Պաշտպանը միջնորդեց դադարեցնել Յուրի Խաչատուրովի նկատմամբ քրեական հետապնդումը եւ կարճել գործի վարույթը

Երեւանի ընդհանուր իրավասության դատարանում Քոչարյանի եւ մյուսների գործով դատական նիստին ամբաստանյալ Յուրի Խաչատուրովի պաշտպան Միհրան Պողոսյանը միջնորդություն ներկայացրեց՝ իր պաշտպանյալի նկատմամբ քրեական հետապնդումը դադարեցնելու եւ գործի վարույթը կարճելու մասին:

Պողոսյանը նշեց, որ իր պաշտպանյալի մեղադրանքի որոշման մեջ որեւէ գործողության կատարման որեւէ ձեւակերպում չկա. «Մեզ համար անհասկանալի է, թե ինչ է տեղի ունեցել, ինչ առնչություն ունի դրա հետ Յուրի Խաչատուրովը: Ես փորձել եմ մեղադրանքի որոշման մեջ գտնել նրան վերագրվող գործողություն կամ անգործություն, ինչը, սակայն, նկարագրված չէ»:

Պաշտպանի խոսքով՝ երբ որոշում է կայացվել Խաչատուրովին որպես մեղադրյալ ներգրավելու մասին, իրենք դա բարձրաձայնել են, բայց, ամեն դեպքում, Դատախազությունը հաստատել է տվյալ մեղադրական եզրակացությունը եւ ուղարկել դատարան. «Մենք այս միջնորդությունը ներկայացրել էինք Երեւանի ընդհանուր իրավասության դատարանին, որը, սակայն, գործը իրենից խլելու արդյունքում չկարողացավ որոշում կայացնել (նկատի ունի դատավոր Դավիթ Գրիգորյանին, որին մեղադրանք առաջադրվեց, եւ լիազորությունները կասեցվեցին,- խմբ.): Դրանից հետո, փաստորեն, նոր միայն հիմա ենք կարողանում ներկայացնել մեր միջնորդությունը»,-ասաց Պողոսյանը:

Վերջինս, վկայակոչելով ներպետական եւ միջազգային օրենսդրությունը, ընդգծեց, որ հին՝ 300-րդ հոդվածը եւ նոր՝ 300.1-րդ հոդվածների հանցակազմերի մեջ ահռելի տարբերություն կա. «300.1-րդ հոդվածը չի գործել խնդրո արարքի ժամանակահատվածում, իսկ նախկինում գործող նորմը ապաքրեականացվել է: Բացի այդ՝ հին օրենքը չէր էլ կարող կիրառվել անձի նկատմամբ, այն անորոշ էր, եւ հենց այդ պատճառով է խմբագրվել եւ իբր որոշակիացվել: Գալու է ժամանակ՝ այս նորմն էլ է փոփոխության ենթարկվելու էլի որոշակիության սկզբունքի բացակայության հիմքով»:

Պաշտպանը ընդգծեց, որ հին օրենքը ոչ միայն խմբագրվել է, այլ տեղի է ունեցել հանցակազմի շրջանակի էական ընդլայնում. «Օրենսդիրը նաեւ ամբողջությամբ նոր մոտեցմամբ սահմանել է արարքից հետո վրա հասնող հետեւանքները»,- ասաց նա՝ պնդելով, որ առկա է իրավակիրառ պրակտիկա, եւ վկայակոչելով հայտնի 7-ի գործը, որով այդ մեղադրանքի մասով Դատախազությունը հրաժարվել էր մեղադրանքից. «Չի կարող լինել անձ, ով 2008 թվականին նույն գործողությունների կատարման համար քրեական հետապնդման ենթարկվի, միակ պարագան այն է, որ յոթի գործով անցնող անձանց էլ 300.1-րդ հոդվածով մեղադրանք առաջադրվի, ինչը, հասկանալի պատճառներով տեղի չի ունենա, այդ դեպքում քրեական հետապնդում պիտի հարուցվի նաեւ իշխանության բարձր ներկայացուցիչների նկատմամբ»:

Միհրան Պողոսյանը հիշեցրեց՝ անձի իրավական վիճակը վատթարացնող օրենքները եւ նորմերը հետադարձ ուժ չունեն. «Արդյոք 2008 թվականի մարտ ամսին Սահմանադրության 1-3 հոդվածները վերացնելու համար պատասխանատվություն սահմանվա՞ծ էր, թե՞ ոչ: Այդ հարցին ոչ ոք չի կարող պատասխան տալ: Բայց հաշվի առնելով այդ ժամանակ հարուցված քրեական գործի զարգացումները՝ այդ հոդվածով որեւէ մեկին պատասխանատվության ենթարկելու հնարավորություն չի եղել: Այս հոդվածը փոփոխության է ենթարկվել: Չի կարող այս միկրոֆոնը այստեղից վերցնելու համար որեւէ պատասխանատվություն սահմանված չլինի, տարիներ անց՝ սահմանվի, եւ անձին մեղադրեն՝ այս միկրոֆոնը աջ ձեռքով այստեղից վերցնելու համար»:

Մեղադրող կողմը ընդգծեց, որ ներկայացված միջնորդությունը նույնաբովանդակ էր, ուստի իրենց դիրքորոշումը ամբողջական կներկայացնեն բոլոր միջնորդությունների քննության ավարտից հետո: Տուժողների ներկայացուցիչ Սեդա Սաֆարյանն էլ առարկեց միջնորդության դեմ՝ նշելով, որ այն անհիմն է եւ ենթակա է մերժման:

 

Միլենա Խաչիկյան

Տպել
2215 դիտում

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Երևանի և 2 մարզի որոշ հասցեներ մի քանի ժամով կհոսանքազրկվեն

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են