Արաբական սուրճ, հայկական մեղրով փոխինձ, պարգեւներ. Երեւանում նշվեց ԱՄԷ հիմնադրման 48-ամյակը

03/12/2019 schedule12:35

Սկզբում՝ ԱՄԷ հիմնը, այնուհետ՝ ՀՀ օրհներգը հնչեց: Այսպես ՀՀ-ում Արաբական Միացյալ Էմիրությունների դեսպանությունն ազդարարեց իրենց ազգային տոնի սկիզբը:

«1971 թ.-ի դեկտեմբերի 2-ին էմիրությունները միավորվեցին՝ սկիզբ դնելով պետության զարգացմանն ու առաջընթացին: Այս օրն Արաբական Միացյալ էմիրությունների համար անչափ կարեւոր է»,- երեկ հայտարարեց ՀՀ-ում Արաբական Միացյալ Էմիրությունների դեսպան Մոհամմադ Իսա ալ Կատտամ ալ Զաաբին՝ ԱՄԷ հիմնադրման 48-ամյակի առիթով կազմակերպված ընդունելության ժամանակ։

«Հայաստանն ու ԱՄԷ-ն կայուն զարգացող հարաբերություններ եւ համագործակցություններ ունեն, որոնք պետք է առավել զարգացնել»,- ասաց դեսպանն ու նշեց՝ 2021-ին՝ ԱՄԷ հիմնադրման 50-ամյակին ընդառաջ, նպատակ ունեն էմիրությունները դարձնել աշխարհի լավագույն և հարուստ պետություններից մեկը: «Առաջընթացը, զարգացումը և բարգավաճումը, որ մենք այսօր ապրում ենք ԱՄԷ-ում, ուղեկցվում է հավասարակշռված արտաքին քաղաքականությամբ։ Այն հիմնված է չափավորության և ճշմարտության, բարության, մարդասիրության, հանդուրժողականության վրա: ԱՄԷ-ն դարձել է մարդասիրության խորհրդանիշ համաշխարհային մակարդակով։ Էմիրաթական դիվանագիտությունն իմաստուն ղեկավարության տեսլականի շնորհիվ կառուցել է եղբայրական բարեկամական հարաբերությունների կամուրջներ աշխարհի պետությունների հետ»,- ասաց դեսպանը:

Էմիրություններում ավելի քան 200 ազգություն բնակվում է ազատության, փոխադարձ հարգանքի ու համակեցության մթնոլորտում՝ հիմնված հանդուրժողականության վրա: ԱՄԷ-ն իր ձեռքբերումներից մեկը համարում է 2019 թվականը Հանդուրժողականության տարի հռչակելը: Ընդունելությանը մասնակից բարձրաստիճան տարբեր հյուրերի թվում էին նաեւ ՀՀ փոխվարչապետ Մհեր Գրիգորյանը, ՀՀ ԿԳՄՍ նախարար Արայիկ Հրությունյանը, աշխատանքի և սոցիալական հարցերի նախարար Զարուհի Բաթոյանը, ԱԺ պատգամավորներ, դիվանագիտական կորպուսի, հասարակական ու այլ կառույցների ներկայացուցիչներ։

ՀՀ փոխվարչապետ Մհեր Գրիգորյանը, ողջունելով ներկաներին, ընդգծեց, որ 48 տարիների ընթացքում Արաբական Միացյալ Էմիրություններն առաջ է շարժվել փոխադարձ հարգանքի և վստահության վրա հիմնված միջպետական հարաբերությունների հաստատման, ինչպես նաև տնտեսական, գիտակրթական, մշակութային ոլորտների զարգացման հստակ ուղով՝ միաժամանակ դառնալով խաղաղության և հանդուրժողականության գաղափարների առաջամարտիկը տարածաշրջանում:

«Շեյխ Զայեդի օրոք սկիզբ առած հայ-էմիրաթական հարաբերությունները մշտապես աչքի են ընկել առանձնահատուկ ջերմությամբ: Մենք բարձր ենք գնահատում մեր երկրների և ժողովուրդների միջև ձևավորված բարեկամական հարաբերությունները: Մեր օրակարգում մշտապես կարևոր տեղ է զբաղեցրել Ծոցի երկրների հետ առևտրատնտեսական և ներդրումային համագործակցության խորացումը: Հայ-էմիրաթական հարաբերություններում, մասնավորապես առևտրատնտեսական ոլորտում առկա է մեծ ներուժ, որի նպատակային օգտագործումը կխթանի փոխշահավետ համագործակցությանը: Արաբական Միացյալ Էմիրությունները դիտարկում ենք որպես կարևորագույն կամուրջ՝ Հայաստանի և Ծոցի տարածաշրջանի երկրների միջև։ Միևնույն ժամանակ Հայաստանը բարենպաստ հարթակ կարող է լինել Արաբական Միացյալ Էմիրությունների համար՝ ԵԱՏՄ մեծ շուկա մուտք գործելու համար: Երկու երկրների միջև տնտեսական կապերի ընդլայնման և ամրապնդման գործում կարևոր նշանակություն ունեցավ այս տարվա մայիսին գումարված Հայ-էմիրաթական միջկառավարական հանձնաժողովի անդրանիկ նիստի անցկացումը, որի շրջանակներում ձեռք բերված պայմանավորվածությունների իրագործումը նոր լիցք է հաղորդում երկկողմ հարաբերություններին: Երկկողմ համագործակցության զարգացման համար նոր խթան կհանդիսանա ExpoDubai-2020 ցուցահանդեսին Հայաստանի բարձր մակարդակով մասնակցությունը: Մենք կողջունենք և կաջակցենք նաև էմիրաթական կապիտալի ակտիվ մասնակցությունը Հայաստանի տնտեսության տարբեր ոլորտներում»,- ասաց փոխվարչապետը:

ԱՄԷ հիմնադրման 48-ամյակի առիթով կազմակերպված ընդունելության ժամանակ Էմիրություններ մեկնելու իրավունք ստացան նաեւ հայ ուսանողներն ու պատանիները: ՀՀ ԲՈՒՀ-եերի 14 լավագույն ուսանող ստացավ կրթական այցի հնարավորություն: «Լուսե» զարգացման և ուսուցման կենտրոնի 3 երեխա, եւս 3 պատանի «Իմ ուղին» վերականգնողական ցերեկային կենտրոնից նույնպես կմեկնեն ԱՄԷ: Ընդունելության մասնակից եւս 4 հյուր վիճակահանությամբ շահեց Արաբական Միացյալ Էմիրությունների ուղեւորության փաթեթ:

Արաբական թեյ, մեղրով պատրաստված ընդեղեն, նաեւ՝ հայկական տարազ, փողինձ, սանդերք ու երկանք: ԱՄԷ հիմնադրման 48-ամյակի առիթով կազմակերպված ընդունելությանը ներկաները հնարավորություն ունեցան հաղորդակից լինել ինչպես Էմիրությունների մշակույթին, սովորույթներին, խոհանոցին, այնպես էլ հայկական ավանդույթներին, նիստ ու կացին, տարազներին, ուտեստներին:

Արմենուհի Մինասյան

Տպել
897 դիտում

Սարալանջում արևային ֆոտովոլտային կայան է տեղադրվել, 3 փողոցում ընդլայնվել է լուսավորության ցանցը

Մանե Թանդիլյանը տեղափոխվել է Արցախ ապրելու եւ Արցախն ապրեցնելու

Երևանի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն

Աշխատանքի միջոցով պետք է ԱՄՆ-ի կողմից ՀՀ-ին տրամադրվող հումանիտար օգնությունը 100 մլն դոլարի հասցնել. Զարեհ Սինանյան

Պատերազմը չի ավարտվել, մենք դեռ հաղթելու ենք, որ կարողանանք պատասխան տալ տասնապատկված Եռաբլուրի առաջ. Ռոմիկ Մխիթարյան

Վարդենիս համայնքի Այրք բնակավայրում ավարտվել է խմելու ջրատարի արտաքին ցանցի կառուցումը

ՀՀ-ում տրվել է դպրոցական աստղագիտական դասախոսությունների 2020թ. ծրագրի մեկնարկը

Անհետ կորած զինծառայողների և մահացածների մարմինները հարազատներին փոխանցելու հարցը գտնվում է ՌԴ ուշադրության կենտրոնում

Դաշտ և Կոբավան համայնքներում ձեռք է բերվել սուբվենցիոն ծրագրով հաստատված անհրաժեշտ գյուղտեխնիկան

ՀՀ տարածքում ավտոճանապարհներն անցանելի են. Գեղարքունիքի մարզի ավտոճանապարհներին տեղ-տեղ առկա է մերկասառույց

ԱԳ նախարարը ՀԱՊԿ նիստում ընդգծեց Ադրբեջանի՝ կովկասյան տարածաշրջանում միջազգային ահաբեկչության օջախ ձևավորելու քայլերը

Արայիկ Հարությունյանն ու Վաղարշակ Հարությունյանը քննարկել են անհայտ կորած զինծառայողների և գերիների հարցը

Ոստիկանները պատերազմի ժամանակ ձեռք բերված զինամթերք և առանձնապես խոշոր չափերով թմրամիջոց են հայտնաբերել (տեսանյութ)

Ինչպես է ազդել կորոնավիրուսն ու պատերազմը անշարժ գույքի շուկայի վրա. պատասխանում է կադաստրի կոմիտեի ղեկավարը

Անիեր-Սյուր-Սենի քաղաքային խորհուրդն Արցախի Հանրապետության ճանաչման մասին բանաձև է ընդունել

Լավրովը խոսել է Ղարաբաղյան հակամարտության գերիների ու զոհերի փոխանակման գործընթացի, ՀԱՊԿ նիստի որոշումների մասին

Սյունիքի մարզից որեւէ գյուղ հանձնելու հարց չի քննարկվում. Սյունիքի մարզպետարան

Քարամշակման արտադրամասն օգտագործում է մակերևույթային ջուր՝ չունենալով ջրօգտագործման թույլտվություն․ ԲԸՏՄ ստուգումները

ՀՀ ՏԿԵ նախարարության մասնագետները Շիրակի մարզում ուսումնասիրել են ընթացող փողոցաշինական աշխատանքները, կատարել նմուշառում

Երևանում 28-ամյա տաքսու վարորդը դանակահարել է33-ամյա մի տղամարդու (տեսանյութ)