Թրամփի փաստաբանները կարծում են՝ Զելենսկին ունեցել է հանդիպում ԱՄՆ-ի նախագահի հետ, նորի կարիքը չկա

ԱՄՆ-ի նախագահ Դոնալդ Թրամփի փաստաբանները գտնում են, որ Ուկրաինայի նախագահ Վլադիմիր Զելենսկին արդեն ունեցել է ուկրաինա-ամերիկյան հարցերի քննարկման համար իր ամերիկացի գործընկերոջ հետ հանդիպումեւ լրացուցիչ հանդիպման կարիք, առայժմ չկա:

Այս մասին գրում է New York Times-ը՝ նշելով, որ ԱՄՆ-ի նախագահի փաստաբաններից Մայքլ Փուրփուրան մատնացույց է արել, որ մի շարք երկրների ղեկավարների՝ ՄԱԿ-ի Գլխավոր ասամբլեայի նիստի շրջանանկերում սեպտեմբերի 25-ին  Նյու-Յորքում կայացած հանդիպման շրջանակներում տեղի ունեցած առանձնազրույցը կարելի է համարել որպես Զելենսկիի եւ Թրամփի հանդիպում:

Փուրփուրան ցիտել է ամերիկյան ազգային անվտանգության խորհրդի նախկին պաշտոնյա Ֆիոնա Հիլլի խոսքերը այն մասին, որ պարտադիր չէ Վլադիմիր Զելենսկիի եւ Դոնալդ Թրամփի հանդիպումը կայանա Օվալաձեւ աշխատասենյակում: Հիլլին, սակայն, նաեւ հավելել էր, որ ամեն օտարերկրյա ղեկավար էլ ձգտում է, որ նախագահ Թրամփը իրեն հրավիրի Օվալաձեւ աշխատասենյակ ու տարբեր երկրների ղեկավարների ամենեւին էլ չի գոհացնում այսպես կոչված  «ձեւական» հանդիպումները այլ միջոցառումների շրջանակներում, ինչպիսիք է 2019-ի սեպտեմբերին կայացած ՄԱԿ-ի գագաթնաժողովը:

Նշենք, որ 2019-ի սեպտեմբերին հենց հայտնի դարձավ Դոնալդ Թրամփի իմփիչմենտի գործի մասին: Ամեն ինչ սկսվել էր հուլիսին, Թրամփի՝ Ուկրաինայի նորընտիր նախագահ Վլադիմիր Զելենսկիին արված  հեռախոսազանգից հետո, երբ Զելենսկին, իր կամքից անկախ, մեծ քաղաքական գործընթացի  (իմփիչմենտի) կենտրոնում հայտնվեց :

Այդ զրույցի գլխավոր թեման  ուկրաինական Burisma ընկերության նկատմամբ սկսված քննությունն է եղել, որի հետ կապ է ունեցել Հանթեր Բայդենը՝ հաջորդ ընտրություններում Դոնալդ Թրամփի ամենահավանական հակառակորդ Ջո Բայդենի որդին: Թրամփը հեռախոսազրույցի ընթացքում խնդրել էր դատախազության հետ միասին կրկին նայել Բայդենի որդու նկատմամբ սկսված գործի քննությունը, որը, ԱՄՆ-ի նախագահի խոսքերով, Բայդենի միջնորդությամբ ընդհատվել էր կամ փակվել:

2 երկրների նախագահների հեռախոսազրույցն ու Թրամփի խնդրանքը հնարավոր չեղավ գաղտնի պահել, ակդ մասին իմացան դեմոկրատներն ու բարձրացած աղմուկից հետո սկանդալային հեռախոսազրույցի ձայնագրությունը հրապարակվեց՝ բաց լինելով բոլոր ցանկացողների համար, սակայն այդժամ էլ սկսեցին պտտվել կասկածներ այն մասին, որ հրամցվել է մոնտաժված ձայնագրություն, փոխվել է տեքստ կամ ձայն: 

Այժմ Ուկրաինայի եւ ԱՄՆ-ի միջեւ մի շարք հարցեր են մնում՝ սկանդալային ձայնագրությունը, կասեցված ամերիկյան ռազմական օգնությունը Ուկրաինային,  օլիգարխ Կոլոմայսկու բիզնեսների ու հաշիվների սառեցման, օֆշորային հաշիվների գործը եւ այլն:

Այս եւ որոշ այլ հարցերի պարզաբանման համար հունվարի 30-ին Ուկրաինայի նախագահի հետ հանդիպում է ունենալու ԱՄՆ-ի Պետքարտուղար Մայք Փոմփեոն: Հանդիպման մասին հայտարարել է Միացյալ Նահանգների Պետքարտուղարությունը:

Նշվում է, որ բացի նախագահ Զելենսկիից, Փոմփեոն Կիեւում հանդիպումներ է ունենալու նաեւ Ուկրաինայի ԱԳ նախարար Վադիմ Պրիստայկոյի եւ Պաշտպանության նախարար Անդրեյ Զագորոդնյուկի հետ: Փետրվարի 1-ին Փոմփեոն կավարտի Ուկրաինա կատարած այցն ու կմեկնի Բելառուս:

Տպել
633 դիտում

Չգնահատված հանճարներն ու սադրիչները երկրորդ ճակատ են բացել իշխանության դեմ. Լեւոն Տեր-Պետրոսյան

56 նոր պլանշետ է տրամադրվել Լոռու մարզին հեռավար դասապրոցեսն անխափան իրականացնելու նպատակով

Լրատվական կայքերում վիճակաղերի գովազդն իրականացնել 21։00-ից մինչեւ 06։00-ն․ ֆինանսների նախարարության նախագիծը

Աշխարհում մնացել է 18 պետություն, որտեղ պաշտոնապես չի գրանցվել կորոնավիրուսի որեւէ դեպք

Գեղարքունիքի մարզի որոշ համայնքների աղբավայրերում կատարվում են հողածածկման աշխատանքներ

56 համակարգչային տեխնիկա է հատկացվել Արմավիրի սոցիալապես խոցելի խմբերում գտնվող ընտանիքների երեխաներին

Կրակային պատրաստության պարապմունքներ են անցկացվել. ՊՆ

Առաջարկվում է մի շարք գետերում արգելել փոքր հիդրոէլեկտրոկայաններ կառուցել

Հայաստանում հնարավոր է մեկ-երկու շաբաթում տասնյակ հազարավոր թեստեր արտադրել․ Արսեն Առաքելյան

Րոպեներ առաջ ՀՀ է ժամանել ՌԴ զինված ուժերի մասնագետների թիմը. Շուշան Ստեփանյան

Մոսկվա-Երեւան երկու թռիչքով Հայաստան են վերադարձել 400-ից ավելի ՀՀ քաղաքացիներ. ԱԳՆ

Արմեն Սարգսյանը կորոնավիրուսով վարակված Մեծ Բրիտանիայի վարչապետ Բորիս Ջոնսոնին մաղթել է շուտափույթ ապաքինում

Հայաստանում ԵԽ այլ երկրների համեմատ նկատվել է ազատազրկման մակարդակի ամենամեծ նվազումը՝ 36%. Ռուստամ Բադասյան

Որոշ խախտումներ արձանագրվել են, մեր թիմը եւս դժգոհություն է ունեցել. Ա. Հարությունյանը՝ ԱՀ-ում ընտրական իրավիճակի մասին

Արցախի ԿԸՀ-ն բաշխել է պատգամավորական մանդատները եւ նախագահական ընտրությունների 2-րդ փուլի օր նշանակել

Անցկացվել են մարտավարական-մասնագիտական վարժանքներ. ՊՆ

Մխիթարյանի նախկին թիմն ամենաշատ գումար կորցրած ֆուտբոլային թիմը կլինի Անգլիայում

Անդրեա Բոչելին Զատիկի օրը համերգ կտա Միլանի դատարկ տաճարում` ուղիղ հեռարձակմամբ

Արցախում արհեստական կամ սպեկուլյատիվ գնաճ չկա. պետնախարար

Երկրպագուները Քիմ Քարդաշյանին խիստ մեղադրել են նոր օծանելիքի վաճառք սկսելու համար. նրան անզգամ են համարում