Որտեղ է Պերմյակովը եւ ինչ վիճակում. 2 ամիս է՝ ՌԴ արդարադատության նախարարությունը չի պատասխանում Հայաստանին

Ավելի քան 2 ամիս է՝ ՀՀ արդարադատության նախարարությունը ՀԺ-ի հարցման հիման վրա դիմել է Ռուսաստանի Դաշնության արդարադատության նախարարություն՝ գյումրեցի Ավետիսյանների ընտանիքի սպանության գործով դատապարտված Վալերի Պերմյակովի վերաբերյալ տեղեկատվություն ստանալու, սակայն մինչ այս պահը պատասխան չկա:

Հիշեցնենք, որ 2016 թվականի օգոստոսի 23-ի Շիրակի մարզի ընդհանուր իրավասության առաջին ատյանի դատարանի դատավճռի կատարումն ապահովելու գործընթացի շրջանակներում 2017 թվականի մայիսի 18-ին «Պատժի հետագա կրման համար ազատազրկման դատապարտվածներին փոխանցելու մասին» 1998թ. Մոսկվայի կոնվենցիայով սահմանված կարգով Պերմյակովը փոխանցվեց Ռուսաստանի Դաշնությանը:

ՌԴ իրավասու մարմինների հետ անցկացված խորհրդակցությունների արդյունքում ձեռք էր բերվել պայմանավորվածություն՝ հայկական կողմի ներկայացուցիչների համապատասխան հարցումների դեպքում Վ. Պերմյակովի պատժի կատարման վերաբերյալ հետագայում տեղեկատվություն տրամադրելու մասին:

2019 թվականի նոյեմբերի 7-ին մենք ՀՀ արդարադատության նախարարին ուղղված հարցմամբ խնդրեցինք այս պայմանավորվածության շրջանակներում ճշտել եւ տեղեկացնել, թե ներկայումս որտե՞ղ է գտնվում Պերմյակովը, ի՞նչ տիպի ռեժիմով է կրում պատիժը, ինչպե՞ս է նրա առողջական վիճակը:

Նոյեմբերի 8-ին ՀՀ արդարադատության նախարարությունից ստացանք պատասխան, որ գրությամբ դիմել են ՌԴ արդարադատության նախարարություն՝ վերոնշյալ դատապարտյալի վերաբերյալ թարմացված տեղեկատվություն ստանալու նպատակով, Ռուսաստանի Դաշնության իրավասու մարմնի կողմից համապատասխան հարցման արդյունքները ստանալուց հետո Հայաստանի Հանրապետության արդարադատության նախարարությունը մեզ կտեղեկացնի լրացուցիչ:

Եվ քանի որ արդեն երկու ամիս է անցել մեր հարցումից, այսօր ՀՀ արդարադատության նախարարության Տեղեկատվության եւ հասարակայնության հետ կապերի վարչության պետ-մամուլի քարտուղար Լուսինե Մարտիրոսյանից կրկին փորձեցինք ճշտել՝ չե՞ն ստացել արդյոք պատասխան ՌԴ-ից:

Ի պատասխան՝ Մարտիրոսյանն ասաց. «ՀՀ արդարադատության նախարարությունը 08.11.2019թ. 11/11.1/25806-2019 գրությամբ դիմել է ՌԴ արդարադատության նախարարություն՝ դատապարտյալի վերաբերյալ թարմացված տեղեկություն ստանալու նպատակով: Ռուսաստանի Դաշնության իրավասու մարմնի կողմից դեռևս պաշտոնական տեղեկություն չի ստացվել: Համապատասխան հարցման պատասխանը ստանալուց հետո Հայաստանի Հանրապետության արդարադատության նախարարությունն այդ մասին կտեղեկացնի նաև Ձեզ»:

2015 թվականի հունվարի 12-ին Գյումրիում տեղակայված ՌԴ 102-րդ ռազմաբազայի ժամկետային զինծառայող Վալերի Պերմյակովը մտել էր Ավետիսյանների տուն եւ սպանել ընտանիքի 6 անդամներին, իսկ 6 ամսական Սերյոժային ծանր վիրավորել: Վերջինս եւս մահացավ ստացված վնասվածքներից: 

Շիրակի մարզի ընդհանուր իրավասության դատարանը նրան ցմահ ազատազրկման դատապարտեց՝ մեղավոր ճանաչելով գյումրեցի Ավետիսյանների յոթ հոգանոց ընտանիքի սպանության, ավազակային հարձակման եւ հայ-թուրքական սահմանը հատելու փորձի մեջ:

Տպել
2020 դիտում

Աննախադեպ իրավիճակը թելադրեց շտապ լուծումներ գտնել. դատավորը՝ էլեկտրոնային դատավարության մասին

Գործատուի կողմից տրամադրվող տեղեկանքը ենթարկվել է որոշակի փոփոխությունների. պարետի որոշումը

Արցախում ՀՀ-ից ժամանած երկու քաղաքացիներ են մեկուսացվել. նրանց թեստերի պատասխանները կստացվեն վաղը

Մոտ 550 հազար դոլարի ներդրում ենք արել՝ Հայաստանում թեստերի տեղական արտադրություն ունենալու համար․ ՀՀ վարչապետ

Մասնագիտական պատրաստության պարապմունք է անցկացվել 3-րդ զորամիավորումում. ՊՆ

Կրակոցներ Երևանում. մոտ 40 տարեկան տղամարդը հրազենային վնասվածքներով հիվանդանոցում է

Եթե պարգեւավճարներն ուղղվեին թոշակների բարձրացմանը՝ դրանք կբարձրանային 165 դրամով. վարչապետը հաշվարկ ներկայացրեց

Եթե բոլորին տանք օգնություն, կնշանակի, որ ռեսուրսը օգտագործում ենք նաեւ նրանց համար, որոնք դրա կարիքը չունեն․ վարչապետ

Արմավիրում գյուղատնտեսական աշխատանքներն ակտիվորեն շարունակվում են

Ժողովուրդ, սա կորոնավիրուսի հազ չի, էն հեղափոխության ժամանակվանից է. վարչապետը եթերում կատակեց իր հազի մասին

Արարատի մարզում կորոնավիրուսի վարակման դեպքերի նվազման միտում կա

Իսպանիայում 2 շաբաթում կորոնավիրուսից մահացածության ամենափոքր ցուցանիշն է գրանցվել

Մենք վճռական ենք դատական համակարգի բարեփոխումները մինչեւ վերջ տանելու հարցում, այդ թվում լուծելով ՍԴ-ի թնջուկը. Փաշինյան

«Արմաթ» տեխնոհամայնքը Արարատի մարզի ԲԿ-ներին պաշտպանիչ դիմավահաններ է նվիրել

Կառավարությունը հիմնականում զրոյացրել է գյուղացիական վարկերի տոկոսադրույքները. Նիկոլ Փաշինյան

Մեր ուսուցիչները ֆանտաստիկ աշխատանք են անում, որի համար հպարտ եմ եւ շնորհակալ. ՀՀ վարչապետ

Դիլիջանի ոստիկանները մեծ թվով ապօրինի զենք-զինամթերք են հայտնաբերել և առգրավվել (տեսանյութ)

2-րդ զորամիավորման հատուկ նշանակության ստորաբաժանումներից մեկի զինծառայողների հետ անցկացվել է գործնական պարապմունք. ՊՆ

ՀՀ տարածքում ավտոճանապարհները հիմնականում անցանելի են. ԱԻՆ

Տհաճ է, որ հայհոյում են ինձ կամ ընտանիքիս անդամներին. վարչապետը կեղծ լուրեր տարածողներին պատժելու տարբերակ առաջարկեց