Պաշտոնական հեռախոսազրույցներ. Սոլեյմանիի սպանությունից հետո երկրները պայմանավորվում են գործել ընդդեմ և միասին

ՆԱՏՕ-ի գլխավոր քարտուղար Յենս Ստոլտենբերգը և ԱՄՆ պաշտպանության նախարար Մարկ Էսպերը հեռախոսազրույց են ունեցել: Ինչպես հաղորդում է TASS գործակալությունը, հեռախոսազրույցի ընթացքում քննարկվել են Իրաքում Իրանի «Իսլամական հեղափոխության պահապանների կորպուս»-ի «Ղոդս» հատուկ ստորաբաժանման ղեկավար, գեներալ Քասեմ Սոլեյմանիի սպանությունից հետո տեղի ունեցող զարգացումները:

Նշենք, որ ավելի վաղ հայտարարվել էր, որ ՆԱՏՕ-ն դադարեցրել է իրաքյան բանակի համար սպաներ պատրաստելու գործընթացը՝ հատուկ ընդգծելով, որ սպաները դեռ մնում են Իրաքում, քանի որ առաքելությունն ավարտված չէ, սակայն, ըստ ՆԱՏՕ-ի խոսնակ Դիլան Ուայթի, գործողությունները կասեցված են: «Իրաքում մեր անձնակազմի անվտանգությունը շատ կարևոր է: Մենք շարունակում ենք ձեռնարկել բոլոր անհրաժեշտ նախազգուշական միջոցները: ՆԱՏՕ-ի առաքելությունը պահպանվում է, բայց բոլոր ուսումնական գործողությունները ներկայումս կասեցված են», - ասել է նա:

Ֆրանսիայի և Իրաքի նախագահները պայմանավորվել են սերտ կապի մեջ մնալ ՝ լարվածության հետագա սրացումից խուսափելու համար: Ֆրանսիայի նախագահ Էմանուել Մակրոնը հեռախոսազրույց է ունեցել Իրաքի նախագահ Բարամ Սալեհի հետ, որի ընթացքում հայտնել է իր նվիրվածությունը Իրաքի անվտանգությանը և ինքնիշխանությանը. այս մասին ասվում է Ելիսեյան պալատի տարածած հաղորդագրության մեջ:

Հեռախոսազրույց են ունեցել նաև Թուրքիայի արտգործնախարար Մեվլութ Չավուշօղլուն և ԱՄՆ պետքարտուղար Մայք Պոմպեոն. այս մասին տեղեկանում ենք Թուրքիայի արտգործնախարարության հաղորդագրությունից. «Մեր նախարարը բանակցություններ է վարել ԱՄՆ պետքարտուղար Մայք Պոմպեոյի հետ: Կողմերը քննարկել են երկկողմ հարաբերությունները և իրավիճակը Իրանի և Իրաքի հետ»:

Ռուսաստանի և Չինաստանի արտգործնախարարներ Սերգեյ Լավրովը և Վան Յին նույնպես խոսել են Բաղդադի վրա ԱՄՆ հրթիռային հարձակման մասին՝ դիտարկելով այն ՄԱԿ-ի կանոնադրության խախտման անընդունելիության համատեքստում. այս մասին ասվում է Ռուսաստանի արտգործնախարարության հաղորդագրության մեջ: «Հատուկ ուշադրություն է դարձվել Բաղդադի օդանավակայանում ԱՄՆ հարձակումների հետևանքներին, որոնց հետևանքով մարդիկ են զոհվել, այդ թվում ՝ Իրանի  «Իսլամական հեղափոխության պահապանների կորպուս»-ի հրամանատար Սոլեյմանին»,- ասվում է հաղորդագրության մեջ: Նախարարները նշել են, որ ԱՄՆ անօրինական գործողությունները լրջորեն սրել են իրավիճակը տարածաշրջանում: Ըստ հաղորդագրության՝ այս պայմաններում Ռուսաստանը և Չինաստանը շահագրգռված են լարվածության նվազեցմամբ և համատեղ քայլեր կձեռնարկեն հակամարտության իրավիճակների խաղաղ լուծման համար պայմաններ ստեղծելու համար: Բացի այդ, նախարարներն ընդգծել են, որ մտադրություն ունեն ՄԱԿ-ի Անվտանգության խորհրդի օրակարգում սերտորեն համագործակցել:

Հիշեցնենք, որ Ամերիկայի Միացյալ Նահանգների նախագահի հրամանով ամերիկյան օդուժն անցած գիշեր Բաղդադում սպանել է Իրանի ամենաազդեցիկ ու հեղինակավոր զինվորականներից մեկին՝ հատուկ ստորաբաժանման հրամանատար, գեներալ Քասեմ Սոլեյմանիին: Սոլեյմանին համարվում էր զինված ուժերի գորշ կարդինալը, ով առաջ էր տանում Իրանի շահերը Մերձավոր Արևելքում: Արևմտյան լրատվամիջոցներում հաճախ նրան տրվում է Ռուսաստանի նախագահ Վլադիմիր Պուտինին սիրիական ներքաղաքական պատերազմին միջամտել համոզողի դերը. միանշանակ է, որ այդ միջամտության արդյունքում է ամբողջովին փոխվել ուժերի դասավորությունը տարածաշրջանում: 62-ամյա բարձրաստիճան զինվորական Սոլեյմանին ավելի քան 20 տարի գլխավորել է «Հեղափոխության պահապանների կորպուս»-ի մաս կազմող հատուկ ստորաբաժանումը՝ «Ալ Քուդսը», որը գաղտնի գործողություններ է իրականացնում Իրանի սահմաններից դուրս և ենթարկվում անմիջապես գերագույն առաջնորդ այաթոլա Խամենեիին: Իրանի հոգևոր առաջնորդ Ալի Խամենեին հայտարարել է, որ դաժան հակահարվածը չի ուշանա, և դիմակայությունը կշարունակվի կրկնապատկված ուժով:

Տպել
2794 դիտում

Հոկտեմբերի 21-ի ժամը 15․00-ի դրությամբ հայտնաբերվել է արգելված հրապարակումների 124 դեպք. ոստիկանություն

Ամենայն հայոց կաթողիկոսը հանդիպում է ունեցել Արցախի նախկին նախագահների հետ

Ձեռքբերված համաձայնությունները մնում են թղթի վրա Ադրբեջանի ուխտադրուժ կեցվածքի հետևանքով. Զոհրաբ Մնացականյան

2020թ. սեպտեմբերին գրանցվել է աշխատատատեղերի ամենաբարձր ցուցանիշը. ՊԵԿ

«Ինձ բան չի եղել, մի քիչ ասկոլկաներս էին հնացել, թարմացրի». Սասուն Միքայելյանին այսօր կրկին վիրահատել են

6 ամսով կարգելվի թուրքական ծագման ապրանքների ներմուծումը ՀՀ․ Կառավարությունն ընդունեց որոշումը

ԼՂ հարցն այս փուլում չունի դիվանագիտական լուծում. վարչապետը ՏԻՄ ղեկավարներին կոչ է անում ձեւավորել կամավորական ջոկատներ

Արցախի նախագահի հրամանագրով Մենուա Հովհաննիսյանը հետմահու արժանացել է «Արցախի հերոս» բարձրագույն կոչման

Ադրբեջանական վայրագությունները ուղեկցվում են մշակութային արժեքների դեմ հարձակումներով․ ԱՀ ՄԻՊ-ի արտահերթ զեկույցը

Կորոնավիրուսային արգելք. հայ ձյուդոիստները բաց կթողնեն «Մեծ սաղավարտի» կարևոր մրցաշարը

Պաշտպանության բանակը հրապարակել է ադրբեջանական ագրեսիան հետ մղելու ընթացքում զոհված եւս 62 զինծառայողի անուն

Ահաբեկիչ վարձկաններ են տեղափոխվել տարածաշրջան. ցավոք, տարածաշրջանի երկրները բավարար չափով չեն արձագանքում. վարչապետ

Լավրովը Հայաստանի եւ Ադրբեջանի ԱԳ նախարարի հետ առանձին քննարկել է կրակի դադարեցման հետ կապված անհետաձգելի հարցեր

Հանդիպել են Լևոն Տեր-Պետրոսյանը, Ռոբերտ Քոչարյանը, Սերժ Սարգսյանը և Արցախի նախկին նախագահները

Խոցվել է ադրբեջանական եւս 2 ԱԹՍ, 4 զրահատեխնիկա. թշնամու կորուստները՝ ամփոփ

Հոկտեմբերի 22-ին Փաշինյան-Ալիև հանդիպում նախատեսված չէ

«Թուրքիան փուչիկ է՝ տեռորով ու ագրեսիայով լի, պայթեցրեք այն»․ նոր նախաձեռնություն սոցցանցերում

Ռազմարդյունաբերական կոմիտեն այս օրերին աշխատում է 24/7 ռեժիմով. նախարարն այցելել է ընկերություններ

Ամեն կառույցի թեկուզ մեկ րոպե լռությունը հերթական զոհն է սահմանին․ ակցիա՝ ՀՀ-ում Իտալիայի դեսպանատան մոտ

Հայրենիքի պաշտպանները. նոր լուսանկարներ առաջնագծից