Նոր օրինագծով հայոց լեզվի քննությունը բուհ ընդունվելիս պարտադիր կլինի, իսկ մինչ այդ խախտվում է «Լեզվի մասին» օրենքը

Բուհերում հայագիտական առարկաների ու հատկապես հայոց լեզվի դասավանդումը ոչ պարտադիր դարձնելու հեռանկարը տեւական ժամանակ է՝ բազում քննարկումների տեղիք է տալիս: Համալսարաններում անհրաժե՞շտ է հայոց լեզվի դասավանդումը, թե՝ ոչ: Այս մասին հակասական կարծիքներ կան, ոմանք նշում են առարկայի կարեւոր նշանակության մասին եւ քննադատում «Բարձրագույն կրթության եւ գիտության» մասին օրենքի նախագծի համապատասխան դրույթները, իսկ Կրթության, գիտության, մշակույթի եւ սպորտի նախարարությունն այս հարցով այլ առաջարկ ունի:

Օրենքի քննարկվող նախագծով «Հայոց լեզու» առարկայի դասավանդումը թեեւ բուհերում պարտադիր չի լինի, փոխարենը դիմորդները համալսարան մուտք գործելիս առարկայից պարտադիր քննություն կհանձնեն, ինչն այսօր փաստացի ոչ միշտ է իրականացվում:

Գործող «Բարձրագույն եւ հետբուհական մասնագիտական կրթության մասին» օրենքում վերը նշված առարկայից պարտադիր քննություն հանձնելու վերաբերյալ դրույթ սահմանված չէ: Օրենքում միայն նշված է, որ անկախ սեփականության ձեւից եւ մասնագիտությունից՝ բարձրագույն մասնագիտական հիմնական կրթության բակալավրի կրթական ծրագրում տվյալ առարկայի ուսուցումը ներառվում է առնվազն երկու կիսամյակի ընթացքում, որն ավարտվում է գիտելիքի պարտադիր ստուգմամբ:

Իսկ ահա «Լեզվի մասին» օրենքը հստակ պահանջ է ներկայացնում, որտեղ մասնավորապես նշված է. «Հայաստանի Հանրապետության բոլոր միջնակարգ-մասնագիտական, մասնագիտական-տեխնիկական եւ բարձրագույն ուսումնական հաստատություններում հայոց լեզվի ընդունելության քննությունը եւ հայոց լեզվի ուսուցումը պարտադիր են»:

Ուսումնասիրելով Հայաստանի մի շարք բուհերի ընդունելության քննությունների ցանկը՝ կարող ենք ասել, որ օրենքի այս պահանջը ինչ-որ չափով խախտվում է: Մի շարք համալսարանների ֆակուլտետներ հնարավոր է ընդունվել առանց հայոց լեզվի քննության, եւ հարցը տարիների ընթացքում կարգավորվել է միայն ատեստատի գնահատականներով: Այն ֆակուլտետները, որտեղ չկա ընդունելության քննություն տվյալ առարկայից, բուհը բավարարվել է դպրոցից բերված գնահատականով: Խոսքը հիմնականում վերաբերում է բնագիտական ֆակուլտետներ ընդունելությանը: 

Օրինակ՝ Երեւանի պետական համալսարանում մրցութային կարգով համալսարան ընդունվելու համար հայոց լեզվի ընդունելություն քննություն չկա հետեւյալ ֆակուլտետներում՝ մաթեմատիկա, մեխանիկա, ակտուարական եւ ֆինանսական մաթեմատիկա, կիրառական վիճակագրություն եւ տվյալների գիտություն, տեղեկատվական անվտանգություն,  ֆիզիկա, ռադիոֆիզիկա եւ այլն: Ընդհանուր առմամբ՝  ԵՊՀ-ում 53 մասնագիտություններից 29-ի դեպքում կարելի է ընդունվել առանց լեզվի քննության, սակայն՝ ատեստատի գնահատականով:

Պատկերն ավելի հստակ է Հայաստանի ազգային պոլիտեխնիկական (Երևանի կրթահամալիր) եւ Երևանի Մ. Հերացու անվան պետական բժշկական համալսարաններում, որտեղ բուհ ընդունվելու համար հայոց լեզվի քննություն անհրաժեշտ չէ հանձնել ընդհանրապես ոչ մի ֆակուլտետի համար, սակայն դիմորդը պետք է ներկայացնի ատեստատի գնահատականը:

Գրեթե նույն պատկերն էր Ճարտարապետության եւ շինարարության Հայաստանի ազգային համալսարանում, որտեղ միակ ֆակուլտետը, որտեղ հայոց լեզվի քննություն էր պահանջվում եւ ոչ թե ատեստատի գնահատական, զբոսաշրջությունն է:

Խ. Աբովյանի անվան հայկական պետական մանկավարժական համալսարանում հայոց լեզվի քննություն պահանջվում է 41 մասնագիտություններից 16-ում: Մյուս դեպքերում եւս բավարար է դպրոցից բերված գնահատականը:

Պետք է նշել, որ ի տարբերություն այս բուհերի՝ Հայաստանի պետական տնտեսագիտական համալսարանում հայոց լեզվի քննությունը նախատեսված է բոլոր ֆակուլտետներ ընդունելության համար, իսկ Հայ-ռուսական (Սլավոնական) համալսարանում (Հայկական բաժանմունք) միակ ֆակուլտետը, որ տվյալ առարկայի քննություն անհրաժեշտ չէ, Ինֆորմատիկա և կիրառական մաթեմատիկան է:

Հիշեցնենք, օրենքի նախագծի աշխատանքային տարբերակը քննարկվում է ԿԳՄՍ նախարարությունում, այն դեռեւս հրապարակված չէ:

Անի Ավագյան 

Տպել
13231 դիտում

Առանց մասսայական հավաքների, զարդ ու զարդարանքների, բայց՝ ներկայանալի. նշվեց Գյումրու օրը (լուսանկարներ, տեսանյութ)

Հայաստանի ազգային գրադարանում բացառիկ ցուցահանդես կբացվի

44-օրյա պատերազում երկու ձեռքը կորցրած Կարեն Խլոպուզյանի համար առանձնատուն է կառուցվում. Արեն Մկրտչյան (լուսանկարներ)

Հավերժացնել Արցախյան հերոսների հավաքական սխրանքը. հայտարարություն` ուղղված համայնքապետերին

Որևէ մեկին չի հաջողվի հեռացնել Արցախի դրոշը, Արցախի զինանշանը. Ալեն Սիմոնյան

Գյումրիում ազդարարվեց «Թումո Հայաստան» ծրագրի մեկնարկը. բացվեց վերակառուցված կենտրոնը (լուսանկարներ)

«Լեռնային Արցախ» մանկապատանեկան թիմին տեղափոխող ավտոբուսի հետ կատարվածը ահաբեկչության դասական օրինակ է. ԱՀ ԿԳՄՍ նախարար

ՃՈ պետն ու ՏԿԵ նախարաի տեղակալն աշխատանքային խորհրդակցություն են անցկացրել

Հագեցած հանդիպումներով օրակարգը կշարունակվի մինչև սեպտեմբերի 20-ը. Վաղարշակ Հակոբյան

Արցախում կորոնավիրուսի 8 նոր դեպք է հաստատվել

Մրգաշեն գյուղում կատարված դանակահարությունը բացահայտվել է

COVID-ի պատճառով Երևանում ԱՄՆ դեսպանությունը չի կարող վերսկսել վիզաների հետ կապված ծառայությունների մատուցումը

Շրջանների զգալի մասում սպասվում է անձրև և ամպրոպ

Հաղթահարելով դժվարությունները՝ Գյումրին այլևս վճռական քայլերով առաջ է շարժվում, Գնել Սանոսյան

Այդ որոշումը ես եմ կայացրել. Ալեն Սիմոնյանը՝ Անկախության տոնի առթիվ ԱԺ պատգամավորներին պարգևավճարներ տալու մասին

Վարչապետը շնորհավորական ուղերձ է հղել Չիլիի նախագահին

Հայտնի են Գյումրու ՏԻՄ ընտրություններին մասնակցող քաղաքական ուժերի քվեաթերթիկների համարները (լուսանկարներ)

Հայաստանը շահագրգռված է ՀԱՊԿ և ՇՀԿ տարածաշրջաններում ահաբեկչության սպառնալիքի արդյունավետ զսպմամբ. Փաշինյան (տեսանյութ)

Պարգևատրվել են 44-օրյա պատերազմի մասնակիցները (լուսանկարներ)

Սեպտեմբերի 21-ին Նոյեմբերյանի Ազատության հրապարակում տեղի կունենա զորահանդես

Երևանում է ՀՀ-ում ԱՄՆ նախկին դեսպան Ջոն Օրդվեյը

«Գրականությունը լավ էլ հետաքրքիր առարկա է». Հայաստանում նոր՝ խոսող դասագրքեր են հրատարակվել (տեսանյութ)

Գիտական կյանքն Արցախում նման է վառված մոմի, պետք է ձեռքերով պահենք, որ հանկարծ չմարի. Արցախի ԱԺ նախագահ

Արմեն Սարգսյանը «Մտքերի գագաթնաժողովի»մասնակիցներին հրավիրել է «Մտքերի հայկական երրորդ գագաթնաժողովին» (տեսանյութ)

Կորոնավիրուսի թվերն աճում են. մեկ օրում հաստատվել է 1011 նոր դեպք

«Արևիկ» ազգային պարկի տարածքում վերսկսվել են հրդեհաշիջման աշխատանքները

Այսօր հայրաքաղաքի բնակիչների, աշխարհով մեկ սփռված գյումրեցիների սիրտն ու միտքը ծննդավայր քաղաքի հետ է. Սամվել Բալասանյան

Սահմանի ամբողջ երկայնքով մեկնարկել են ԶՈՒ հատուկ նշանակության ստորաբաժանումների զորավարժությունները (տեսանյութ)

Վերակառուցվում է Գյումրու «Սուրբ Մարիամ» մանկապարտեզը

Պարզ վեհության, միաժամանակ խորհրդավոր պարզության քաղաք է Գյումրին. Շիրակի մարզպետ

Ավագանու «Իմ քայլը» խմբակցության նախկին անդամ Հայկ Հովհաննիսյանը հեռանում է «Քաղաքացիական պայմանագիր» կուսակցությունից

Երևանում որոշ թաղամասերում և 7 մարզում լույս չի լինի

Հրդեհ Ելփինում. այրվել է անասնակեր, անկել են կենդանիներ

Մենք երկուստեք դատապարտված ենք ունենալ հաջողութուն․ Գնել Սանոսյանն ընդունել է Անդրեա Վիկտորինին

ԱԱՏՄ տեսուչներն այսօր Շենգավիթում ուսումնասիրել են ուղևորափոխադրում իրականացնող 85 տրանսպորտային միջոց

Զինծառայողը կալանավորվել է մարտական հերթապահություն կամ մարտական ծառայություն կրելու կանոնները խախտելու մեղադրանքով

ԵՊՀ նախկին դասախոս, «Հայաստան» դաշինքի պատգամավոր Արթուր Ղազինյանն ԱԺ է գնում մոտ 100 000 դոլարանոց նոր մեքենայով․ civic

Կողբ գյուղի «Ղիասի քար» կոչվող հանդամասում մոտ 25 հա խոտածածկույթ է այրվել

Անդրանիկ Փիլոյանը և Անդրեա Վիկտորինը բարձր են գնահատել իրականցվող ծրագրերի ընթացքը

Ծնողը պիտի կոշիկ գնի երեխայի համար, բայց գումարը վատնում է տոտալիզատորի վրա. Պապոյանը՝ խաղադրույքների գովազդների մասին