Ապրիլյան պատերազմի քննիչ հանձնաժողովի աշխատանքների վերջնական փուլում լսելու են մոտ 40 պաշտոնյայի

ՀՀ Ազգային ժողովը քննարկում է 2016 թվականի Ապրիլյան պատերազմի հանգամանքներն ուսումնասիրող քննիչ հանձնաժողովի գործունեության ժամկետը երկարաձգելու մասին հարցը: Նախագիծը ներկայացրեց հանձնաժողովի նախագահ Անդրանիկ Քոչարյանը՝ նշելով, որ առաջարկում են հանձնաժողովի գործունեության ժամկետը երկարաձգել 6 ամսով:

Պատգամավորը նաեւ հակիրճ ներկայացրեց աշխատանքների այն ծավալը, որոնք իրականացրել են անցած վեց ամիսների ընթացքում։

Ըստ այդմ՝ հանձնաժողովի փորձագետները նախնական փուլում կազմել են նախնական ուսումնասիրման համար անհրաժեշտ փաստաթղթերի ցանկը, որը հասցվել է ՀՀ պաշտպանության նախարարությանը։

Հուլիսի 9-ին ՊՆ-ից ստացվել է փաստաթղթերի առաջին խումբը եւ սկսվել դրանց մանրակրկիտ ուսումնասիրությունները։ Առ այսօր հանձնաժողովն ուսումնասիրել է շուրջ 2684 էջ ծավալով, 147 տեքստային եւ 14 գրաֆիկական քարտեզներ, տեղեկատվական-վերլուծական, հետախուզական, զորքերի կառավարման օպերատիվ եւ այլ բնույթի գաղտնի եւ հույժ գաղտնի փաստաթղթեր։

Ստացված փաստաթղթերի ուսումնասիրության արդյունքների հիման վրա՝ հանձնաժողովն անցկացրել է 21 նիստ, քննվել են 10 զինծառայողներ, դրա արդյունքում կազմվել եւ հնչեցվել է շուրջ 415 հարց, որոնց վերաբերյալ ստացվել են հետաքրքրող տեղեկություններ, պարզաբանումներ եւ կատարվել ճշտումներ։

Անդրանիկ Քոչարյանը հայտնեց, որ ուսումնասիրության վերջնական փուլում լսելու են մոտ 40 բարձրաստիճան պաշտոնյաների, որոնց անվանացանկն արդեն իսկ հաստատվել է։

«Հետագա աշխատանքները կտեւեն մի քանի ամիս, եւ վերջին երկու ամիսը նախատեսում ենք վերջնական եզրակացությունների վրա համապարփակ աշխատանքի կազմակերպումը լիարժեք իրականացնելու համար»,- ասաց հանձնաժողովի նախագահը։

Պատգամավոր Արման Բաբաջանյանը Քոչարյանից հետաքրքրվեց՝ աշխատանքների ընթացքում դիմադրություն արդյոք եղե՞լ է, եւ ե՞րբ սպասենք Յուրի Խաչատուրովի, Հայկազ Բաղմանյանի եւ Սերժ Սարգսյանի հարցաքննությանը:

Անդրանիկ Քոչարյանն ասաց, որ դիմադրության չեն հանդիպել․ «Գուցե չհասկացված պահեր են եղել, բայց հանձնաժողովը կարողացել է հաղթահարել դրանք: Իսկ հրավիրյալները հաստատված են, ձեր մատնանշած անձանց մենք պարտավոր ենք լսել՝ ընդհուպ մինչեւ նախագահի պաշտոնը զբաղեցրած Սերժ Սարգսյանին, որը գերագույն գլխավոր հրամանատարն է եղել: Հարցեր են հավաքագրվել, որոնց վերջական պատասխանները պետք է ստանանք Սերժ Սարգսյանից, իսկ դրանից առաջ՝ բոլոր այն պաշտոնյաներից, որոնք ունեցել են կառավարման առումով առնչություններ»:

Ավելի վաղ հայտնել էինք, որ հանձնաժողովը որոշել է դիմել ԱԺ նախագահ Արարատ Միրզոյանին՝ հանձնաժողովի գործունեության ժամկետը 6 ամսով երկարաձգելու համար։

Քննիչ հանձնաժողովի աշխատանքների համար նախատեսված էր նախնական վեց ամիս, սակայն հանձնաժողովականները, ինչպես եւ սպասվում էր, չեն տեղավորվում այս ժամկետում։ Հաշվի առնելով նյութերի եւ հրավիրյալների հսկայական ծավալը՝ հանձնաժողովականներն օգտվում են ուսումնասիրության ժամկետը վեց ամիս երկարաձգելու՝ օրենսդրության ընձեռած հնարավորությունից։

Տպել
927 դիտում

Արագածոտնի, Շիրակի, Սյունիքի մարզերում ձյուն է տեղում. կան փակ եւ դժվարանցանելի ճանապարհներ

Գեղարքունիքում 2 մեքենաների բախման հետեւանքով կա 6 վիրավոր

Իսկ հեղափոխությունից բացի ինչի՞ վրա կարող են հույս դնել նախկինները

Կատարվել է հոգեհանգիստ՝ Բաքվում և Սումգայիթում իրականացված հայերի ջարդերի 30-րդ տարելիցի առիթով

Թեհրանի օդանավակայանում թռիչքները հետաձգվել են՝ ձյան առատ տեղումների պատճառով

13 տարի առաջ այս օրը սպանվեց «Ակոսի» գլխավոր խմբագիր Հրանտ Դինքը

Պուտինը փորձում է լուծել երկու խնդիր, բայց հնարավոր է, նա կանգնած է Սերժ Սարգսյանի ճակատագրին արժանանալու վտանգի առջեւ

Ադրբեջանի և Հայաստանի ԱԳՆ ղեկավարների հանդիպումն այս ամսին է պլանավորված. Մամեդյարով

Ծեծկռտուք Նինոծմինդայի սակրեբուլոյի նախագահի և Գորելովկա գյուղի բնակիչների միջև

Հունվարի 20-ի գիշերը Հայաստանի մեծ մասում սպասվում է ձյուն, ջերմաստիճանը կնվազի 3-4 աստիճանով

Հայաստան ժամանած 32-ամյա ՌԴ քաղաքացին Զվարթնոց օդանավակայանում ձերբակալվել է՝ կասկածելի փաթեթ ունենալու համար

Մարմաշեն գյուղում այրվել է կուտակված անասնակեր ու անասնագոմի տանիքը

Երևանում կողոպտել են հայտնի բժշկական կենտրոններից մեկի տնօրենի 14-ամա տղային

Պոլսո պատրիարքարանը պարզաբանում է ներկայացրել Տ. Սահակ Բ պատրիարքի աղմկահարույց հարցազրույցի վերաբերյալ

Արսեն Ջուլֆալակյանը ոսկե մեդալակիր է դարձել Դանիայի միջազգային մրցաշարում

Թրամփի իմփիչմենտի՝ Սենատ ուղարկված գործը 111 էջից է բաղկացած

Փրկարարները Ծաղկաձորում արգելափակումից դուրս են բերել ավտոմեքենան

Ովքեր եւ ինչու են դիմադրում փոփոխություններին

Երեւանում Honda-ն տապալել է էլեկտրասյունն ու բախվել կայանված Opel-ին. վիրավորներից մեկին բեռնախցիկից են գտել

Կոտայքի մարզպետարանը ԱԱՏՄ-ի կողմից մարզի որոշ դպրոցների նկատմամբ վարչական վարույթի մասին պարզաբանում է ներկայացրել