Հակոբ Արշակյանն ընդունել է ԱՄՆ Միջազգային զարգացման գործակալության հայաստանյան առաքելության պատվիրակությանը

ՀՀ բարձր տեխնոարդյունաբերության նախարար Հակոբ Արշակյանն ընդունել է Հայաստանում ԱՄՆ Միջազգային զարգացման գործակալության հայաստանյան առաքելության տնօրեն Դեբորա Գրիզերին և կայուն զարգացման գրասենյակի հատուկ հարցերով խորհրդական Ջեֆֆրի Փարեթչանին։         

Ողջունելով հյուրերին՝ նախարար Հակոբ Արշակյանը խոսել է տնտեսության առաջընթացի համար տեխնոլոգիական ոլորտի զարգացման կարևորության մասին։  

Նա ներկայացրել է այդ ուղղությամբ իրականացվող Հայաստանի կառավարության քաղաքականությունը, նախարարության առաջնահերթություններն ու ծրագրերը, ընթացիկ աշխատանքները։ 

Ոլորտի զարգացմանն ուղղված կարևոր առաջնահերթությունների ցանկում նախարարը հատկապես կարևորել է տեխնոլոգիական կրթության որակի բարձրացմանն ուղղված քայլերը, այդ ուղղությամբ իրականացվող ծրագրերը թե՛ մասնագիտական բուհերի ուսանողների, թե՛ այն մարդկանց համար, ովքեր ցանկանում են նորագույն տեխնոլոգիական գիտելիքներ ստանալ։ Մասնավորապես շուրջ 6000 մարդ Երևանում և մարզերում հաջորդ տարվանից անվճար տեխնոլոգիական կրթություն ստանալու հնարավորություն կունենան։

Նախարարն անդրադարձել է նաև նորարարական գաղափարների խթանմանն ուղղված ծրագրերին՝ ընդգծելով Ազգային վենչուրային հիմնադրամի, մի շարք դրամաշնորհային ծրագրերի, ինչպես նաև ստարտափ էկոհամակարգի զարգացմանն ուղղված հարկային արտոնություններից օգտվելու հնարավորությունները։

Տարածաշրջանային տեխնոլոգիական կենտրոն դառնալու ճանապարհին Հակոբ Արշակյանը կարևորել է նաև «Հայաստանի վիրտուալ կամուրջ» ծրագիրը, համաձայն որի՝ բարձր տեխնոլոգիաների ոլորտում Հայաստանում գործունեություն սկսած ցանկացած ընկերություն՝ ոչ միայն հայկական, հնարավորություն կունենա օգտագործել հայկական սփյուռքի ներուժը: 

Հանդիպման ընթացքում անդրադարձ է եղել նաև մեր երկրում թվայնացման գործընթացների ուղղությամբ իրականացվող աշխատանքներին՝ թվային օրակարգից մինչև ներկա ձեռքբերումներ և ապագայի ծրագրեր։

ԱՄՆ Միջազգային զարգացման գործակալության հայաստանյան առաքելության տնօրեն Դեբորա Գրիզերը շնորհակալություն է հայտնել հանդիպման և ներկայացրած ծրագրերի համար։ Գրիզերը պատմել է ԱՄՆ ՄԶԳ գործունեության մի շարք ուղղությունների, ինչպես նաև նախարարության և ոլորտի մի շարք ընկերությունների հետ հաջող գործակցության մասին: 

Ըստ պատվիրակության անդամների՝ ԱՄՆ ՄԶԳ հայաստանյան առաքելությունը պատրաստակամ է քննարկել տեխնոլոգիական ոլորտում հետագա համագործակցության հնարավորությունները: 

Տպել
483 դիտում

«Լուսավոր իսլամ» կառուցելու Մակրոնի փորձերն ու ահաբեկչությունները Ֆրանսիայում. ինչու են ակտիվացել իսլամիստ արմատականները

Ինչով է պայմանավորված բյուջեում շուրջ 40 մլրդ դրամի գերակատարման ակնկալիքը. ՊԵԿ փոխնախագահը մանրամասներ է հայտնում

Արցախի նախագահի որոշմամբ Սուրեն Բարսեղյանին կշնորհվի «Արցախի հերոս» բարձրագույն կոչում

Սուս ու փուս դնում, հեռանում են․ զինվորի համար է, ինչ շնորհակալություն

Մեկնարկել է Զոհրաբ Մնացականյանի եւ Իրանի ԱԳ նախարարի տեղակալի հանդիպումը. Աննա Նաղդալյան

Զոհրաբ Մնացականյանն աշխատանքային այցով վաղը մեկնելու է Ժնեւ

Մահացել է Վլադիմիր Դավիդյանցը

Բերձորից մինչեւ Արաքսի ափն ընկած ռազմաճակատի բնագծի ուղղությամբ հաջողվել է դիրքերի բարելավում իրականացնել. Հովհաննիսյան

Նվիրատվություններ՝ Արցախի կառավարության մարդասիրական օգնության արտաբյուջետային հաշվին

Լսում էի ռմբակոծությունների ձայներն ու նվագում, միջիս վախը կորել էր․ Էլեն Սահակյան

Նիդրելանդներում ՀՀ դեսպանությանը տեղեկություններ են հասնում հայերի նկատմամբ հնարավոր ոտնձգությունների վերաբերյալ

Պետք է դիմադրենք եւ հաղթենք. վարչապետը «WhatsApp»-ով պատասխանել է Արամ Ա-ին

Արոնյանը միշտ էլ ուժեղ է խաղացել, պարզապես մի պահ մյուսների մասին ավելի շատ էին խոսում. Նավարա

Փլուզման դեպք Նոր Խարբերդ գյուղում․ կան տուժածներ

«Երբ թիկունքն ամուր է, զինվորը խնդիր չունի»․ սահմանից վերադարձած կամավորն ասում է՝ արդեն հաղթել ենք

ԱԱԾ-ն հորդորում է տեղեկացնել ռազմական դրության կարգի խախտումների մասին

Ադրբեջանական կեղծ էջերի միջոցով տարածվել է հերթական ապատեղեկատվությունը՝ Հրազդանի ՋԷԿ-ի իբր թիրախավորման վերաբերյալ. ԱԱԾ

ԱԱԾ տնօրենի ժ/պ-ն այցելել է Երևանի տարբեր առողջապահական հաստատություններում բուժում ստացող վիրավոր զինծառայողներին

Մասիս քաղաքում տեղի է ունեցել մեկհարկանի շինության տանիքի փլուզում․ կան տուժածներ

Նորօրյա հերոսները. շարունակվում են հերոսական արարումները ճակատային գծի բոլոր ուղղություններում