ՀՀ ԶՈՒ-ում համալրված «ՏՈՐ-Մ2ԿՄ»-ն իր դասի մեջ աշխարհում լավագույններից մեկն է. Արծրուն Հովհաննիսյան

ՀՀ զինված ուժերը օրեր առաջ համալրվել է 2019 թվականի արտադրության հակաօդային եւ հակահրթիռային պաշտպանության «ՏՈՐ-Մ2ԿՄ» համակարգերով։

Այն հիմնականում իրականացնում է պետական, ռազմական ու տնտեսական կարևոր օբյեկտների, ինչպես նաեւ սահմանի պաշտպանություն՝ մարտավարական խորությամբ:

«ՏՈՐ-Մ2ԿՄ»-ը կարող է խոցել ե՛ւ ինքնաթիռներ, ե՛ւ ուղղաթիռներ, ե՛ւ անօդաչու թռչող սարքեր, ե՛ւ հրթիռներ։ Հայկական բանակին մատակարարված տարբերակի յուրահատկությունն այն է, որ կարող է տեղադրվել ե՛ւ կոնկրետ վայրերում, ե՛ւ մեքենաների վրա մնալ՝ ավելի մոբիլ լինելու համար։

Վարչապետ Նիկոլ Փաշինյանը պաշտպանության նախարար Դավիթ Տոնոյանի եւ Զինված ուժերի գլխավոր շտաբի պետ Արտակ Դավթյանի ուղեկցությամբ այցելել էր ՊՆ զորամասերից մեկը եւ ծանոթացել նոր զինատեսակին: Վարչապետը ֆեյսբուքյան իր էջում տեղեկացրել էր, որ սա այս տարվա մեր ամենակարեւոր ձեռքբերումներից է: Սակայն, թե ինչ քանակությամբ է ձեռք բերվել, վարչապետը չի նշել՝ պատճառաբանությամբ, որ ռազմական գաղտնիք է համարվում:

Զենիթահրթիռային համալիրների ձեռքբերման մասին հայտնի էր դարձել դեռեւս 2018-ի մայիսին ՀՀ ՊՆ «Զինուժ» հեռուստածրագրի թողարկումից։ Այն ժամանակ նշվել էր, որ մի քանի ամսվա ընթացքում համալիրներն արդեն կլինեն Զինված ուժերում։

ՀՀ պաշտպանության նախարարության մամուլի խոսնակ Արծրուն Հովհաննիսյանը «Հայկական ժամանակ»-ի հետ զրույցում կարծիք հայտնեց, որ շատ կարեւոր էր «ՏՈՐ-Մ2ԿՄ» զինատեսակի ձեռքբերումը:

- Պարո՛ն Հովհաննիսյան, ի՞նչ հնարավորություններ ունի նոր ձեռք բերված «ՏՈՐ-Մ2ԿՄ» զինատեսակը:

- Իր դասի մեջ այն աշխարհում լավագույններից մեկն է: Մինչեւ 20 կիլոմետր հեռահարությամբ եւ մինչեւ 10 կիլոմետր բարձրությամբ թիրախները խոցելու համար  լավագույններից մեկն է: Որպես համալիր՝ այն շատ հարմար է մեր տեղանքի համար՝ ինչպես իր շարժունակությամբ, այնպես էլ կրակի ձեւով: Կրակի ձեւը շատ լավն է՝ ուղիղ վերեւ է կրակում: Անօդաչու թռչող սարքեր, ավիառումբեր՝ փոքր թիրախներ հայտնաբերելու համար ՏՈՐ-ը նույնպես շատ հարմար է:

- Այսինքն՝ այս զինատեսակը, ըստ էության, միայն փոքր թիրախներ հայտնաբերելու համա՞ր է:

- «ՏՈՐ-Մ2ԿՄ»-ն ամեն ինչ կարող է ոչնչացնել: Հայաստանի տեղանքում այս զինատեսակը շատ դեպքերում ավելի կարեւոր է, քան նույնիսկ ամենահզոր զենքերը:

- Այս զինատեսակների արժեքը միջինում որքա՞ն է լինում:

- Չեմ կարող ասել: Դուք գիտեք, որ նոր զենքերը էժան չեն: Բացի դրանից՝ հաշվի առեք, որ մեզ վաճառվող բոլոր զինատեսակները ներքին գներով են վաճառվում, այսինքն՝ միջազգային շուկայի գներով չեն վաճառվում: Հիմա դուք կարող եք գտնել միջազգային մամուլում ինչ-որ պայմանագիր «ՏՈՐ»-երի վաճառքի՝ ոչ Մաքսային Միության անդամ եւ ՀԱՊԿ անդամ երկրների, որը կարող է ուրիշ գներ լինել:

- Քանի՞ թիրախ է կարողանում որսալ «ՏՈՐ-Մ2ԿՄ»-ը:

- ՀՕՊ միջոցներն ունեն 3 աշխատանքային ռեժիմ: Առաջին ռեժիմը հայտնաբերումն է, այսինքն՝ թե ինչքան թիրախ կարող է այն միաժամանակ հայտնաբերել: Այս զինատեսակը մինչեւ 100 թիրախ կարող է հայտնաբերել: Երկրորդ ռեժիմն ուղեկցելն է, մասնավորապես, թե քանի թիրախ ես վերցնում գործողության տակ: Ուղեկցման ռեժիմում այն վերցնում է մոտ 20 թիրախ: Եվ կա խոցման ռեժիմ, այսինքն՝ թե քանի թիրախ կարող է միաժամանակ խոցել: «ՏՈՐ-Մ2ԿՄ» զինատեսակը միաժամանակ 2 թիրախ է խոցում: Այսինքն՝ վայրկյանների ընթացքում այն կարող է միաժամանակ 2 թիրախի վրա հրթիռ բաց թողնել: Այն ոչ միայն 2 թիրախի կարող է կրակել, այլեւ յուրաքանչյուր թիրախի վրա 2 հրթիռ կարող է բաց թողնել, ստացվում է՝ միաժամանակ 4 հրթիռ է կառավարում:

- Այն հարմարեցված է «Կամազ» բեռնատարների վրա: «ՏՈՐ»-ը միայն ա՞յդ տեսակի է լինում:

- Կա նաեւ թրթուրավոր տարբերակ, որը մեզ համար այդքան էլ հարմար չէր: Ընտրել ենք այս տարբերակը, քանի որ մեր տեղանքի համար այն շատ հարմար է: Բացի այդ՝ «ՏՈՐ-Մ2ԿՄ»-ի լավն այն է, որ կոմպակտ է, ունիվերսալ է եւ ավտոմատացված:

- Այս տարվա ընթացքում նոր զինատեսակների ձեռքբերում նախատեսվո՞ւմ է:

- Զինատեսակների ձեռքբերումը մշտական գործընթաց է: Ամեն օր էլ կարող են լինել նորություններ:

- Ինչպե՞ս կարձագանքի այս ձեռքբերմանն Ադրբեջանը

- Չեմ կարող ասել: Ադրբեջանն ունի իր սպառազինման ծրագրերն ու պլանները, մենք՝ մերը: Միշտ չէ, որ դրանք ուղիղ հակադարձում են իրար:

Տպել
1934 դիտում

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան