Հրայր Թովմասյանը բոլոր հնարավոր գայթակղություններին արդեն հասցրել է տրվել. Ալեն Սիմոնյան

Այսօր ԱԺ ճեպազրույցի ժամանակ ԱԺ նախագահի տեղակալ Ալեն Սիմոնյանն ասաց, որ Հայաստանի Հանրապետությունը զավթած է եղել Սերժ Սարգսյանի և Ռոբերտ Քոչարյանի կողմից: Նրա կարծիքով՝ տասնամյակներ շարունակ նրանք ստեղծել են այն Հայաստանը, որը մե՛կ պետք է սպասարկեր Սերժ Սարգսյանին, մե՛կ՝ Ռոբերտ Քոչարյանին:

Ինչպես ասաց պատգամավորը, այդ սպասարկման համակարգի մի մասն է հանդիսացել դատական համակարգը. այն լիովին ստեղծված է եղել, որպեսզի սպասարկի այդ ռեժիմը, և դրա պատճառով էր, որ բազմաթիվ անգամներ հնչել է քաղբանտարկյալ արտահայտությունը, եղել է տնտեսական ոլորտում սեփականատերեր փոխելու, դատավորներին Բաղրամյան 26-ից զանգելու սովորույթը:

«Ես ուզում եմ մի գաղտնիք բացել՝ հոկտեմբերի 2-ից մի քանի օր առաջ Ազգային ժողովի բակում տեղի էր ունենում տոնակատարություն ԱԺ-ի 100 ամյակի կապակցությամբ: Այնտեղ ՀՀԿ պատգամավորներից 2-ն ինձ ասացին՝ ոչինչ, քիչ մնաց, մենք ձեզ թերագնահատեցինք, բայց հիմա դուք եք մեզ թերագնահատում, կտեսնեք՝ մի քանի օր անց ինչ կլինի: Ես նույնիսկ կարող եմ անուն տալ, բայց չեմ ուզում գովազդել այդ անձնավորություններին: Ես այն ժամանակ չհասկացա, թե ինչի մասին է խոսքը, և տեղի ունեցավ հոկտեմբերի 2-ը, որի ժամանակ փորձ արվեց կանգնեցնել այն ամենը, ինչ սկսվել էր ՀՀ-ում»,- ասաց Սիմոնյանը՝ նկատի ունենալով 2018 թ. հոկտեմբերի 2-ին խորհրդարանական երեք ուժերի՝ Հանրապետականի, ՀՅԴ-ի ու «Ծառուկյան» խմբակցության՝ Ազգային ժողովի կանոնակարգում փոփոխություններ առաջարկելու օրինագիծը: Ըստ դրանց՝ Ազգային ժողովի նիստը ոչ թե կհամարվեր չկայացած, այլ՝ ընդհատված, եթե որևէ հարցի քննարկում տեղի չունենար, օրինակ, արտակարգ իրավիճակի պատճառով, կամ խոչընդոտվեր պատգամավորների մասնակցությունը նիստին. սա հնարավորություն կտար անընդհատ նիստ գումարել:

«Մենք ուզում ենք ձևավորել դատական համակարգ, որը կգործի անկախ և որպես իշխանության 3-րդ ճյուղ»,- ասաց Սիմոնյանը՝ հավելելով նաև, որ այսօր կա խնդիր դատական համակարգում, եւ դատական համակարգի գերակշիռ մասը ենթակա է վերանայման: Սիմոնյանի պնդմամբ՝ սրա մասին փաստում են ոչ միայն իշխանության ներկայացուցիչները: «Բարգավաճ Հայաստան» խմբակցության պատգամավոր Իվետա Տոնոյանն ասում է, որ ՍԴ դատավորներն իրենց աչքի լույսը չեն, որ իրենք նույնպես խնդիրներ են տեսնում, և, Սիմոնյանի պնդմամբ, դրա մասին խոսում են դատավորները, խոսում են բոլորը, բայց երբ քայլ է արվում որևիցե կերպ լուծում տալու, շահարկվում է այն արտահայտությունը, թե իշխանությունը փորձում է ձևավորել դատական իշխանություն, որն իրեն հարմար կլինի:

«Եթե նման քայլի գնալու լինեինք, այդ համակարգն ի սկզբանե ստեղծվել էր սպասարկելու համար և պատրաստ է եղել սպասարկել օրվա իշխանության պահանջները, բայց իշխանությունը դրանից հրաժարվել է»,- ասաց Սիմոնյանը՝ օրինակ բերելով մարդկանց բռնել-բաց թողնելու դեպքերը, ընտրված խափանման միջոցները, որոնց հետ նույնիսկ նա, որպես իշխանության ներկայացուցիչ, համաձայն չէ:

Պատասխանելով այն հարցին, թե արդյոք անպարկեշտ վերաբերմունք չէ դատավորների նկատմամբ նման օրինագծի ընդունումը՝ Սիմոնյանը պատասխանեց, որ ոչ-ոք այստեղ չի հավաքվել պարկեշտության կամ ոչ պարկեշտության հարց քննարկելու: «Ես անպարկեշտություն չեմ տեսնում այն բանի մեջ, որ մարդն «ինքնաբացարկ» հայտնի և հեռանա: ՀՀ-ում կան շատ պաշտոնյաներ, որոնք նախկին ժամանակահատվածում աշխատել են, և մենք ասել ենք, որ վենդետաներ չեն լինելու: Մենք սկսում ենք զրոյական կետից. եթե ինչ-որ մարդ ստիպված է եղել ինչ-որ պատճառներով այլ կանոնների ենթարկվել, այսօր չկան այդ կանոնները, և բոլորն ունեն հնարավորություն՝ շարունակելու իրենց աշխատանքը»,- ասաց Ալեն Սիմոնյանը:

«Հրայր Թովմասյանը բոլոր հնարավոր գայթակղություններին արդեն հասցրել է տրվել և երբեք ոչ մի բանի մեջ վստահ չպետք է լինի»,- պատասխանեց Սիմոնյանը այն հարցին, թե հնարավո՞ր է՝ արդյոք, որ Թովմասյանը տրվի գայթակղությանը և ոչինչ չանելու համար աշխատավարձ ստանա, ինչպե՞ս համոզված լինի, որ որոշ ժամանակ հետո կառավարությունը չի որոշի այլեւս չտալ այդ աշխատավարձը:

Եզրափակելով այս հարցը՝ Սիմոնյանը պնդեց, որ որևիցե խորամանկություն այս օրենսդրական նախաձեռնության մեջ չկա, օրենքը գործելու է լիարժեք ձևով, և սա խաբկանք չէ որեւէ դատավորի համար:

Ժաննա Ջեյրանյան

Տպել
1923 դիտում

Ա. Հովհաննիսյանը ներկայացրեց Ղարաբաղում ակտիվ մարտական գործողությունները՝ ըստ քարտեզի (տեսանյութ)

Այսօր եւս չեզոքացվել է 1 դիվերսիոն հետախուզական խումբ, սակայն նրանց դեմ մարտերը դեռ շարունակվում են. Հովհաննիսյան

Արցախի ԱԳՆ-ն դիմել է ԿԽՄԿ-ին` Արցախի ՊԲ-ի զինծառայողների և քաղաքացիական անձի մասնակցությամբ տեսանյութերի կապակցությամբ

Գրադ եւ սմերչ կայանքներից հրթիռակոծվել են Մարտունին, Թաղավարդը, ռազմական ավիացիայով՝ Մարտակերտը

Պատերազմի առաջին օրերից մինչ այսօր միայն «Շենգավիթ» ԲԿ-ում ծնվել է 15 արցախցի փոքրիկ

Ժողովուրդը պետք է հասկանա՝ թուրքական ապրանքները բոյկոտելով հանդերձ, շուկայի եղածը պիտի սպառենք․ Ղազարյան

ՊՆ-ն հերքում է հայկական ինքնաթիռի խոցման մասին ադրբեջանական ապատեղեկատվությունը

ԱՄՆ-ի հայ բժիշկների նվիրաբերած համակարգչային տոմոգրաֆը զինվորների բուժմանը կծառայի Կապանում

Գվատեմալայի Սայախչե քաղաքը ճանաչել է Արցախի ժողովրդի ինքնորոշման իրավունքը

Կրակը դադարեցնելու սին խոստումների եւ ագրեսիայի շարունակման շրջանը կարող է ճեղքվել Արցախի անկախության ճանաչմամբ. ԱՀ ԱԳՆ

Խոցվել է հակառակորդի եւս 11 ԱԹՍ, 2 ՏՕՍ, 12 զրահատեխնիկա. թշնամու կորուստները՝ ամփոփ

ՌԴ-ն եւ ՀՀ-ն պետք է միասին ճանաչեն Արցախի անկախությունը. Պուտինը կարող է լռել, ապա կտրուկ գործել. Տրետյակով

Հոկտեմբերի 24-ի ժամը 15․00-ի դրությամբ հայտնաբերվել է արգելված հրապարակումների 175 դեպք

Հաշվի առնելով ռազմական դրությունը՝ ԱԱՏՄ-ն ուժեղացված վերահսկողություն է իրականացնում խմելու ջրի որակի նկատմամբ

Վերելք» ներկայացման ողջ հասույթը կփոխանցվի Հայաստան» համահայկական հիմնադրամին

Ադրբեջանցիները հարձակվում են հայկական համազգեստով. Մատաղիսի ուղղությամբ 40 դի են թողել՝ հայկական ԶՈՒ-ի համազգեստով

Մեր տղաների արհեստավարժությունն ու գիտելիքները միայն ոգևորություն և վստահություն են ներշնչել. Արայիկ Հարությունյան

Թե՛ մեր օրն ենք լցնում, թե՛ մեր տղաներին ենք օգնում. Արցախից Վանաձոր եկած կանայք զբաղված են քողարկիչ ցանցեր գործելով

Դավիթ Տոնոյանն այցելել է երեկ հարավային ուղղությամբ մարտերի ընթացքում վիրավորված զինծառայողներին

Կանգնեցրել են թշնամուն, ոչնչացրել կենդանի ուժն ու մարտական տեխնիկան. 13 հերոսներ ներկայացվել են պարգևատրման