Երևան
12 °C
searchclose
today
menuclose
Երևան
12 °C
Հայաստանի խորհրդարանն օրերս առաջին ընթերցմամբ ընդունեց «Իմ քայլը» խմբակցության պատգամավորներ Արմեն Խաչատրյանի ու Սիփան Փաշինյանի հեղինակած մի նախագիծ, որով հեռախոսային խոսակցությունների վերահսկման ինքնուրույն իրականացման հնարավորություն է տրվում նաեւ ՀՀ ոստիկանությանը։
«Օպերատիվ-հետախուզական գործունեության մասին» օրենքում փոփոխություններ կատարելու մասին այս նախագիծը հանրային քննարկման տիրույթում հայտնվեց «հիմա էլ ոստիկանությունն է քաղաքացիներին գաղտնալսելու» մեկնաբանությամբ։ Սակայն նախագծի հեղինակ Արմեն Խաչատրյանը Ազգային ժողովում հարցի քննարկման ժամանակ պարզաբանեց, որ ոստիկանությանը նման հնարավորություն են ցանկանում տալ՝ հաշվի առնելով, որ ուժային այս կառույցն ընդգրկված է օպերատիվ-հետախուզական գործունեության մեջ եւ իր կառուցվածքում գործում է օպերատիվ-տեխնիկական մասնագիտացված ստորաբաժանում, եւ որ այդպիսով կխնայեն նաեւ ԱԱԾ-ին միջնորդությամբ դիմելու, տեխնիկական աջակցություն ստանալու եւ կազմակերպչական հարցերի լուծման համար ծախսվող ժամանակը:
Խաչատրյանը նշել էր, որ ոստիկանությունն այսօր էլ իրականացնում է նման գործառույթ, սակայն, երբ կոնկրետ համար պետք է լսեն, կապուղին ԱԱԾ-ն է լինում։
ՀՀ կառավարությունն այս նախագծին բացասական եզրակացություն է տվել։ Նշել է, որ դրանում բավարար կերպով չի հիմնավորվել ՀՀ ոստիկանության կողմից ՀԽՎ-ի ինքնուրույն իրականացման անհրաժեշտությունը, եւ նախագծով առաջարկվող կարգավորումն ընդունելու պարագայում նույն գործառույթն ինքնուրույն իրականացնելու նախաձեռնություն կարող է դրսեւորել նաեւ Արդարադատության նախարարության քրեակատարողական ծառայությունը:
Գաղտնալսման իրավասություն վերապահելու դեպքում, ըստ կառավարության, անհրաժեշտություն կառաջանա վերջինիս համար ներդնել առանձնացված համակարգ, ինչպես նաեւ արդիականացնել գործող համակարգը, ինչը լրացուցիչ ֆինանսական բեռ կառաջացնի նաեւ հեռահաղորդակցության օպերատորների համար։
Ամփոփելով շարադրվածը՝ կառավարությունն առաջարկել է ներկայումս նախագծով քննարկվող գործող օրենքի հոդվածները թողնել անփոփոխ:
Արդարադատության փոխնախարար Սրբուհի Գալյանն էլ խորհրդարանում հարցի զեկուցման ժամանակ նշել էր, որ որեւէ դեպքում կառավարությունը չի ասում՝ չպետք է ոստիկանությանը նման հնարավորություն տալ, այլ ասում է` նման հատվածական կարգավորմամբ ոստիկանությունը չպետք է ունենա գաղտնալսումն ինքնուրույն կազմակերպելու հնարավորություն:
Այդուհանդերձ, օրենսդրական նախաձեռնությունը ԱԺ-ում ձայների 82 կողմ եւ 19 դեմ հարաբերակցությամբ ընդունվեց։
Օրենքին դեմ հանդես եկող քաղաքացիները հիմնականում այն թեզն են առաջ բերում, որ ընդհանրապես պետք է վերանայել գաղտնալսման երեւույթը մեր երկրում։ Շատերն էլ պնդում են, որ նախագծի ընդունման ժամանակը տեղին չէ, քանի որ ոստիկանությունն ու ԱԱԾ-ն առհասարակ չեն վայելում քաղաքացիների վստահությունը, ու պետք է սկսել համակարգի խորքային բարեփոխումներից, այդ թվում՝ այս կառույցներում աշխատող անձանց փոփոխությունից։
«Իմ քայլը» խմբակցության պատգամավոր Միքայել Զոլյանը կարծում է՝ եթե նախագծի հետ կապված ինչ-որ սխալ են արել, ապա այն է, որ ի սկզբանե դրա էությունը մանրամասն չեն բացատրել, որ տարընթերցումների առիթ չդառնա ու նման աղմուկ չբարձրանա։ Զոլյանի պնդմամբ՝ սա բացարձակապես նորմալ ու կասկածի տեղ չտվող նախագիծ է. «Փորձը ցույց է տալիս, որ մարդիկ սովորաբար հետեւություններ անում են ԶԼՄ նյութերի վրա, որտեղ կարող է ինչ-որ բան կիսատ ու ոչ լիարժեք ներկայացվել, ինչը եւ եղավ այս դեպքում։ Չնայած հետո ներկայացվեց օրենքի իրական բովանդակությունը, այնուամենայնիվ, որոշակի նստվածք մնաց, եւ սկսեցին անվստահության մասին խոսակցությունները»։
Պատգամավորը ՀԺ-ի հետ զրույցում ընդգծեց, որ այդ անվստահությունը օրենքի հետ ամենեւին կապ չունի։ Նա չհերքեց, որ վստահության պակաս իրապես կա, բայց այն նոր չի ստեղծվել, այլ տասնամյակների ընթացքում, քանի որ իրավապահ մարմինները տարիներ շարունակ ՀՀ քաղաքացիների շահերից ելնելով չեն գործել:
«Հիմա էլ խնդիրներ կան իրավապահ համակարգում, բայց օրենքը, հակառակը, միտված է վստահությունն ուժեղացնելուն։ Այսօրվա դրությամբ, ստացվում է, բոլոր հնարավոր գաղտնալսումների ամբողջ պատասխանատվությունն ընկած է ԱԱԾ-ի վրա։ Այս օրենքով որոշակի հավասարակշռություն է ստեղծվում, եւ աշխատանքի բաժանում է լինում։ Սա պետք է ավելացնի վստահությունը կամ առնվազն չպիտի բացասական արձագանք ստանա։ Որովհետեւ մարդիկ կան՝ ԱԱԾ-ին չեն վստահում, մարդիկ կան՝ ոստիկանությանը չեն վստահում, մարդիկ էլ կան՝ ո՛չ ԱԱԾ-ին են վստահում, ո՛չ էլ ոստիկանությանը։ Բայց, ի վերջո, օրենքի շնորհիվ որոշակի հավասարակշռություն ենք ստեղծում, ինչ-որ չափով բեռնաթափում ենք ԱԱԾ-ն, եւ, որ ամենակարեւորն է, քաղաքացիների համար որեւէ բան չի փոխվում։ Բացի այդ՝ մինչ այս էլ կարելի էր գաղտնալսել միայն դատարանի որոշմամբ, եւ հիմա էլ նույնն է լինելու, միայն թե ոստիկանությունը դա անելու է առանց ԱԱԾ-ի միջամտության»,- ասաց մեր զրուցակիցը։
Թե ինչու են քաղաքացիները սուր արձագանքել այս նախագծին, Զոլյանի կարծիքով, պատճառներից մեկը ապատեղեկատվությունն է, կամ, իր խոսքով, տեղեկատվական պատերազմը. «Իսկ տեղեկատվական պատերազմ միշտ մղվում է մեր դեմ։ Անհանգիստ տրամադրություն կա մեր հանրության մեջ, որը ստեղծվում է նաեւ արհեստական ճանապարհով։
«Իմ քայլը» խմբակցության պատգամավոր Միքայել Զոլյանը համոզված է՝ օրենքի մեջ բռնապետական ոչինչ չկա։
Մոսկվայի և Երևանի հարաբերություններում իսկապես կան որոշակի դժվարություններ, բայց դրանք չպետք է ուռճացվեն․ Պեսկով
Վերջին անգամ հանդիպել ենք դեկտեմբերին, դրանից հետո կուտակվել են հարցեր․ ինչ է առաջարկել Փաշինյանը Պուտինին (տեսանյութ)
Կրեմլում կայացել է Նիկոլ Փաշինյանի և Վլադիմիր Պուտինի հանդիպումը (տեսանյութ)
Հայաստանում նոր ընտրություններ անցկացնելու հանրային հասարակական պահանջ չկա, ինչի՞ վրա է ձեր հույսը․ Արման Բաբաջանյան
Ինչպես քվեարկել «Լադանիվա» խմբի օգտին․ ներկայացվել է կարգը
Արարատ Միրզոյանը Մելանի Ժոլիին է ներկայացրել Հայաստանի և Ադրբեջանի միջև սահմանազատման գործընթացի վերջին զարգացումները
ՀԱՊԿ-ը ԵԱՏՄ-ի թեման չէ, Հայաստանի անդամակցության հետ կապված հարցեր չեն քննարկվել․ Օվերչուկ
Ադրբեջանն ու Հայաստանը մինչև տարեվերջ կարող են ապացուցել, որ միջազգային միջնորդության ձևը հնացել է․ Le Figaro
Օդի ջերմաստիճանի նորմայից շեղման արժեքով Հայաստանն աշխարհում երկրորդ ամենատաք երկիրն է
Ինչ նպատակ ունի «Խաղաղության խաչմերուկ» նախագիծը․ վարչապետի ելույթը Եվրասիական բարձրագույն խորհրդի նիստում (տեսանյութ)
Հայաստանի և Ադրբեջանի միջև խաղաղության համաձայնագրի շուտափույթ ստորագրումը կարևոր է․ Էրդողանը՝ Ասադովին
Միայն փոխադարձ հարգանքով և կառուցողական լուծումներով կպահպանվի ԵԱՏՄ-ի արդյունավետությունը․ Փաշինյան (տեսանյութ)
Միքայել արքեպիսկոպոս Աջապահյանի առաջնորդությամբ Գյումրիից եկած խումբը միացել է Գալստանյանի երթին
Տավուշում մեքենաներ են բախվել․ տուժած 3 քաղաքացի է տեղափոխվել հիվանդանոց
Որպես ՀՀ իշխանության ներկայացուցիչներ մեծ պարտավորություն ունենք մեր պետականությունը պահպանել և ամրապնդել․ ՀՀ նախագահ
ՀԱՊԿ-ն արձագանքել է ՀՀ-ի՝ կազմակերպության գործունեության ֆինանսավորմանը չմասնակցելու որոշմանը
Մաշտոցի պողոտայից դեպի Հաղթանակի կամուրջ և հակառակ ուղղությամբ ճանապարհահատվածը առանձին ժամերի փակ կլինի
ԱՄՆ դեսպանը ընդդիմադիր պատգամավորների հետ հանդիպմանը ողջունել է ՀՀ-ի և Ադրբեջանի միջև ձեռք բերված համաձայնությունը
Հայաստանի Հանրապետությունը չի մասնակցի ՀԱՊԿ գործունեության ֆինանսավորմանը. ԱԳՆ խոսնակ
Ինչ իրավիճակ է Լարսի ճանապարհին
Հանրապետական կուսակցության երիտթևը միացել է Բագրատ արքեպիսկոպոս Գալստանյանի գլխավորած շարժմանը
Նիկոլ Փաշինյանի նախագահությամբ Մոսկվայում մեկնարկել է ԵԱՏՄ 10-րդ գագաթնաժողովը (տեսանյութ)
Ռեստորանային համալիրի մոտ՝ կիսախարխուլ փայտե տնակում, տղամարդու դի է հայտնաբերվել
236 մլն եվրոյի վարկային համաձայնագիր կստորագրվի. ներկայացվել է Հյուսիս-հարավի Սիսիան-Քաջարան հատվածի ծրագիրը (տեսանյութ)
Մայիսի 9-ին ՄԻՊ-ն արտակարգ ռեժիմով կաշխատի
Հուսամ՝ շարժումը հրապարակ հասնելուց հետո Քոչարյանի խմբակցությունը կպատասխանի տվածս պարզ հարցին. Ալեքսանյան
ԲԿ-ներից մեկում բուժում ստացող կալանավորի սենյակից կասկածելի իրեր են հայտնաբերվել, վերելակի աթոռի տակից՝ թմրանյութ
Նախագահը Սան Ֆրանցիսկոյի և հարակից շրջանների հայ համայնքին է ներկայացրել ՀՀ-ում տեղի ունեցող իրադարձությունները
Նոր նշանակում ՀՀ քննչական կոմիտեում
Մեծ Բրիտանիան կարտաքսի ՌԴ ռազմական կցորդին․ ռուսների համար դիվանագիտական վիզաների նոր սահմանափակում կգործի
Նորագյուղում Իվան Պասկևիչի հուշարձանի մոտից հեռացրել են հայկական դրոշը՝ թողնելով միայն ռուսականը. տելեգրամ ալիքներ
Կիրանցում այսօր սահմանազատում չի կատարվում
Կալանավայրում գտնվող քաղաքացին իր ծանոթի հետ կատարել է 152 դրվագ համակարգչային հափշտակություն․ վնասի չափը 102 մլն դրամ է
Եկեղեցին ՀՀ սահմանադրական կարգը տապալելու հայտարարություններ է անում, պետք է իրավական գնահատական տրվի. Առաքելյան
Աղետալի կարկտահարության հետևանքները․ Սուրենյանը տեսանյութ է հրապարակել Կարբիից
Դոլարը թանկացել է․ ինչ փոփոխություններ է արձանագրել տարադրամի շուկան մայիսի 8-ին
Երևանում առանց պետհամարանիշի ռուսական դրոշներով մեքենաներ են շրջում
«Ամիօ ժամանակաշրջան». կրթությունը հնարավորություն է, որը փոխում է կյանքը
Յունիբանկը բիզնեսին առաջարկում է «Պարզեցված» վարկ` առանց վերլուծության
Կոնվերս Բանկը ՎԶԵԲ տարեկան ժողովի գլխավոր հովանավորն է
