Ժամանակն է՝ Մարտի 1-ի գործով Լեւոն Սարգսյանին հարցնեն՝ այդ զենքերն ինչու էին պատմական. Սեդա Սաֆարյան

Ռուսաստանի Դաշնությունում երեկ հայտնաբերված եւ ձերբակալված ԱԺ նախկին պատգամավոր, Ալրաղացի Լյովիկ մականվամբ հայտնի Լեւոն Սարգսյանի անունը հոլովվում է նաեւ 2008 թ. մարտի 1-ի գործով։

Դեռեւս մայիս ամսին ՀՀ գլխավոր դատախազ Արթուր Դավթյանը ՀԺ-ի հարցին ի պատասխան ասել էր, որ Ռոբերտ Քոչարյանի մեղադրանքում նշված մերձավոր անձանց թվում է նաեւ նա: Արթուր Դավթյանը մանրամասնել էր, որ խոսքը վերաբերում է օլիգարխների թիկնազորին համազգեստ բաժանելու դրվագին:

«Հայկական ժամանակ»-ի հետ զրույցում, անդրադառնալով Լեւոն Սարգսյանի՝ մարտիմեկյան իրադարձություններին ունեցած դերակատարությունը, գործով տուժողների ներկայացուցիչ, փաստաբան Սեդա Սաֆարյանն ասաց, որ նրա դերը մարտի 1-ին բավականին մեծ է եղել. «Լավ է, որ նա հայտնաբերվել է, շատ ողջունելի է, որ վարույթն իրականացնող մարմնի ցուցումով աշխատանքը մտել է մի փուլ, որ կարողացել են Ռուսաստանում գոնե նրան հայտնաբերել, ձերբակալել, որովհետեւ ինձ մոտ տպավորություն է, թե հենց ոտքդ դնում ես ՌԴ, արդեն ապահով վիճակում ես. ինչպես տեսնում եք, հենց ՌԴ-ում են մեր քրեական գործերով հետապնդվող մի շարք կարեւոր դեմքեր, որոնք ՀՀ ոչ միայն չեն վերադարձվում, այլեւ նրանց հասցեները անհայտ են»:

Սեդա Սաֆարյանի խոսքով՝ Լեւոն Սարգսյանը ոչ միայն Ռոբերտ Քոչարյանին, այլեւ Սերժ Սարգսյանին է շատ մոտ կանգնած անձնավորություն. «Իսկ եթե ավելի անկեղծ, ապա մարտի 1-ի օրերին երեւի ավելի մոտ է եղել Հովիկ Աբրահամյանի հետ, որովհետեւ այդ ամբողջ օրերի եւ իրենց հարաբերությունների շուրջ տրված ցուցմունքներից ես հանգել եմ հետեւության, որ այդ պլանավորված գործընթացներում օլիգարխիկ թեւի մասնակցության կապակցությամբ եւս քննարկումներ, զանգեր, հանդիպումներ են եղել, եւ քրեական գործով հաստատված է, որ դա ավարտվել է նրանով, որ Կառավարության շենքի մոտ իրային պահեստից բերված համազգեստ, զենք, այդ թվում՝ «Կալաշնիկով» ավտոմատներ, տրամադրվել են նրանց, այսինքն՝ նորմալ զինվածության աստիճան են ունեցել»:

Սաֆարյանը նշեց, որ այդ օրը՝ առավոտից մինչ երեկո, Լեւոն Սարգսյանը բազմաթիվ անգամներ մտել-դուրս է եկել Կառավարության շենք. «Նաեւ օրվա պլանավորմանը համընթաց՝ մասնակցել է գործընթացներին, ավելին, հաջորդ օրը, երբ հավաքվել են մի քանի անձինք, սեղանին դրվել են զենքեր, դրանց հետ կապված կարծիքներ են հնչել, թե դրանք պատմական զենքեր են, լավ պահեք դրանց: Հիմա ժամանակն է, որ Լեւոն Սարգսյանին հարց տան, թե այդ պատմական զենքերը ինչու էին պատմական եւ ուր են այսօր, որովհետեւ շատերի սպանությունը, մարմնական ծանր վնասվածք հասցնելու սուբյեկտների առումով, անհայտ է, որովհետեւ անհայտ աղբյուրներից տարաբնույթ զենքեր են կիրառվել, եւ դրանք մասամբ ոչնչացվել են, մասամբ պահպանվել են, մասամբ պահված են»:

Տուժողի իրավահաջորդի ներկայացուցիչը շեշտեց. «Ես կարծում եմ, որ իմ կողմից բարձրացված հարցերը կդառնան քննության առարկա, եւ մենք պատասխաններ կակնկալենք վարույթն իրականացնող մարմնից: Կարծում եմ՝ նրանց մասին ցուցմունք տված անձանց հարցաքննելու, նաեւ առերես հարցաքննությունների կարիք կլինի»:

Հարցին, թե կա՞ն անձինք, որոնք ցուցմունք են տվել Լեւոն Սարգսյանի դեմ, Սաֆարյանը չցանկացավ պատասխանել՝ հիշեցնելով, որ այդ անջատված մասով նախաքննությունը դեռ շարունակվում է. «Ես չեմ ուզում մանրամասնել, համենայն դեպս, ես լավ տեղյակ էլ չեմ,  չգիտեմ՝ նա ինչ կարգավիճակ ունի, ինչ է արվել, բայց ինչպես հասկացա, որոշ օլիգարխների այդ մասով եւս հարցաքննել են»:

Հիշեցնենք, որ Մարտի 1-ի գործի՝ նախաքննության փուլում գտնվող մասով հայտնի է մեղադրյալի կարգավիճակ ունեցող երեք անձի մասին: Նրանք են գործով քննչական խմբի նախկին ղեկավար Վահագն Հարությունյանը (որպես մեղադրյալ է ներգրավվել ծանր կամ առանձնապես ծանր հանցագործությունների վերաբերյալ գործերով ապացույցների կեղծման, պաշտոնեական լիազորությունները չարաշահելով՝ անզգուշությամբ ծանր հետեւանքներ առաջացնելու, բռնություն, զենք կամ հատուկ միջոցներ գործադրելով՝ պաշտոնեական լիազորություններն անցնելու մեջ), Ոստիկանության ներքին զորքերի շտաբի պետ Գեղամ Պետրոսյանը (մեղադրվում է հրազենի գործադրմամբ Զաքար Հովհաննիսյանին դիտավորությամբ կյանքից զրկելու մեջ) եւ Պաշտպանության նախկին նախարար Միքայել Հարությունյանը (որպես մեղադրյալ է ներգրավել այլ անձանց հետ նախնական համաձայնությամբ սահմանադրական կարգը տապալելու մեջ):

 

Տպել
8171 դիտում

«ԳեոՊրոՄայնինգ» ընկերությունը 50 մլն. դրամ սուբսիդավորում կտրամադրի Վարդենիս համայնքի մի շարք ծրագրերի իրակնացմանը

Ucom-ի աշխատակիցը պարգևատրվել է ՀՀ քննչական կոմիտեի «Համագործակցության համար» մեդալով

Վիվա-ՄՏՍ. «Լիցք+». այժմ արդեն մինչև 2000 Դ չափով

ՎՏԲ Բանկն առաջարկում է շուկայի ամենացածր սակագինը՝ Հայաստանից Ռուսաստան դրամական փոխանցումներ իրականացնելու համար

Բանկային համակարգին սպառնացող աղմկահարույց գործը Վճռաբեկ դատարանում է

Բացվեց Յունիբանկի «Սիսիան» մասնաճյուղը

Նավը, որը անվանվեց Առնո Բաբաջանյանի անունով, պատրաստ է մեծ նավարկության (լուսանկարներ)

Պայքարի օրենքը. Սևրի պայմանագրի 100-ամյակը

«Նոան» դարձավ Հայաստանի սուպերգավաթակիր՝ կրկին «քամբեք» անելով «Արարատ-Արմենիայի» դեմ խաղում

ՎՏԲ-Հայաստան Բանկը բարելավել է սպառողական վարկերի պայմանները

Նոր դաստիարակները մասնագիտական նրբություններով կկիսվեն երիտասարդ երկաթուղայինների հետ

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են