Որոնք են «Բարսայի» մարզչի հեռացման գլխավոր պատճառները. դրանք վաղուց են սկիզբ առել

Անցած գիշերվանից մարզական միջազգային պարբերականների գլխավոր թեման «Բարսելոնա» ֆուտբոլային ակումբում տեղի ունեցած մարզչական փոփոխությունն է: Իսպանիայի առաջնության 2019-20 մրցաշրջանի 20-րդ տուրի «Գրանադայի» դեմ տնային խաղում, որը կկայանա առաջիկա հանգստյան օրերին, գլխավոր մարզիչը կլինի ոչ թե Էռնեստո Վալվերդեն, այլ Կիկե Սետիենը: Այն, որ Վալվերդեի տեղը թիմում երերուն է, ակնհայտ էր վաղուց, ու դրա համար կան մի շարք պատճառներ, որոնց հետ Իսպանիայի, այսպես ասած, «բարսելոնամետ» պարբերականները համաձայն են:

Նրա նկատմամբ անվստահությունը սկիզբ է առել դեռ նախանցած մրցաշրջանում Չեմպիոնների լիգայում ճանապարհը «Ռոմային» զիջելուց հետո ու շարունակվել է անցած մրցաշրջանում նույն մրցաշարում «Լիվերպուլի» ձեռքով մրցաշարից դուրս մնալով: Դրանցից հետո ամեն ոչ դրական դրվագը պակասեցնում էր ակումբի ղեկավարների վստահությունը: Ընթացիկ մրցաշրջանի սկզբից արդեն խոսում էին, որ սա մասնագետի վերջին մրցաշրջանն է: Վերջերս ղեկավարությունը նույնիսկ սկսեց բացահայտորեն նրան փոխարինող փնտրել:

Ակումբում համարում են, որ Վալվերդեն ոչ կայուն մարզիչ է: Այս պահին «Բարսան» 40 միավորով առաջինն է Լա լիգայում (նույնքան միավոր ունեցող «Ռեալին» գերազանցում է լրացուցիչ ցուցանիշներով) ու շարունակում է հանդես գալ Չեմպիոններ լիգայում, սակայն չնայած սրան՝ ակումբի ղեկավարությանը դուր չի գալիս ցուցանիշների դինամիկան ու թիմի խաղի թողած տպավորությունը: Ակումբում մտավախություն ունեն, որ ընթացիկ մրցաշրջանի՝ դեկտեմբերին տեղի ունեցած առաջին Կլասիկոյում (0:0) ու օրերս կայացած Իսպանիայի Սուպերգավաթի՝ «Ատլետիկոյի» դեմ կիսաեզրափակչում (որում թիմը լքեց պայքարը), նկատված բացասական երեւույթները կարող են շարունակական լինել:

Ղեկավարներին դուր չի գալիս նաեւ, թե ինչպես է մասնագետը ղեկավարում հանդերձարանը: Նրանք կարծում են, որ նա չափից շատ ազատություն է տալիս խաղացողներին ու որոշում կայացնողներն իրականում հենց նրանք են: Հարցականի տակ են դնում նաեւ մարզչի մասնագիտական որակները: Նա անընդհատ փոփոխություններ է կատարում թիմի կազմում, որոնք ոչ միշտ են հասկանալի, պահանջում է խաղացողներ ու չի օգտագործում նրանց: Եթե որոշ ժամանակ առաջ նրա ռոտացիաները համարում են հիմնական կազմը գտնելու փորձեր, ապա հիմա դա դիտվում է որպես նախագիծ չունենալու նշան:

Ակումբում վախենում է, որ այս բոլոր խնդիրները կարող են հանգեցնել նրան, որ թիմն առանց որեւէ տիտղոսի մնա այս տարի: Հետեւաբար որոշում է կայացվել նախապես միջոցներ ձեռնարկել եւ չսպասել մինչեւ թիմը վերջնականապես ճգնաժամի մեջ կհայտնվի, որի բարդ կլինի դուրս գալը:

Ըստ «բարսելոնամետ» մամուլի՝ թիմի ներսում Վալվերդեի հեռացման վերաբերյալ կարծիքները կիսվում են: Սկզբում բոլորը մարզչի կողքին էին ու աջակցում էին նրան, սակայն հիմա ոմանք կարծում են, որ իրենց վրա մեծ ճնշում կա, որը նրա հեռանալով կնվազի:

Վերջին 17 տարվա մեջ սա առաջին դեպքն է, որ «Բարսելոնայում« մարզչին հեռացնում են մրցաշրջանի ընթացքում: Վալվերդեի ղեկավարությամբ «կապտանռնագույնները» 4 տիտղոս են նվաճել: 2 անգամ հաղթել են Լա լիգայում, 1-ական անգամ՝ Իսպանիայի գավաթում ու Սուպերգավաթում:

Կիկե Սետիեն

Նրան փոխարինած Կիկե Սետիենի հետ կնքած պայմանագիրը նախատեսված է մինչեւ 2022թ. հունիսի 30-ը: Նրա նախորդ թիմը «Բետիսն» է: 61-ամյա մասնագետը կարիերայի ընթացքում ոչ մի տիտղոս չի նվաճել: Ավելի վաղ խոսակցություններ կային, որ Վալվերդեի փոխարեն ղեկավարները թիմի ղեկին տեսնում են հոլանդացի Ռոնալդ Կումանին: Վերջերս շրջանառվում էր նաեւ թիմի լեգենդար խաղացող Չավիի անունը: Սետիենի նշանակումն էլ չի դադարեցներ այդ խոսակցությունները: Կարծիքներ կան, որ «Բարսան» կարող է ղեկավարել վերջերս «Թոթենհեմից» հեռացված Մաուրիսիո Պոչետինոն:

Տպել
816 դիտում

Առաջին Հանրապետության փորձը, ձեռքբերումները և ձախողումները մեզ դասեր են տալիս. Արմեն Սարգսյանի ուղերձը

Անկախությունն ու պետականությունը չեն ընծայվում. դրանց ձեռքբերման ճանապարհը դժվար և բարդ է եղել. ԲԴԽ նախագահի ուղերձը

Թուրքիայում հայկական եկեղեցու վրա հարձակում է եղել. անհայտ անձը պոկում ու նետում է խաչը. ահազանգում է Փայլանը

Վարչապետն ու ՀՀ բարձրաստիճան ղեկավարությունը, Արցախի նախագահը հարգանքի տուրք են մատուցում հուշահամալիրում (տեսանյութ)

«Կարմիր» կոչվող կամրջից 14-ամյա աղջիկ է նետվել. հոսպիտալացվել է «Սուրբ Աստվածամայր» ԲԿ

Հավատացած ենք՝ ունենալու ենք մեր երազանքների Հայաստանը. վարչապետը շնորհավորական ուղերձ է հղել Հանրապետության տոնի առթիվ

Հարավկովկասյան երկաթուղու աշխատակիցը զոհվել է դժբախտ պատահարի հետեւանքով. մանրամասները պարզվում են

Մենք ապրող ու հաղթող ժողովուրդ ենք. վարչապետ

Հայաստանը նշում է Առաջին Հանրապետության օրը

«Արմենիա» ավիաընկերությունը նախատեսում է իրականացնել հատուկ չվերթ Երևան-Լիոն-Երևան ուղղությամբ

Նորք-Մարաշ եւ Նուբարաշեն վարչական շրջաններում դիտարկված 36 տնտեսվարողից 21-ի մոտ ԱԱՏՄ-ն խախտումներ է արձանագրել

Երկրորդ զորամիավորումում հայտարարվել է ուսումնական տագնապ

Արտաքին տուրիզմի մասին խոսելը վաղ է, բայց ներքին տուրիզմի հնարավորությունների հետ պետք է հաշվի նստենք. Տիգրան Պետրոսյան

ՄԻԵԴ-ի վճիռը կարևոր նշանակություն կունենա էթնիկական ատելության հիմքով հանցագործությունների կանխման համար․ Արման Թաթոյան

Ճանապարհաշինություն, մշակույթի տան հիմնանորոգում ու ոչ միայն. Լոռիում եւս 10 սուբվենցիոն ծրագիր է հաստատվել

«Կացնով մարդասպանը», հունգարական անմեղությունն ու արդարությունը՝ 16 տարի անց. միջազգային անդրադարձը՝ ՄԻԵԴ վճռին

Ոստիկանները գրպանահատության հերթական դեպքն են բացահայտել. բերման է ենթարկվել 42-ամյա տղամարդ

Աշխարհը դարձավ անհոտ ու անհամ, աննկարագրելի թույլ էի․ պատմում է COVID-19-ը հաղթահարած լրագրողը

Հրազդանի ոստիկաններն ապօրինի թմրաշրջանառության դեպք են բացահայտել. բերման է ենթարկվել 58-ամյա տղամարդ (տեսանյութ)

Մեկնարկել է «Պատերազմի պայթյունավտանգ մնացորդների և Ականների ռիսկի կրթական ծրագիրը»