Գյումրու «Թռչունյան տունը» փակվեց. 81 երեխաներից ռիսկային խմբում գտնվող մոտ 30-ի ճակատագիրը մնում է առկախ

Գյումրու «Թռչունյան տուն» երեխաների խնամքի գիշերօթիկ հաստատություն-կրթարանը դադարեցրեց գործունեությունը: Հասատության տնօրեն Սոնյա Սիմոնյանն այսօր «Թռչունյան տան» Հրանտ Դինքի անվան դպրոցի աշակերտների ծնողներին վերադարձրեց երեխաների անձնական գործերը, որպեսզի նրանք այլ դպրոցներ տեղափոխվեն:

Ծնողները փաթեթները վերցրել, սակայն իրենց անելիքը չէին պատկերացնում: «Գոնե տարին պրծնիր, նոր հանեին երեխեքին, լցնեին փողոց: Էս դպրոցը երեխեքին գրքերը կուտար, տետրեր ու գրիչները կուտար, գրենական ամեն պարագա կուտար, հագուստը, սնունդը կուտար, ապահով կպահեր: Հմի  մեկը ես, էնելիքս չիդե, ես չեմ հասկնա, թե ուր տանիմ, ինչ ենեմ տարվա կեսից: Ես էդ ծախսի տակից դուրս չեմ գա: Ըսիգ երեխեքի համար կրկնակի սթրես է»,-ՀԺ-ի հետ զրույցում ասաց Օֆելյա Արոսյանը:

Բոլոր ծնողների մտահոգությունը մեկն էր. դպրոցի փակվելը լուրջ հարված է եւ իրենց, եւ երեխաների համար: Այս դպրոցում բացի մանկատանը խնամվող երեխաներից, սովորում էին նաեւ Գյումրու Սեւերսկի թաղամասի եւ թաղամասին մոտ գտնվող գյուղերի, մասնավորապես Առափիի երեխաները:

Օրվա առաջին կեսին հայտնի էր, որ միայն դպրոցն է փակվելու: Սպասում էին ՀՀ Աշխատանքի եւ սոցիալական հարցերի նախարարության եւ Մայր Աթոռի ներկայացուցիչներին: Նրանց գալով, սակայն, վիճակն առավել բարդացավ: Մայր Աթոռի Սոցիալական ծառայության տնօրեն Տեր Մարկոս քահանա Մանգասարյանը բոլորին հայտարարեց, որ իրենց 6-ամսյա բանակացությունները տարբեր դոնորների հետ եղել են անարդյունք: Չեն կարողացել անցնող ամիսներին գտնել հովանավոր կամ բարերար, որը  ցանկանար ֆինանսավորել եւ պահել հաստատությունն ու երեխաներին:

«Այո, Մայր Աթոռն այս ընթացքում փնտրեց ուղիներ հնարավոր դոնոր գտնելու համար, բայց պետական քաղաքականությունն այնպիսին է, որ գնում ենք ապաինստիտուցիոնալացման ուղիով: Դոնորն էլ հասկանում է, որ իզուր է լինելու իր արածը: Պետական քաղաքականություն կա, որով պետք է երեխաները վերադառնան ընտանիքներ: Բայց էստեղ, «Թռչունյան տան» դեպքում ոչ այնքան պետական քաղաքականության հարցն է, որքան ստեղծված իրավիճակը: Այստեղ ոչ թե պետության, նախարարության կամ Մայր Աթոռի ցանկությունն է, որ վայրկյան առաջ փակվի, որ քաղաքականությանը համահունչ լինենք, ոչ: Այստեղ խնդիրն ուղղակի հետագա աշխատանքի անհնարինությունն  է: Այնպես որ, Դուք երկու ճանապարհ ունեք, տանում եք Ձեր երեխաներին տուն, եւ օգտվում եք առաջարկվող տարբեր սոցիալական եւ զարգացման ծրագրերից, կամ համաձայնում եք, որ ժամանակավորապես ձեր երեխաները տեղափոխվեն Գյումրու թիվ 2 գիշերօթիկ հաստատություն»,- ծնողներին ասաց  Տեր Մարկոս քահանա Մանգասարյանը:

Ծնողների մեծ մասը դեմ եղան առաջարկվող երկրորդ տարբերակին, ասացին ավելի լավ է սոված-ծարավ իրենց երեխաների հետ մի անկյունում ծվարեն, քան թե երեխաներին վստահեն թիվ 2 գիշերօթիկին: «Իմ երեխուս ստեղ հոր նման, ծնողի նման նայել, պահել են, մոր նման ամեն հարցը կարգավորել են, ոչ բռնություն է եղել, ոչ որեւէ ոտնձգություն, ես ապահով եմ եղել ամեն հարցում: Դուք հմի կմտածե՞ք, որ ես իմ երեխուս կտանիմ «Հո՞ւյս» (նկատի ունի թիվ 2 գիշերօթիկ հաստատությունը)»,- ՀԺ-ի հետ զրույցում ասաց ծնողներից մեկը: Նշենք, որ բոլորի կարծիքներն այս հարցում համընկնում էին:

ՀՀ Աշխատանքի և սոցիալական հարցերի նախարարության երեխաների հիմնահարցերի բաժնի պետ Անահիտ Քալանթարյանն ասաց՝ ստեղծված իրավիճակից միակ ելքն առաջարկվող երկու տարբերակներն են, այլ ճանապարհ չկա: Ծնողները սկզբում պնդեցին, հետո խնդրեցին պահել հաստատությունը: Նրանց ասացին՝ հնարավոր չէ: Իներցիայով առաջ շարժվելը կործանարար կլինի բոլորի համար:

«Այսօր պետք է շատ շտապ երեխաների տեղափոխման հարցը քննարկենք: Այս վիճակն արդեն անթույլատրելի է: Փաստ է, որ ֆինանսավորում չի լինելու: Երեխաներն առանց ծնողական խնամքի մնացած չեն եւ ծնողն է որոշում՝ տանո՞ւմ է իր երեխային տուն, թե ուղարկում ենք թիվ 2 գիշերօթիկ: Այն երեխաները, որոնք ռիսկային խմբում են եւ անհնար է նրանց ընտանիք վերադարձնելը, շատ արագ կարող ենք նրանց խնամքը կազմակերպել Գյումրու թիվ 2 գիշերօթիկ հաստատությունում, որը մինչեւ հուլիսի 25-ը գործելու է: Կմնան երեխաներն այնտեղ ժամանակավոր, մինչեւ հզորացնենք ընտանիքները, դարձնենք ապահով, որ երեխաները կարողանան հանգիստ վերադառնալ: Ստացվում է, որ այս պահին Գյումրիում կարծես թե տեղավորման խնդիր չունենք»,- վստահությամբ եզրակացրեց Անահիտ Քալանթարյանը:

Ծնողների հետ քննարկման արդյունքում արձանագրվեց, որ երեխաները մանկատանն են հիմնականում սոցիալական խնդիրներով պայմանավորված: Մեծ մասն ընդհանրապես չունեն բնակարաններ, շատերն ապրում են տնակներում, ծնողներ կան, որոնք Երեւանում են աշխատում եւ շաբաթ-կիրակի օրերին էին միայն կարողանում երեխաների հետ հանդիպել:

Ռիսկային խմբի երեխաների մասին առարկայական քննարկում չեղավ: Ներկա ծնողների մեծ մասն իրենց երեխաներին տարան տուն, մինչեւ կմտածեն այլ գիշերօթիկ տեղափոխելու կամ իրենց մոտ պահելու մասին: Իսկ ռիսկային խմբի երեխաները կատարվածը հասկացան իրենց չափով, ընկալեցին իրավիճակն արցունքն աչքերին՝ մանկավարժին ամուր փաթաթված: Գյումրու թիվ 2 գիշերօթիկ տեղափոխվել չեն ուզում: Աղջիկներից մեկը նշեց. կմնա փողոցում եւ այնտեղ ոտք չի դնի:

Շիրակի մարզպետարանի Ընտանիքի, կանանց եւ երեխաների իրավունքների պաշտպանության բաժնի պետ Լիլիթ Գորգինյանը եւս կարեւորեց այս հաստատության առկայությունը, բայց որ ֆինանսական ճգնաժամը չի կարգավորվում, ասաց՝ ոչինչ անել չեն կարող: «Գիշերով երեխա ենք հայտնաբերել, բերել ենք այստեղ, բռնության դեպք ենք ունեցել, միանշանակ երեխան այստեղ է ապահով ու անվտանգ անկյուն գտել: «Թռչունյան տուն»-ը մեր շտապօգնությունն է միշտ եղել, մեզ օգնող, աջակցող կառույց է եղել: Բայց այսօր այլեւս հնարավոր չէ պահել հաստատությունը: Քանի որ այն բարեգործական հաստատություն է, ֆինանսավորումը բարերարներից է ստացել, որոնք տարիներ շարունակ պահել են  հաստատության երեխեներին՝  տալով նրանց սնունդ, կրթություն, խնամք, տանիք: Հուլիսից արդեն այդ ֆինանսավորումը դադարեցված է, եւ հաստատությունն իներցիայով, մանկավարժների սրտացավության եւ հոգացավության շնորհիվ շարունակել է աշխատանքը, ինչպես նաեւ հույս եք ունեցել, որ գուցե կհայտնվի մեկ այլ բարերար, որը կշարունակի ֆինանսավորումը: Մանկավարժների աշխատանքը բարեգործություն է, (վերջին շրջանում) իրենք առանց մեկ դրամ աշխատավարձի, աշխատել են ձեր երեխաների հետ»:

Հաստատության փակվելով 49 աշխատակից դարձավ գործազուրկ, 81 երեխաներից ռիսկային խմբում գտնվող մոտ 30-ի ճակատագիր մնաց առկախ, «Թռչունյան տուն»-ը 20 մլն դրամի կուտակած պարտք ունի այս պահին: Թե աշխատակիցների խնդիրն ինչպես է կարգավորվելու, տնօրեն Սոնյա Սիմոնյանը չգիտի:

«Դեռ պարզ չէ դա, քննարկելու ենք: Բայց որ չենք գործելու, դա հստակ է, որովհետեւ չի կարող որեւէ կառույց 6 ամիս գործել առանց ֆինանսավորման եւ շարունակել նույն ընթացքը: Բայց մենք որպես գործատու, բնականաբար վճարելու ենք մեր աշխատակիցներին չվճարած աշխատավարձը: «Գյումրիի հաշմանդամ որբերի տուն» բարեգործական հիմնադրամն է զբաղվելու այդ հարցով, քանի որ «Թռչունյան տուն» ՍՊԸ-ն ոչինչ չունի, ամեն ինչ հիմնադրամի հոգաբարձուների  խորհուրդը կորոշի»,- ասաց Սիմոնյանը:

Թե երեխաներն ու մանկավարժները երբ կհեռանան հաստատությունից վերջնականապես, դեռ պարզ չէ: Կառույցը Մայր Աթոռինն է, այսինքն իրենք են տնօրինելու շենքի հետագա ճակատագիրը: Նշենք, որ Վահան Տերչունյանի կտակով այս տարածքը մշտապես ծառայելու է որբ երեխաների խնամքին: ՀԺ-ի այս նկատառմանն ի պատասխան՝ Մայր Աթոռի Սոցիալական ծառայության տնօրեն Տեր Մարկոս քահանա Մանգասարյանն ասաց՝ անկախ կտակի հանգամանքից, այս պահին  իրենց տրամադրվածությունն էլ է այդպիսին:

Անկախ բոլոր տեսակի եւ բոլորի որոշումներից Գյումրու «Թռչունյան տան» ներկայիս տարածքը շարունակելու է ծառայել երեխաներին: «Անկախ նրանից՝ այստեղ  «Թռչունյան տունը» կլինի, «Թռչունյան տունը» չի լինի, գիշերօթիկ կլինի կամ ցերեկային խնամք, սա բացառապես երեխաներին ծառայող կառույց է, եւ էդպես էլ մնալու է»,- վստահեցրեց Տեր Մարկոս քահանա Մանգասարյանը:

Արմենուհի Մինասյան

Տպել
5642 դիտում

Եգիպտոսի և Հայաստանի ԱԳ նախարարները քննարկել են հայ-թուրքական հարաբերությունների, Լաչինի միջանցքի արգելափակման թեմաները

Արցախից Հայաստանի տարբեր բժշկական կենտրոններ է տեղափոխվել ևս 6 հիվանդ

Խոշոր ավտովթար Աշտարակի խճուղում․ վարորդները տեղափոխվել են հիվանդանոց

Հայաստանի մի շարք շրջաններում ձյան տեղումներ են, որոշ հատվածներում՝ խիտ մառախուղ, մերկասառույց

Թույլ չենք տա, որ նման միջադեպերով մեր հարաբերությունները խաթարվեն թշնամիների կողմից. Ռաիսին՝ Ալիևին

Հանդիպել են Հայաստանի և Եգիպտոսի նախագահները, տեղի է ունեցել առանձնազրույց

Հայտնի է՝ ով կփոխարինի Էդուարդ Աղաջանյանին ԱԺ արտաքին հարաբերությունների հանձնաժողովի նախագահի պաշտոնում

Իրանի ՊՆ-ն հայտնել է Սպահանի պաշտպանական համալիրի ուղղությամբ ԱԹՍ հարձակումները հետ մղելու մասին

Իրանի հյուսիսում տեղի ունեցած երկրաշարժից տուժածների թիվը հասել է 664-ի

Վերականգնվել է Հայաստանից դեպի Արցախ գազամատակարարումը

Այսօր հրդեհ որևէ կացարանում չի եղել. ՊՆ-ն հերքում է տարածվող տեղեկատվությունը

Մահացել է Շիրակի նախկին փոխմարզպետ Սեյրան Պետրոսյանը

Ամենքս մեզ հարց տալիս պիտի վստահ լինենք, որ թերանալիս անգամ՝ մեղավորության բաժին չենք ունեցել. Պապիկյանը՝ ՊՆ-ում

Բարեխղճորեն պետք է կատարել դեկտեմբերի կոմունալ վճարումները և տուրք չտալ դրանցից ազատվելու լուրերին․ տեղեկատվական շտաբ

Պինդ սեղմում եմ ձեռքդ, հա'յ զինվոր, անկախ բոլոր դժվարություններից ու կորուստներից, քո սխրանքն անմահ է․ Երվանդ Թարվերդյան

8 բալ ուժգնությամբ երկրաշարժ է գրանցվել Իրանի Խոյ քաղաքից 34 կմ հարավ-արևելք․ ցնցումները զգացվել են նաև ՀՀ մարզերում

Գյումրու փողոցները մաքրվում են տեղացած ձյունից

Ադրբեջանն ամբողջությամբ անջատել է Հայաստանից Արցախ գազամատակարարումը

Բանակը մեզ համար ընտանիքի պես է, յուրաքանչյուրը նրան պետք է վերաբերվի որպես ընտանիքի անդամի․ Սերգեյ Մովսիսյան

Պատմական ձեռքբերում է․ ՀՀ մարմնամարզության ֆեդերացիայի նախագահը՝ Եվրոպայի առաջնությունը Երևանում անցկացնելու մասին

Եթե բանակը կառուցված է այնպիսի արժեքների վրա, ինչպիսիք են փողը, քրեական բարքերը, ունի բացասական առաքելություն․ Միսկարյան

Գլխավոր դատախազ Աննա Վարդապետյանն այցելել է հայրենիքի պաշտպանների՝ «Զինվորի տուն» (լուսանկարներ)

Երկօրյա պաշտոնական այցով Հայաստան է ժամանել Եգիպտոսի նախագահը (լուսանկարներ, տեսանյութ)

Հայոց բանակն է հայ ժողովրդի անվտանգության հաստատուն երաշխավորը․ Տավուշում ծաղիկներ են խոնարհվել՝ ի հիշատակ հերոսների

Մարմնամարզության Եվրոպայի առաջնության անցկացման իրավունքը շնորհվել է Երևանին․ Արայիկ Հարությունյան

Ադրբեջանցի «էկոակտիվիստները» կրակի վրա մաշմելոու են պատրաստում՝ ծաղրելով Լաչինի միջանցքի շրջափակումը․ Մարուքյան

ԼՂ ազատ և անարգել մուտքի ապահովման ճկուն պայմաններ են պետք բոլոր դերակատարների համար․ ԵԽ մարդու իրավունքների հանձնակատար

Ռազմահայրենասիրական խմբակների, տարբեր դասընթացների դադարեցման կամ կասեցման ծրագիր գոյություն չունի. ԿԳՄՍ նախարար

Մարտական եղբայրությունը դարեր շարունակ ամրապնդել է հայ-ռուսական սերտ կապերը․ ՀՀ-ում ՌԴ դեսպանությունն ուղերձ է հղել

Մեզ անհրաժեշտ է ուժեղ և պրոֆեսիոնալ բանակ՝ ուժեղ հոգով, ինտելեկտով, ժամանակակից տեխնոլոգիաներին տերապետելով․ վարչապետ

Վահե Ղազարյանն ընդունել է Սերգեյ Կոպիրկինին․ կողմերը համագործակցությունը շարունակելու պատրաստակամություն են հայտնել

Ինձ չի թվում, որ Լաչինի միջանցքն առանց ռուսների է փակվել․ Սասուն Միքայելյան

Հայոց բանակի դերն ու նշանակությունն անուրանալի է ՀՀ պաշտպանության և Արցախը հայկական պահելու հարցում․ Ռուբեն Վարդանյան

Լաչինի շրջափակման պատճառով 47 օր Գյումրիում մնացած արցախցի դերասանները վերադարձել են Ստեփանակերտ

Շիրակի մարզային և քաղաքային իշխանության ներկայացուցիչներն այցելել են Ազատամարտիկների պանթեոն (լուսանկարներ)

«Ցանկանում եմ բացառապես հաղթանակներ և անկոտրում կամք մեր զինվորներին». Լևոն Հովհաննիսյան

«Ամուր թիկունք կանգնենք մեր պաշտպաններին, ամրացնենք մեր տղաների հենարանը». Տիգրան Ավինյան

Երուսաղեմում հրեա ծայրահեղականները հարձակվել են հայկական ռեստորանի վրա, մանրամասներ դեպքից․ «Արմենպրես»

Քաղաքացիները հայ-վրացական սահմանն առանց անձնագրի կհատեն համաձայնագրի վավերացումից հետո միայն․ Վրաստանում ՀՀ դեսպանատուն

Մեր ամենօրյա աշխատանքով, ուժերի գերլարումով մշտապես լինելու ենք բանակի կողքին․ Հրաչյա Սարգսյան