Նախկին փոխնախարար Արսեն Դավթյանի պաշտպանը միջնորդեց անորոշ ժամանակով հետաձգել դատական նիստը

Երեւանի ընդհանուր իրավասության դատարանի Շենգավիթի նստավայրում կաշառք ստանալու մեջ մեղադրվող նախկին փոխնախարար Արսեն Դավթյանի պաշտպան Երեմ Դավթյանը միջնորդեց անորոշ ժամանակով հետաձգել դատական նիստը:

Պաշտպանն իր այս միջնորդությունը պատճառաբանեց՝ ասելով, որ իրենք բողոքարկել են քրեական գործով օպերատիվ-հետախուզական միջոցառում՝ «Ներքին դիտում» կատարելու մասին որոշումը, բողոքը Վերաքննիչ դատարանում քննվել է, ապա դատական նիստերը հետաձգվել են, քանի որ «Ներքին դիտման» իրավաչափության հարցով մեկ այլ գործով դատարանը դիմած է եղել Սահմանադրական դատարան. ««Ներքին դիտումը» կարեւորագույն ապացույց է, որի իրավաչափության հարցը չիմանալով՝ չենք կարող շարունակել այս գործով նիստը: Միջնորդում ենք նիստերը հետաձգել այնքան ժամանակ, մինչեւ ՍԴ-ն դիրքորոշում արտահայտի, Վերաքննիչ դատարանն էլ դրա հիման վրա որոշում կայացնի»: Պաշտպանը հայտնեց նաեւ, որ Վերաքննիչ դատարանը դիմել է նախաքննական մարմնին՝ «Ներքին դիտման» վերաբերյալ տեղեկությունները տրամադրելու համար, ինչը, սակայն, չի արվել:

Ռազմիկ Աբրահամյանի պաշտպան Սամվել Դիլբանդյանը հայտարարեց, որ միջնորդության վերաբերյալ իրենք բացասական դիրքորոշում ունեն. «Մենք չենք կիսում միջնորդությունը, քանի որ կարծում ենք, որ Վերաքննիչ դատարանի ՍԴ դիմելն այս գործի հետ առնչություն չունի, եւ յուրաքանչյուր անձ ունի արդար եւ ողջամիտ դատաքննության իրավունք»: Դիլբանդյանի խոսքով՝ նման հիմքով դատական նիստը հետաձգելու ընթացակարգ օրենքը չի նախատեսում:

Մեղադրող դատախազ Արթուր Մանուկյանն առարկեց միջնորդության դեմ եւ խնդրեց մերժել այն՝ անհիմն լինելու պատճառաբանությամբ: Դատախազի խոսքով՝ Վերաքննիչ դատարանը սպասում է ՍԴ-ի որոշմանը, որը ոչ թե վերաբերելու է վիճարկվող որոշման իրավաչափությանը, այլ Վերաքննիչ դատարանում օպերատիվ-հետախուզական տվյալների քննարկման կարգին:

Արթուր Մանուկյանը շեշտեց՝ նախաքննական մարմինը ոչ թե իր կամայական ցանկությամբ չի ներկայացրել այդ տվյալները, այլ պահանջող կողմը դրան հասանելիություն չի ունեցել. «Այսինքն՝ միջնորդությունը մեր ապացույցի հետ կապված ուղղակի առնչություն չունի, ՍԴ-ի որոշումից մեր այս ապացույցի օրինաչափ լինել-չլինելը չի բխելու»:

Արսեն Դավթյանի պաշտպան Երեմ Դավթյանը պնդեց իր միջնորդությունը՝ նշելով, որ այս պարագայում դատարանները զրկված են տեղեկանալու՝ արդյոք մինչ ներքին դիտում իրականացնելը Արսեն Դավթյանը կասկածվե՞լ է ծանր կամ առանձնապես ծանր հանցագործության մեջ, թե՞ ոչ:

Լսելով կողմերին՝ նախագահող դատավոր Արտուշ Գաբրիելյանը որոշեց մերժել միջնորդությունը: Նա պարզաբանեց, որ այս պահին չունեն Վերաքննիչ դատարանի կողմից օրինական ուժի մեջ մտած դատական ակտ. «Ինչ վերաբերում է նրան, որ այս ապացույցը կարող է հետագայում անթույլատրելի ճանաչվել, դատաքննության ցանկացած պահին ապացույցների անթույլատրելիության հետ կապված որոշում չի կարող կայացվել, դրանք անթույլատրելի ճանաչվում են բոլոր ապացույցների համակցությամբ, այն էլ՝ խորհրդակցական սենյակում, հետեւաբար, եթե այս հարցի հետ կապված որոշակի հետեւություններ արվեն, դուք զրկված չեք այն հետագայում վիճարկելուց»:

Միջնորդության մերժումից հետո դատարանը շարունակում է ներքին դիտմամբ ստացված տվյալների ուսումնասիրությունը: Այս պահին հետազոտվում են օպերատիվ միջոցառումների արդյունքում արված տեսանկարահանումները, որոնց ձայնը դատարանում բավարար լսելի չէ:

 

Տպել
853 դիտում

Հոկտեմբերի 21-ի ժամը 15․00-ի դրությամբ հայտնաբերվել է արգելված հրապարակումների 124 դեպք. ոստիկանություն

Ամենայն հայոց կաթողիկոսը հանդիպում է ունեցել Արցախի նախկին նախագահների հետ

Ձեռքբերված համաձայնությունները մնում են թղթի վրա Ադրբեջանի ուխտադրուժ կեցվածքի հետևանքով. Զոհրաբ Մնացականյան

2020թ. սեպտեմբերին գրանցվել է աշխատատատեղերի ամենաբարձր ցուցանիշը. ՊԵԿ

«Ինձ բան չի եղել, մի քիչ ասկոլկաներս էին հնացել, թարմացրի». Սասուն Միքայելյանին այսօր կրկին վիրահատել են

6 ամսով կարգելվի թուրքական ծագման ապրանքների ներմուծումը ՀՀ․ Կառավարությունն ընդունեց որոշումը

ԼՂ հարցն այս փուլում չունի դիվանագիտական լուծում. վարչապետը ՏԻՄ ղեկավարներին կոչ է անում ձեւավորել կամավորական ջոկատներ

Արցախի նախագահի հրամանագրով Մենուա Հովհաննիսյանը հետմահու արժանացել է «Արցախի հերոս» բարձրագույն կոչման

Ադրբեջանական վայրագությունները ուղեկցվում են մշակութային արժեքների դեմ հարձակումներով․ ԱՀ ՄԻՊ-ի արտահերթ զեկույցը

Կորոնավիրուսային արգելք. հայ ձյուդոիստները բաց կթողնեն «Մեծ սաղավարտի» կարևոր մրցաշարը

Պաշտպանության բանակը հրապարակել է ադրբեջանական ագրեսիան հետ մղելու ընթացքում զոհված եւս 62 զինծառայողի անուն

Ահաբեկիչ վարձկաններ են տեղափոխվել տարածաշրջան. ցավոք, տարածաշրջանի երկրները բավարար չափով չեն արձագանքում. վարչապետ

Լավրովը Հայաստանի եւ Ադրբեջանի ԱԳ նախարարի հետ առանձին քննարկել է կրակի դադարեցման հետ կապված անհետաձգելի հարցեր

Հանդիպել են Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի նախկին նախագահները

Խոցվել է ադրբեջանական եւս 2 ԱԹՍ, 4 զրահատեխնիկա. թշնամու կորուստները՝ ամփոփ

Հոկտեմբերի 22-ին Փաշինյան-Ալիև հանդիպում նախատեսված չէ

«Թուրքիան փուչիկ է՝ տեռորով ու ագրեսիայով լի, պայթեցրեք այն»․ նոր նախաձեռնություն սոցցանցերում

Ռազմարդյունաբերական կոմիտեն այս օրերին աշխատում է 24/7 ռեժիմով. նախարարն այցելել է ընկերություններ

Ամեն կառույցի թեկուզ մեկ րոպե լռությունը հերթական զոհն է սահմանին․ ակցիա՝ ՀՀ-ում Իտալիայի դեսպանատան մոտ

Հայրենիքի պաշտպանները. նոր լուսանկարներ առաջնագծից