Բողոքի ցույց եւ գործադուլ՝ նախագահ Մակրոնի դեմ. գրեթե 800 հազար մարդ է դուրս եկել փողոց (տեսանյութ)

Ֆրանսիայի տարբեր քաղաքներում զանգվածային բողոքի ցույցեր են, 800 հազար մարդ է երկրում փողոց դուրս եկել՝ նախագահ Էմանուել Մակրոնի դեմ բողոքով:

The Guardian պարբերականի փոխանցմամբ՝ ցույցերի հետ համատեղ երկրի դպրոցների, հիվանդանոցների, դատարանների, երկաթգծի աշխատակիցները, հասարակական տրանսպորտի վարորդներն ու տասնյակ այլ մասնագիտությունների մարդիկ Ֆրանսիայում իրականացնում են վերջին տարիների ամենախոշոր գործադուլը:

Այս ամենի հետեւանքով դադարեցվել է գնացքների, մետրոյի, տաքսիների եւ ավտոբուսների աշխատանքը, չեղարկվել են որոշ չվերթներ, երկրում տրանսպորտային երթեւեկությունը կաթվածահար է, փակվել են եւ չեն գործում բազմաթիվ դպրոցներ, հիվանդանոցներն էլ աշխատում են 4-5 հոգանոց հերթապահ խմբերով, որովհետեւ մյուս աշխատակիցները մասնակցում են բողոքի ցույցերին ու գործադուլին:

Բողոքի հսկա ալիքի եւ դժգոհությունների պատճառը նախագահ Էմանուել Մակրոնի՝ կենսաթոշակային համակարգում փոփոխություններ կատարելու ծրագիրն է: Գործադուլի մասնակիցները պնդում են, որ նախագահի ծրագրի իրագործման դեպքում միլիոնավոր մարդիկ ստիպված կլինեն ավելի երկար աշխատել ու ավելի քիչ գումար ստանալ:

BBC-ն էլ գրում է, որ համաֆրանսիական բողոքի ալիքը հավակնում է դառնալ խոշորագույն բողոքի ցույցը Ֆրանսիայի պատմության մեջ: Նաեւ նշվում է, որ իշխանություններն իմացել են սպասվող բուռն բողոքի ալիքի մասին եւ փորձել են պատրաստվել ցույցերի դիմակայությանը՝ խուսափելու համար տնտեսությանը սպասվող հարվածից:

Համաֆրանսիական գործադուլի մասնակիցները հայտարարել են, որ չեն բավարարվելու 1 օրով, նրանք պատրաստվում են դժգոհություն հայտնել այնքան ժամանակ, քանի դեռ Մակրոնը չի հրաժարվել իր ծրագրից:

Բանն այն է, որ Ֆրանսիայում կան տասնյակ տարատեսակ կենսաթոշակային ծրագրեր: Նախագահ Էմանուել Մակրոնը պնդում է, որ դրանք չափազանց բարդ են եւ թանկարժեք: Նա ցանկանում է գործի դնել միասնական օրենքներ կենսաթոշակի տրամադրման համար:

Նախագահի առաջարկած ծրագիրն իրենից ներկայացնում է բալային կուտակային համակարգ, որտեղ հաշվարկվելու է ամեն աշխատանքային օրը: Հետագա կենսաթոշակի չափը կախված կլինի կուտակված բալերի քանակից: Համակարգից դժգոհ գործադուլավորները նշում են, որ այդպիսով կարող են թոշակից զրկվել մի շարք մասնագիտությունների մարդիկ, օրինակ՝ նավաստիները, փաստաբաններն ու անգամ օպերային երգիչները, քանի որ նրանց աշխատանքը չի ընթանում ամենօրյա գրաֆիկով:

Բացի այդ՝ կենսաթոշակային տարիքը Ֆրանսիայում բավական ցածր է, վերջին 10 տարում այն 1 անգամ բարձրացվել է՝ 60-ից հասնելով 62-ի, սակայն դա բավական փոքր ցուցանիշ է զարգացած երկրների շարքում, որտեղ կենսաթոշակային տարիքը 64-66 տարեկանն է համարվում:

Մակրոնի կողմից առաջարկվող փոփոխություններով Ֆրանսիայում կենսաթոշակային տարիքի անցնելու համար ստիպված կլինեն աշխատել ոչ թե 62, այլ 64 տարի:

Լրատվամիջոցները հայտնում են, որ Ֆրանսիայի ներքին գործերի նախարար Քրիստոֆ Կաստաները հայտարարել է, որ իրենք տեղյակ են, թե ինչ մասշտաբի բողոքի ցույցեր են սպասվում երկրում: Համաձայն հաշվարկների, ըստ Կաստաների՝ երկրում ավելի քան 250 ցույցեր են կանխատեսվել, որոնք բոլորն իրենց վերահսկողության տակ են առնվելու: ՆԳ նախարարը նշել է, որ հրամայել է անմիջապես բերման ենթարկել այն խմբերին, որոնք կսկսեն անցնել անկարգությունների:

Ավելի վաղ Ֆրանսիայում բողոքի ցույցեր իրականացրած «դեղին ժիլետներ»-ը հայտարարել են, որ միանում են համաֆրանսիական ցույցերին:

Արդեն իսկ հայտարարվել է, որ Eurostar միջազգային երկաթուղային ցանցը դադարեցրել է երկաթուղային փոխադրումները Ֆրանսիայի տարածքով առայժմ մինչեւ դեկտեմբերի 10-ը, մետրոյի 16 կայարաններից աշխատելու են 5-ը, միջքաղաքային տրանսպորտային ցանցերն էլ աշխատելու են 10 տոկոսով, չեղարկվել եւ հետաձգվել են նաեւ ավելի քան 200 չվերթներ:

Ֆրանսիայի ուսուցիչների խորհուրդը հայտարարել է, որ մինչեւ չորեքշաբթի աշխատելու են տարրական դպրոցների 40 տոկոսը միայն, իսկ ուսուցիչների 70 տոկոսը մասնակցելու է գործադուլին:

Տպել
1046 դիտում

Լեդի Գագայի նոր տեսահոլովակում Փարաջանովի «Նռան գույնը» հիշեցնող պատկերներ կան ու հայերեն բառեր

Մեծամորի ատոմակայանը հրթիռակոծելու Ադրբեջանի մտադրությունն ի ցույց է դնում այդ պետության իրական դեմքը

Մորուքով ՀՀ վարչապետն ու ռուս գործակալները․ ովքե՞ր են գաղտնի փաստաթղթերում հայտնված Կանդիդատը, Սվետլանան ու Միշան

Պարոն Բադասյանը իրեն օրենքից ավելի բարձր դասեց. Հայաստանի ազգային արխիվի աշխատակիցը բաց նամակով դիմել է վարչապետին

«Ֆորդ Տրանզիտ»-ում 5 խմ ապօրինի փայտանյութ է հայտնաբերվել (տեսանյութ)

Աշնանացանի համար նպաստավոր տարի է, սակայն գյուղացիները ոչ միշտ են կարողացել գտնել մատակարարներին

Մայր Տաճարը վերականգնող ճարտարապետները բացահայտել են 4-5-րդ դարերի կղմինդրածածկի շարվածքի տեխնոլոգիան

Արթիկում 440 մ երկարությամբ և 5 մ լայնությամբ փողոցը նորոգվում է տուֆով. ծրագրի արժեքը 41 մլն 232 հազար դրամ է

Ինչպես է վերականգնվում համաշխարհային տնտեսությունը համաճարակից հետո. կանխատեսումներ եւ իրականություն

ԱՄՆ Եվրոպական հրամանատարության կողմից բժշկական պարագաներ են հատկացվել Արմավիրի մարզպետարանին

Ականի պայթյունի հետևանքով Ճամբարակի ԱԿ հոսպիտալացված զինծառայողը տեղափոխվել է Մուրացանի զինվորական հոսպիտալ

Ներկայացումից հետո դերասանը մատուցող է աշխատում այն մարդու մոտ, որը մեկ ժամ առաջ ծափահարում էր իրեն. Ռաֆայել Երանոսյան

Բարձրաշենի միջնակարգ դպրոցն ամբողջությամբ կբարեկարգվի

Սեպտեմբերի 18-ից 22-ը փակ կլինի «Զվարթնոց» պատմամշակութային արգելոց-թանգարանը

Զորամիավորումներում շարունակվում են նորակոչիկ զինծառայողների մարզումները

ՀՀ տարածքում ավտոճանապարհներն անցանելի են. Լարսը բաց է միայն բեռնատարների համար

Հրազդանում նախատեսվում է սանիտարական աղբավայր կառուցել. հանդիպել են Ռոմանոս Պետրոսյանն ու տիկին Ահլամ ԱլՍալամին

Սմբուկի և պղպեղի արտադրությամբ զբաղվող ֆերմերների խնդիրն ամբողջությամբ կարգավորվել է

Ականատես ենք լինում Ադրբեջանում թուրքական ռազմական շարունակական կուտակման. ԱԳ նախարարի հարցազրույցը «ալ-Ախբար» թերթին

Այնթապ գյուղի կամրջի տակ քաղաքացին փամփուշտ և զենք է թողել (տեսանյութ)