«Սպիսատ» արեցին. սանիտարական զտումներ ՀՀԿ-ում

08/12/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի դոկտեմբերի 8-ի համարում

Կառավարության երեկվա նիստում Հենրիկ Քոչինյանն ազատվեց Լոռու մարզպետի պաշտոնից, իսկ Ալբերտ Հերոյանը՝ Արմավիրի մարզպետի պաշտոնից: Ըստ հավաստի տեղեկությունների, առաջիկա օրերին Արմավիրի մարզպետ կնշանակվի Ոստիկանության Սյունիքի մարզային վարչության պետ Աշոտ Ղահրամանյանը, իսկ Լոռու մարզպետ կնշանակվի այդ մարզի նախկին փոխմարզպետ, այժմ՝ Սոցիալական ապահովության հիմնադրամի պետ Վազգեն Խաչիկյանի տեղակալ Արամ Քոչարյանը։ Մինչեւ կառավարության երեկվա նիստը որեւէ մեկը չէր հավատում, որ Հանրապետական կուսակցությունը կարող է հրաժարվել իրեն անձնազոհաբար ծառայող այդ երկու մարզպետից։ Որովհետեւ հատկապես այդ երկու մարզպետներն էին, որ իրենց մարզերում սկսել էին բնակչության բռնի ու տոտալ հանրապետականացման գործընթաց։

Ավելին, անկուսակցական Հերոյանը որեւէ հրապարակային ամբիոն բաց չէր թողնում` հայտարարելու, որ իր սրտին ամենից մոտ կուսակցությունը Հանրապետականն է, որովհետեւ այդ կուսակցության թիկունքում ինքը տեսնում է իր Սպարապետ Վազգենի աչքերը։ Ինչ վերաբերում է Արմավիրի մարզը բռնի հանրապետականացնելու գործընթացին, ապա Հերոյանն այդ պրոցեսն անձամբ էր ղեկավարում ու մարզպետարանի աշխատակիցների հետ բացատրական աշխատանք տանելիս նրանց դիմաց սպիտակ թուղթ  էր դնում, որպեսզի ՀՀԿ-ին անդամագրվել չցանկացողները միանգամից այդ թղթի վրա աշխատանքից ազատվելու դիմում գրեն։

Լոռու մարզպետ Հենրիկ Քոչինյանը, իհարկե, ՀՀԿ-ի հասցեին հրապարակային սիրո խոստովանություններ առանձնապես չէր անում, բայց պարտաճանաչ կատարում էր կուսակցության կողմից իր վրա դրված հանձնարարականները, որոնք վերաբերում էին Լոռու մարզում մրցակից կուսակցությունների կյանքը հարամելուն։ Այնպես որ, հանրապետության մնացած մարզպետները վստահ էին, որ իրենք եկող-գնացող են, սակայն Ալբերտ Հերոյանն ու Հենրիկ Քոչինյանը վաղուց արդեն վեր են ածվել մնայուն արժեքների, որոնց տեսակը միշտ պետք է գալիս իշխանությանը։ Ուստի, այդ երկուսի պաշտոնանկության լուրը բավականին լուրջ խուճապ էր առաջացրել ՀՀԿ-ի եւ նրա խորհրդարանական խմբակցության շարքերում, որտեղ միանշանակ վստահություն կար, որ ՀՀԿ-ի համար Հերոյանն ու Քոչինյանն անփոխարինելի են։

Եւ քանի որ ընդամենը մի քանի ամսից էլ խորհրդարանական ընտրություններ են, իսկ ճանապարհի կեսին ձիերին չեն փոխում, անկուսակցական Հերոյանի ու հանրապետական Քոչինյանի հրաժարականին ոչ մեկը չէր սպասում։ Պարզվեց, սակայն, ձիերին ճանապարհի կեսին ոչ միայն փոխում են, այլեւ նրանց ընդհանրապես «սպիսատ» են անում, եւ մեր տեղեկություններով, ո՛չ Հերոյանին, ո՛չ էլ Քոչինյանին որեւէ այլ աշխատանք չի առաջարկվելու։ Երեկվանից նրանք ուղարկվել են վաստակած հանգստի։

Ու եթե Հերոյանը երեկ մեզ հետ զրույցում ասաց, որ ինքը ոչ մի ողբերգություն չի ապրում՝ կորցնելով մարզպետի իր պաշտոնը, որովհետեւ դրա փոխարեն 10 հատ թոռ ունի, ապա Հենրիկ Քոչինյանը խորհուրդ տվեց իր պաշտոնանկության պատճառների հետ կապված բոլոր հարցերով դիմել իրեն գործից հանողներին, որովհետեւ այդ պատճառները իրեն եւս հայտնի չեն։ Եւ քանի որ որեւէ մեկը Քոչինյանին չի ասել, որ ինքը գործից ազատված է, երեկ Հենրիկ Քոչինյանը սովորականի պես աշխատանքի է գնացել ու անգամ ծաղկեպսակ է դրել դեկտեմբերի 7-ի երկրաշարժից զոհվածների հուշակոթողին։   

Այդուհանդերձ, ինչո՞ւ Հանրապետական կուսակցությունը որոշեց խորհրդարանական ընտրությունների նախաշեմին փոխել իր համար շատ կարեւոր երկու մարզերի ղեկավարներին, որոնք ՀՀԿ-ի համար բազմաթիվ ընտրություններ ու հանրաքվե են կեղծել եւ կեղծելու էին նաեւ առաջիկայում։ Պարզվում է՝ ՀՀԿ-ն հանրապետության մարզերում փակ սոցհարցումներ է արել՝ մարզպետների վարկանիշները պարզելու համար, եւ այդ հարցումներից պարզ է դարձել, որ առաջին հերթին Հերոյանն ու Քոչինյանը իրենց մարզերում վստահություն չեն վայելում եւ դրանով նվազեցնում են հենց ՀՀԿ-ի ընտրական շանսերը:  Բացի այդ, կոնկրետ Ալբերտ Հերոյանը ՀՀԿ ղեկավարության ու  հատկապես խորհրդի նախագահ Սերժ Սարգսյանի աչքից ընկել էր դեռ ամիսներ առաջ, երբ 4 հազար ընտրող ունեցող Նալբանդյան գյուղում չկարողացավ ապահովել Հանրապետական թեկնածուի հաղթանակը, ու Նալբանդյանում հաղթեց «Բարգավաճ Հայաստանի» թեկնածուն։

Դրանից հետո մարզի 15 գյուղի ջրամատակարարումն իրականացնող ընկերության ղեկավար մարմնի ընտրությունում եւս ՀՀԿ-ի թեկնածուն պարտվեց ԲՀԿ-ի թեկնածուին։ Հանրապետական կուսակցության շեֆերի համբերության բաժակը վերջնականապես լցվեց այն ժամանակ, երբ սկսեցին պարբերական դառնալ լուրերը, թե Հերոյանը որտեղ նստում՝ բողոքում է Սերժ Սարգսյանից ու Անդրանիկ Մարգարյանից, որ իրեն պարտադրում են ապրել ու շնչել միմիայն ՀՀԿ-ի համար եւ իր առջեւ անիրականանալի պահանջներ են դնում, որոնք որեւէ մեկը չի կարող լուծել։ Նման լուրերի սիստեմատիկ դառնալուց հետո Հերոյանին չէր կարող փրկել անգամ Սերժ Սարգսյանին ու Անդրանիկ Մարգարյանին տրված Արմավիրի պատվավոր քաղաքացու ոսկե շատ մեծ մեդալը։

Ինչ վերաբերում է Քոչինյանին, ըստ որոշ տեղեկությունների, հենց նրա շրջապատից են Արթուր Բաղդասարյանին ասել, որ վերջինիս մասին Լոռու մարզային մի քանի հեռուստաընկերություններով տարածված ֆիլմը ոչ թե մարզպետի, այլ Սերժ Սարգսյանի ու Անդրանիկ Մարգարյանի պատվերն է։ Այսինքն, Հերոյանն ու Քոչինյանը, անխոնջ ծառայելով իշխող կուսակցությանը, այնուամենայնիվ, որեւէ պատեհ առիթ բաց չեն թողել տարբեր խաղեր տալու համար, ինչի համար եւ պատժվեցին։ Որովհետեւ տոտալ վերարտադրության գնացող իշխանության կուսակցությանն այլեւս պետք են միմիայն կամիկաձեներ։ Այնպես որ, մեր տեղեկություններով, սանիտարական զտումները ՀՀԿ շարքերում շարունակվելու են։

Հ.Գ. Թեեւ Հենրիկ Քոչինյանը դեռեւս շարունակում է մնալ ՀՀԿ Լոռու մարզային կառույցի ղեկավար, սակայն, մեր տեղեկություններով, առաջիկայում   մարզային այդ կառույցը կունանա նոր ղեկավար:

Նաիրա Զոհրաբյան

Տպել
24949 դիտում

Ֆրանսիայի հետախուզական ծառայությունները խորհուրդ են տալիս չեղարկել Օլիմպիական խաղերի բացման արարողությունը

Մի քանի ժամով կլհոսանքազրկվեն Երևանի և 2 մարզի որոշ հասցեներ

Բախվել են «Նիսսան» և «ՎԱԶ» մակնիշի ավտոմեքենաներ

Հայտարարվել է Տաթև ՀԷԿ-ի ՕԿՋ-ի վերանորոգման աշխատանքների տեխնիկական վերահսկողության մրցույթ

Քարաթափում Արարատի մարզում. ճանապարհը դարձել է միակողմանի երթևեկելի

Նիկոլ Փաշինյանի գլխավորությամբ տեղի է ունեցել ՔՊ նախաձեռնող խմբի նիստ․ հայտնի է՝ ինչ է քննարկվել

ՀՀ-ն որևիցե բան չի պատրաստվում զիջել, ստոր շահարկումներ են․ Ալեն Սիմոնյանը՝ Տավուշի շուրջ պտտվող լուրերի մասին

Սուրեն Պապիկյանը մասնակցել է ռազմական տեխնիկայի ցուցադրությանը և հետևել մարտական հրաձգությանը (լուսանկարներ)

Ինչպես կասեր դասականը՝ «յա՜, իրո՞ք». Արշակ Կարապետյանը «գողացել» է ՀՀԿ-ի ծրագիրը

ՌԴ դեսպանը սիրում էր Ջերմուկում հանգստանալ, լուսանկար էր հրապարակել, բա թող գա ասի, որ դա ՀԱՊԿ-ի տարածք է․ Սիմոնյան

Երբ կկայանա Ալեն Սիմոնյանի և Սահիբա Գաֆարովայի հաջորդ հանդիպումը․ ԱԺ նախագահը մանրամասնել է՝ ինչ է քննարկվել մարտի 22-ին

Վիճաբանություն և ծեծկռտուք «Ռիո Մոլլ»-ի հարևանությամբ. կռվի մասնակիցների մեծ մասը անչափահասներ են, կա վիրավոր

Ռուսաստանը նպատակ է դրել հեղաշրջում իրականացնել Հայաստանում, առաջիկայում քայլերը կսրվեն. Առաքելյան

Դասարաններում կկրճատվի աշակերտների թիվը․ իրականացվել են գնահատման համակարգի փոփոխություններ

Բախվել են «Նիսսան»-ն ու «Ֆորդ տրանզիտ»-ը․ վերջինս նաև երկաթե արգելապատնեշներին է հարվածել, տուժածները հիվանդանոցում են

ԱՄՆ-ը Ռուսաստանի Դաշնությանը մանրամասն տեղեկատվություն է տրամադրել ահաբեկչության սպառնալիքի մասին․ Սպիտակ տուն

Երևանի գլխավոր հատակագիծը կլինի թվայնացված փաստաթուղթ․ Տիգրան Ավինյանը տեսակապով հարցեր է քննարկել Քրիս Չոայի հետ

Շահրամանյանը շարժվում է Բակո Սահակյանի ու Սերժ Սարգսյանի պահվածքով, պետք է ուշադրության կենտրոնում լինի. Իոաննիսյան

96 խնամատար ընտանիքում դաստիարակություն է ստանում 152 երեխա․ այս ինստիտուտի զարգացման աշխատանքները շարունակվում են

Հայ-ռուսական հարաբերություններում առկա վիճակը լավատեսություն չի ներշնչում․ ինչում է մեղադրել Լավրովը ՀՀ ղեկավարությանը

Մինչև ապրիլի 5-ը կատարված իրավախախտման տուգանքի 50 տոկոսը վճարելու դեպքում պարտավորությունը կհամարվի կատարված

Չստացված չեկիստ, հանգիստ վեր ընկիր տեղդ ու ջանդ յուղիր. Մեհրաբյանը՝ Շահրամանյանին

200 հոգու հրկիզման սահմռկեցուցիչ դրվագն ունենալով իր անցյալում՝ խորհուրդ է տալիս Հայաստանի անվտանգության մասին. Սաֆարյան

Հավերժ ճակատներին Եվլախ դաջածներն էլի ակտիվացան. Հարություն Մկրտչյանը՝ Սամվել Շահրամանյանի մասին

Բախվել են շտապօգնության ավտոմեքենան և «Մերսեդես»-ը

Աֆղանստանում 5․7 մագնիտուդ ուժգնությամբ երկրաշարժ է տեղի ունեցել

Խմբի կազմում ապօրինի կերպով զենք-զինամթերք են ձեռք բերել և իրացրել․ խուզարկություններ Երևանում և Գողթանիկում (լուսանկար)

Մեկնարկել է բարձրագույն կրթություն չունեցող մասնագետների արտահերթ կամավոր ատեստավորումը

Եվրոպական խորհրդի քաղաքական և անվտանգության հարցերով կոմիտեի անդամները կայցելեն Հայաստան

Նոր Հաճնի կամրջի վրա փոսային նորոգման աշխատանքներ են իրականացվում․ երբ կավարտվեն

Հայտնի են Արթուր Աբրահամի հոր՝ Գրիգոր Աբրահամյանի հոգեհանգստի և հուղարկավորության վայրն ու օրերը

Վարդենյաց լեռնանցքը դժվարանցանելի է կցորդիչով բեռնատարների համար

Վարչապետի գլխավորությամբ քննարկվել է «Հայփոստ»-ի զարգացման ռազմավարության նախագիծը․ ինչ է հանձնարարվել

29.94 տոննա մարդասիրական օգնություն՝ 1․5 մլն անձի․ ինչ է ուղարկել Հայաստանի կառավարությունը Գազա

Իրականացվել է ոչ պատշաճ հետազոտություն․ պարզվել է 20-ամյա հղի կնոջ մահվան պատճառը, մեղադրանք է ներկայացվել ԲԿ-ի 3 բժշկի

Ճամբարակի սննդի օբյեկտի գործունեության կասեցումը վերացվել է

Երևանի ավագանու ընտրություններից հետո ԿԸՀ վարկանիշն աճել է․ ներկայացվել են ՄՀԻ-ի հետազոտության արդյունքները

Հայաստանի և Վրաստանի խորհրդարանների գիտության ու կրթության հարցերով հանձնաժողովները համատեղ հայտարարություն են ստորագրել

Արարատի կոնյակի գործարանում վերահսկողություն կիրականացվի․ ՍԱՏՄ-ն ստացել է Բելառուսի առողջապահության նախարարության նամակը

Հայ-վրացական հարաբերությունները ռազմավարական մակարդակի են․ Ռուբինյանն ընդունել է Վրաստանի խորհրդարանի պատվիրակությանը