Քննարկվեց «Բարձրագույն կրթության եւ գիտության մասին» օրենքի նախագիծը, ներկայացվեցին առաջարկվող նորամածությունները

Այսօր Կրթության, գիտության, մշակույթի եւ սպորտի նախարարությունում տեղի ունեցավ հանրային քննարկում «Բարձրագույն կրթության եւ գիտության» մասին օրենքի նախագծի վերաբերյալ: Մասնակցեցին կրթության ոլորտում գործող հասարակական կազմակերպություններից, հիմնադրամներից ներկայացուցիչներ, կրթության փորձագետներ:

Քննարկումը վարեց ԿԳՄՍ նախարար Արայիկ Հարությունյանը, որը բացման խոսքում նշեց, որ այս հանդիպումները կարեւոր են՝ փորձարկելու նախագիծը, լսելու առաջարկություններ եւ դիտողություններ: Նախարարը նաեւ հիշեցրեց, որ արդեն գործում են մի շարք առցանց հարթակներ, որտեղ նախագծի վերաբերյալ կարելի է առաջարկներ ներկայացնել:

Արայիկ Հարությունյանն ընդգծեց, որ օրենքի նախագծի աշխատանքային տարբերակն արդեն քննարկվել է բուհերի ռեկտորների հետ, եւ այդ քննարկումները շարունակվելու են ինչպես բուհերի, այնպես էլ տարբեր շահագրգիռ կողմերի հետ հանրային քննարկումների ձևաչափով, որպեսզի հավաքագրեն նոր գաղափարներ:

Հանդիպման ընթացքում ներկայացվեցին օրենքի նախագծով առաջարկվող հիմնական փոփոխությունները:

ԿԳՄՍ նախարարի խորհրդական Սամվել Կարաբեկյանը խոսեց վերջին շրջանում մեծ շահարկումների առիթ հանդիսացած հայոց լեզվի, հայ գրականության եւ հայոց պատմության դասընթացները բուհերի իրավասությանը վերապահելու մասին: Նրա խոսքով՝ նման հարցերը՝ կրթական ծրագրերի առարկայական բովանդակությունը, օրենսդրական կարգավորման խնդիր չեն, իրենք դրա մասին բազմիցս են ասել:

«Հենց սա է ակադեմիական ազատության եւ ինքնավարության գլխավոր դրսեւորումը, բուհը պետք է որոշի իր կրթական ծրագրերի բովանդակությունը եւ դրանց իրագործումը»,- նշեց նախարարի խորհրդականը:

Կարաբեկյանը խոսեց նաեւ մյուս հարցի վերաբերյալ, որի շուրջ իր կարծիքով՝ թյուրըմբռնում է ձեւավորվել: Խոսքը Գիտությունների ազգային ակադեմիայի կարգավիճակի փոփոխության մասին է: Նրա խոսքով՝ նախագիծը չի անդրադառնում ԳԱԱ-ի կարգավիճակին:

«ԳԱԱ-ի կառուցվածքում 34 գիտահետազոտական կազմակերպություն է գործում, ընդհանուր 72-ից: Դրանք բոլորը, պետական ոչ առեւտրային կազմակերպություններ լինելով հանդերձ, չունեին կառավարման խորհուրդներ: Բնականաբար դա էապես սահմանափակում էր իրենց ինքնավարությունը, եւ մի կենտրոնացված համակարգ էր ստեղծվում»,- նշեց Կարաբեկյանը՝ հավելելով, որ նոր օրինագծով նախատեսվում է, որ բոլոր այդ կազմակերպությունները կունենան կառավարման խորհուրդներ, որոնք արդեն կորոշեն իրենց իրավահարաբերությունները ակադեմիայի նախագահության կամ այլ կառույցների հետ:

Մյուս փոփոխությունն այն է, որ նոր նախագծով դիմորդն իր հավաքած միավորներով ընդունվում է նախընտրած մասնագիտությամբ սովորելու, իսկ թե կոնկրետ որ բուհում կստանա կրթությունը, ընտրում է ինքը՝ ընդունվելուց հետո: Այսպիսով դիմորդն ունենում է ավելի շատ ազատություն՝ սովորելու նախընտրած համալսարանում:

ԿԳՄՍ նախարարի խորհրդականը նաեւ խոսեց բուհերի ապաքաղաքականացման մասին, ըստ որի՝ որեւէ պետական պաշտոնյա չի կարող լինել բուհի կառավարման խորհրդի անդամ:

Խոսելով բուհերի եւ գիտական կազմակերպությունների ինքնավարության մասին՝ Սամվել Կարաբեկյանն ընդգծեց, որ նախագծով թե´ բուհերի ինքնավարության, թե´ ներսում ակադեմիական ազատությունների համար իրավական լուրջ հիմքեր են ստեղծվել, որոնք բնականաբար պետք է ամրապնդվեն նաեւ բուհերի կանոնադրությամբ եւ որոշակի ենթաօրենսդրական ակտերով:

Հանդիպման վերջում նախարար Արայիկ Հարությունյանը շնորհակալություն հայտնեց եւ նշեց, որ կշարունակեն աշխատել բոլորի հետ, որպեսզի ունենան թերություններից առավելագույնս զերծ օրենք եւ համընդհանուր համաձայնությամբ այն ներկայացնեն Ազգային ժողով:

Անի Ավագյան

Տպել
475 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան