ԵՊՀ ուսանողներն իրենց բողոքի ցույցը կտեղափոխեն ռեկտորի պաշտոնակատարի աշխատասենյակի մոտ

Երեւանի պետական համալսարանի հայ բանասիրության ֆակուլտետի ուսանողները վերսկսել են դասադուլները: Երիտասարդների պահանջը փոփոխության չի ենթարկվել, սակայն հավելում կա. մասնակիցներն իրենց բողոքի ակցիան վաղվանից կտեղափոխեն բուհի ռեկտորի պաշտոնակատար Գեղամ Գեւորգյանի աշխատասենյակի առաջ: Նրանք պահանջում են, որ Գեւորգյանն ընդունի իրենց եւ պատասխանի բոլոր հարցերին: Դժգոհության պատճառն օրեր առաջ ռեկտորի պաշտոնակատարին ներկայացրած իրենց դիմում նամակի պատասխանն է. երիտասարդների պահանջները բավարարված չեն: Այս մասին մեզ հետ զրույցում նշեց ֆակուլտետի 4-րդ կուրսի ուսանող Գեւորգ Գյուլումյանը:

Ինչպես տեղեկացանք, այսօր բողոքի ակցիա իրականացնողները ստացել են ռեկտորի պաշտոնակատարի պատասխանը, որում մասնավորապես նշված է, որ «Բարձրագույն կրթության եւ գիտության» օրենքի աշխատանքային նախագիծը մանրամասն քննարկվել է ԵՊՀ գիտական խորհրդում, ֆակուլտետներում եւ ներկայացված առաջարկությունների ամբողջական փաթեթն ուղարկվել է նախարարություն:

Իսկ այն հարցին, թե ինչ դիրքորոշում ունի ԵՊՀ գիտական խորհուրդը պրոֆեսորադասախոսական կազմի հետ կայացած հանդիպման ընթացքում Կրթության, գիտության, մշակույթի եւ սպորտի նախարար Արայիկ Հարությունյանի պահվածքի հետ կապված, նույն խորհրդի նախագահ Գեղամ Գեւորգյանը պատասխանել է, որ գիտակրթական հանրության ներկայացուցիչների մասնակցությամբ կայացած հանդիպումների ընթացքում տեղի ունեցած իրադարձությունների կամ այդ ընթացքում մասնակիցների դրսեւորած վարքագիծը քննարկելու իրավասություն գիտական խորհրդին վերապահված չէ:

Ուսանողներին այս պատասխանը չի բավարարում, քանի որ, ըստ նրանց, Գեղամ Գեւորգյանն այսպես վերահաստատում է, որ «հայոց լեզու», «հայոց պատմություն» առարկաների վերաբերյալ քննարկում չի եղել ու չի էլ լինի: Նրանք նաեւ դժգոհել են իրենց հանդեպ ցուցաբերված վերաբերմունքից:

Ինչպես մեզ հետ զրույցում նշեց Գեւորգ Գյուլումյանը, այս պատասխանի մասին մինչեւ այսօր իրենց ոչ ոք տեղյակ չի պահել: Այսօր նոր իմացել են, որ պատասխանը ԵՊՀ ընդհանուր բաժնում է: Նրանց պարզաբանել են, որ դիմում-նամակների մեջ որեւէ կոնտակտ նշված չի եղել, այդ պատճառով ուսանողներին չեն տեղեկացրել, սակայն, Գյուլումյանի խոսքով, այս օրերին իրենց հետ շարունակ կապ են հաստատել ԵՊՀ աշխատակիցների ներկայացուցիչները, ճշտել հետագա անելիքները, կոնտակտներ ունեին, կարող էին զանգահարել:

Ուսանողների իրականացրած բողոքի պատճառով չի խանգարվի բուհի աշխատակիցների աշխատանքը, դասապրոցեսը, քանի որ այն լուռ ակցիա է լինելու:

Հիշեցնենք, որ օրեր առաջ ուսանողները դիմում-նամակներ էին հանձնել ռեկտորի պաշտոնակատար Գեղամ Գեւորգյանին եւ ԵՊՀ գիտական խորհրդի անդամներին, որպեսզի ստանան նրանց դիրքորոշումը՝ պրոֆեսորադասախոսական կազմի հետ կայացած հանդիպման ընթացքում Կրթության, գիտության, մշակույթի եւ սպորտի նախարար Արայիկ Հարությունյանի անհարգալից պահվածքի հետ կապված: Նրանք նաեւ կոչ էին արել Գիտական խորհրդի արտահերթ նիստ գումարել եւ բուհերում «հայոց լեզու», «հայ գրականություն», «հայոց պատմություն» առարկաները ոչ պարտադիր դարձնելու նախաձեռնության վերաբերյալ քննարկում իրականացնել:

Տպել
1246 դիտում

Վերին Պտղնիում լայն թափով ընթանում են մանկապարտեզի շենքի կառուցման աշխատանքները

Հունաստանը կարող է Թուրքիայի ապօրինի գործողությունների հարցով դիմել Հաագայի միջազգային դատարան

Նորավանում ավարտվել են ունիվերսալ խաղահրապարակի կառուցման աշխատանքները

Հաստատություններից ընտանիք վերադարձած երեխաների իրավունքների պաշտպանության վիճակի մշտադիտարկումն անհրաժեշտություն է. ՄԻՊ

Վերանորոգվել է Արաքսավանի դպրոցի նախակրթարանը

Չհայտարարված այց ԱՀ ոստիկանության քրեակատարողական վարչությունում

Թուրքիան փորձում է պատգամավորական անձեռնմխելիությունից զրկել Գարո Փայլանին, և ևս 6 անձի

Փաստաբանների պալատի նախագահը դատի է տվել Առողջապահության նախարարին

Գյուղական կյանքի և ավանդույթների 7-րդ փառատոնին կմասնակցեն շուրջ 100 օրգանական և բնական գյուղմթերք արտադրողներ

Արծվանիստում անասնակեր է այրվել

Ծովագյուղի աղմկահարույց ծեծկռտուքի գործով ձերբակալված կա

Թուրքիան վիժեցնում է տարածաշրջանում խաղաղություն և կայունություն հաստատելու ջանքերը. վարչապետ

Գյումրիից Երևան է տեղափոխվել կորոնավիրուսով վարակված 7 հիվանդ. մայրաքաղաքում է նաև ՀՊՏՀ ԳՄ տնօրենի ժպ Կարեն Պետրոսյանը

Հատուկ չարթերային թռիչքներ են կազմակերպել արտասահմանցի ուսանողների համար. նախարարն այցելել է համալսարանական հիվանդանոց

Եվրագավաթային աշուն․ ինչպես ձախողված մրցաշրջանը կարող է վերածվել տրիումֆի

Կայացել է Սահմանադրական բարեփոխումների մասնագիտական հանձնաժողովի հերթական նիստը

Տիգրան Ուլիխանյանը եւս վայր է դնում մանդատը․ նա նոր պաշտոն կստանա

«Գութան» փառատոնն այս տարի կանցկացվի Տավուշում. գլխավոր համերգը կկայանա Բերդում

Ինչ-որ նեղ շրջանակների շահերի պատճառով չպետք է տուժի ուսանողը․ Նազելի Բաղդասարյան (տեսանյութ)

ՍԴ դատավորների գործունեության օրինականության հետ կապված խնդիրներ կան. Արևիկ Պետրոսյան (տեսանյութ)