Անահիտ Բախշյանը միջնորդել է «Հոկտեմբերի 27-ի» անջատված գործը փոխանցել ՀՔԾ-ին եւ քննչական խումբ ստեղծել

«Հոկտեմբերի 27»-ի գործով տուժողի իրավահաջորդ Անահիտ Բախշյանը երեկ միջնորդություն է ներկայացրել Գլխավոր դատախազին՝ Հոկտեմբերի 27-ի վերաբերյալ անջատված մասով գործը այլ քննչական ենթակայության հանձնելու եւ քննչական խումբ ստեղծելու վերաբերյալ:

Այս մասին «Հայկական ժամանակ»-ի հարցին ի պատասխան՝ տեղեկացրեց Անահիտ Բախշյանի ներկայացուցիչ, փաստաբան Զարուհի Մեջլումյանը:

«Միջնորդել ենք, որպեսզի Քրեական դատավարության օրենսգրքի 190-րդ հոդվածի հիմքով՝ փոխվի գործի քննչական ենթակայությունը՝ ԱԱԾ-ից ՀՔԾ-ին, նշել ենք իրավանորմերը, ինչպես նաեւ՝ գործում առկա փաստական հանգամանքները, որոնց այժմ անդրադառնալ չեմ կարող՝ նախաքննությունից ելնելով»:

Նշենք, որ Քրեական դատավարության օրենսգրքի 190-րդ հոդվածն սահմանում է, որ անհրաժեշտության դեպքում ՀՀ գլխավոր դատախազը կարող է քննչական այլ մարմինների քննիչների վարույթից վերցնել և Հատուկ քննչական ծառայության քննիչների վարույթին հանձնել քրեական գործը, եթե դրա փաստական հանգամանքներով պայմանավորված՝ առկա է բազմակողմանի, լրիվ և օբյեկտիվ քննությունը երաշխավորելու անհրաժեշտություն:

Ինչ վերաբերում է քննչական խումբ ստեղծելուն, Մեջլումյանի խոսքով, դա եւս սահմանված է Քրեական դատավարության օրենսգրքով: Մասնավորապես, 194-րդ հոդվածով ասվում է, որ գործի բարդության կամ նրա ծավալի մեծ լինելու դեպքում նախաքննության կատարումը կարող է հանձնարարվել մի քանի քննիչի. «Տիկին Բախշյանն ուղիղ նշել է, որ այդ խմբում լինեն ազնիվ եւ պրոֆեսիոնալ քննիչներ, այդ թվում՝ հնարավոր է ներգրավել նաեւ ԱԱԾ քննիչների, բայց նշել ենք, որ բուն քննչական ենթակայությունը լինի ՀՔԾ-ում: Գործը, իրոք, բարդ է եւ պահանջում է լուրջ, մանրակրկիտ աշխատանք, որպեսզի ապահովվի հենց Քրեական դատավարության՝ լրիվ, օբյեկտիվ, բազմակողմանի քննության պահանջը»:

Զարուհի Մեջլումյանը նշեց, որ մինչ միջնորդության ներկայացնելը, իրենց մասնակցությամբ ԱԱԾ-ում որեւէ գործողություն չի իրականացվել, ընդամենը գործը դեկտեմբերի 27-ին վարույթ է ընդունվել, եւ որոշումը տրամադրվել է Անահիտ Բախշյանին:

Հարցին՝ ի՞նչ դիրքորոշում ունեն Նաիրի Հունանյանի կողմից վերաբացված գործով նախաքննությանը մասնակցելու պատրաստակամությանը, ինչի վերաբերյալ Հունանյանը հայտնել է վարչապետին հասցեագրած իր նամակում, փաստաբանը պատասխանեց. «Ես դեռեւս չեմ ընթերցել եւ տիկին Բախշյանի հետ չեմ խորհրդակցել, հետեւաբար չեմ կարող այդ մասով որեւէ մեկնաբանություն տալ»:

Անահիտ Բախշյանը դեկտեմբերի 18-ին դիմել էր Գլխավոր դատախազություն՝ պահանջելով վերացնել «Հոկտեմբերի 27»-ի գործից անջատված մասի կարճման որոշումն ու սկսել նոր քննություն։ Անջատված այդ մասը վերաբերում է Հոկտեմբերի 27-ի ահաբեկչության կազմակերպիչներին եւ հովանավորներին: Այս գործի վարույթը կարճվել էր 2004 թ. նոյեմբերի 11-ին՝ նախաքննությունն իրականացնող քննիչի որոշմամբ: Նախաքննական մարմինը հանցակիցների դրվագով արձանագրել էր հանցագործության դեպքի բացակայություն, երկու անձանց կողմից ապօրինի կերպով զենք ու զինամթերք ձեռք բերելու և գործածելու դրվագով՝ ապացույցների անբավարարություն, հանցագործության նախապատրաստական փուլում և կատարմանն անմիջապես նախորդող պահին այն կանխելու հնարավորություն ու պարտականություն ունեցած այլ պաշտոնատար անձանց կողմից անփութություն դրսևորելու դրվագով՝ հանցակազմի բացակայություն: Դեկտեմբերի 26-ին հայտնել էինք, որ գործի նախաքննությունը հանձնարարվել էր ԱԱԾ-ին, ինչից հետո Բախշյանը լրատվամիջոցների հետ զրույցում ասել էր, որ դեմ է այդ որոշմանը, քանի որ չի վստահում ԱԱԾ-ին՝ համարելով այն Հոկտեմբերի 27-ին մասնակից կառույց:

 

Տպել
1185 դիտում

Պրոֆեսիոնալ ռեկետ է․ Արթուր Մեսչյանը՝ շինթույլտվություններից դժգոհ բնակիչների բողոքների մասին

Հայտնաբերվել է մոտ 130 000 «ապագայի» ձու եւ 54 000 հատ՝ ժամկետանց

Յուրա Մովսիսյանը շուրջ 1.5 տարի է՝ թիմ չունի

Տղամարդն ընկերոջը թմրանյութ է հյուրասիրել. հանգամանքները պարզվում են (տեսանյութ)

Ռուստամ Բադասյանն ու Դեբորա Գրիզերը քննարկել են հակակոռուպցիոն պայքարում համագործակցությունը զարգացնելու ուղղությունները

Վարչապետ Նիկոլ Փաշինյանի գլխավորությամբ այսօր քննարկվել է ՀՀ հարկային բարեփոխումների հայեցակարգը (լուսանկարներ)

«Այո»-ն շտաբներ կունենա բոլոր մարզերում ու քաղաքներում. միջոցառումների ժամանակացույցը կհրապարակվի Պապիկյանի ասուլիսում

Քրեական հեղինակություն Նորատուսցի Ալիկն ու նրան ուղեկցող 6 անձ բերման են ենթարկվել

Ուրվականի փոխարեն ի՞նչ է արձանագրել դպրոցի տեսախցիկն իրականում. տնօրենը պարզաբանում է

Դիզվառելիքի գործով Բարսեղ Բեգլարյանն ու Սերգո Կարապետյանը առերեսվել են

Զինված ուժերում 2019 թվականի հունիսից մինչեւ օրս կանխվել է ինքնասպանության 8 դեպք․ Արտակ Դավթյան

Նոր Նորքում ապօրինի թմրաշրջանառության շղթա է բացահայտել․ 4 անձ ձերբակալվել է, այդ թվում՝ անչափահաս (տեսանյութ)

Ազգային ժողովը 2020-ին 552 ժամանակակից համակարգիչ ձեռք կբերի

Սովորական հեռախոսը կամ ինչ-որ մեկի երեխա լինելը բանակում կարող է դառնալ անհավասարություն. Անդրանիկ Քոչարյան

Վարդագույն քաղաք Երեւան. հայկական մշակույթը, հիանալի խոհանոցն ու պատմությունը. «Ryanair»-ի հոդվածը

Չեմ պատրաստվում հրաժարական տալ․ ՀՀ ԶՈՒ ԳՇ պետ Արտակ Դավթյան

Յուրաքանչյուր հաճախորդից 1000 դրամ՝ հյուրանոցի աշխատակցին. պոռնկությամբ զբաղվելու դեպք է բացահայտվել (տեսանյութ)

Զինված ուժերում մեկնարկել է նոր ուսումնական տարին

«Կոշ» քրեակատարողական հիմնարկի բնակելի գոտի է նետվել կպչուն ժապավենով պարուրված թմրանյութի փաթեթ

Առաջարկվում է 4000-ից ավելի ընտրող ունեցող համայնքներում համայնքի ղեկավարին անվստահություն հայտնելու ինստիտուտ ներդնել