Խուսափելով ՀՔԾ ներկայանալուց՝ նրանք ապացուցում են, որ հենց իրենք են փչացրել իրենց գլխավորած կառույցները. Քոչարյան

Համապատասխան մարմինները պետք է քայլեր ձեռնարկեն Մարտի 1-ի գործով մեղադրյալներ Միքայել Հարությունյանին, Գեւորգ Կոստանյանին, Վահագն Հարությունյանին եւ օֆշորի գործով մեղադրյալ Միհրան Պողոսյանին օր առաջ տուն վերադարձնելու ուղղությամբ, եթե այս անձինք չունեն վերադառնալու կարեւորությունն ինքնուրույն գիտակցելու ունակություն։ Խորհրդարանում՝ ելույթների ժամին, ԱԺ բարձր ամբիոնից հայտարարությամբ հանդես եկավ «Իմ քայլը» խմբակցության պատգամավոր, Պաշտպանության եւ անվտանգության հարցերի մշտական հանձնաժողովի նախագահ Անդրանիկ Քոչարյանը՝ անդրադառնալով վերը թվարկված նախկին պաշտոնատար անձանց, իր խոսքով, փախուստին։

«Դժվար է ասել, թե այս անվանացանկը դեռ ինչքան է համալրվելու, բայց մեկ բան հստակ է․ այս նախկին պաշտոնյաները պետք է հասկանան, որ ժամանակին նրանց կառավարմանն են հանձնվել բազմաթիվ կարեւոր կառույցներ, խոսքը հատկապես ուժային կառույցների նախկին ղեկավարներին է հասցեագրված։ Խուսափելով ներկայանալուց եւ նախաքննական մարմնի հարցերին պատասխանելուց՝ այս անձինք ապացուցում են, որ ոչ միայն հենց իրենք են փչացրել իրենց իսկ կողմից գլխավորած կառույցները, այլեւ միաժամանակ ստվերում են նմանօրինակ պղտոր մթնոլորտում ժամանակին բարեխղճորեն իրենց ծառայություններն իրականացրած բազմաթիվ պրոֆեսիոնալ կադրերի անցած ուղին»։

Քոչարյանի համոզմամբ՝ Մարտի 1-ի բացահայտումը, ըստ էության, ոչ միայն կվերականգնի արդարությունը, կօգնի տուժածների եւ զոհվածների ընտանիքներին բացահայտել կատարվածը, այլեւ վերջնականապես կփակի պետության ողբերգական էջերից մեկը․

«Ուստի առաջարկում եմ հնարավոր բոլոր տարբերակները կիրառել՝ նրանց Հայաստան վերադարձնելու նպատակով, քանի որ նույնիսկ դեպքերի ամենաանհավանական զարգացումների պարագայում, միեւնույն է, նրանք արդեն ներգրավված են այս գործով եւ պետք է կամավոր ներկայանան եւ պատասխանեն նախաքննական մարմնի հարցերին»։

Պատգամավորը հարկ համարեց նշել նաեւ, որ այս մարդկանց առնվազն կեսը չունեն ՌԴ քաղաքացիություն, նրանցից ոմանք ընդամենը ժամանակին կատարել են մեկ այլ՝ ավելի բարձրաստիճան պաշտոնատար անձի կողմից իրավական առումով խիստ կասկածելի արված հրամանները․

«Բոլոր ժամանակներում ցանկացած հայի, այդ թվում՝ տարբեր քրգործերով ներգրավվածների համար աշխարհում ամենաանվտանգ վայրը, խորությա՛մբ գիտակցեք, Հայաստանի Հանրապետությունն է, եւ վերջ։ Եթե տվյալ անձն անհանգստություններ ունի կամ խուսափում է իր սեփական երկրի արդարադատությունից, եւ այն էլ ներկայումս գործող անաչառ քաղաքական օրակարգի պայմաններում, ապա նա ոչ մի դեպքում չի կարող իրեն ապահով զգալ օտարության մեջ»,- եզրափակեց Անդրանիկ Քոչարյանը։

Հիշեցնենք, որ Միքայել Հարությունյանը, Գեւորգ Կոստանյանը, Վահագն Հարությունյանը եւ Միհրան Պողոսյանը գտնվում են հետախուզման մեջ:

Տպել
2011 դիտում

Այսօր մենք տոնում ենք ազգովի՝ որպես անբաժանելի մի մարմին և անսասան մի ուժ. Արցախի նախագահի շնորհավորական ուղերձը

Մեր անկախ պետության դեմքը՝ ԶՈւ պատվոպահակային վաշտը, դեֆիլե է իրականացնում Խոր Վիրապում (տեսանյութ)

Մեր պատմության կարևորագույն տոնի առթիվ, վարչապետը կհրապարակի մինչեւ 2050 թ. ռազմավարությունը

Սուրբ Գրիգոր Լուսավորիչ բկ-ում սննդային թունավորումը վերաբերում էր 33 հոգու, 25-ը՝ բուժանձնակազմից

Երեւանի Վարդավառի լճում հայտնաբերվել է մոտ 50-ամյա տղամարդու դի

Ովքե՞ր են ցուցարարների իրական դաշնակիցները

Արցախի նախագահն այցելել է Մատենադարան. Ստեփանակերտի գրադարանում նմանատիպ պայմաններ կստեղծվեն

Գավառի ոստիկանները տաք հետքերով կանխել են 40 ոչխարի գողության փորձը. կան բերման ենթարկվածներ

Վաղաշեն գյուղի նախկին դպրոցի չուգունե ռադիատորները գողացած 4 պատանի բերման է ենթարկվել

Կորոնավիրուսից մահացել է Ուզբեկստանի փոխվարչապետը

Ջերմաստիճանը սեպտեմբերի 20-22-ին կնվազի 2-3 աստիճանով, մոտակա օրերին սպասվում են անձրեւներ

Ալիեւի հայտարարություններն ի ցույց են դնում նրա անկարողությունը. ՀՀ ԱԳՆ խոսնակի պատասխանը՝ Ադրբեջանի նախագահին

Վրաստան մուտքն արգելող որոշումը շարունակում է ուժի մեջ մնալ. բացառություն են բեռնափոխադրումները

«Սուրբ Գրիգոր Լուսավորիչ» ԲԿ-ում գրանցվել են թունավորումներ բուժանձնակազմի որոշ անդամների եւ մի քանի պացիենտի մոտ

Հրդեհ Սպիտակ-Վանաձոր ավտոճանապարհի անտառամերձ հատվածում. այրվել են ծառեր, բուսածածկույթ

Նախկինները մի հաջողություն այնուամենայնիվ արձանագրեցին

Ամսական դրամաշնորհ՝ զբոսաշրջության և հարակից ոլորտների տնտեսվարողներին. Կառավարության նոր ծրագիրը

Հայ դիպուկահարը սահմանել է սպորտային սեփական ռեկորդ՝խոցելով նշանակետը 2574 մետրից

Երկար դադարից հետո Ալիևը երեկ որոշել է արձագանքել Փաշինյանի հրապարակած յոթ կետերին. Տ. Հայրապետյանը՝ արձագանքի մասին

Շատ օգտակար քննարկում ենք ունեցել Արցախում «Թումո» կենտրոնների ցանցն ընդլայնելու ուղղությամբ. ԱՀ նախագահը Երևանում է