Երևան
12 °C
Ապրիլյան քառօրյա պատերազմի ժամանակ մարտական հերթապահություն իրականացրած մի շարք ուսանողներ վերջին շրջանում մտահոգություններ ունեն, թե հնարավոր է՝ ուսման վարձի զեղչ այդպես էլ չտրամադրվի: Կիսամյակի վարձը մուծելու ժամկետն արդեն լրացել է, պատերազմի մասնակից ուսանողները վճարումները կատարել են ամբողջությամբ՝ առանց խոստացված 20 տոկոս զեղչի:
Ինչպես հայտնի է, այս խմբի ուսանողները նախկինում փոխհատուցում են ստացել «Երիտասարդական» հիմնադրամի միջոցով, որն այժմ լուծարման փուլում է: Հայտարարվել էր, որ երկու եւ ավելի անչափահաս երեխա ունեցող, ինչպես նաեւ Ապրիլյան պատերազմի մասնակից ուսանողները վարձավճարի փոխհատուցումն այսուհետ կստանան ԿԳՄՍ նախարարության միջոցով:
Մեզ հետ զրույցում նախարարության բարձրագույն եւ հետբուհական մասնագիտական կրթության վարչության պետի տեղակալ Լուսինե Գրիգորյանը նշեց, որ անհանգստանալու կարիք չկա. այս ուղղությամբ աշխատում են, դեռեւս այս տարվա սեպտեմբերից ձեռնարկվել է տվյալների հավաքման գործընթաց:
Նրա խոսքով՝ ՀՀ կառավարության որոշմամբ անցած տարի այդ նպատակով հատկացվել էր 80 միլիոն դրամ, եւ հիմնադրամի հաշվեկշռին դրանից որպես մնացորդ մնացել է 33 միլիոնը: Այդ գումարը տնօրինելու համար նախարարությունը բուհերից հավաքել է տեղեկատվություն 2 եւ ավելի երեխա ունեցողների, Ապրիլյան պատերազմի մասնակիցների եւ մարտական հերթափոխություն անցկացրածների մասին: Բուհերից ստացել են անհրաժեշտ ցուցակները, փոխհատուցման ենթակա գումարի չափը՝ ամբողջ ուսման վարձի 20 տոկոսի չափով:
Հետագայում պարզ է դարձել, որ այդ 33 միլիոն դրամը չի բավարարի՝ բոլոր ուսանողների 20 տոկոսը փոխհատուցելու համար, այդ պատճառով նախարարությունն այլ որոշում է կայացրել. միջնորդական նամակ է ուղարկել Երիտասարդական հիմնադրամին, որպեսզի կառույցը փոխհատուցի ուսանողների ամբողջ ուսման վարձի 10-ը տոկոսն առաջին կիսամյակի համար: Այդպես կկարողանան 33 միլիոնով հարցը կարգավորել:
«Ուզում եմ ձեզ հավաստիացնել, որ արդեն բուհերից ստացված տվյալներն ուղարկել ենք «Երիտասարդական» հիմնադրամին: Իրենք մեկ անգամ եւս հաշվարկներ են անում, ցանկանում են, որ ամեն ինչ ավելի մանրամասն եւ ճշգրիտ լինի, որպեսզի պայմանագիր կնքեն բուհերի հետ»,- նշեց Գրիգորյանը՝ հավելելով, որ այս ընթացքում փաստաթղթային հարցերով ուսանողներին անհանգստություն չի պատճառվի: Նախարարությունից բուհերի պատասխանատուներին եւ «Երիտասարդական» հիմնադրամին զգուշացրել են, որ որեւէ քաշքշուկ չլինի՝ հայտարարություն տարածելու կամ փաստաթուղթ վերցնելու մասով:
«Նախարարությունը փոխանցման պրոցեսը վերցրել է իր վրա, եւ մենք բուհերի պատասխանատուների հետ աշխատել ենք, կնքված ցուցակներն արդեն ուղարկել ենք իրենց, մինչեւ այս շաբաթվա վերջ գործընթացը պետք է ավարտվի»,- նշեց վարչության պետի տեղակալը:
Լուսինե Գրիգորյանը տեղեկացրեց, որ արդեն 2020 թվականի պետական բյուջեում միջոցներ կան նախատեսած, եթե ամեն ինչ բարեհաջող լինի, հետագայում խնդիրներ չեն առաջանա:
Նա նաեւ հավելեց «Երիտասարդական» հիմնադրամը լուծարվելու է, պարզապես մինչեւ տարվա վերջ լուծարման մասին գրանցում չկա, եւ կառույցը շարունակում է իր պարտականությունները կատարել նաեւ այս մասով: Արդեն 2020 թվականին նախարարությունն այլեւս հիմնադրամի հետ գործ չի ունենալու, այդ ժամանակ դատարանը համապատասխան որոշումը կայացրած կլինի:
Զինգրքույկներում նշման բացակայությունը խնդիր չի լինի
Լուսինե Գրիգորյանը մեզ հետ զրույցում նշեց նաեւ, որ խնդրի հետ կապված այլ աշխատանքներ եւս տանում են: Օրինակ՝ Հայաստանի պետական տնտեսագիտական համալսարանում կան 1 տասնյակի հասնող ուսանողներ, որոնց զինգրքույկում մարտական գծում հերթապահությունն անցնելու վերաբերյալ նշումը բացակայում է, սակայն երիտասարդները հավաստիացնում են, որ այնտեղ եղել են: Նախարարությունը որոշել է այդ հարցը եւս կարգավորել: Համապատասխան ցուցակները խնդրել է Պաշտպանության նախարարությունից, որպեսզի բանակցեն, բազաներում ստուգեն անունները, եւ անհրաժեշտության դեպքում այդ ուսանողները եւս ընդգրկվեն շահառուների ցանկում:
Գրիգորյանի խոսքով՝ այս պահին նաեւ աշխատում են հատկացվող զեղչի տոկոսի վրա: Վերջինս չբացառեց, որ հնարավոր լինի զեղչը դարձնել 30 կամ 50 տոկոս, բայց այս պահին հարցի հետ կապված հստակ տեղեկատվություն դեռեւս չունի:
Նա հավելեց, որ ուսանողներն անհանգստանալու առիթ չեն ունենա, իսկ անհատական դեպքերում, երբ լինեն խնդիրներ, որ ուսանողին զեղչ չի հասնի, այդ դեպքերում պետք է դիմել նախարարություն, որպեսզի կոնկրետ դեպքի հետ կապված փորձեն կարգավորել հարցը:
Անի Ավագյան
Ովքեր ուզում են շարունակաբար ունենալ հաջողակ պետություն, պետք է ապահովեն այդ պետության մրցունակությունը․ Նիկոլ Փաշինյան
Քենիայում ռազմական ուղղաթիռ է կործանվել․ զոհերի թվում է երկրի պաշտպանության ուժերի հրամանատարը
3-ի փոխարեն 8 մասնաշենք․ Փոքր Վեդիի միջնակարգ դպրոցը շահագործման կհանձնվի մինչև տարեվերջ (տեսանյութ)
Մենք հիմա նստած ենք ռումբի վրա, դա պայթեցնելու վահանակը ռուսների մոտ է, Հայաստանը քայլ պիտի անի. Մեհրաբյան
Արտակարգ դեպք Երևանում․ «Էվոկաբանկ»-ի հաճախորդը իր տղայի և ընկերոջ հետ ծեծել են մասնաճյուղի կառավարչին ու աշխատակցին
ԳՐԵԿՈ-ն բարձր է գնահատել ՆԳՆ ոստիկանության բարեփոխումները․ զեկույց
Հրդեհ է բռնկվել Արթիկի անտառտնտեսության տարածքում․ ծառեր են ջերմահարվել
Թուրքիայում տեղի ունեցած երկրաշարժի հետևանքով ավերածություններ կան
Տեղի է ունեցել «Քաղաքացիական պայմանագիր» կուսակցության նախաձեռնող խմբի նիստ․ այն վարել է Նիկոլ Փաշինյանը
«Նուբարաշեն» ՔԿՀ-ի անցագրային կետում փաթեթ գցած քաղաքացին ձերբակալվել է
Բախվել են «Մերսեդես»-ն ու «Կամազ»-ը. մարդատարի 20-ամյա վարորդն ու նրա հասակակից 2 ուղևորները հիվանդանոցում են
ՀՀ ֆինանսների նախարարության պատվիրակությունը Վաշինգտոնում է․ ինչ հանդիպումներ են տեղի ունեցել
Կայծակի հարվածից Աբու Դաբիից Երևան թռչող ինքնաթիռի դիմապակին վնասվել է (տեսանյութ)
Ֆինլանդիան ժամանակավորապես կկրճատի փախստականների նպաստները
Բերդկունք ամրոցը կվերածվի արգելոց-թանգարանի
Կարևորվել է Ֆրանսիայի հետ տնտեսական փոխգործակցության խորացումը․ փոխվարչապետն ընդունել է Բրիս Ռոքֆոյին
Որտեղ է հայտնաբերվել քրեական պատմություններով հայտնի նորատուսցի Արայի տղայի «յաշիկը»
«Օբյեկտիվ չեք». Պետրոս Ղազարյանը դիմել է Մայր Աթոռի տեղեկատվական համակարգի տնօրեն Եսայի քահանա Արթենյանին
«Գարդման-Շիրվան-Նախիջևան»-ն ակնկալում է, որ ԱՄՆ դեսպանը կնպաստի ԼՂ հայերի վերադարձի ժամկետների և միջոցների մատնանշմանը
Թուրքիայում 5․6 մագնիտուդ ուժգնությամբ երկրաշարժ է տեղի ունեցել
ԵԽԽՎ վերադառնալու համար Բաքուն պետք է որոշ պահանջներ կատարի․ Ադրբեջանի հարցով զեկուցող
ԱԽ քարտուղարը Բրիս Ռոքֆոյին է ներկայացրել հայ-ադրբեջանական բանակցային գործընթացի վերջին զարգացումները
Ֆրանսիան որոշել է մենակ չթողնել Հայաստանին Ադրբեջանի շարունակվող ագրեսիայի դեմ․ Աստրիդ Փանոսյան-Բուվե
ԲՏԱ փոխնախարարն ու ծրագրերի վարչության պետն այցելել են «Ինժեներական քաղաք», ծանոթացել շինաշխատանքներին
Վարչապետն ընդունել է Մարտին Շտիկելին․ ՀՀ կառավարության և «Fichtner»-ի միջև փոխգործակցությանն առնչվող հարցեր են քննարկվել
Արարատի մարզում բենզալցակայանի գործունեություն է դադարեցվել, այն ապամոնտաժվել է
Մինչև 1% cashback Wildberries-ում IDBank-ի քարտով վճարելիս
Նիկոլ Փաշինյանն ու Բրիս Ռոքֆոն Հայաստան-ԵՄ համագործակցությանը վերաբերող հարցեր են քննարկել
Բրյուսելյան հանդիպմանը գաղտնի օրակարգ չի եղել, Ադրբեջանական լրատվամիջոցներում հրապարակված թուղթը կեղծ է․ ԱԳՆ խոսնակ
Երևանում հաստաբուն ծառը կոտրվել և ընկել է ավտոմեքենաների վրա
ԵՄ-ն մեկնաբանել է Լեռնային Ղարաբաղից ռուս խաղաղապահ զորքի դուրսբերման գործընթացը
Amio Visa Signature Business քարտ. երբ հնարավորությունները սահմաններ չունեն
Հայտնի է՝ Գեղարքունիքում ովքեր են բռնաբարել 13-այա աղջկան. նրանք 74 և 66 տարեկան տղամարդիկ են
Բացահայտվել է ավելի քան 13 կգ թմրամիջոցի մաքսանենգության դեպք․ հետախուզվողը հայտնաբերվել է, խմբի 2 անդամ կալանավորված է
Հայաստանում ԵՄ դիտորդական առաքելությունը ոչ մի օգուտ չի բերում Հարավային Կովկասին. Զախարովա
Դավիթ Տոնոյանի խափանման միջոցը փոխելու միջնորդությունը մերժվել է
Հայաստանին պետք է ռազմական օգնություն ցուցաբերել․ Ֆրենկ Փալոնը կոչով դիմել է ԱՄՆ-ին
13-ամյա երեխայի նկատմամբ սեքսուալ բնույթի գործողություններ են կատարվել․ 2 տղամարդ է կալանավորվել
«Խաղաղության խաչմերուկ»-ը կարող է ներդաշնակորեն համադրվել բոլոր ենթակառուցվածքային ծրագրերին. Հայկ Կոնջորյան
Դոլարը կրկին էժանացել է․ ինչ փոփոխություններ է արձանագրել տարադրամի շուկան ապրիլի 18-ին
© 2024 Հայկական ժամանակ