Եթե նախարարի հետ ուսանողների հանդիպում ծրագրվի, ուսանողները նրան կսպասեն ԵՊՀ-ում. դասախոսների ընդունելությունից դժգոհ են

Երեւանի պետական համալսարանի հայ բանասիրության ֆակուլտետի ուսանողները բուհի ռեկտորի պաշտոնակատար Գեղամ Գեւորգյանի եւ գիտական խորհրդի պատասխանին կսպասեն մինչեւ երկուշաբթի օրը, քանի որ այդ ժամանակ է լրանում իրենց կողմից նշված 3-րդ աշխատանքային օրը: Այնուհետեւ կորոշեն հետագա անելիքները: Այս մասին այսօր՝ լրագրողների հետ հանդիպման ժամանակ, նշեցին ֆակուլտետի մի խումբ ուսանողներ:

ԵՊՀ աշխատակից, ուսանողական ծրագրերի համակարգող Էդվարդ Գալստյանը, թեեւ հայ բանասիրության ֆակուլտետից չէ, միացել է շարժմանը: Նրա խոսքով՝ երիտասարդները ժամանակավորապես դադարեցրել են դասադուլները՝ լսելով դասախոսների խնդրանքը եւ կոչերը: Այսպես կփորձեն գործընթացն ավելի ճիշտ եւ կառուցողական հունի մեջ դնել:

Օրեր առաջ ուսանողները դիմում-նամակներ էին հանձնել ռեկտորի պաշտոնակատար Գեղամ Գեւորգյանին եւ ԵՊՀ գիտական խորհրդի անդամներին, որպեսզի ստանան նրանց դիրքորոշումը՝ պրոֆեսորադասախոսական կազմի հետ կայացած հանդիպման ընթացքում Կրթության, գիտության, մշակույթի եւ սպորտի նախարար Արայիկ Հարությունյանի պահվածքի հետ կապված:

Ինչպես նշեց Էդվարդ Գալստյանը, բացի նամակներ հանձնելուց, կոչ են արել՝ Գիտական խորհրդի արտահերթ նիստ գումարել եւ բուհերում «հայոց լեզու», «հայ գրականություն», «հայոց պատմություն» առարկաները ոչ պարտադիր դարձնելու նախաձեռնության վերաբերյալ քննարկում իրականացնել: Այս օրերին նրանք նաեւ հանդիպումներ են ունեցել գիտական խորհրդի մի շարք անդամների եւ ֆակուլտետների դեկանների հետ: Արդյունքները կամփոփեն երկուշաբթի:

ԵՊՀ աշխատակիցը, անդրադառնալով այն լուրերին, թե նախարար Արայիկ Հարությունյանը մերձավորների շրջանում հայտնել է, որ այն աշխատակիցները եւ ուսանողները, ովքեր դասադուլ են իրականացնում, կհեռացվեն համալսարանից, նշեց, որ չի ցանկանում մեկնաբանել չճշտված, անհայտ աղբյուրների տեղեկատվությունը, սակայն երիտասարդներին այդ լուրերը չէ, որ ստիպել են վերադառնալ լսարաններ:

Նախարար Արայիկ Հարությունյանի պահվածքից դժգոհ են

Ասուլիսի ընթացքում բանախոսները ներկայացրին նաեւ իրենց կարծիքը վերջերս տեղի ունեցած Արայիկ Հարությունյանի եւ ԵՊՀ հայ բանասիրության, պատմության ֆակուլտետների դասախոսների հետ հանդիպման մասին: Ուսանողները դժգոհ են. նախարարն իրենց դասախոսներին ոչ պատշաճ ընդունելության է արժանացրել:

Ամալյա Հարությունյանի խոսքով՝ հույս կար, որ հանդիպումը կկայանար կառուցողական մթնոլորտում, սակայն ամեն ինչ ձախողվեց: «Ըստ էության՝ բանակցության արդյունքում կայացած հանդիպումն ուղղված էր լարվածությունը մեղմելուն, սակայն ձեւավորվեց լարվածություն»,- նշեց ուսանողուհին: Բանասիրության ֆակուլտետի 4-րդ կուրսի ուսանող Իշխան Թովմասյանի կարծիքով՝ նախարարը հանդիպման ընթացքում դասախոսների մեկնաբանություններից ծաղկաքաղ էր արել եւ պատասխանել այն հարցերին, որոնք հարմար էին, իսկ դրանից հետո չէր լսել հակափաստարկները:

«Գիտնականների բոլոր ասածները հանգամանալից էին, ու կային փաստարկներ, իսկ նախարարը նշեց իր ասածը եւ գնաց, կարելի է ասել, որ նա այդտեղ իրեն զգում էր տանտեր»,- նշեց Իշխան Թովմասյանը՝ հավելելով, որ այդ պատճառով որոշել են, որ եթե նույնիսկ նախարարի եւ ուսանողների միջեւ հանդիպում կազմակերպվի, իրենք Արայիկ Հարությունյանին սպասեն ԵՊՀ-ում:

«Զարգացած ոչ մի երկրում չկա նման վերաբերմունք գիտնականների նկատմամբ»,- նշեց ֆակուլտետից Էմմա Գրիգորյանը՝ հավելելով, որ հանդիպման ընթացքում արհամարհական վերաբերմունք կար գիտնականների նկատմամբ:

Երիտասարդները եւս մեկ անգամ շեշտեցին, իրենց պայքարը քաղաքական չէ եւ ՀՅԴ Հայաստանի երիտասարդական միությանը չեն միացել, դաշնակցական չեն դարձել:

Ուսանողները Գիտական խորհրդի մյուս անդամներից արդեն որոշակի պատասխան ստացել են, ովքեր պատրաստակամություն են հայտնել քննարկում կազմակերպելու հարցում, այժմ սպասում են ռեկտորի պաշտոնակատարի արձագանքին, դեռեւս պատասխան չկա, սակայն Էդվարդ Գալստյանի կարծիքով՝ հավանաբար հարցի հետ կապված քննարկումներ են ընթանում կամ մեխանիզմներ մշակվում:

Անի Ավագյան

Տպել
926 դիտում

Մեր հետագա քայլերի մասին վաղը կտեղեկացնենք. Իվետա Տոնոյան

Սա քաղաքական պատվեր է, Աստծո առաջ եմ ասում, պատասխան են տալու. Գագիկ Ծառուկյան

Ուկրաինայում ռազմական ինքնաթիռ է կործանվել. զոհվել է 18 մարդ, կան ողջ մնացածներ (տեսանյութ)

Գագիկ Ծառուկյանը կկալանավորվի. դատարանը հրապարակեց որոշումը

30 տարվա դադարից հետո կրկին եթերում է սիրված ու սպասված «Հեռուստաթատրոնը». ինչ փոփոխություններ են արվել ձեւաչափում

Փարիզում հարձակում է եղել լրատվամիջոցի աշխատակիցների վրա. 4 դանակահարված, 7 ձերբակալված կա

Տավուշի մարզպետ Հայկ Չոբանյանը և Կարմիր խաչի ներկայացուցիչները քննարկել են իրականացվող ծրագրերը

Տիգրան Ուլիխանյանը հաստատել է ՊՎԾ պետի պաշտոնակատար նշանակվելու մասին տեղեկությունը

Վերին Պտղնիում լայն թափով ընթանում են մանկապարտեզի շենքի կառուցման աշխատանքները

Հունաստանը կարող է Թուրքիայի ապօրինի գործողությունների հարցով դիմել Հաագայի միջազգային դատարան

Նորավանում ավարտվել են ունիվերսալ խաղահրապարակի կառուցման աշխատանքները

Հաստատություններից ընտանիք վերադարձած երեխաների իրավունքների պաշտպանության վիճակի մշտադիտարկումն անհրաժեշտություն է. ՄԻՊ

Վերանորոգվել է Արաքսավանի դպրոցի նախակրթարանը

Չհայտարարված այց ԱՀ ոստիկանության քրեակատարողական վարչությունում

Թուրքիան փորձում է պատգամավորական անձեռնմխելիությունից զրկել Գարո Փայլանին, և ևս 6 անձի

Փաստաբանների պալատի նախագահը դատի է տվել Առողջապահության նախարարին

Գյուղական կյանքի և ավանդույթների 7-րդ փառատոնին կմասնակցեն շուրջ 100 օրգանական և բնական գյուղմթերք արտադրողներ

Արծվանիստում անասնակեր է այրվել

Ծովագյուղի աղմկահարույց ծեծկռտուքի գործով ձերբակալված կա

Թուրքիան վիժեցնում է տարածաշրջանում խաղաղություն և կայունություն հաստատելու ջանքերը. վարչապետ