«Էդ շոուի մեջ մենք չկանք». Մարուքյանին հորդորեցին նախորդ խորհրդարանի գործընկերների հետ սուրճ խմել, ինչից նա վրդովվեց

Ազգային ժողովում այսօր 39 կողմ, 20 դեմ եւ 0 ձեռնպահ ձայներով մերժվեց Երեւանի քաղաքապետարանին արված նվիրատվությունների հարցով ԱԺ քննիչ հանձնաժողով ստեղծելու «Լուսավոր Հայաստանի» առաջարկը:

Որոշումից հետո «Լուսավոր Հայաստան» խմբակցության ղեկավար Էդմոն Մարուքյանը հայտարարեց. «Սա վատ նախադեպ է, նման նախադեպ չի եղել նույնիսկ նախորդ խորհրդարաններում, որ ընդդիմության սահմանադրական լիազորությունները նման ձեւով, նման ճանապարհով տապալվեն: Սա քաղաքական լուրջ հետեւանքներ է ունենալու»:

ԼՀԿ-ից Անի Սամսոնյանն էլ նկատեց. «Երեկ մենք մեր փաստարկներով այնքան ջախջախեցինք ձեր ելույթները, եւ բերված փաստարկներն առ այն, որ այս քննիչ հանձնաժողովի ստեղծումը հակասահմանադրական է, որ դուք հասկացաք՝ դեմ քվեարկելը խնդիրներ է ստեղծելու ձեզ համար: Բայց եթե այդքան համոզված էիք, որ դա հակասահմանադրական է, դուք, որպես իշխող խմբակցություն, հակասահմանադրական երեւույթներին դեմ քվեարկեիք, բայց դուք, ինչպես երեկ նշեց ձեր կարկառուն  ներկայացուցիչներից Հայկ Կոնջորյանը, դուք վախենում եք, որ մենք քննարկենք այս հարցը»:

ԱԺ նախագահ Արարատ Միրզոյանը բացատրեց, որ խորհրդարանը Սահմանադրությամբ այդպիսի հանձնաժողով ստեղծելու իրավասություն չունի. «Բարեբախտաբար, ՀՀ-ում աբսոլյուտ իշխանությամբ որեւէ սահմանադրական մարմին օժտված չի, այդ թվում՝ խորհրդարանը: Մեզնից յուրաքանչյուրը՝ ե՛ւ գործադիրը, ե՛ւ օրենսդիրը, ե՛ւ ՏԻՄ-ը, պետք է գործեն բացառապես այն լիազորությունների շրջանակներում, որոնք նրանց վերապահված են Սահմանադրությամբ եւ օրենքներով»:

«Իմ քայլը» խմբակցությունից Ռուբեն Ռուբինյանն անդրադարձավ Մարուքյանի՝ նախորդ խորհրդարանների հետ արած համեմատությանը. «Ես կոչ եմ անում մի քիչ կոռեկտ արտահայտվել, եւ եթե կարոտում եք նախորդ խորհրդարաններին, կարող եք գնալ, նախորդ խորհրդարանի ձեր գործընկերների հետ սուրճ խմել: Հաշտվեք այն մտքի հետ, որ նոր խորհրդարանում եք»,- ասաց Ռուբինյանը: Նրա խոսքից բորբոքված՝ Մարուքյանը սուրճի թեմայով ինչ-որ բաներ էր ասում, սակայն նրա խոսքը լսելի չէր:

Մարուքյանին արձագանքեց նաեւ «Իմ քայլը» խմբակցության ղեկավար Լիլիթ Մակունցը. «Էստեղ շոուները հասկանալի է՝ ինչ միտում են հետապնդում, եւ պարոն Մարուքյանի շեշտադրումներն էլ շատ հասկանալի են, բայց պետք է հաշտվել այն մտքի հետ, որ գերական ՀՀ օրենքներն են եւ Սահմանադրությունը, եւ բոլորս, անխտիր բոլորս, այդ օրենքների առջեւ հավասար ենք»,- ասաց նա:

Համազասպ Դանիելյանն էլ նկատեց. «Մենք ունենք իրավիճակ, երբ մի ամբողջ խմբակցություն ավագանիում երկար ժամանակ քչփորում էր աղբամանները, էդ աղբամանները քչփորելուց հետո հիմա քչփորում է աղբատար մեքենաները, երբ որ ակնհայտ ֆիասկոյի ենթարկվեց, եւ հանրությունը պարսավեց այդ գործունեությունը, անգամ քաղաքականապես հետ կանգնեցին էդ գործունեությունից, հիմա նույն օրակարգը բերել են Ազգային ժողով: Ձեր որոշելիքն է եւ ձեր քաղաքական պատասխանատվության տիրույթում է, մենք ընդամենը ասում ենք՝ էդ շոուում մենք չկանք»:

Հիշեցնենք, որ քննիչ հանձնաժողով ստեղծելու հարցն ԱԺ-ում քննարկվել էր նաեւ երեկ, իսկ այսօր Երեւանի ավագանու «Իմ քայլը» խմբակցությունը հայտարարություն էր տարածել՝ մանրամասնելով, թե ինչու է հակասահմանադրական Երեւանի ավագանու իրավասության մեջ մտնող հարցով ԱԺ-ում հանձնաժողով ստեղծելը: 

Տպել
1021 դիտում

Դատարկ մետրո, սուպերմարկետներ, ժամանցի վայրեր. ի՞նչ է պատմում հայազգի Մերին Միլանի մասին՝ կորոնավիրուսը տարածվելուց հետո

«Թաքնվելու տեղ չկա». անկում են ապրում ընկերությունների և նավթի գները, կորոնավիրուսի ազդեցությունը երկարաժամկետ է լինելու

Երգեցին քիչ, պարեցին կարճատեւ. Գյումրու Վարդանանց հրապարակի շատրվանները կրկին կհիմնանորոգվեն, բայց եռապատիկ թանկ

Փարիզում այրվում է Լիոնի կայարանը. Կոնգոյի ակտիվիստները կասկածվում են կայարանում կրակ բացելու մեջ. BBC

ՊՎԾ-ն Մանկավարժական համալսարանում գնումների գործընթացում 315 մլն. դրամի խախտումներ է արձանագրել

Վարչական տույժ է կիրառվել «Վոլտեն Արմ» ՍՊԸ-ի նկատմամբ

Բնապահպանության եւ ընդերքի տեսչական մարմնի թեժ գծին 2019 թվականին 119 ահազանգ է ստացվել

Կոտայքի մարզպետարանում ԿԳՄՍ նախարարության նախաձեռնությամբ տեղի է ունեցել քննարկում-իրազեկում

Կոթի գյուղի ուղղությամբ հակառակորդը կրակոցներ է արձակել

Մեզ տալիս են շորեր ու կոշիկներ, որոնցից հոտ է գալիս, հիմա էլ տեսախցիկներ են տեղադրել. հերթական բողոքը Օպերային թատրոնում

Ներսես Աշտարակեցու 250-ամյակի առթիվ Ամենայն Հայոց Կաթողիկոսի ծննդավայրում տեղի է ունեցել գիտաժողով

Աշտարակի քրեական հետախույզները ապօրինի թմրաշրջանառության դեպք են բացահայտել. բերման է ենթարկվել Արթիկի երկու բնակիչ

Մեծ Բրիտանիան ՄԱԿ-ի անվտանգության խորհրդի նիստ է հրավիրել՝ Իդլիբի իրավիճակով պայմանավորված

Հանրաքվեի պատշաճ նախապատրաստման եւ անցկացման համար ոստիկանությունում ստեղծվել է օպերատիվ շտաբ

Գուցե «առանձին կենտրոն մնալու» մոտիվի տակ ոչ թե մասնագիտական խիստ դիրքորոշումն է, այլ հենց նեղ անձնային շահը. Թորոսյան

Պուտինն ու Էրդողանը Իդլիբի հարցով կհանդիպեն մարտի 5-ին կամ 6-ին

Սպանության փորձի մեղադրանքով հետախուզվողը վնասազերծվել է. բերման ենթարկելու ընթացքում նա կրակոցներ է արձակել (տեսանյութ)

Թեհրանից ժամանեց հերթական և կարծես թե այս պահին վերջին ինքնաթիռը՝ մեր 82 քաղաքացիներով. Արսեն Թորոսյան

Արդարադատության փոխնախարարն ընդունել է Ժողովրդավարությունների համայնքի բարձրաստիճան պատվիրակությանը

200 միլիոն դոլարի ներդրումների պատմություն. ինչո՞ւ չի կարողանում 4-րդ օպերատորը դաշտ մտնել