Բացառում եմ, որ այսօրվա իշխանության ներկայացուցիչներից որեւէ մեկը կապեր ունենա քրեական հեղինակությունների հետ. Գրիգորյան

«Պայքարը հենց պատճառի դեմ է, ոչ թե հետեւանքի, որովհետեւ քրեական ենթամշակույթը այն պարարտ հողն է, որի վրա ծնվում է եւ որի առկայության պարագայում չեն կարող չլինել տարբեր հանցագործություններ»,- խորհրդարանական խմբակցությունների ճեպազրույցների ժամանակ ասաց պատգամավոր Սուրեն Գրիգորյանը՝ խոսելով քրեական ենթամշակույթին հարելը քրեականացնելու օրինագծի մասին:

Լրագրողի դիտարկմանը, թե միայն այս օրինագծով չի լուծվի հարցը, Գրիգորյանն արձագանքեց, որ նման պնդում չի էլ եղել: Մինչդեռ կրթական էլեմենտի կարեւորությունը այս խնդրի լուծման տեսանկյունից, ըստ պատգամավորի, հնարավոր է՝ շատ ավելի բարձր է, քան երեւույթը քրեականացնելը եւ այս օրենքն ունենալը:

Գրիգորյանը, խոսելով պատճառների մասին, նշեց, որ տարբեր պետական անձինք հաճախ հանդիպում էին քրեական հեղինակությունների հետ ընդհանուր խնջույքների ժամանակ, եւ երբ պետությունը թույլ է եւ նման վարքագիծ է դրսեւորում, պետք չէ զարմանալ, որ նման երեւույթներ կարող են առաջ գալ: Հարցին, թե ինչ պաշտոնյաների մասին է խոսքը, Գրիգորյանն ասաց․

«Օրինակ՝ ՀՀ նախկին նախագահ Սերժ Սարգսյանը: Առնվազն մի տեսանյութը ես եմ հիշում»:

Լրագրողները հիշեցրին, որ որոշ ժամանակ առաջ նույն «Իմ քայլը» խմբակցության պատգամավոր Սասուն Միքայելյանը երաշխավորություն էր ներկայացրել քրեական հեղինակություններից մեկի՝ Նորատուսցի Ալիկի՝ Ալիկ Բանդուրյանի ազատ արձակման համար, սա ինչպե՞ս է մեկնաբանում՝ Սուրեն Գրիգորյանը պատասխանեց.

«Ոչ վաղ անցյալում մեր գործընկեր Սիսակ Գաբրիելյանը հանդես է եկել Արսեն Բաբայանի կալանքի խափանման միջոցը փոխելու երաշխավորությամբ, դա չի նշանակում, որ Գաբրիելյանը դրական է վերաբերվում պարոն Բաբայանի կողմից ենթադրաբար կատարված արարքներին, թացը չորից պետք է տարբերել»:

Հարցին, որ Նորատուսցի Ալիկին ու ԱԺ աշխատակազմի ղեկավարի նախկին տեղակալ Արսեն Բաբայանին իրար հե՞տ է համեմատում, Սուրեն Գրիգորյանն արձագանքեց.

«Ես չեմ ասում՝ պարոն Բաբայանը քրեական հեղինակություն է: Ցանկացած անձ, անկախ նրանից՝ քրեական հեղինակություն է, թե ոչ, մարդ է, ում ազատությունը պետք է սահմանափակվի բացառապես օրենքով նախատեսված դեպքերում ու օրենքի չափանիշներով: Եթե պարոն Միքայելյանը գտել է, որ անգամ քրեական հեղինակություն լինող անձի ազատազրկման հիմքեր չկան, անձնական երաշխավորագիր է ներկայացրել, սա երբեք պետք չէ դիտարկել, որ ուրեմն ինքը խրախուսում է այն երեւույթները։ Վաղը անձը կարող է մեղադրվել խարդախության մեջ, ես անձնական երաշխավորագիր ներկայացնեմ, դուք դրանից չեք կարող եզրակացնել, որ ես արդարացնում եմ խարդախությունն ու կողմ եմ այդ երեւույթներին»:

Գրիգորյանի պնդմամբ՝ քրեական ենթամշակույթի առկայության պատճառներից է նաեւ այն, որ երբ մարդն իր խնդիրների լուծումը չի տեսնում պետական ինստիտուտների մեջ, այսպես թե այնպես փնտրում է խնդիրներ լուծող ալտերնատիվ ինստիտուտներ: «Մենք ասում ենք՝ դա այլեւս ակտուալ չէ: Մարդու խնդիրները լուծելու է պետությունը՝ ի դեմս իր ինստիտուտների»,- ասաց Գրիգորյանը:

Անդրադառնալով ԱԺ ընդդիմադիր պատգամավորների քվեարկություններին՝ լրագրողները հետաքրքրվեցին, թե արդյոք սա չի՞ նշանակում, որ նրանք չեն ուզում «ճշտով տղերքի», հարց լուծողների հետ «թարսվել», թե՞ իսկապես օրենքում կա իրավական բաց, եւ դա կարող է ծառայեցվել որպես անմեղ մարդկանց բանտերը լցնելու գործիք:

«Այն պարագայում, երբ հայտարարվում է, որ կոնցեպտին մենք կողմ ենք, սակայն կա շտկումների անհրաժեշտություն, որի վերաբերյալ չի ներկայացվել առաջարկներ, եւ այդ պարագայում քվեարկվում է դեմ, իմ կարծիքով՝ այդքան էլ տրամաբանական չէ»,- ասաց Գրիգորյանը: Ինչ վերաբերում է ԼՀԿ-ի ձեռնպահ քվեարկությանը, Գրիգորյանի կարծիքով՝ սա ավելի հասկանալի է, քանի որ դեռ չեն լուծվել խնդիրները, կողմ կամ դեմ լինել հնարավոր չէ:

Նույն խմբակցության պատգամավոր Մարիա Կարապետյանն ավելի սուր գնահատական հնչեցրեց։ Նրա համար անհասկանալի է, թե ԼՀԿ-ն ինչու ձեռնպահ մնաց, քանի որ եթե խնդիրներ էր տեսնում նախագծում, որոնք կարող էին շտկվել, կարող էր կողմ քվեարկել եւ հանրությանն ազդակ ուղարկել, որ իրենք դեմ են քրեական ենթամշակույթին, ապա եթե բացերը չլրացվեին, իհարկե, կարող էին դեմ քվեարկել։

Լրագրողի հարցին, թե արդյոք ներկայիս իշխանությունում չկա՞ն անձինք, որոնք կապ ունեն քրեական հեղինակությունների հետ, Սուրեն Գրիգորյանը բացասական պատասխան տվեց:

«Ես բացառում եմ, որ այսօրվա իշխանության ներկայացուցիչներից որեւէ մեկը կապեր ունենա քրեական հեղինակությունների հետ՝ որպես քրեական հեղինակություն եւ այդ հարաբերությունների շրջանակներում»,-ասաց Գրիգորյանը՝ բացառելով դեպքը, որ եթե կա անձնական բնույթի երկար տարիների հարաբերություն, չի կարելի մարդուն ասել՝ իրար փողոցում տեսնելիս ճանապարհը փոխեք:

Ժաննա Ջեյրանյան 

Տպել
1841 դիտում

Արաբկիրում կառուցապատող ընկերությունը հարկեր չվճարելու նպատակով պայմանագրերում պակաս է նշել բնակարանների իրական արժեքը

Սպառնացել է վնասել մեքենան, ավելի ուշ կրակել է ավտոտեխսպասարկման կետի ուղղությամբ․ 32-ամյա տղամարդը կալանավորվել է

Ռուբլին էժանացել է․ ինչ փոփոխություններ է արձանագրել տարադրամի շուկան մարտի 29-ին

Հայաստանն ԱՄՆ-ի ու Եվրամիության հետ անվտանգային հարցեր չի քննարկելու. Ստանո

Ինչո՞ւ ադրբեջանական լրատվամիջոցը չի հրապարակել Արայիկ Հարությունյանի հետ հարցազրույցը

Ամերիաբանկը ճանաչվել է 2024 թ-ի լավագույն բանկը Հայաստանում ըստ Global Finance ամսագրի

«Վանաձոր» ՔԿՀ-ի 17 ծառայողի նկատմամբ կիրառվել է կարգապահական տույժ

«Crocus City»-ի գործով Տաջիկստանում ձերբակալվել է 9 մարդ

Տեղի է ունեցել ՀՀ պաշտպանության նախարարին կից կոլեգիայի նիստ (լուսանկարներ)

Շիրակում գործում է պետական ծառայությունների անվան տակ գործող ինքնակոչների խումբ. Կարեն Սարուխանյանը զգուշացնում է

Ալեքսեյ Սանդիկովը կգործուղվի Մոսկվա

Ծանրամարտի աշխարհի առաջնությունը տեղի կունենա Երևանում. Հայաստանի հայտը ճանաչվել է լավագույնը

ԱԺ պատգամավորները կգործուղվեն Բեռլին

5 հայ ծանրորդ կմեկնի Թայլանդ՝ մասնակցելու վարկանիշային աշխարհի գավաթին

Հայաստանում տեղումների դադար է, ջերմաստիճանը կբարձրանա 8-10 աստիճանով

«Հայաստանի հեռուստատեսային և ռադիոհաղորդիչ ցանց»-ի տնօրենը հրաժարականի դիմում է ներկայացրել

200 եվրո՝ 200 հազար դրամի փոխարեն. առցանց անմաքս առևտրի շեմը ենթարկվել է փոփոխության

Սյունիքի մարզում դատավոր է նշանակվել

Իրավապահները խուզարկում են Ժիրայր Սեֆիլյանի ու «Բևեռ»-ի մյուս անդամների բնակարանները

Նոր Նորքի ոստիկանական բաժին ներխուժելու դեպքի շրջանակում խուզարկություն է անցկացվում ավելի քան 40 վայրում

Հորը ծեծելու, հարևանուհիներից մեկին սպանելու համար մեղադրվող տղամարդը հաշվառված է եղել հոգեկան առողջության կենտրոնում

Երևանում թմրամոլության և ապօրինի թմրաշրջանառության մի շարք դեպքեր են բացահայտվել (տեսանյութ)

Մարտի 30-ից 11 բանկի քարտապան կարող է օգտվել կենսաթոշակի և նպաստի հետվճարի ծրագրից. որոնք են դրանք

«Երևան ավտոբուս» ընկերության տնօրենն աշխատանքից ազատման դիմում է ներկայացրել

Զատկին ընդառաջ ՍԱՏՄ-ը վերահսկողական միջոցառումներ է իրականացնում ձվի շուկայում

Միաժամանակ մի քանի հոդվածով հետախուզվող տղամարդը ներկայացել է ոստիկանության բաժին

Կարեն Գիլոյանը հետևել է հեծանվուղու և մարզադպրոցի կառուցման աշխատանքներին

Գևորգ Պապոյանը Կորեայի ԱԳ փոխնախարարին ներկայացրել է «Խաղաղության խաչմերուկ» նախաձեռնությունը

Փորձ է արվել Աբու Դաբիից Հայաստան ներմուծել առանց հայտարարագրման բջջային հեռախոսներ

Ինչ թեմայի շուրջ է կենտրոնանալու Բրյուսելում ԱՄՆ-Հայաստան-ԵՄ հանդիպումը. Միլլերը մանրամասներ է հայտնել

Երբ է սպասվում դեղձենու մասսայական ծաղկումն Արարատյան դաշտում

«Քո կառուցած շենքից տեսանելի է իմ տան անցուդարձը». Գագիկ Բեգլարյանը սպառնացել, հայհոյել է «Կապիտալ պլյուս»-ի տնօրենին

Առաջիկա շաբաթներին հնարավոր հարձակման մասին խոսակցությունները չափազանցված են. Սարգսյանը մանրամասնել է

Խուզարկել են գնդապետ Վոլոդյա Ավետիսյանի տունը, առգրավել համակարգիչ, տեսախցիկներ

Հայաստանն արգելափակել է Վլադիմիր Սոլովյովի հաղորդումների հեռարձակումը ՀՀ տարածքում

Թթուջուր-Նավուր ավտոճանապարհը բոլոր տեսակի տրանսպորտային միջոցների համար փակ է

Լեհաստանը զորքեր կուղարկի Ֆրանսիա

Երևանում թալանել են «Տոյոտա Երևան»-ի վաճառքի բաժնի ղեկավարի «Տոյոտա»-ները

Ոչ միայն դեղերը, այլև վիտամինները, սննդային հավելումները պետք է պահվեն երեխաների համար անհասանելի վայրում. ԱՆ

Այրվել է վագոն-տնակ՝ ներսում եղած իրերով