Ինչո՞ւ է լուծարվել ռադիոլոգիայի բաժանմունքի ղեկավարի հաստիքը. բժշկի ընդդիմադիր ձայնը լռեցնելո՞ւ, թե օբյեկտիվ պատճառներով

Երեկ մամուլում տարածվեց Երեւանի «Սուրբ Գրիգոր Լուսավորիչ» բժշկական կենտրոնի Ռադիոլոգիայի բաժանմունքի ղեկավար Արման Գրիգորյանի ֆեյսբուքյան գրառումը: Նա տեղեկացրել էր, որ սույն թվականի փետրվարի 18-ից այլեւս չպետք է աշխատի ԲԿ-ում, քանի որ կենտրոնի տնօրենների խորհուրդը որոշում է կայացրել լուծարել իր զբաղեցրած հաստիքը։ Այս մասին Գրիգորյանն իմացել էր դեռեւս 2019 թվականի դեկտեմբերի 18-ից:

Նա նշել էր, որ թեեւ որոշման տրամաբանությունն իր համար անհասկանալի ու անընդունելի էր, սակայն ոչ անսպասելի:

«Նոր ղեկավարության հետ համատեղ աշխատանքի ընթացքում ինձ բազում անգամ «հիշեցրել» են նախորդ տնօրենին պաշտպանելու փաստը (ինչի համար չեմ զղջում եւ կարծում եմ, որ ցանկացած բուժաշխատողի ոլորտային ներդրումը պետք է լինի գնահատված, ուստի նման երեւույթի ականատես լինելուն պես՝ պատրաստ եմ նույն քայլին)»,- գրել էր Գրիգորյանը՝ հավելելով, որ իրեն բազմիցս առաջարկել են գործարք, որ կրտսեր եղբոր «լռության» գնով պահպանի իր աշխատատեղը:

Կապ հաստատեցինք բաժանմունքի ղեկավարի հետ՝ փորձելով պարզել, թե ինչ գործարքի եւ հիշեցման մասին է խոսքը, սակայն վերջինս հրաժարվեց մեկնաբանություն տալ՝ նշելով, որ այն, ինչ կցանկանար ասել, նշված է գրառման մեջ, ինքը դեռեւս աշխատանքի մեջ է, եւ իր հիվանդները սպասում են:

Այս մասին հրաժարվեց մեկնաբանություն տալ նաեւ «Սուրբ Գրիգոր Լուսավորիչ» ԲԿ-ի մամուլի խոսնակ Ծովինար Խաչատրյանը: Նրա խոսքով՝ բոլոր նշված պնդումները միայն Գրիգորյանի պատկերացումներն են:

Ուսումնասիրելով համացանցում առկա նյութերը՝ պարզ դարձավ, որ Արման Գրիգորյանի եղբայրը բժիշկ, ուրոլոգ, առողջապահության կազմակերպիչ Գեւորգ Գրիգորյանն է, որն աչքի է ընկնում Առողջապահության նախարար Արսեն Թորոսյանի դեմ ուղղված ընդդիմախոսություններով:

Վերջինս երեկ «Ֆեյսբուք» սոցիալական ցանցի իր էջում նշել է, որ եղբորն ազատել են՝ իրեն լռեցնելու համար, քանի որ, իր խոսքով, տեւական ժամանակ է՝ հանդես է գալիս առողջապահության ոլորտում տեղի ունեցող անարդարությունների վերաբերյալ սուր քննադատությամբ. «Ինձ որեւէ կերպ բովանդակային կամ փաստարկված հակադարձելու հնարավորություն չունենալով՝ առողջապահության նախարարության ներկայիս պարագլուխները լուծարել են ավագ եղբորս աշխատանքային հաստիքը»:

Նա նաեւ հավելել է, որ ոչ մի բժշկի համար հեշտ չէ աշխատավայր փոխել, բայց անհնարին էլ չէ, եւ շուտով կտեղեկացնի եղբոր նոր աշխատավայրի մասին:

Ինչ վերաբերում է Արման Գրիգորյանի նշած «ինձ բազում անգամ «հիշեցրել» են նախորդ տնօրենին պաշտպանելու փաստը» արտահայտությանը, ապա խոսքը ԲԿ-ի նախկին տնօրեն Արա Մինասյանի մասին է: Դեռեւս 2018 թվականին Առողջապահության նախարար Արսեն Թորոսյանը ֆեյսբուքյան գրառմամբ նշել էր, որ աշխատանքից ազատվել էր տնօրենը՝ ԱՆ-ի կողմից կողմից ուսումնասիրության արդյունքում հայտնաբերված խախտումների ծավալի արդյունքում: Այդ ժամանակ կենտրոնի բակում իրականացվել էր բողոքի ակցիա, որի ժամանակ իր դժգոհությունն էր արտահայտել նաեւ Արման Գրիգորյանը:

Թե ինչու է, այնուամենայնիվ, կրճատվել Ռադիոլոգիայի բաժանմունքի ղեկավարի հաստիքը, փորձեցինք պարզել «Սուրբ Գրիգոր Լուսավորիչ» ԲԿ-ից: Կենտրոնի մամուլի խոսնակը, մեզ հետ զրույցում ներկայացրեց, որ իրենց մոտ աշխատանքների կազմակերպման փոփոխությամբ պայմանավորված  հաստիքների կրճատումներ են եղել:

Խաչատրյանի պարզաբանմամբ՝ այսօր կենտրոնի տվյալ բաժանմունքը մատուցում է մի շարք ծառայություններ, եւ որոշում է կայացվել՝ դրանք բաշխել մի քանի ծառայությունների մեջ:

Երբ այդ ամբողջական կառուցվածքը լինի, Արման Գրիգորյանն այլեւս չի աշխատի կենտրոնում, քանի որ չկա բաժանմունք, չկա նաեւ բաժանմունքի վարիչի հաստիքը:

Տպել
2182 դիտում

Հրապարակվել են ադրբեջանական ագրեսիան հետ մղելիս զոհված եւս 43 զինծառայողների անուններ

«Թղթե տնակից» հայտնի Կեուչկարյանը կոչ է անում աշխարհին արձագանքել հայերի դեմ նոր ցեղասպանությանը (տեսանյութ)

Մարզումներ ռազմաճակատ մեկնելուց առաջ. ՊԲ-ն նոր տեսանյութ է հրապարակել

Նահանջը պարտություն չէ. նախորդ մարտերում էլ կար նահանջ, բայց բոլոր այդ դեպքերում վերջում եղավ հաղթանակ. Ա. Հովհաննիսյան

Ա. Սարգսյանը ուղերձ է հղել Կանադայի գեներալ-նահանգապետին՝ Թուրքիային ռազմական սարքավորումների վաճառքը կասեցնելու համար

Ադրբեջանական կողմը նենգափոխում է տվյալները․ Արման Թաթոյան

Վիրավոր ռուս լրագրողը խնդրել է, որ ՄԻՊ-ը ամբողջ աշխարհին տեղեկացնի Ադրբեջանի՝ խաղաղ բնակավայրին հարվածելու մասին

Նիկոլ Փաշինյանը հանդիպել է Արցախի նախկին նախագահների հետ. պաշտոնական

Ֆրանսիայի Սենատ է ներկայացվել Լեռնային Ղարաբաղը ճանաչելու մասին բանաձև

Բաքվից բերված 4-րդ կորպուսը, որն արդեն մոտ յոթ օր է, ինչ ծեծ է ուտում, ամբողջությամբ կազմալուծվել է. Կարեն Հովհաննիսյան

Ադրբեջանը կորցրել է եւս 5 ԱԹՍ, 1 ինքնաթիռ, 10 զրահատեխնիկա. հակառակորդի կորուստները՝ ամփոփ

Դեսպանի դիրքորոշումը հայանպաստ էր․ ակցիայի մասնակիցները հանդիպեցին ԵՄ դեսպանի հետ

ՀՀ-ն չծնկեց, կանգնեց մինչեւ վերջ, ու դա եղավ ձե’ր կյանքի գնով, Գեւորգ, Արտավազդ, Մանվել, Գեւորգ. Աննա Հակոբյան

Արյան անհրաժեշտ պաշարը լրացվել է. առայժմ արյունատվության կարիք այլեւս չկա

Մեր երիտասարդության մի ստվար զանգված ձեռք է բերելու հաշմանդամություն, պետք է կարողանանք նրանց կենցաղն ապահովել․ Ասատրյան

Արցախը խաղաղության սպասումով (լուսանկարներ)

Հյուսիս-հարավ ճանապարհային միջանցքի Տրանշ-3-ում շինարարությունը շարունակվում է

Թևան Պողոսյանը վարակվել է կորոնավիրուսով եւ մեկուսանում է

Երեւանում 15 մլն դոլարի ներդրմամբ հիվանդանոց է հիմնվելու․ Երեւանի ավագանին հավանություն տվեց

Արցախ է բերվել Հայոց բանակի Աշոտ Երկաթի խաչը. այդ խաչով օրհնության կարգ է կատարվել