«Գյումրու ծննդատունը կարող է փակվել ցանկացած պահի». Արսեն Թորոսյան

Այսօր աշխատանքային այցով Գյումրի էր այցելել Առողջապահության նախարար Արսեն Թորոսյանը: Ի թիվս այլ հարցերի, օրակարգում էր նաեւ Գյումրու ծննդատան հնարավոր փակման խնդիրը: Հնարավո՞ր է, որ Վարդան Սրմաքեշի ֆինանսավորմամբ կառուցվելիք նոր ծննդատան շահագործումից հետո Գյումրու ծննդատունն իսկապես փակվի: Արսեն Թորոսյանն ասաց, պարզ պատահականություն է, որ մինչեւ օրս Գյումրու ծննդատունը գոյատեւում է:  

«Ես վստահ չեմ, որ Գյումրու ծննդատունը մինչեւ էդ շենքի բացումը կգոյատեւի, որովհետեւ արդեն մինչեւ 100 մլն պարտք ունի, եթե պարտքատերերը սկսեն սնանկացման գործընթաց, ապա կարող է այն փակվել ցանկացած օր»:

Գյումրու ծննդատան փակման մասին խոսակցությունները, փաստորեն անցնում են իրականացման փուլին: Նախարարն ասաց, որպեսզի այն անցավ լինի եւ բուժաշխատողների համար եւ բոլորի, առաջարկել են գործընթացի իրականացման իրենց  ծրագիրը, որը հավանության չի արժանացել ոչ Շիրակի մարզպետարանի, ոչ Գյումրու ծննդատան ղեկավարության կողմից:

«Մենք առաջարկել ենք հետեւյալ. անձնակազմի այն հատվածին, որն իրոք բուժօգնություն է մատուցում եւ ուռճացված չէ, տեղավորենք մարզային այլ բուժհաստատություններում, Գյումրու Մոր եւ մանկան Ավստրիական հիվանդանոցում, Ախուրյանի հիվանդանոցում, եւ դրանով նաեւ ընդունվող ծնունդներն էլ  կտեղափոխվեին մի մասը Ախուրյան, մի մասը Գյումրի, իսկ շենքը կհանձնվեր պետգույք: Եվ փաստացի ծառայությունը կշարունակվեր, եւ այն ավելի որակով կմատուցվեր»:

Նախարար Թորոսյանն ասաց իրենց առաջնային նպատակը որակյալ ծառայության մատուցումն է, եւ շենքային պայմանների հզորացումը: Այս համատեքստում էլ արդեն նախարարությունն ունի որոշում: «Մենք էս պահին իրավաբանական անձերի մասին չենք խոսում, բայց առնվազն շենքի եւ հզորությունների զարգացումը պետք է լինի արդեն գործող որեւէ բուժհաստատության կազմում, եւ քննարկումներից հետո որոշվել է, որ դա պետք է լինի Մոր եւ մանկան Ավստրիական հիվանդանոցում»,-տեղեկացրեց Արսեն Թորոսյանը:

Նոր կառուցվելիքն արդյո՞ք  կրկին հանդիսանալու է Ավստրիական մանկական հիվանդանոցի մի մասը, քանի որ հենց այդ տարածքում է  շենքը լինելու: Արսեն Թորոսյանն ասաց առաջիկայում այդ հատվածը կդառնա փոքրիկ բժշկական քաղաք, բոլոր հնարավոր ծառայությունները կլինեն հասանելի նույն վայրում, նույն պահին: «Ապագայում այստեղ կձեւավորվի փոքրիկ բժշկական քաղաք, ու ճիշտ կլինի, որ բոլորը միասին լինեն մեկ իրավաբանական անձ, էս դեպքում կարեւոր հարցեր են լուծվում: Օրինակ գնումների գործընթացում ավելի էժան ձեռք կբերեն ամեն ինչ, որովհետեւ միանգամից շատ կգնեն, մեկ հաշվապահ կպահեն, մեկ տնտեսվար  կպահեն, մեկ տնօրեն: Տարվա վերջում էլ կարող է պարզվի, որ 30 մլն էկանոմիա ես արել, իսկ էդ 30 մլն դրամով կարելի է գնել մի նոր սոնոգրաֆիկ ապարատ»:

Ի՞նչ վստահություն ունեն Վարդան Սրմաքեշի նկատմամբ, որի ֆինանսավորմամբ է 2020 թվականից Գյումրիում մեկնարկելու ծննդատան կառուցումը, հաշվի առնելով հանգամանքը, որ Գյումրիի «Սասստեքս» կարի ֆաբրիկան եւս Սրմաքեշի նախագիծն էր: Նախարարն ասաց ֆինանսական հարցերի մեջ շատ չեն խորանում, բայց վստահությունը մեծ է:

Տպել
1227 դիտում

Մահացել է Լեւոն Արոնյանի կինը՝ Արիանա Կաոլին

ՀՀ ԱԳՆ հայտարարությունը հայ-ադրբեջանական սահմանին ռազմական միջադեպի վերաբերյալ

Կորոնավիրուսային հիվանդությամբ հաստատված դեպքով ծանր վիճակում գտնվող 2 պացիենտի մոտ դրական դինամիկա կա. Թորոսյան

Իրաքի նոր վարչապետը կոչ է արել վերացնել Իրանի դեմ պատժամիջոցները

ԵՄ-ն 37 միլիարդ եվրո կտրամադրի կորոնավիրուսի համաճարակից տուժած իր անդամներին՝ վերականգնման համար

Վիրավորում ստացած երկու զինծառայողի վիճակը կայուն է, նրանց կյանքին վտանգ չի սպառնում. Շուշան Ստեփանյան

Տիգրան Խաչատրյանը հանդիպել է վերամշակող ընկերությունների ներկայացուցիչներին

Ասկերանում մեկնարկել է բժշկական դիմակների պատրաստման գործընթացը. 1500 դիմակ արդեն պատրաստ է

Գյումրեցիները Շիրակ գյուղից գողացած անասունը վաճառել են Արմավիրի մարզում

Ոսկեւանում վիրավորում ստացած երեխային տեղափոխում են Երեւանի «Սուրբ Աստվածամայր» ԲԿ. Ալինա Նիկողոսյան

Շուրջ 250 մարդ դուրս է եկել մեկուսացումից

Վրաստանում պարետային ժամ և կարանտին է սահմանվում երկրի ողջ տարածքում. 21:00-ից հետո դուրս գալ արգելվում է

Պարետը 6 ժամով 5 տնտեսվարողի գործունեությունն արգելելու որոշում է կայացրել

Ucom-ը դարձնում է հեռավար ուսուցումը հասանելի բոլորի համար

Գնդակը նախ դիպել է պատին, այնուհետեւ՝ երեխային․ Տավուշի մարզպետը՝ ոսկեւանցի երեխայի մասին

ՀՀ տարածքում ավտոճանապարհները հիմնականում անցանելի են. ԱԻՆ

Ադրբեջանական կողմը ձեռնարկել է դիվերսիոն ներթափանցման փորձ. թեթեւ վիրավորում է ստացել երկու զինծառայող

Անցկացվել է ցուցադրական մարտավարական զորավարժություն . ՊՆ

Ուսուցիչների եւ աշակերտների համար համակարգչային սարքերի հավաքագրմանը միացել են ե՛ւ անհատներ, ե՛ւ կազմակերպություններ

ԿԲ նախագահի պաշտոնում «Իմ քայլը» խմբակցությունն առաջադրել է Մարտին Գալստյանի թեկնածությունը․ Մանուկյան