Արմեն Գեւորգյանի պաշտպանները բոյկոտեցին դատական նիստը, իսկ Խաչատուրովի պաշտպանի նկատմամբ սանկցիա կիրառվեց

Մարտի 1-ի գործով առանցքային ամբաստանյալների՝ Ռոբերտ Քոչարյանի, Յուրի Խաչատուրովի, Արմեն Գեւորգյանի պաշտպանները նոր պաշտպանական մարտավարություն են ընտրել. այժմ էլ նրանք հերթով բոյկոտում են դատական նիստերը՝ այդկերպ բողոքելով դատարանի գործողությունների դեմ:

Եթե նախորդ նիստին Յուրի Խաչատուրովի պաշտպան Միհրան Պողոսյանը ի նշան բողոքի դատարան չէր ներկայացել, ապա այսօրվա նիստին ակցիան շարունակեցին Արմեն Գեւորգյանի եւ Ռոբերտ Քոչարյանի պաշտպաները: «Թող հարգելի պաշտպանները հարգեն Մարտի 1-ը,  ու չփորձեն այլ երեւույթներ պատկերացնել, թե չէ իրենք էլ կհայտնվեն մեր օրին»: Տուժողի իրավահաջորդ Էդիկ Հարությունյանի նախորդ նիստերից մեկում արված հենց այս հայտարարությունը պատճառ դարձավ պաշտպանների բողոքի. նրանք պնդում են, որ այն սպառնալիք է՝ ուղղված պաշտպանական կողմին:

Նախկին փոխվարչապետի պաշտպաններ Էրիկ Ալեքսանյանն ու Վարդգես Գեւորգյանը այսօր դատարան դիմում էին ուղարկել՝ նշելով, որ քրեական գործով դատական քննության ժամանակ պաշտպանական կողմի նկատմամբ դատավարության մասնակիցների, մասնավորապես տուժողների կողմից մշտապես դրսեւորվել է անհարգալից վերաբերմունք, բազմիցս հնչել են վիրավորական արտահայտություններ, սակայն դատարանը երբեւէ համարժեք միջոց չի ձեռնարկել նշված երեւույթները կանխելու համար:

«Ակնհայտ է, որ դատարանն ամեն կերպ փորձում է կոծկել տուժող կողմի ոչ իրավաչափ գործողությունները՝ դրանով կասկածի տակ դնելով իր անաչառությունը, ինչն առավելապես դրսեւորվում է նրանով, որ դատարանը հիշյալ երեւույթների առկայության դեպքում չի թույլատրում անգամ պաշտպանական կողմին հանդես գալ հայտարարություններով: Նման պայմաններում մենք հայտնվում ենք անհավասար պայմաններում: Չենք կարողանում լիաժեք իրացնել մեր իրավունքներն ու պարտականությունները, որոնցից մեկն է նաեւ մեղադրյալին կամ ամբաստանյալին պատշաճ իրավաբանական օգնություն ցույց տալը»,- մասնավրապես նշել են պաշտանները եւ հույս հայտնել, որ հաջորդ դատական նիստին  դատարանը կապահովի դատական քննության բնականոն ընթացքը:

Դատարան մեկ այլ դիմում էլ ուղարկվել էր Ռոբերտ Քոչարյանի պաշտպանների՝ Ռուբեն Սահակյանի, Հայկ Ալումյանի, Հովհաննես Խուդոյանի, Արամ Վարդևանյանի եւ Արամ Օրբելյանի կողմից: Դիմումների բովանդակությունը, դատարանը սակայն ամբողջութամբ չհրապակեց: Քոչարյանի պաշտպաններն էլ նշել էին, որ մինչեւ այսօր դատարանի թողտվությամբ շարունակվում են փաստաբանների մասնագիտական գործունեությանը խոչընդոտելու դեպքերը, ըստ պաշտպանների՝ դատարանի դահլիճում եւ շենքից դուրս պաշտպանների նկատմամբ հնչեցվում է ատելության խոսք, սպառնալիքներ եւ վիրավորանքներ, որոնց ՀՀ-ն՝ ի դեմս ոստիկանության,  դատական կարգադրիչների եւ դատարանի չի արձագանքում կամ արձագանքման իմիտացիա է ստեղծում:

Դիմումների վերաբերյալ դատավարության մասնակիցներին տեղեկացնելուց հետո դատավորը դիմեց Արմեն Գեւրոգյանին եւ Ռոբերտ Քոչարյանին՝ հետաքրքվելով թե արդյոք հնարավորություն ունեն այս դատական նիստին ապահովել այլ պաշտպանների ներկայությունը, ինչին երկու ամբաստանյալներն էլ բացասական պատասխան տվեցին:

Այնուհետեւ դատավոր Աննա Դանիբեկյանը անդրադարձավ Խաչատուրովի պաշտպան Միհրան Պողոսյանի վարքագծին: Նա նախորդ նիստին բոյկոտել էր դատական նիստը, ինչից հետո մեղադրող դատախազները միջնորդել էին սանկցիա կիրառել նրա նկատմամբ: Մինչ միջնորդության քննությունը, դատավորը խնդրեց տուժողի իրավահաջորդ Էդիկ Հարությունյանիցնպարզաբանել, թե ի՞նչ էր նշանակում «Թող հարգեն Մարտի 1-ը չփորձեն այլ  երեւույթներ պատկերացնել, թե չէ մեր օրը կընկնեն» արտահայտությունը: Դատարանի գործողությունների դեմ փորձեց առարկել Միհրան Պողոսյանը, սակայն դատավորը չթույլատրեց: Ի պատասխան դատավորի հարցի, Հարությունյանն ասաց. «Հարգելի՛ դատարան, ես սպառնալիք չեմ հնչեցրել, այլ ասել եմ, որ եթե փորձում են մեզ վիրավորել՝ կընկնեն մեր օրին, այսինքն՝ մենք էլ կարող ենք վիրավորել, ուրիշ ոչինչ: Եթե իրենք գտնում են, որ դա սպառնալիք է, ապա իրենց խնդիրն է, ես սպառնալիք չեմ հնչեցրել»: Այնուհետեւ դատարանը պարզաբանեց, որ եթե պաշտպանական կողմը գտնում է, որ այդ արտահայտությունները իր մեջ պարունակում են քրեական օրենքով չթույլատրված արարքի հատկանիշներ, ապա հնարավորություն ունի դիմելու համապատասխան մարմիններին:

Միհրան Պողոսյանը կրկին առարկեց դատարանի գործողությունների դեմ: Նա նշեց, որ նախորդ դատական նիստի ընթացքում իր նկատմամբ դատական սանկցիա կիրառելու միջնորդությունը ներկայացրել է մեղադրանքի կողմը, եւ այս պահին դատավորը միջնորդությանն անդրադառնում է Ռոբերտ Քոչարյանի եւ Արմեն Գեւորգյանի պաշտպանների բացակայությամբ: Ըստ Միհրան Պողոսյանի՝ դատավորի գործողությունները միտված են մեղադրանքի կողմի պահանջներին տուրք տալուն:

«Ես Ձեզ հորդորում եմ վերադառնալ Քրեական դատավարության օրենսգրքի դաշտ, միջնորդությունները քննարկել օրենքով սահմանված կարգով, հակառակ պարագայում հնարավոր է՝ տուժողի իրավահաջորդի դատավարական կարգավիճակ ունենաք»,- ասաց Միհրան Պողոսյանը: Մեղադրող  դատախազ Պետրոս Պետրոսյանն էլ նկատեց, որ նախորդ դատական նիստին Միհրան Պողոսյանը չի ներկայացել՝ հայտարարելով, որ դատավարության մասնակիցների կողմից որոշակի հայտարարություններ կատարելը իրեն զրկել է այդ նիստին մասնակցելու հնարավորությունից. այսօրվա նիստին որեւէ հանգամանք չի փոխվել, բայց ներկայացել է: Պետրոսյանը կարծիք հայտնեց, որ մյուս ամբաստանյալների պաշտպանները եւս նույն գործելաոճն են դրսեւորում: «Դատարանին խնդրում եմ այս դատական նիստում եւս արձանագրել մյուս փաստաբանների կողմից իրենց դատավարական պարտականությունները չարամտորեն չկատարելու հանգամանքը»,- հավելեց Պետրոսյանը:

Դատարանն արձանագրեց, որ պաշտպանը չարամտորեն չի կատարել իր դատավարական պարտականությունները եւ որոշեց նրա նկատմամբ կրառել դատական սանկցիա՝ նախազգուշացման տեսքով, ինչի մասին կտեղեկացվի ՀՀ փաստաբանների պալատին:

Պաշտպանների չներկայանալու պայմաններում այսօրվա դատական նիստը հետաձգվեց մինչեւ փետրվարի 4-ը: Նիստի ավարատից հետո մեղադրող դատախազ Պետրոս Պետրոսյանը նկատեց, որ պաշտպանական կողմը արհետականորեն ձգձգում է դատական նիստերը: Դատախազն ասաց, որ տուժողի իրավահաջորդի հայտարարությունը սպառնալիք չեն դիտարկել, այլապես կարող էին դատավարական գործընթաց նախաձեռնել:

Տպել
1668 դիտում

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները

Արագածոտնի նախկին մարզպետը մեղադրանքն անհիմն է որակում. նրան կալանավորելու միջնորդությունը կքննվի այսօր

Վարչապետի գլխավորությամբ քննարկվել է Տնտեսական արձագանքման ծրագրի նախագիծը

40-ամյա հետախուզվողը չի ենթարկվել ոստիկանների օրինական պահանջներին, կրակոցներ է արձակել. հարուցվել է քրեական գործ

Վարչապետ Նիկոլ Փաշինյանն ընդունել է Իրանի ԱԳ նախարար Մոհամմադ Ջավադ Զարիֆին (լուսանկարներ)

Որոշում է կայացվել քաղաքական նշանակում կատարել․ Սիմոնյանը՝ Մակունցի ԱՄՆ-ում հնարավոր նշանակման մասին

Ալեն Սիմոնյանը՝ վարչապետի դիվանագիտական անձնագիրը հափշտակելու մասին

Հայաստանի և Իրանի ԱԳ նախարարները մտահոգություն են հայտնել տարածաշրջանում ահաբեկիչների տեղակայման առնչությամբ

Ռուստամ Բադասյանը Բելառուսի դեսպանի հետ քննարկել է հակակոռուպցիոն պայքարին առնչվող մի շարք հարցեր

ՊԵԿ մաքսանենգության դեմ պայքարի վարչությունը համալրվել է գերժամանակակից սարքավորումներով

Ավելի հասցեական նպատակներ՝ կրթության ռազմավարության բարեփոխման մեջ. ԿԳՄՍ նախարարությունը ամփոփում է տարին

Հայկական կողմը պատրաստակամ է ԵԱՀԿ ՄԽ շրջանակում վերսկսել բանակցությունները․ Արարատ Միրզոյանն ընդունել է ՌԴ դեսպանին

«Թող փորձի»․ Ալեն Սիմոնյանը՝ Վազգեն Մանուկյանի շենքեր գրավելու հայտարարության մասին

94 տարեկանում մահացել է հայկական սպորտի մեծ երախտավոր Մնացական Հովհաննիսյանը

Հայաստանում սելեկտիվ աբորտների քանակը 2001-2002 թթ․ ամենաշատն էր, տարիներ անց զոհվեցին նաեւ այդ թվերին ծնված տղաները

Վազգեն Մանուկյանի հայտարարությունների մասին տեսանյութն ուղարկվել է ԱԱԾ՝ ընթացքը լուծելու համար. դատախազություն

Մանուկյանը փաստացի ասում է, որ պատերազմի ժամանակ զինվորականներին կոչ է արել իշխանությունը վերցնել իրենց ձեռքը․ Սիմոնյան

Հանրակրթական դպրոցների 1-7-րդ դասարանների աշակերտների համար անցկացվելու է «Սպորտլանդիա» մրցույթը

Ադրբեջանցիներին հայկական անձնագիր տալու որևէ դեպք առկա չէ. փոխոստիկանապետ

Այս տարվա ընթացքում լինելու են ուսուցիչների պարտադիր վերապատրաստումներ. Արտաշես Թորոսյան

Այսօր զենք-զինամթերքի վնասազերծում է նախատեսված Մարտունիում, Ստեփանակերտի օդանավակայանի մոտ

Գանձասարի Սբ. Հովհաննես Մկրտիչ եկեղեցում հոգեհանգստյան կարգ է կատարվել ի հիշատակ 44-օրյա պատերազմի նահատակների