պատշաճ վարքագիծ է դրսևորել»:

Պաշտպանի խոսքով՝ 2015 թվականից սկսած՝ Գագիկ Խաչատրյանը պարբերաբար բուժման մեջ է գտնվել Գերմանիայում և վիրահատությունների է ենթարկվել, իսկ 2018 թվականին, երբ ողնաշարի վիրահատությունից հետո պետք է վերականգնողական պարտադիր բուժում ստանար, ընդամենը մեկ զանգով ընդհատել է բուժումը՝ պայմանով, որ հետագայում կվերադառնա. «Հարուցվել է քրեական գործ, նա եկել ու ներկայացել է վարույթն իրականանցնող մարմին»,-նկատեց Երեմ Սարգսյանը։  Վերջինիս խոսքով՝ նախաքնական մարմինը պնդում է, թե Գագիկ Խաչատրյանը կարող է խոչընդոտել, քանի որ այս գործով հարցաքննվում են նրա մտերիմները, ծանոթները, նախկին աշխատակիցները. «Երբ փետրվար ամսից նրանք հարցաքննվում էին, երբեւէ խոչընդոտե՞լ է, չկա նման փաստ, այսինքն՝ այդ պնդումները բացարձակ անհիմն ու դատարկ են»:

Երեմ Սարգսյանը տեղեկացրեց, որ Գագիկ Խաչատրյանի մեղադրանքը մի քանի դրվագով ավելացվել է, եւ հասցված վնասի չափն այժմ հասնում է մի քանի միլիարդ դրամի. «Իմանալով նրա առողջական ծանր վիճակի մասին՝ արտերկրում բնակվող հարազատները եւ ընկերները պատրաստակամություն են հայտնել այդ ենթադրյալ վնասի գումարի չափը փոխանցել դատարանի դեպոզիտ հաշվին, միայն թե անձը հայտնվի ազատության մեջ եւ բուժում ստանա, մինչեւ օբյեկտիվ կքննվի եւ գործի ընթացքը պարզ կդառնա»: Հարցին՝ առաջադրված մեղադրանքի որեւէ դրվագ Գագիկ Խաչատրյանը ընդունել է թե ոչ, պաշտպանը բացասական պատասխան տվեց. «Մեղադրանքի որեւէ դրվագ չի ընդունել, բայց հարազատները նման պատրաստակամություն են հայտել, որպեսզի պետությանը եւս մեկ անգամ հստակ լինի, որ քննությունից խուսափելու որեւէ միտում չկա»: Երեմ Սարգսյանը հայտնեց, որ միաժամանակ խնդրել են դատարանին թույլատրելի համար գրավի կիրառելիությունը:

Սարգսյանը հայտնեց նաեւ, որ իր պաշտպանյալը հորդորել է մանրամասնել չհայտնել առողջական խնդրի վերաբերյալ, սակայն այդ խնդիրն այնպիսին է, որ դրա պայմաններում նրան երկարատեւ կալանքի տակ պահելն արդեն խոշտանգման տարրեր է պարունակում:

Գագիկ Խաչատրյանը կալանավորված է 2019 թվականի օգոստոսի 30-ից: Նա մեղադրվում է պաշտոնեական դիրքի չարաշահման եւ առանձնապես խոշոր չափով վատնում կատարելու համար: Քրեական գործը վերաբերում է Գագիկ Խաչատրյանի պաշտոնավարման ժամանակաշրջանում կատարված ենթադրյալ հանցագործության դեպքերին:

Տպել
3321 դիտում

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ

Անցկացվել են հրետանավորների գործնական պարապմունքներ․ ՊՆ

Մահակով եւ հակագազով ցուցմունք կորզելու գործով տուժողն առերեսվել է երկու մեղադրյալների հետ

Արցախում մարտին թանկացել են բժշկական դիմակը, ալյուրը, հավի ձուն, սոխը, կիտրոնն ու այլ ապրանքներ

ՊԵԿ-ը շարունակում է խրախուսել հարկերը պարտաճանաչ վճարող տնտեսվարողներին․ 4 տնտեսվարողի հավաստագիր է ուղարկվել փոստով

Ապրիլյան ագրեսիան ամրապնդել է Արցախի ժողովրդի և իշխանությունների՝ պետականության զարգացումը շարունակելու վճռականությունը

Գյումրիի խանութնրից մեկում հայտնաբերվել եւ ոչնչացվել են ժամկետանց վաֆլիներ․ ՍԱՏՄ

Օտարերկրացիների՝ Վրաստան մուտքն արգելող որոշումը շարունակում է ուժի մեջ մնալ

Ոստիկանության Դիլիջանի ու Վարդենիսի բաժիններում քաղաքացիներն ապօրինի հրազեններ են հանձնել

Խոնարհվեցի հայրենիքի պաշտպանության ժամանակ ընկած հերոսների շիրիմների առջեւ․ Արարատ Միրզոյան