Ծննդօգնության ծառայություններ Մարալիկում և Եղվարդում գուցե մատուցվեն. հնարավոր է՝ բուժկենտրոններին ժամանակ տրվի

Քննարկվում է Մարալիկի և Եղվարդի բժշկական հաստատություններից մանկաբարձագինեկոլոգիական ծառայությունների պետական գնումը չկասեցնելու հարցը. հնարավոր է բաժանմունքներն աշխատեն ևս մի քանի ամիս՝ փորձելով ոչ միայն վերազինվել սարքավորումներով, ընդունել անհրաժեշտ մասնագետների, այլև՝ ավելացնել ընդունած ծնունդների թիվը. այս մասին այսօր լրագրողների հետ հանդիպմանն ասաց Առողջապահության նախարար Արսեն Թորոսյանը: 

Նախարարը հավաստեց, որ բողոքի ակցիաները այս որոշման վրա որևէ ազդեցություն չեն գործել: Իրենք ուղղակի դիտարկել են, որ այս երկու բուժկենտրոններում ընդունված ծնունդների թիվը քիչ է տարբերվում որպես նշաձող սահմանված 150-ից. 102 է Մարալիկի դեպքում և 136՝ Եղվարդի: Սակայն, Թորոսյանի խոսքով, առաջնային կարևորություն ունի մատուցված ծառայության որակը. եթե այս բուժկենտրոններում ծառայության որակը հեռու լինի սահմանված նվազագույնի նշաձողից՝ բուժկենտրոնը չունենա նեոնատոլոգ, անեստեզիոլոգ, ինտենսիվ թերապիայի պալատ, ապա դրանցից պետությունն այս ծառայությունը չի գնի, բնակիչները «քանի ճանապարհ էլ, որ փակեն»:

Նախարարը հավաստեց, որ անգործ չի մնա նաև բուժանձնակազմը: «Աչաջուրի տնօրենը նաև  մանկաբարձն է, գինեկոլոգը, ամեն ինչն է էնտեղի՝ «չետիրի վ ադնոմ», նա հաստատ անգործ չի մնա: Մանկաբարձների համար էլ կարելի է բուժքույրական ծանրաբեռնվածություն ապահովել: Մենք պատրաստ ենք թե՛ բուժհաստատությունների տնօրենների և թե՛ մարզային իշխանությունների հետ քննարկել: Բայց որևէ մեկի զբաղվածությունն ապահովելու հարցը չի կարող հակակշռել կյանք փրկելու սկզբունքին: Մեզ համար թանկ են բոլոր աշխատողները, և դրանով է պայմանավորված մեր քաղաքականության այն հատվածը, որ ուղղված է նրանց աշխատանքային պայմանների բարելավմանը»,- ասաց նախարարը:

Այս պահին հանրապետությունում կա յոթ բուժհաստատություն, որ նախկինում մատուցել է մանկաբարձագինեկոլոգիական ծառայություններ, սակայն այս տարի նրանց հետ պայմանագիր չի կնքվել պայմաններին չհամապատասխանելու պատճառով: Նախարարի դիտարկմամբ՝ այս սկզբունքով պիտի դադարեն գնել նաև այլ ծառայություններ այն բուժհաստատություններից, որտեղ դրանց պահանջարկը մեծ չէ:

Թորոսյանը ներկայացրեց հաշվարկներ, թե նշված բուժկենտրոններում ծննդօգնության ծառայության կասեցումից հետո այդ բնակավայրի ծննդկաններից քանի րոպե կպահանջվի մոտակա բուժկենտրոն հասնելու համար: Հաշվարկները միջինում 30-40 րոպե էին: Սակայն մոտակա գյուղերի պարագայում այդ րոպեներին պիտի գումարվեն այն րոպեները, որ կպահանջվեին ենթադրաբար այդ գյուղերից մինչև նախկինում գործող բաժանմունքներ հասնելը: «Պատկերացնո՞ւմ եք, թե որքան բարդ է տեղափոխել կնոջը ծննդաբերության ընթացքում, երբ պարզվում է, որ ունի վիրահատության կարիք»,- ասաց նա:

Ըստ նախարարի՝ ի սկզբանե ավելի փոքր ռիսկի է ենթարկվում կինը այն բուժհաստատություններում, որտեղ նույն ծառայությունն ավելի շատերին է մատուցվում: «Ես չեմ ուզում նսեմացնել մեր մասնագետներից որևէ մեկին, բայց աքսիոմա է, որ եթե մենք ունենք վիրաբույժ, որ կատարում է ամսական հինգ վիրահատություն, և մեկ ուրիշը, որ կատարում է հիսուն վիրահատություն, հիսուն վիրահատություն անողն ավելի որակյալ ծառայություններ է մատուցում իր հմտություների, փորձի շնորհիվ»,- ասաց նա:

Նախարարը նշեց նաև, որ չորս բուժհաստատության նկատմամբ բացառություն է արվում և չի կիրառվում 150 ծննդի սանդղակը: Դրանք են Մեղրիի, Բերդի, Աշոցքի, Ճամբարակի բուժհաստատությունները, որ սպասարկում են դժվար հասանելի բնակավայրեր:

«Հայկական ժամանակ»-ի այն հարցին, թե արդյոք ավելի տրամաբանական չէր լինի համալրել շտապօգնության մեքենաների քանակը, ինչպես հիմա է նախատեսվում անել, նոր կասեցնել բաժանմունքների գործունեությունը, նախարարը պատասխանեց, որ եթե կարիք լինի, մեքենաներ կտրամադրվեն, քանի որ դրանք ռեզերվում կան: Այն հարցին, թե չկա՞ արդյոք մտավախություն, որ պետության կողմից չգնված ծառայությունները, բուժհաստատությունները ծննդկաններին կառաջարկեն որոշակի գնով և այդ ծառայությունների որակն արդեն պետության կողմից կլինի անվերահսկելի, նախարարը պատասխանեց. «Հավանականությունը մոտ է զրոյի, քանի որ բոլորը գիտեն, որ մանկաբարձագինեկոլոգիական ծառայությունները պետպատվերով են, և մեր կողմից վերահսկվելու են բուժհաստատությունների աշխատանքը, չենք թողնելու «նա սվաբոդնոմ պլավընիի». էնպես պիտի անենք, որ այդ հաստատություններում այդ ծառայությունները չմատուցվեն»:

«Հայկական ժամանակ»-ի հետ զրույցում առողջապահության նախարարության Մայրական եւ վերականգնողական առողջության պահպանման բաժնի պետ Գայանե Ավագյանը նշեց, որ Հայաստանում միջինը հղիների 30-40 տոկոսը բարձր ռիսկի խմբում են, ռիսկերն էլ ոչ միշտ են կանխատեսելի. «Օրինակ, արգանդի սերտաճումը կանխատեսելի չէ, միայն շատ բարձր կարգի էխոսկոպիկ հետազոտությունը կարող է ասել, էնտեղ կա սերտաճում, բժիշկներ, զգույշ եղեք, կարող է՝ պետք լինի արգանդի հեռացում: Եվ հենց այդպիսի պարագաներում է, որ հղին Երևանում կփրկվի, իսկ Մարալիկում չի փրկվի»:

Կարմեն Մարտիրոսյան

Տպել
878 դիտում

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է

Գյումրեցիները Շիրակ գյուղից գողացած անասունը վաճառել են Արմավիրի մարզում

Ոսկեւանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան

Շուրջ 250 մարդ դուրս է եկել մեկուսացումից

Վրաստանում պարետային ժամ և կարանտին է սահմանվում երկրի ողջ տարածքում. 21:00-ից հետո դուրս գալ արգելվում է

Պարետը 6 ժամով 5 տնտեսվարողի գործունեությունն արգելելու որոշում է կայացրել

Ucom-ը դարձնում է հեռավար ուսուցումը հասանելի բոլորի համար

Գնդակը նախ դիպել է պատին, այնուհետեւ՝ երեխային․ Տավուշի մարզպետը՝ ոսկեւանցի երեխայի մասին

ՀՀ տարածքում ավտոճանապարհները հիմնականում անցանելի են. ԱԻՆ

Ադրբեջանական կողմը ձեռնարկել է դիվերսիոն ներթափանցման փորձ. թեթեւ վիրավորում է ստացել երկու զինծառայող

Անցկացվել է ցուցադրական մարտավարական զորավարժություն . ՊՆ

Ուսուցիչների եւ աշակերտների համար համակարգչային սարքերի հավաքագրմանը միացել են ե՛ւ անհատներ, ե՛ւ կազմակերպություններ

ԿԲ նախագահի պաշտոնում «Իմ քայլը» խմբակցությունն առաջադրել է Մարտին Գալստյանի թեկնածությունը․ Մանուկյան