2020-ի բյուջեն այնպես է նախագծվել, որ մենք այլեւս բյուջետային աջակցության վարկերով չենք ֆինանսավորելու դեֆիցիտը․ նախարար

2020 թվականի պետական բյուջեն այնպես է նախագծվել, որ մենք այլեւս բյուջետային աջակցության վարկերով չենք ֆինանսավորելու դեֆիցիտը։ Ազգային ժողովում՝ ՀՀ պետական բյուջեի 2020 թվականի նախագծի քննարկման ժամանակ, ասաց ՀՀ ֆինանսների նախարար Ատոմ Ջանջուղազյանը։

Նա ներկայացրեց, որ բյուջետային աջակցության վարկերը, որպես կանոն, տրվում են ցածր կամ միջին եկամուտ ունեցող երկրներին։ Հայաստանին տրամադրել են անկախության առաջին տարիներից սկսած․

«Այս վարկերի տրամաբանությունը կառուցված է հենքի վրա, որ երբ որոշակի բարեփոխումներ են իրականացվում երկրներում, եւ դրանք կարող են հանգեցնել բյուջետային ճեղքի, դոնոր կազմակերպությունները, օրինակ՝ Համաշխարհային բանկը, հայտարարում են իրենց մտադրությունը՝ մասնակցել բարեփոխումների ծրագրին, նաեւ՝ դեֆիցիտի ֆինանսավորման ճանապարհով։ 2020-22 թվականի միջնաժամկետ ծախսերով այս վարկերը նախատեսված չեն, եւ մենք ակնկալում ենք, որ այդ փուլը մեր երկրի համար այլեւս ավարտված է»,- հայտարարեց նախարարը։

Ջանջուղազյանն ընդգծեց, որ նախագծի շեշտադրումներից է երկարաժամկետ տնտեսական աճը խթանող պետական ներդրումների մակարդակի էական բարելավում ենթադրող փոփոխությունը։ Նա ասաց, որ էական է ոչ միայն տնտեսական աճը, այլ նաեւ այդ աճի արագացման կարողությունը։ Այդ տեսակետից հիմնական դերակատարություն ունեն ներդրումները ենթակառուցվածքներում։ Ներկայացված նախագծով շեշտակի աճ է նախատեսվում 2019 թվականի ծրագրային ցուցանիշի համեմատությամբ, կապիտալ ծախսերը նախատեսված են 100 մլրդ դրամից ավելի, կկազմեն ՀՆԱ-ի 4,1 տոկոսը։

Նախարարն ասաց, որ Հայաստանում 2020-ին բյուջեի նախագծով նախատեսվում է ունենալ 4.9 տոկոս տնտեսական աճի ցուցանիշ, ինչը թույլ կտա ունենալ կառավարելի ռիսկեր: Հարկային եկամուտները հաջորդ տարի կլինեն 0.3 տոկոսով ավելի: 2020-ին հարկային եկամուտների մասով կանխատեսվում է 1 տրլն 602 մլն դրամի չափ մուտք, որը 0.3 տոկոսային կետով բարելավում է․

«Ըստ էության՝ այս տարի սպասվող 1 տրլն 464 մլրդ դրամ հարկային եկամուտների փոխարեն ակնկալվում է, որ եկող տարի կունենանք ավելի բարձր հարկային եկամուտներ: Ընթացիկ ծախսերը ենթադրվում է, որ մի փոքր կնվազեն այս տարվա սպասվող մեծության համեմատությամբ: Սպասվում է, որ այս տարվա 21.7 տոկոս ընթացիկ ծախսեր-ՀՆԱ հարաբերակցության փոխարեն կլինի 21.5 տոկոս: Ենթադրվում է, որ 2020-ին կունենանք պակասուրդի 2.6 տոկոս ցուցանիշ»,- ասաց նախարարը:

Վերջինս ընդգծեց, որ նախագծով 10 տոկոսի չափով աճել են կենսաթոշակների, աշխատավարձերի բարձրացման համար նախատեսված միջոցները։ Շարունակվելու է նաեւ այս տարի սկսված աղետի գոտու եւ 1988-92 բռնագաղթված, փախստականի կարգավիճակ ունեցող ընտանիքների բնակարանների համար նախատեսված ծրագիրը։

Տպել
795 դիտում

Մեր ռուս գործընկերներին տեղեկացրել ենք գազի գնի վերանայման վերաբերյալ բանակցություններ սկսելու ցանկության մասին․ պարետ

Բնականաբար, դա չի կարող հաճույք պատճառել. Բակո Սահակյանը՝ Քոչարյանին մեկուսարանից դատարան տանելու կադրերի մասին

90 անձ թոքաբորբ ունի, եւ այս պահին նրանցից 30-ը գտնվում է ծանր վիճակում․ վարչապետ

Սահմանափակումներն ավելի են խստացվելու․ ոստիկանության ուժերին միացնելու ենք այլ կառույցներից ուժեր․ Ավինյան

Ժամը 14:00-ի դրությամբ ընտրություններին մասնակցել է 50,534 ընտրող․ Արցախի ԿԸՀ

Արմեն Սարգսյանը տեսակապով զրույց է ունեցել Գերմանիայի դեսպանի հետ

Թվայնացված դասագրքերից օգտվելու հավելված և կայք՝ առանց ինտերնետի հավելյալ վճարի՝ Վիվա-ՄՏՍ-ի բաժանորդների համար

ՎՏԲ-Հայաստան Բանկը կիրականացնի կենսաթոշակների վճարումները ժամանակացույցից շուտ

10 օրով կերկարացվեն խիստ սահմանափակումները. վարչապետը հորդորում է լուրջ մոտենալ իրավիճակին (տեսանյութ)

Կառավարությունը որոշել է օրակարգից հանել կորոնավիրուսի հետեւանքով մահացած անձանց չդիահերձելու մասին նախագիծը․ Բադասյան

Ն. Փաշինյանը և Ա. Լուկաշենկոն քննարկել են կորոնավիրուսի հետևանքով ստեղծված իրավիճակում համագործակցության հարցեր

Քաղաքացու նկատմամբ ոստիկանների ենթադրյալ բռնության ահազանգերի հիման վրա հարուցվել է քրգործ

Վիվա-ՄՏՍ-ի կանխավճարային քարտեր՝ «Պրես Ստենդ»-ի բոլոր կրպակներում

Արա Բաբլոյանի եւ Արսեն Բաբայանի գործով այսօր նշանակված առաջին դատական նիստը չի կայանա

«ՎԱՐԿՍ ԷՅ ԷՄ»-ում պարտավորություններ ունեցող քաղաքացիների հանդեպ կկիրառվեն զիջումներ

«Atlantis European Airways»-ի չվերթով Հնդկաստանից Հայաստան վերադարձան մեր 68 հայրենակիցները

ՏԿԵՆ-ը զգուշացնում է. դիմակներն ու ձեռնոցները չի կարելի նետել ճանապարհներին

Արիաննե Կաոլիի հոգեհանգիստը տեղի կունենա ապրիլի 1-ին, հուղարկավորությունը՝ ապրիլի 2-ին

Միջադեպ Շուշիի ընտրատեղամասում. ընտրողը լուսանկարել է քվեաթերթիկը, հանձնաժողովի անդամները պահանջել են ջնջել (տեսանյութ)

Մհեր Գրիգորյանը ռուսական կողմին առաջարկում է սահմանին գազի գնի նվազեցման շուրջ բանակցություններ սկսել