Վանաձորի գլխավոր կամուրջներից մեկի վրա լայնական ճաք է առաջացել. վտանգավո՞ր է, թե՞ չէ (լուսանկարներ)

Վանաձոր քաղաքի Բաղրամյան կամրջի վրա լայնական մեծ ճաքեր են առաջացել, տվյալ հատվածում ասֆալտի հաստ շերտը քանդվել է, պոկվել ու առանձնացել, ինչի հետեւանքով արդեն իսկ երեւում են կամրջի տակ կառուցված մետաղե կոնստրուկցիաներն ու բետոնե հենապատերը:

Բացված ճեղքերից պարզ երեւում է կամրջի ներքեւի հատվածը: Վանաձորցի վարորդներն այս մասին ահազանգել էին օրեր առաջ՝ հրավիրելով համայնքային ու մարզային իշխանությունների, այդ թվում՝ քաղաքապետի ու մարզպետի ուշադրությունը:

Ստեղծված իրավիճակը բացի վտանգավոր լինելուց, նաեւ վթարային իրավիճակի պատճառ է դառնում վարորդների համար: Կամրջի քարուքանդ եղած հատվածը շրջանցելու ժամանակ վարորդները պետք է երթեւեկեն հանդիպակաց ուղղությամբ, հակառակ դեպքում՝ անցնելով քանդված հատվածի վրայով՝ կարող են շարքից հանել ու ջարդել մեքենան:Վանաձորի քաղաքապետարանի քաղաքաշինության եւ ճարտարապետության բաժնի պետ Սուրեն Աբովյանը, ՀԺ-ի հետ զրույցում մասնագիտորեն ներկայացնելով ստեղծված իրավիճակը, ասաց, որ ցանկացած տրանսպորտային երթեւեկության ենթակառուցվածք՝ լինի դա կամուրջ կամ թունել, որոնք աշխատում են դինամիկ բեռների տակ, ի սկզբանե կառուցվում եւ շահագործվում են կոնստրուկցիաների հոդակապային միացումներով:

«Այսինքն՝ իրենք ունեն թույլատրելի չափ, որի դեպքում կարող են տատանվել, եւ դրա արդյունքում այդ հանգույցները պատող նյութերը, որոնք կոսմետիկ են, այս դեպքում ասֆալտի շերտը, անընդհատ կարող է ճաքել: Նույն ճաքերը կան նաեւ մյուս հանգույցներում ու հեծաններում, հիմա այս մեկինը երեւի ջերմաստիճանային կտրուկ փոփոխության հետ է կապված, այս դեպքում ճաքը մեծ է մի փոքր»,- ասաց Աբովյանը՝ նկատելով, որ ժամանակին նաեւ այդ հանգույցի կարերը սխալ են կառուցել. «Այդտեղ պետք է մետաղական թել լիներ կամ հանգույցից միջադիր, որը փաստացի չկա: Մենք հիմա այդ հանգույցն ենք մշակում, նախագիծ-նախահաշիվ կկազմենք եւ առաջ կտանք»:Քաղաքի գլխավոր ճարտարապետը վստահեցրեց՝ խնդիրը միայն կոսմետիկ է, եւ որ կոնստրուկտիվ նստվածքներ ու ճաքեր չկան, հետեւաբար՝ վտանգ չկա. «Բայց նաեւ կուզեմ նշել, որ ցանկացած կամուրջ գոնե 30 տարին մեկ պետք է հիմնանորոգվի, ցանկալի կլինի հետագայում դիտարկել նաեւ ամբողջ կամուրջի թարմացումն ու հիմնանորոգումը»:

Կամուրջը կառուցվել է 1980-ական թվականներին, երկրաշարժից հետո ամրացման աշխատանքներ են տարվել: Դրանից հետո, բացի կոսմետիկ աշխատանքները, ոչինչ չի արվել:

Տպել
796 դիտում

Մեր նպատակը կապիտալ ծախսերի խթանման միջոցով նոր աշխատատեղերի ստեղծումն է. վարչապետ (տեսանյութ)

ՀՀ քաղաքացիական ավիացիայի կոմիտեն լիցենզիայից չի զրկվել. կոմիտեն հայտարարություն է տարածել

Վերակենդանացման բաժանմունքներում 25 հիվանդ կա. նրանցից 1-ի վիճակը ծայրահեղ ծանր է

Կորոնավիրուսը, Արմեն Մուրադյանը եւ նախարարի պորտֆելը

ՀՀ մարզերում ձյուն է տեղում, Լարսը բաց է միայն բեռնատարների համար

Արցախում առայսօր կորոնավիրուսային վարակի դեպք չի գրանցվել, մեկուսացվածներ ևս չկան

Աբովյանի բնակարաններից մեկում 62-ամյա տղամարդու դի է հայտնաբերվել

Ապրիլի 6-ին Մոսկվայից կազմակերպվող չարտերային թռիչքի ուղևորներն ընտրվել են ըստ առաջնահերթության

Ապրիլի 4-ին Արցախում աճել է ադամաթզի, սոխ գինը, անկել՝ վարունգի, բենզինի, կիտրոնի, լոլիկի և այլ ապրանքների գները

ՀՀ ՊՆ պարզաբանումը լրատվամիջոցներում հրապարակված բաց նամակի կապակցությամբ

Երևանում բետոնե պատշգամբ է փլուզվել

Մեր «մշտական կորոնավիրուսը»

«Աղավնո», «Խարխափուտ», «Խնձորեսկ» բժշկասանիտարական հսկիչ կետերում ջերմաչափվում են Արցախ մեկնող բոլոր քաղաքացիները

Մոսկվա-Երևան չարտերային թռիչքի ապրիլի 6-ի տոմսերը սպառված են. երկրորդ թռիչքի անհրաժեշտություն կա

Ապրիլի 6-ին, ժամը 18.30-ից Նիկոլ Փաշինյանը ֆեյսբուքի իր էջի ուղիղ եթերում կպատասխանի քաղաքացիների հարցերին

Վթարի ենթարկված շտապօգնության մեքենայում կորոնավիրուսով հիվանդ 3 պացիենտ է գտնվել. Ալինա Նիկողոսյան

2017թ-ից հետախուզման մեջ գտնվող տղամարդը ներկայացել է ոստիկանության Արաբկիրի բաժին

ԱԻՆ-ը Երևանում 49 սուպերմարկետ և 128 հանրային տարածք է վարակազերծել

Կենտրոն համայնքում քամին ծառեր է տապալել

Հայաստանում կորոնավիրուսով վարակվածներից 500-ը բուժման կարիք չունի, նրանք նաև ջերմություն չունեն. Նիկոլ Փաշինյան