Նորածիններին կորցրած 500 մայրերի բողոք-դիմումները հանձնվեցին Առողջապահության նախարարություն եւ Գլխավոր դատախազություն

Այսօր ՀՀ առողջապահության նախարարության դիմաց բողոքի ակցիա իրականացնող կանայք, որոնք պահանջում էին դադարեցնել Պերինատոլոգիայի, մանկաբարձության եւ գինեկոլոգիայի ինստիտուտի («Հանրապետական» ծննդատան) գործունեությունը, բողոք-դիմումներ փոխանցեցին Առողջապահության նախարարությանը: Ակցիայի կազմակերպիչը Հայկուհի Խաչատրյանն է, որին վերոնշյալ ծննդատանը սեպտեմբերի 24-ին տեղեկացրել էին, որ իր երեխան մահացել է, եւ նա բժշկական կենտրոնի տնօրեն Ռազմիկ Աբրահամյանին մեղադրում է երեխայի անհետացման մեջ: Մեզ հետ զրույցում Հայկուհի Խաչատրյանը հայտնեց, որ ցույցն անում են 500 դիմում-բողոքների հիման վրա, որոնք գրել են տարբեր տարիների նույն ծննդատան «զոհը» դարձած մայրեր:

«Այդ փաստաթղթերում կարելի է գտնել ծննդատանը կատարված հանցագործությունների մասին բազմաթիվ ապացույցներ»,- նշեց Հայկուհի Խաչատրյանը՝ հավելելով, որ կից նաեւ ՀՀ առողջապահության նախարար Արսեն Թորոսյանին են նամակ ուղղել՝ մանրամասնելով այդ կենտրոնում առկա բազմաթիվ խնդիրների մասին:

Հավաքի մասնակիցները նամակն ու դիմումները հանձնեցին նախարարության՝ Մոր եւ մանկան առողջության պահպանման վարչության երեխաների առողջության պահպանման բաժնի պետ Նունե Փաշայանին: Նա խոստացավ նամակը հանձնել Արսեն Թորոսյանին, ինչպես նաեւ ուսումնասիրել բողոք-դիմումները, հարցի հետ կապված գրավոր պատասխան ներկայացնել:

ՀՀ առողջապահության նախարարությունից հեռանալով՝ ակցիայի մասնակիցները շարժվեցին դեպի Գլխավոր դատախազություն, որտեղ Հայկուհի խաչատրյանը եւ նրա փաստաբան Սուսաննա Սարգսյանը նույն բողոք-դիմումների մեկական օրինակ էլ հանձնեցին գլխավոր դատախազի խորհրդական Գոռ Աբրահամյանին, որպեսզի վերջինս դրանք փոխանցի ՀՀ գլխավոր դատախազ Արթուր Դավթյանին:

Հայկուհի Խաչատրյանի այն պնդմանը, թե «Հանրապետական» ծննդատանը բազմաթիվ հանցագործություններ են կատարվել, սակայն դատախազությունն անգործության է մատնված, Գոռ Աբրահամյանը պատասխանեց, որ նման պնդումներ անելու հիմքեր չկան. փաստաթղթերը նոր են ստացել, պետք է ուսումնասիրեն, այնուհետեւ, երբ գտնեն տվյալներ, որոնք կպարունակեն հանցագործության տարրեր, այդ ժամանակ հարցով կզբաղվեն:

Աբրահամյանի խոսքով՝ մոտ ժամանակներս կկազմակերպվի նաեւ հանդիպում Երեւան քաղաքի դատախազ Գևորգ Բաղդասարյանի եւ Հայկուհի Խաչատրյանի միջեւ:

Հավաքի մասնակիցները, դուրս գալով ՀՀ դատախազությունից, շարժվեցին դեպի Առողջապահության նախարարության ենթակայության «Դատաբժշկական գիտագործնական կենտրոն»: Սեպտեմբերի 24-ին «Հանրապետական ծննդատան»-ը տեղի ունեցած դեպքից հետո Հայկուհի Խաչատրյանին այնտեղից ներկայացրել էին իր երեխայի օրգանները, սակայն վերջինս կասկածում է, որ դրանք այլ երեխայի են պատկանել:

Այսօր կենտրոնից նրան պատասխանել են, որ դեռեւս հետազոտություն է իրականացվում, եւ պատրաստ չեն ԴՆԹ-ի պատասխանները: Ինչպես նշեց Հայկուհին, այցի ընթացքում, սակայն,  պարզ է դարձել, որ «Հանրապետական ծննդատան» տնօրեն Ռազմիկ Աբրահամյանի այն հայտարարությունը, թե մահացած նորածինն ունեցել է ներարգանդային ինֆեկցիա, չի համապատասխանում իրականությանը, Հայկուհու խոսքով՝ երեխայի օրգաններում ինֆեկցիա չի եղել:

Ինչպես նշեց հավաքի կազմակերպիչը, բողոքի ակցիան հնարավոր է՝ այսքանով չավարտվի: Եթե Հայաստանում հարցը չլուծվի, ստիպված պետք է դիմեն Ռուսաստանի Դաշնության կառավարությանը, քանի որ ՌԴ քաղաքացիություն ունեն:

Հիշեցնենք, որ սեպտեմբերի 24-ին «Հանրապետական» ծննդատանը մահացել էր Կոտայքի մարզի բնակչուհի Հայկուհի Խաչատրյանի նորածինը։ Ի սկզբանե մայրը նորածնի դիակը չէր տեսել: Դեպքից հետո ծնողներն անանուն զանգ էին ստացել եւ տեղեկացել, որ դին 6 օր շարունակ դատաբժշկական փորձաքննության չի ուղարկվել: Ծնողների մոտ կասկածներ էին առաջացել, որ երեխային կամ նրա օրգանները հիվանդանոցը վաճառել է, նույնիսկ հնարավոր է, որ նա հիմա ողջ է:

Տպել
2610 դիտում

Թալինում, Աշտարակ և Ապարան քաղաքներում, Սպիտակի ոլորաններում մառախուղ է

Վթար Վանաձորում. կա տուժած

24 ժամով կդադարեցվի Արարատի մարզի մի շարք համայնքների ջրամատակարարումը

Երևանի և Կոտայքի մարզի որոշ հասցեներում ժամանակավորապես լույս չի լինի

նոյեմբեր ամսվա կենսաթոշակները Արցախում եւ Հայաստանում կվճարվեն մինչեւ նոյեմբերի 2-ը

Ադրբեջանական զինված ուժերի դաժանությունները մեծ ծավալի են, անպատժելիությունը առաջ է բերելու նոր վայրագություններ. ՄԻՊ

Բուհերի ընդունելության քննությունները կլինեն երկուսը՝ որոշ բացառություններով

Որևէ մեկը չփորձի ինձ թիրախավորել. Գյումրիում ժամեր առաջ անժամկետ հացադուլ հայտարարեց թիվ 2 դպրոցի տնօրենը

Համացանցում հայհոյանքը կարծես դարձել է պարտադիր պայման, բայց դա մեր ազգին չի սազում. Արամե

Նախկին նախագահը՝ ամբաստանյալի աթոռին. Ֆրանսիայում սկսվել է Սարկոզիի գործով դատավարությունը

Երևանի Բաղյան փողոցում հայտնաբերվել է վրաերթի ենթարկված անձը չպարզված քաղաքացու դի

Գեղարքունիքի մարզի ավտոճանապարհներին տեղ-տեղ առկա է մերկասառույց, Սպիտակի ոլորաններում մառախուղ է

Ավտովթար է տեղի ունեցել Երևան-Սևան ավտոճանապարհին․ վարորդն արգելափակվել է մեքենայի մեջ

Պարգևատրվել են մարտական գործողություններին մասնակցած փրկարարները (տեսանյութ)

Թուրքիայի ծավալապաշտական նկրտումները կարող են խիստ կործանարար հետևանքներ ունենալ ողջ տարածաշրջանի համար. Արա Այվազյան

Կապանի օդանավակայանը մնում է հայկական տարածքում. Հայկական միասնական տեղեկատվական կենտրոն

Աշակերտներին գրատախտակի մոտ կանչելու արգելքը հանվել է․ ԿԳՄՍ փոխնախարարը՝ առկա ուսուցմանն անցնելու մասին

Երկրաշարժ Դմանիս քաղաքից 19 կմ հարավ-արևմուտք, ցնցումները զգացվել են Լոռու մարզի Մեծավան և Ձորամուտ գյուղերում

Գյումրիում մարտական վիճակում գտնվող հակահետևակային ական է հայտնաբերվել

Շիրակի փոխմարզպետ Վարդան Գրիգորյանն աշխատանքից ազատման դիմում է ներկայացրել