Երևան
16 °C
2020 թվականը կլինի 2019-ի շարունակությունը եւ փողոցաշինության եւ զբոսաշրջային բումի առումով: Անցնող տարում Գյումրին ռեկորդային թվով զբոսաշրջիկներ ընդունեց, պետական նշանակության միջոցառումներ անցկացվեցին: Գյումրին 2019-ին շատերի համար եղավ բացահայտում: Այս հարցում, ըստ քաղաքապետ Սամվել Բալասանյանի, մեծ է ՀՀ վարչապետ Նիկոլ Փաշինյանի ներդրումը:
«Գյումրիում այսօր բոլորի դեմքին կա ժպիտ, եւ ես որպես քաղաքապետ շատ ուրախ եմ դրա համար: Օրինակ, Տոնածառի լույսերը վառելու օրը համարյա ամբողջ քաղաքը հրապարակում էր: Ճիշտ է, մեծ միջոցառում չէր, բայց այնպիսի հզոր տրամադրություն էր ստեղծվել, որն իր կուլմինացիան կունենա դեկտեմբերի 31-ին: Իհարկե, այս տրամադրության փոփոխության հարցում շատ կարեւոր է կառավարության, վարչապետի վերաբերմունքը, նրա կողմից Գյումրին ներկայացնելը, Անկախության տոնակատարությունն այստեղ անցկացնելը, Մանսուրյանի երեկոյի Գյումրիում իրականացնելը: Մեր մշակույթի բաժինը բավականին լավ աշխատանք կատարեց այս տարի»,-ասաց Սամվել Բալասանյանը:
Փողոցաշինության առումով եւս տարին հարուստ էր իր լավ եւ վատ կողմերով: Ամենակարեւոր ծրագիրը դա ՎԶԵԲ-ի վարկային միջոցներով կատարված փողացաշինական, արտաքին լուսավորության ապահովման աշխատանքն էր: Իրականացված ծրագրի արժեքը մոտ 7 մլն եվրո է, որով 12 կմ ճանապարհ է կառուցվել: Պակաս կարեւոր չէ նաեւ Համաշխարհային բանկի 2 մլն դոլար արժեցող վարկային միջոցներով իրականացված ծրագիրը: «Մոտ 3 կմ ճանապարհ է սարքվել քաղաքի պատմական միջուկում: Մի մասը ՎԶԵԲ-ով էր արվել 2018-ին, իսկ 2019-ին Շիրազի փողոցից մինչեւ Վարդանանց հրապարակ ընկած փողոցները վերանորոգվեցին:
Քաղաքապետն աննախադեպ համարեց նաեւ 2019-ին իրականացված սուբվենցիոն ծրագիրը: 1 մլրդ 100 մլն դրամ է այն արժեցել, որով կարողացել են կոմունալ ծառայությունների համար տեխնիկասարքավորումներ գնել, 5 կմ շրջանցող ճանապարհ կառուցել: Այդ ճանապարհը հիմնովին բեռնաթափում է քաղաքի երթեւեկությունը, եւ Բավրայից Գյումրի եկող ու գնացող ծանր մեքենաները քաղաքից ուղղակիորեն դուրս են հանվել:
Գալիք տարում ավելի շատ փողոցներ են վերածվելու շինհրապարակների, որպեսզի վերակառուցվեն: «Այդ նպատակի համար 9.4 մլրդ դրամ է տրամադրվելու Գյումրիին, 30-ից ավելի փողոց ենք սարքելու եւ մեկ հրապարակ: Քաղաքի արտաքին լուսավորությունն արդիականացվելու է ամբողջությամբ, շուտով կհայտարարվի մրցույթը: Կնորոգվեն լուսատուները, հենասյուները, եթե գումարը հերիքեց, նաե շենքերի բակերում կունենանք լուսավորություն»:
Արդյո՞ք այս տարվա փողոցաշինական աշխատանքների սխալներից դասեր քաղել եք, որպեսզի գալիք տարում կրկին Գյումրին չհայտնվի անանցանելի վիճակում, հարցին, Սամվել Բալասանյանն ասաց՝ այո, բայց խնդիրներից խուսափել բնականաբար, հնարավոր չի լինի:
«Պատկերացրեք, 30 հատ փողոց ենք քանդելու, 5 կարեւոր մագիստրալ փողոցներ են դրանք: Պարզ է, որ փողոցների բնակիչներին նեղություն ենք տալու, իհարկե, ոչ կենտրոնի պես, ոնց եղավ էս տարի, բայց այդ փողոցներում էլ կան, դպրոցներ, մանկապարտեզներ: Կփորձենք մարտին սկսել աշխատանքները, որպեսզի հոկտեմբերին ավարտենք: Բայց շինարարներ են հանդիպում, որոնք փաստի առաջ են կանգնեցնում մեզ: Օրինակ էդ «Վահրադյան շին»-ը, որ Մուշի հրապարակն էր անում, մեզ փաստի առաջ կանգնեցրեց: Մենք 7 տարվա մեջ էդպիսի շինարարություն չէինք ունեցել: Բայց պետք է լծակ ունենանք, որպեսզի կարողանանք պայքարել, ասենք, չե՞ս անում, եղբայր, մի արա, կլուծարենք պայմանագիրը, նոր մրցույթ կհայտարարենք: Բայց մենք դա անել չենք կարող, պետք է հանձնաժողով ստեղծենք, ժամկետների համար տույժ ու տուգանք սահմանենք, երկար պատմություններ են, որոնք էլ ժամանակ են տանում»:
Գյումրիում գործող 24 մանկապարտեզներից 3-ը տնակային են: 2020-ին փոքրիկներին քարաշեն կառույցներ նվիրելու ցանկություն կա: Մեկ նոր մանկապարտեզ էլ Մուշ թաղամասում կառուցելու խնդրանքով այս պահին քաղաքապետը բանակցում է «ԱՌԴԱ» բարեգործական հիմնադրամի հետ: Հնարավոր է կարգավորվի նաեւ «Ծիածան» մանկապարտեզի խնդիրը եւ քարաշեն կառույցը զավթած քաղաքացիներից շենքը ետ վերցվի: «Մուսայելյան փողոցում մանկապարտեզի շենքը վաղուց մարդիկ զավթել են, կարծեմ մի մեծ ընտանիք է ապրում: Ես միշտ գիտեցել եմ դա իրենց սեփականությունն է եղել, բայց հանձնարարեցի, որ ճշտեն, պարզվեց ուղղակի ապրում են էդտեղ: Հիմա ուզում ենք այդ մանկապարտեզը վերականգնենք եւ հանձնենք երեխաներին: Տարածքի բնակիչներն էլ էին ինձ նամակ գրել, որ դա գործի որպես մանկապարտեզ»,-Սամվել Բալասանյանը:
2020-ին Գյումրու մարզադպրոցները կվերանորոգվեն, կկառուցվի Արթուր Ալեքսանյանի անվան սպորտային համալիրը: Քաղաքապետը գյումրեզի մարզիչ-մարզիկներից այս տարի գոհ էր: «Աշխարհի եւ եվրոպայի 61 մեդալ ունեցանք, 23-ը ոսկե մեդալներ են: ՀՀ մրցաշարերում 200-ից ավել մեդալներ ունենք: Համահայկական խաղերում ունենք հաղթանակ: Աննախադեպ է նրանց աշխատանքն ու հաջողությունները»,-ասաց քաղաքապետը:
2020-ին Գյումրին նոր այգիներ կունենա: Բարեկամության այգին՝ 7.3 հա, կհիմնադրի Ռուբեն Վարդանյանը, Գյումրու հայտնի Գորկի այգին կվերականգնի Թումոն: Կան խոսակցություններ, որ այդ այգին 90 տարի ժամկետով վարձակալված է Վարդան Ղուկասյանի ընտանիքի կողմից: Սամվել Բալասանյանն ասաց միֆ է, չկա նման փաստաթուղթ: Երեւի ժամանակին նման խոսակցություններ են տարածել, որ վճարումներ չանեն: Քանդվելու՞ է այգում գործող Ղուկասյանին պատկանող «Օազիս» ռեստորանը հարցին, Սամվել Բալասանյանը չպատասխանեց: Ասաց իր տիրույթից դուրս է, տարածքը տվել են Թումոյին, Թումոն էլ կորոշի:
Քաղաքապետն ասաց որոշել է, որ գալիք տարում բյուջեի տնտեսված եկամուտների հաշվին թարմացնի Վարդանանց հրապարակի շատրվանն ու վերանորոգի Ամենափրկիչ եկեղեցու տարածքի շատրվանները: Վարդանանց եւ Ջիվանու հրապարակներում մանրաքարեր շարելու ցանկություն ունի: «Մեծ ծրագիր է իրականացնելու նաեւ Սինոփսիը: Աճեմյանի վրա կվերականգնի Վառեմ-մարեմի շենքը: Սլաբոտկայում շատ գեղեցիկ են շենքերը, բնակեցված են, քանդված չեն: Այնտեղ նաեւ հետաքրքիր կլինի, հյուրատներ կլինեն: Մուշ 2-ի հրապարակը եթե կարողանանք նորմալ սարքել, կարելի է այնտեղ գեղեցիկ սրճարաններ սարքել, լավ միջավայր, որ դառնա թեկուզ նոր քաղաք եւ հենց այդ իմաստով ներկայանալի լինի հենց տուրիստի համար: 3 հա է տարածքը»,-ասաց քաղաքապետը:
Տարին բարեհաջող էր նաեւ ներդրումների առումով: Մեռյալ կետից Գյումրին միանգամից սկսեց բարձրանալ: «80 հատ շինթույլտվություն են ուզել ներդրողները, արդեն 30-40 շինարարական ավարտ ունենք, եւ հյուրատներ կան, եւ սրճարաններ, խանութներ: Հիմնական միջոցը թանկացավ Գյումրիում, որը հնարավորություն տվեց հասկանալու, որ վերջը դու գյուղ չես, քաղաք ես, գյուղաքաղաք չես, երկրորդ քաղաք ես: Պատմական, մշակութային, սպորտային քաղաք է Գյումրին: Բայց տուրիստը գալիս է, նույնիսկ քարտեզ չունենք, որ տանք, գնա քաղաքում շրջի: Հիմա հանձնարարել եմ, որ քարտեզ ունենանք, որ տուրիստը մենակ գա, առանց որեւէ մեկի կարողանա կողմնորոշվել»: Այս հարցում Գյումրու խոցելի կետը նորմալ տրանսպորտի բացակայությունն է: Խնդիրն առաջիկայում կկարգավորվի,-վստահ է Բալասանյանը:
Արմենուհի Մինասյան
Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը
Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի
«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ
«Crocus City»-ի գործով Տաջիկստանում ձերբակալվել է 9 մարդ
Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)
Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է
Ալեքսեյ Սանդիկովը կգործուղվի Մոսկվա
Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը
ԱԺ պատգամավորները կգործուղվեն Բեռլին
5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին
Հայաստանում տեղումների դադար է, ջերմաստիճանը կբարձրանա 8-10 աստիճանով
«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել
200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության
Սյունիքի մարզում դատավոր է նշանակվել
Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները
Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում
Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում
Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)
Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք
«Երևան ավտոբուս» ընկերության տնօրենն աշխատանքից ազատման դիմում է ներկայացրել
Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում
Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին
Կարեն Գիլոյանը հետևել է հեծանվուղու և մարզադպրոցի կառուցման աշխատանքներին
Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը
Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ
Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել
Երբ է սպասվում դեղձենու մասսայական ծաղկումն Արարատյան դաշտում
«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին
Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է
Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ
Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում
Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է
Լեհաստանը զորքեր կուղարկի Ֆրանսիա
Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները
Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ
Այրվել է վագոն-տնակ՝ ներսում եղած իրերով
Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը
Երևանի և 2 մարզի որոշ հասցեներ մի քանի ժամով կհոսանքազրկվեն
Բախվել են «Նիսսան» և «ՎԱԶ» մակնիշի ավտոմեքենաներ
Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ
© 2024 Հայկական ժամանակ