Ավանսակաշառքը հետաձգվում է. իսկ պաշտոնյաները առայժմ կգողանան

25/11/2019 schedule10:05

Տպագրվել է «Հայկական Ժամանակ» օրաթերթի՝ 2006 թվականի նոյեմբերի 25-ի համարում

Ընդդիմությունը կոչ է արել ժողովրդին երկուշաբթի օրը շրջափակել խորհրդարանի շենքը եւ թույլ չտալ, որ երրորդ ընթերցմամբ քվեարկվի «Հասարակության եւ պետության կարիքների համար սեփականության օտարման մասին» օրենքի նախագիծը։ Սակայն պիկետի օրակարգում միայն այդ նախագիծը չէ. հասարակական մի շարք կազմակերպություններ արդեն պատրաստել են նոր ցուցապաստառներ՝ «Մի՛ բարձրացրեք կաշառակեր ու գող նախարարների աշխատավարձերը» եւ «Գողին աշխատավարձը չի փրկի» բովանդակությամբ։ Ուստի, խորհրդարանը շրջափակելու երկրորդ նպատակը կառավարության բերած օրենքի նախագիծն է, որով առաջարկվում է 2007-ի հուլիսի 1-ից բարձրացնել բարձրաստիճան պաշտոնյաների աշխատավարձերը։

Այս մեկը եւս ընդդիմության սիրած թեմաներից է, ուստի պատահական չէր, որ նախորդ քառօրյայի ժամանակ ընդդիմադիրների բոլոր ելույթների հիմնական գործող պերսոնաժները գող պաշտոնյաներն էին, որոնց աշխատավարձերը բարձրացվում են որպես նախընտրական ավանս՝ 2007-ի ընտրությունները բարեհաջող կեղծելու համար։ Ի դեպ, պաշտոնյաների աշխատավարձերի բարձրացման թեման ընդդիմությունն արդեն ներառել է իր նախընտրական քարոզի մեջ, ու այս օրերին մարզեր գնացող տարբեր ընդդիմադիրներ ժողովրդին, որպես այս իշխանության հերթական այլանդակություն, ներկայացնում են նրանց աշխատավարձերի բարձրացման մասին կառավարության նախաձեռնությունը։

Այդուհանդերձ, «քլնգելու» նոր թեմայով ակնհայտորեն ոգեւորված ընդդիմադիրներին ու նրանց բերած ցուցարարներին երկուշաբթի օրը լուրջ հիասթափություն է սպասվում։ Բանն այն է, որ կառավարությունը որոշել է զրկել ընդդիմությանը պոպուլիզմով զբաղվելու շանսից եւ ետ է վերցրել պետական բարձրաստիճան պաշտոնյաների աշխատավարձերի բարձրացման օրենքի նախագիծը։ Սակայն, որպեսզի ընդդիմության մանթրաշը երկուշաբթի օրը լիակատար լինի, իշխանական օղակներից հրահանգ է եկել մինչեւ երկուշաբթի նույնիսկ կոալիցիայի պատգամավորներին այդ մասին չասել։ Թույլ տալ, որ երկուշաբթի օրը ընդդիմությունը կրկին այդ թեմայով սրտակեղեք ելույթներ ունենա ու նոր միայն պաշտոնապես տեղեկացնել, որ կառավարությունը հրաժարվում է իր բերած նախագծից։

Երեկ մեզ հետ զրույցում ֆինանսների փոխնախարար Պավել Սաֆարյանը հաստատեց տեղեկությունը, որ իրենք ետ են վերցնում այդ նախագիծը. «Կառավարությունը որոշեց ետ կանչել նախագիծը»,- առանց այլ հիմնավորման ասաց փոխնախարարը։ Մինչդեռ, կառավարության մեր այլ զրուցակիցները հաստատեցին, որ նման որոշումը իրենց գլխին ավելորդ պրոբլեմ չստեղծելու, ինչպես նաեւ՝ ընդդիմությանը հերթական պոպուլիստական ելույթներից զրկելու համար է արված:

«Ի սկզբանե մենք չէինք հաշվարկել, որ նախընտրական շրջանում բերելով նման նախագիծ` մենք մեր ընդդիմախոսներին հրաշալի առիթ ենք տալիս դա շահարկելու եւ իրենց նախընտրական նպատակների համար օգտագործելու համար։ Երբ հասկացանք, որ մեր ձեռքով ընդդիմությանը լավություն ենք արել, քաղաքական որոշում կայացվեց նախագիծը ետ վերցնել։ Բացի այդ, ակնհայտ դարձավ, որ այդ նախաձեռնությունը ժողովրդի մեջ բավականին վատ է ընկալվել, իսկ մեզ հիմա  լրացուցիչ պրոբլեմներ պետք չեն։ Տեսնենք` հիմա՞ ինչ է ասելու ընդդիմությունը, ինչպե՞ս է դուրս գալու իր այն հայտարարության տակից, որ պաշտոնյաներին ավանսով կաշառք ենք խոստանում՝ ընտրությունները իշխող կուսակցության օգտին կեղծելու համար»,- մեզ հետ զրույցում ասաց կառավարության բարձրաստիճան պաշտոնյան։

Մասնավորապես ՀՀԿ խմբակցության քարտուղար Գագիկ Մելիքյանի համար խիստ հետաքրքիր է լինելու ընդդիմության արձագանքը: «Ընդդիմությունը արդեն որոշել էր, որ մենք այդ նախագծով նախընտրական կաշառքի հարցերը լուծել ենք, եւ ժողովրդին գցում էր թյուրիմացության մեջ։ Հիմա ինձ համար իսկապես հետաքրքիր է, թե նույն այդ ընդդիմությունը ի՞նչ կերպ է ժողովրդին բացատրելու, որ որեւէ մեկը պաշտոնյայի աշխատավարձ բարձրացնելու նախագծով ընտրակաշառքի հարց չէր ուզում լուծել։ Եւ քանի որ ընդդիմությունն իր համար մարտավարություն է ընտրել՝ անել ամեն ինչի հակառակը, ենթադրվում է, որ հիմա էլ նրանք պիտի պահանջեն, որ կառավարությունն այդ նախագիծը ետ չվերցնի»,- ասում է ՀՀԿ խմբակցության քարտուղարը։

Մինչդեռ, ԱԺ պետաիրավական հարցերի մշտական հանձնաժողովի նախագահ Ռաֆիկ Պետրոսյանի համար կառավարության կայացրած քաղաքական որոշումը տհաճ անակնկալ էր: «Ես կարծում եմ, որ կառավարությունը սխալ որոշում է կայացրել՝ տեղի տալով ընդդիմության շանտաժներին, եւ ետ է վերցնում մի նախագիծ, որը բյուջեով լիովին հիմնավորված էր։ Եթե բյուջեն ուներ նման հնարավորություն՝ բարձրացնել պետական բարձրաստիճան պաշտոնյաների աշխատավարձերը, չեմ կարծում, որ նախընտրական կրքերին ու շանտաժներին ենթարկվելը ճիշտ որոշում է»,- ասում է կառավարության որոշումից հիասթափված Ռաֆիկ Պետրոսյանը։

Այդուհանդերձ, ընդդիմությունը, պարզվում է, այնքան էլ մանթրաշ չի, որ զրկվել է «քլնգելու» համար բավականին լավ նյութից: «Ուրեմն, պետք է արձանագրենք, որ ընդդիմության բավականին գրագետ հիմնավորումներից հետո, որ առնվազն ծիծաղելի է կոռուպցիայի դեմ պայքար համարել ստվերային բիզնեսով զբաղվող բարձրաստիճան պաշտոնյաների աշխատավարձերի բարձրացումը, կառավարությունը նման ծիծաղելի  հիմնավորումով բերած իր նախագիծը ետ է տանում»,- ասում է անկախ պատգամավոր Վիկտոր Դալլաքյանը։

Սակայն դա չի խանգարելու Դալլաքյանին եւ մյուս ընդդիմադիրներին երկուշաբթի օրը կառավարության ներկայացուցչին հարցնել՝ նրանք այլեւս չե՞ն պայքարելու կոռուպցիայի դեմ, թե՞ հասկացել են, որ եթե անգամ հայաստանյան բարձրաստիճան պաշտոնյաների ամսական աշխատավարձերը բարձրացնեն ոչ թե 40, այլ 400 տոկոսով, նրանք, միեւնույն է, մնալու են նույն կաշառակերն ու գանձագողը։ Ինչ վերաբերում է 2007-ի բյուջեով 6 ամսվա համար հատկացված այն 710 միլիոն դրամին, որը պետք է ծախսվեր պաշտոնյաների աշխատավարձերի բարձրացման վրա, ըստ ֆինանսների փոխնախարար Պավել Սաֆարյանի, այդ գումարը կվերաբաշխվի այլ ոլորտների վրա։

Նաիրա Զոհրաբյան 

Տպել
1406 դիտում

Արցախում կորոնավիրուսային հիվանդության 3 նոր դեպք է հաստատվել

Եվրոպան պահանջում է ազատ արձակել Նավալնիին և Ռուսաստանին սպառնում է նոր պատժամիջոցներով

15 տարի շարունակ Կառավարության տարբեր մարմիններ օդաչուների վնասի հատուցման հարցը ձգձգում են՝ խախտելով նրանց իրավունքները

2020 թվականին ՀԴՄ կանոնների խախտման նոր տեսակներ են ի հայտ եկել․ ծրագրային միջամտություն է արվում․ Թամազյան

Ավելի քան 7000 արցախցի երեխաներ դեռ սովորում են Հայաստանի տարբեր դպրոցներում․ ԿԳՄՍ փոխնախարար

Շնորհակալագրեր, մրցանականեր. ամփոփվել է Հարկադիր կատարումն ապահովող ծառայության տարեկան գործունեությունը

ԿԳՄՍ նախարար Վ․ Դումանյանը շնորհավորական ուղերձ է հղել Կրթության միջազգային օրվա առթիվ

Ներքաշվում ենք մի գործընթացի մեջ, որի արդյունավետության գնահատականը աշխարհում դեռ չկա․ Արտակ Մանուկյան

Մեկնարկել է Իրանի ԱԳ նախարարի տարածաշրջանային այցը. առաջին կանգառը Բաքվում է

Կապան, Մեծավան և Մարմաշեն համայնքները ևս 103 միլիոն դրամի տեխնիկա են ստացել

Ստեղծվել է ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով

Ավստրիայի բնակիչները պարտավոր են դիմակների փոխարեն ռեսպիրատորներ կրել, ֆրանսիացիներին խորհուրդ է տրվել հեռախոսով չխոսել

Հերիքնազ Տիգրանյանը ընտրվեց կորոնավիրուսի դեմ պայքարի արդյունավետությունը ուսումնասիրող քննիչ հանձնաժողովի փոխնախագահ

ԱՄՆ-ում հրաձգության հետեւանքով հինգ մարդ է զոհվել

Ստեփանակերտի Հայկավան թաղամասում և Գետափ տեղամասում կիրականացվեն չպայթած զենք-զինամթերքի վնասազերծման աշխատանքներ

Արցախի գյուղերում հաստատվող քաղաքացիների համար առաջիկայում կստեղծվեն տարբեր հնարավորություններ. ԱՀ նախագահ

Հաստատվել է կորոնավիրուսային հիվանդության 58 նոր դեպք. գրանցվել է 8 մահ

Մարիինյան թատրոնի տեխնիկական անձնակազմը տեսագրում և ձայնագրում է Բեթհովենի սիմֆոնիաները Ֆիլհարմոնիկի կատարմամբ

Գիտելիքահեն տնտեսությունն ամբողջովին կյանքի կոչելու համար բավականաչափ մեծ ժամանակահատված է անհրաժեշտ․ պատգամավոր

ԱԽ քարտուղար Արմեն Գրիգորյանը շնորհավորական հեռագիր է հղել Ջեյք Սալիվանին

Երեկ Ֆիզուլիի շրջանից և Հադրութի շրջանի Տումի գյուղի տարածքից հայտնաբերվել է ևս 2 աճյուն, մեկը՝ քաղաքացիական անձի

Արցախ ժամանած բժիշկ-փորձագետների խումբը այցելել է Մարտունու և Ասկերանի շրջանային բուժմիավորումներ

Փակ ու դժվարանցանելի ճանապարհներ, մառախուղ, մերկասառույց. իրավիճակը ՀՀ ավտոճանապարհներին

Հրդեհ Դալարիկ գյուղում. այրվել են կենցաղային իրեր, անվահեծաններ

Չեմ խղճում հայ երեխայի, պետք է սպանել նրանց. ՄԻՊ-ը հրապարակել է ադրբեջանական հայատյացության ապացույցներ (լուսանկարներ)

Շղթայական ավտովթար Երևանում. «Հին Ջրվեժ» ռեստորանի դիմաց բախվել է 9 ավտոմեքենա

Արամ Ա կաթողիկոսը շնորհավորել է ԱՄՆ նորընտիր նախագահ Ջո Բայդենին

Երկար ժամանակով լույս չի լինելու Երեւանի եւ 4 մարզերի որոշ հատվածներում

Գորիս-Տաթև ճանապարհը բքի պատճառով փակ է, կան 100-ից ավել կուտակված մեքենաներ

Մահացել է ճարտարապետ Ստեփան Նալբանդյանը

Ստամբուլում կոգեկոչեն Թուրքիայի 1-ին պրոֆեսիոնալ բռնցքամարտիկ Կարպիս Զաքարյանի հիշատակը

Վայոց ձորի մարզում բախվել են աղով բեռնված «ԿամԱԶ»-ը և «Mercedes»-ը. կա վիրավոր

Դատարանը կալանավորել է Աշտարակում 19-ամյա տղային սպանելու մեջ կասկածվող 20-ամյա երիտասարդին

Վթարի հետեւանքով 24 ժամ ջուր չի լինի Երեւանում եւ Արարատի մարզում

Ջո Բայդենի նախընտրական արշավի համար 1,5 միլիարդ դոլար է ծախսվել. հավաքվել է ռեկորդային գումար անանուն աղբյուրներից

Ոչ նյութական Ժառանգության պահպանության համար ստեղծվել են հայկական ավանդական խաղերի և ուտելի բույսերի շտեմարաններ

Հայաստանի մարմնամարզության ֆեդերացիայի նախագահ է ընտրվել Գագիկ Վանոյանը

Թուրքական բանակի հարվածների հետեւանքով Սիրիայում զոհվել է 3 մարդ, վիրավորվել են 7-ը

Լարսը բաց է բոլոր տեսակի ավտոմեքենաների համար, բայց ՌԴ կողմում կուտակվել է 1000-ից ավելի բեռնատար

Փետրվարի 1-ից Վրաստանը կվերականգնի կանոնավոր չվերթները