Ավտոներկրողները բողոքում են Գյումրու ավտոմաքսատանն իրականացվող բեռնաթափումից. ՊԵԿ-ը՝ հակադարձում

Մի շարք ավտոներկրող կազմակերպություններ Գյումրու ավտոմաքսատանը խնդրի առաջ են կանգնել: Պատճառը ՊԵԿ նախագահի օրերս կայացրած որոշումն է, որով կոնտեյներներով ներկրվող ավտոմեքենաների բեռնաթափումն այսուհետ իրականացվելու է Գյումրիում:

ՀԺ-ն զրուցել է մի շարք ավտոներկրող կազմակերպությունների ղեկավարների հետ, որոնք ներկայացրել են առկա խնդիրները:

Մասնավորապես «Ամերիքան գլոբալ գրուփ» ընկերության տնօրեն Վարդան Օնանյանը մեր զրույցում ասաց, որ նախկինում բեռնարկղերով ավտոմեքենաները Երեւանում էին բեռնաթափվում, եւ պրոցեսը շատ արագ էր տեղի ունենում: «Երեւանում 19 թեքահարթակ կար, որն օրական ընդհանուր մոտ 80 բեռնարկղերով ավտոմեքենա էր բեռնաթափում: Յուրաքանչյուր բեռնարկղի մեջ 4 ավտոմեքենա է լինում: Իսկ այս պահին Գյումրու ավտոմաքսատանը կա 8 թեքահարթակ, տարածքն էլ շատ փոքր է: Մրցութային կարգով ինչ-որ ընկերություն է իրականացնում բեռնաթափումը, որը չգիտի ինչպես իրականացնել: Դանդաղ են աշխատում: Այստեղ օրական 30-35 բեռնարկղ կարող են սպասարկել՝ լավագույն դեպքում»,- ասաց Օնանյանը:

Նրա խոսքով՝ սրա պատճառով իրենք ստիպված տուգանքներ են վճարում. «Այդ բեռնարկղերով ավտոմեքենաները գալիս, սպասում են ավտոմաքսատանը մի քանի օր, եւ մենք ստիպված պետք է վճարենք, որ լրացուցիչ մնան՝ մինչեւ մեքենաները բեռնաթափվեն: Հիմա ամենապիկ շրջանն է, քանի որ հունվարից նվազելու է ավտոմեքենաների ներկրումը, ու այս շրջանում չպետք է նման խնդիր առաջանար»:

Ներկրողը նշեց, որ իրենց հաշվարկներով՝ դեկտեմբերին դեռ 1000 բեռնարկղերով շուրջ 4000 ավտոմեքենա է ներկրվելու, իսկ նման պայմաններում իրենց համար խնդիր է առաջանալու, եւ ստիպված են լինելու տուգանք վճարել. «Մենք խնդրի լուծման 2 տարբերակ ենք տեսնում: Կամ պետք է մինչեւ հունվարի 31-ը նախկինի պես Երեւանում բեռնաթափումն իրականացնենք, կամ գոնե բեռնաթափումը Երեւանում իրականացնենք եւ համապատասխան թղթերով գնանք Գյումրի՝ մաքսային ձեւակերպումներն անելու համար»:

«Պրոֆ մոթորս» ընկերության հիմնադիր տնօրեն Արման Սարգսյանը նույնպես դժգոհ է այս խնդրից. «Երեւանում տարբեր մաքսային տերմինալներում հնարավոր է միաժամանակ մի քանի տասնյակ թեքահարթակներում բեռնաթափում իրականացնել, բայց Գյումրիում դա ուղղակի հնարավոր չէ: Վտանգ կա նաեւ մարդկային կյանքերի համար: Սրանք ԱՄՆ-ից բերված մեքենաներ են, եւ ոչ մեկի համար գաղտնիք չէ, որ այդ մեքենաները վթարված են: Այդ վթարված մեքենաները որեւէ ձեւով պե՞տք է Երեւան տեղափոխեն: Այդ քանակի քարշակներ չկան Երեւանում եւ մարդիկ ուզած-չուզած՝ քշելով են բերելու այդ մեքենաները: Վթարված մեքենաներ՝ ձմեռային պայմաններում, եւ այդ մեքենաների վրա էլ ձմեռային անվադողեր չկան: Վթարներ է լինելու ու մարդկային կյանքին սպառնացող վտանգներ»: Նրա խոսքով՝ այն կազմակերպությունը, որը բեռնաթափում է իրականացնում, 12 ժամում ընդամենը 2 բեռնարկղով մեքենա է դատարկել այդ 8 թեքահարթակների վրա. «Դրա համար հիմա մոտ 80 բեռնարկղով մեքենա է այնտեղ կուտակված եւ ժամ ժամի՝ հերթ է գոյանում: Բեռնաթափողներն առաջին անգամ են տեսնում այդ բեռնարկղերը ու ավտոմեքենաները վնասելով են դուրս հանում բեռնարկղերից, փորձ չունեն»:

Ավտոներկրողներից Էդգար անունով մի քաղաքացի էլ մեր զրույցում պատմեց, որ այս պահին Փոթիում այնպիսի կուտակումներ ունեն, որ դարձյալ ստիպված են լինելու տուգանքներ վճարել. «Ֆուռի վարորդներն են ձայն բարձրացնում, թե ինչո՞ւ մեզ չեն սպասարկում: Եթե այսպես դանդաղ սպասարկումը շարունակվի, մենք չենք կարողանա մնացած խմբաքանակը Վրաստանից բերել: Ախր այդ տուգանքները, որ վճարում ենք, ուրիշ երկրի ենք վճարելու: Յուրաքանչյուր ֆուռի վարորդ, եթե մի օր ավելի է մնում, 100 դոլար պետք է վճարենք»:

Ավտոներկրողների հետ մեր զրույցից քիչ հետո ՀՀ պետական եկամուտների կոմիտեի նախագահ Դավիթ Անանյանն ու նրա տեղակալ Շուշանիկ Ներսիսյանը երեկ Գյումրիում հանդիպել են ավտոներկրող կազմակերպությունների ներկայացուցիչներին:

Հանդիպման եւ խնդրի մանրամասների մասին զրուցել ենք Շուշանիկ Ներսիսյանի հետ:

- Տիկին Ներսիսյան, շուրջ 2 տասնյակ ավտոներկրողներ նշում են, որ Գյումրու ավտոմաքսատանը բեռնարկղերով ներկրված ավտոմեքենաները շատ դանդաղ են բեռնաթափվում, քանի որ բեռնաթափող կազմակերպությունը փորձառու չէ: Տեղյա՞կ եք խնդրից:

- Մենք այսօր (երեկ) պարոն Անանյանի հետ այցելել էինք ավտոմեքենաների մասքազերծման եւ բեռնաթափման կենտրոն: Հանդիպում ունեցանք բոլոր բեռնափոխադրողների հետ: Ե՛վ մրցույթը հաղթած կազմակերպությունն է հիմա բեռնաթափում, ե՛ւ այդ ավտոներկրող կազմակերպություններն են իրենց ցանկությամբ բանվորական ուժեր բերել: Բավականին արագ է հիմա բեռնաթափումը ընթանում: Արտաժամյա էլ ենք աշխատում, որ մաքսիմալ արագ բեռնաթափենք: Այս պահին խնդիր չկա:

- Ավտոներկրողները պահանջում էին, որ կամ մինչեւ հունվարի 31-ը Երեւանում մաքսազերծումն իրականացնեն, կամ գոնե ավտոմեքենաները բեռնաթափեն Երեւանում, իսկ փաստաթղթային հարցերը Գյումրիում լուծեն: Այդ պահանջների վերաբերյալ ի՞նչ եք որոշել:

- Ճիշտն ասած, մենք հիմա օրենսգիրքը նայում ենք, քանի որ ԵՏՄ օրենսգրքով ենք առաջնորդվում, այստեղ մի փոքր սահմանափակումներ ունենք: Եթե որեւէ կետ կարողացանք գտնել՝ կանենք, եթե չէ, ապա պետք է բոլոր ավտոմեքենաները Գյումրիում մաքսազերծվեն:

- Բողոքներ կան, որ բեռնաթափում իրականացնող կազմակերպությունն իր գործառույթը վատ է կատարում, մեքենաները վնասվում են: Ինչպե՞ս է այդ ընկերությանը նախապատվություն տվել: 

- Ճիշտն ասած, իմ գործառույթների մեջ չի մտնում դա, բայց միանշանակ ոչ թե նախապատվություն է տրվել այդ ընկերությանը, այլ ՊԵԿ-ը մրցույթ է հայտարարել: Կոնկրետ պահանջներ են ներկայացվել՝ այսքան աշխատակից լինի, այսքան թեքավանդակ լինի եւ այլն: Սա այն կազմակերպությունն է, որն այդ մրցույթի շրջանակներում հաղթող է ճանաչվել, որեւէ նախապատվություն տալու հարց չկա:

- Ավտոներկրողները պնդում են, որ այդ ընկերությունը չունի բավարար քանակի աշխատակիցներ:

- Իմ տվյալներով՝ նրանք ունեն այդքան աշխատակից: Եթե չեմ սխալվում, նաեւ փորձառու աշխատուժ են վարձել Երեւանից: Միանշանակ, եթե իրենք չկարողանան կատարել այն պարտավորությունները, որը ստանձնել են մրցույթով՝  պայմանագիրը կխզվի նրանց հետ:

- Ավտոներկրողները գո՞հ են մնացել հանդիպումից:

- Իմ տպավորությամբ՝ այո:

- Օրական քանի՞ բեռնարկղով ավտոմեքենա է նախատեսված բեռնաթափել արդեն:

- 60-70, բոլոր բեռնարկղերով ավտոմեքենաները, որ մտնում են, պետք է բեռնաթափվեն: Այս պահին երկաթգծի հետ էլ ենք աշխատում: Միգուցե եւ Գյումրիի երկաթգծի հնարավորությունն էլ դիտարկենք:

- Բողոքներ են հնչել նաեւ, որ Գյումրու ավտոմաքսատան տարածքը փոքր է եւ հնարավոր չի լինելու մեծ ծավալի ավտոմեքենաների բեռնաթափում իրականացնել:

- Չկա նման բան: Ոչ մի խնդիր չունենք եւ չենք ունենալու տարածքի հետ կապված:

Տպել
2862 դիտում

Շրջակա միջավայրի նախարարությունը և Ագրարային համալսարանը համագործակցության հուշագիր են կնքել

«Путешествую без COVID-19». ԱԳՆ-ն ներկայացրել է ՌԴ այն երկրների ցանկը, ուր հնարավոր է մեկնել

Երիտասարդության ռազմավարությունը պետք է մշակվի  երիտասարդների ձանը լսելով. ԿԳՄՍ նախարարի տեղակալ

Իրականացվել են մարտական հերթապահության հերթափոխի նախապատրաստական աշխատանքներ

Տիգրան Հարությունյանը նշանակվել է ԱԱԾ տնօրենի տեղակալ

Ջավախքում մեկ օրում երկու ինքնասպանություն է տեղի ունեցել․ մանրամասներ

Հայ-ֆրանսիական բարեկամության ամրապնդման ևս մեկ վկայություն. Ֆրանսիական կրթահամալիրում նոր դասասենյակ է բացվել

Արմելլա Շաքարյանը նշանակվել է Մեքսիկայի Միացյալ Նահանգներում Հայաստանի Հանրապետության արտակարգ և լիազոր դեսպան

ՊԵԿ հարկային տեսուչները կաշառք են պահանջել, ստացել ու բռնվել (տեսանյութ)

ԿԳՄՍ նախարարը հաղթող թեկնածուներից ոչ մեկին դպրոցի տնօրեն դեռ չի նշանակել․ բողոքներն առայժմ քննում են

Ստուգումներ են անցկացվել մարտական հենակետերում

9 մարզի 101 հիմնական ու միջնակարգ դպրոցում հեռավար ձևաչափով ուսուցումն իրականացնելու հնարավորություն է ստեղծվել

Սյունիքի և Գեղարքունիքի մարզերի բոլոր ավտոճանապարհներին առկա է մերկասառույց

Սուրեն Պապիկյանն ընդունել է Զարգացման ֆրանսիական գործակալության փոխտնօրեն Բերտրան Վալկենարին

Հայագիտական կենտրոնների թիվը կավելանա եւս երկուսով

Վարչական վարույթներ են հարուցվել Գեղարքունիքի և Կոտայքի մարզերի որոշ դպրոցներում

Լարված ու անելանելի պայմաններում արագ կողմնորոշվելու շնորհիվ առաջադրված մարտական խնդիրները բարձր մակարդակով են կատարել

Արա Այվազյանը Լավրովի հետ հեռախոսազրույցում ընգծել է ռազմագերիների, պատանդների, պահվող այլ անձանց վերադարձի մասին

Դուրս եմ եկել Covid-ի հետ կապված քննիչ հանձնաժողովի կազմից․ Արտակ Մանուկյան

Փետրվարի 1-ից ՌԴ մուտք գործելու համար հնարավոր է թեստ հանձնել առայժմ միայն երկու լաբորատորիայում, գինը՝ 15 հազար դրամ

Զինծառայողներն արյուն են հանձնել

Վահան Քերոբյանը և Անդրեա Վիկտորինը քննարկել են համագործակցության հետագա խորացման հնարավորությունները

Արագածոտնի նախկին մարզպետը մեղադրանքն անհիմն է որակում. նրան կալանավորելու միջնորդությունը կքննվի այսօր

Վարչապետի գլխավորությամբ քննարկվել է Տնտեսական արձագանքման ծրագրի նախագիծը

40-ամյա հետախուզվողը չի ենթարկվել ոստիկանների օրինական պահանջներին, կրակոցներ է արձակել. հարուցվել է քրեական գործ

Վարչապետ Նիկոլ Փաշինյանն ընդունել է Իրանի ԱԳ նախարար Մոհամմադ Ջավադ Զարիֆին (լուսանկարներ)

Որոշում է կայացվել քաղաքական նշանակում կատարել․ Սիմոնյանը՝ Մակունցի ԱՄՆ-ում հնարավոր նշանակման մասին

Ալեն Սիմոնյանը՝ վարչապետի դիվանագիտական անձնագիրը հափշտակելու մասին

Հայաստանի և Իրանի ԱԳ նախարարները մտահոգություն են հայտնել տարածաշրջանում ահաբեկիչների տեղակայման առնչությամբ

Ռուստամ Բադասյանը Բելառուսի դեսպանի հետ քննարկել է հակակոռուպցիոն պայքարին առնչվող մի շարք հարցեր

ՊԵԿ մաքսանենգության դեմ պայքարի վարչությունը համալրվել է գերժամանակակից սարքավորումներով

Ավելի հասցեական նպատակներ՝ կրթության ռազմավարության բարեփոխման մեջ. ԿԳՄՍ նախարարությունը ամփոփում է տարին

Հայկական կողմը պատրաստակամ է ԵԱՀԿ ՄԽ շրջանակում վերսկսել բանակցությունները․ Արարատ Միրզոյանն ընդունել է ՌԴ դեսպանին

«Թող փորձի»․ Ալեն Սիմոնյանը՝ Վազգեն Մանուկյանի շենքեր գրավելու հայտարարության մասին

94 տարեկանում մահացել է հայկական սպորտի մեծ երախտավոր Մնացական Հովհաննիսյանը

Հայաստանում սելեկտիվ աբորտների քանակը 2001-2002 թթ․ ամենաշատն էր, տարիներ անց զոհվեցին նաեւ այդ թվերին ծնված տղաները

Վազգեն Մանուկյանի հայտարարությունների մասին տեսանյութն ուղարկվել է ԱԱԾ՝ ընթացքը լուծելու համար. դատախազություն

Մանուկյանը փաստացի ասում է, որ պատերազմի ժամանակ զինվորականներին կոչ է արել իշխանությունը վերցնել իրենց ձեռքը․ Սիմոնյան

Հանրակրթական դպրոցների 1-7-րդ դասարանների աշակերտների համար անցկացվելու է «Սպորտլանդիա» մրցույթը

Ադրբեջանցիներին հայկական անձնագիր տալու որևէ դեպք առկա չէ. փոխոստիկանապետ