ՀՀ բասկետբոլի հավաքականը փոքր երկրների ԵԱ է գնալու՝ կրկին չեմպիոն դառնալու. կմրցի Ադրբեջանի, Անդորրայի, Իռլանդիայի դեմ

Հայաստանի բասկետբոլի ֆեդերացիայում դրական են տրամադրված փոքր երկրների Եվրոպայի 2020թ. առաջնությունից առաջ: 2016թ. ՀՀ-ն այս մրցաշարին առաջին անգամ մասնացկելով չեմպիոն էր դարձել: «Հայկական ժամանակ»-ի հետ զրույցում ՀՀ բասկետբոլի ֆեդերացիայի գլխավոր քարտուղար Արթուր Նազարյանն ընդգծեց, որ իրենց առջեւ նույն նպատակն են դնելու:

«Այս անգամ եւս միայն այդ նպատակով ենք խաղալու: Կարծում եմ՝ շանսերը բավական լավն են: Պետք է ուղղակի կարողանանք ճիշտ նախապատրաստվել: Միակ վտանգն այն է, որ այդ ժամանակահատվածում ինչ-որ առաջնություններում չլինեն փլեյ-օֆներ, որովհետեւ սովորաբար ինչ-որ երկրներ կան, որոնց առաջնությունների եզրափակիչներն ընկնում են մինչեւ հունիս-հունիսի վերջ: Հույս ունենք՝ նման խաղացողներ չեն լինի. այսինքն՝ բոլորը մինչեւ հունիս ավարտած կլինեն, որպեսզի կարողանան ժամանակին միանալ հավաքականին»,- ասաց նա

ՀՀ հավաքականն այս պահին գլխավոր մարզիչ չունի: Նախկին մարզիչ խորվաթ Նիկշա Բավցեւիչի պայմանագրի ժամկետը լրացել է: Այժմ ֆեդերացիան տարբերակներ է դիտարկում, եւ Նազարյանը նշում է, որ հավանաբար 2020թ. փետրվարին այս հարցը լուծված կլինի: Ինչ վերաբերում է խաղացողներին, ապա նրանց ցանկը կա: Հավաքականի թեկնածուներ են խաղում ինչպես հայկական ակումբներում, այնպես էլ դրսում, եւ նոր մարզիչն ընրության հնարավորություն կունենա: Բացի մարզիչ որոնելուց՝ ֆեդերացիան նաեւ աշխատում է մրցաշարի նախապատրաստական փուլը պլանավորելու վրա:

«Ֆինանսավորման համար դիմել ենք մի քանի ընկերությունների, քանի որ ուսումնամարզական հավաքը եւ ընկերական խաղերը բավական թանկ հաճույք են: Եթե հովանավորները համաձայնվեն, կփորձենք արտերկրում էլ խաղեր խաղալ, եթե ոչ, նվազագույնը հավաք պետք է անցկացնենք Երեւանում, ինչպես նաեւ մի քանի հավաքականների արդեն հրավեր ենք ուղարկել, որպեսզի 1-2 միջազգային ընկերական հանդիպում ունենանք»,- ասաց նա:

Խմբային փուլի վիճակահանության արդյունքում Հայաստանը B խմբում է, որտեղ մրցակիցներն են Անդորրան, Ադրբեջան ու մրցաշարը հյուրընկալող Իռլանդիան: Նազարյանն ընդգծում է, որ իրենց հեշտ խաղեր չեն սպասվում: Օրինակ, Անդորրայի հավաքականի թեկնածուների թվում կան Իսպանիայի բարձրագույն խմբի առաջնության բասկետբոլիստներ:

«Ադրբեջանն էլ ունի լավ խաղացողներ, Իռլանդիան էլ, Անդորրան էլ: Անդորրան թիմ ունի Իսպանիայի բարձրագույն դիվիզիոնում, հենց «Անդորրա» է կոչվում, որտեղ հավաքականի մի շարք թեկնածուներ են խաղում: Մեր Բոլոր մրցակիցները շատ լավ կոմպլեկտավորված են: Իռլանդացիներն ԱՄՆ-ում ունեն հարյուրավոր խաղացողներ, նրանց լիգաներն էլ վերջին տարիներին շատ մեջ առաջընթաց են ապրել: Ադրբեջանն էլ ունի մի քանի առաջատար լիգաներում խաղացողներ, այնպես որ ոչ մի հեշտ հանդիպում մեզ չի սպասվում»,- ասաց նա:

Նազարյանը խոսեց նաեւ նույն խմբում Ադրբեջանի հետ հայտնվելու մասին: Նշեց, որ Բասկետբոլի միջազգային ֆեդերացիան (FIBA) դրանում ոչ մի խնդիր չի տեսել, քանի որ հանդիպումներն Իռլանդիայում են լինելու, եթե տուն-դուրս համակարգով լինեին, ապա ինչպես ֆուտբոլում ՈՒԵՖԱ, այնպես էլ FIBA-ն թույլ չէր տա, որ այս երկրները մրցակիցներ դառնային: Բասկետբոլում ՀՀ-ն ու Ադրբեջանն առաջին անգամ չէ, որ հանդիպում են: 2017թ. ՀՀ 16 տարեկանները նրանց դեմ մրցել են C, իսկ 20 տարեկանները՝ B դիվիզիոնում, եւ 2 դեպքում էլ հաղթել են: Ամեն դեպքում Նազարյանը սրան մեծ նշանակություն տալիս: Ընդգծում է, որ ավելորդ լարվածությունը խանգարում է, ու իրենք չեն կենտրոնանալու, թե ով է մրցակիցը:

«Տարբերություն չենք դնում: Չենք ուզում շատ սեւեռվել այդ խաղի վրա, դա միայն խանգարում է: Շատ հանգիստ ենք վերաբերվում այն հանգամանքին, որ նույն խմբում ենք հայտնվել: Նախկինում էլ են եղել նման հանդիպումներ: Փորձել ենք հնարավոինս ցրել լարվածությունը»,- ասաց նա:

Եվրոպայի փոքր երկրների առաջնությունն Իռլանդիայի Լիմերիկ քաղաքում մեկնարկելու է հունիսի 28-ին: Ավարտվելու է հուլիսի 4-ին:

Տպել
1078 դիտում

Վերջին 1 ժամում Նորքի հիվանդանոցում կորոնավիրուսից 2 մահվան դեպք է արձանագրվել. նախարար

Ժամը 21:00-ի դրությամբ Հայաստանում հաստատված է կորոնավիրուսի 407 դեպք

Երևանում հարբած վարորդը մարմնական վնասվածք է պատճառել ոստիկանին. տղամարդը ձերբակալվել է

ՌԴ նոր սահմանափակումների որոշումը Հայաստանի վրա չի ազդի. Նիկոլ Փաշինյան

Ժամը 19:30-ի դրությամբ թոքաբորբով 13 պացիենտ է գտնվում ինֆեկցիոն հիվանդանոցի ինտենսիվ թերապիայի բաժանմունքում

Գյուրջյան փողոցում ծառը վնասվել է. առկա է եղել ընկնելու վտանգ

«Սոցիալական շտապօգնություն». Գյումրիում պարենի ծանրոցներ կստանան ստեղծված իրավիճակում օրվա հացից զրկված ընտանիքները

Մայր Աթոռ Սուրբ Էջմիածնում Հանրապետական մաղթանք է կատարվում. դուրս է բերվել Սուրբ Գրիգոր Լուսավորչի Աջը (ուղիղ)

Պարետի որոշմամբ՝ վեց ժամով արգելվել է սուպերմարկետների մի շարք խոշոր ցանցերի որոշ մասնաճյուղերի գործունեությունը

Մոտ կես միլիոն դրամի հագուստի գողության դեպքը բացահայտվել է. (տեսանյութ)

Նուբար Աֆեյանը գարնանը կորոնավիրուսի պատվաստանյութի փորձարկումից արդյունք ստանալու հույս հայտնեց

Ոստիկանները վարդերի փնջերը ձեռքերին գողերի են բռնել

Մարտի 28-ի ժամը 15-ի դրությամբ ոստիկանությունը 361 արձանագրություն է կազմել

Ալաշկերտում «ԳԱԶ-3110» մակնիշի ավտոմեքենա է այրվել

Վաղն Արցախում ըտրարշավի վերջին օրն է. Արմեն Սարգսյանը հեռախոսազրույց է ունեցել Բակո Սահակյանի հետ

ԱԻՆ-ը վարակազերծման միջոցառումներ է իրականացրել հանրապետության 666 հանրային վայրերում (տեսանյութ)

Հայ խաղաղապահները ներկայացնում են զորախմբերի ներկա վիճակն ու կորոնավիրուսի հետ կապված առկա տվյալները (ուղիղ)

Ոստիկանությունը փողոցում ոչ թե դիմակ ու ձեռնոց է պահանջում, այլ՝ անձնագիր ու տեղաշարժման թերթիկ

ՃՏՊ Մարգարա-Վանաձոր ավտոճանապարհին. կա տուժած

«COVID-19. առերեսվելով համաշխարհային վախին». առցանց քննարկմանը նաեւ Արսեն Թորոսյանն է մասնակցում (ուղիղ)