ԱՄՆ կառավարությունը 2020թ.-ին կավելացնի Հայաստանին տրամադրվող աջակցությունը մոտ 40 տոկոսով

ՀՀ աշխատանքի եւ սոցիալական հարցերի նախարարությունը տեղեկացնում է, որ ԱՄՆ կառավարությունն այս տարի ավելացնում է Հայաստանի Հանրապետությանը տրամադրվող աջակցությունը մոտ 40 տոկոսով

«Ուզում եմ օգտվել առիթից և շնորհակալություն հայտնել ԱՄՆ Միջազգային զարգացման գործակալության աջակցությամբ սոցիալական պաշտպանության ոլորտում իրականացված ծրագրերի համար և նաև շնորհավորել բոլորիս՝ նոր ծրագրի մեկնարկի առթիվ: «Դեպի անկախ ապրելակերպ» կոչվող այս ծրագիրը շատ կարևոր է, քանի որ հաշմանդամություն ունեցող անձանց անկախ կյանքի վերաբերյալ բավարար գիտելիքներ ունենք կուտակած, սակայն դրանք գործնականում կիրառելու  տեսանկյունից փորձ չունենք: Հույս ունեմ, որ այս ծրագիրը կլրացնի այդ բացը»,- այս մասին, ՀՀ աշխատանքի և սոցիալական հարցերի նախարարությունում ընդունելով ԱՄՆ Միջազգային զարգացման գործակալության հայաստանյան առաքելության տնօրեն տիկին Դեբորա Գրիզերի գլխավորած պատվիրակությանը, ասել է նախարար Զարուհի Բաթոյանը:

Նախարարը հյուրերին տեղեկացրել է, որ հաշմանդամություն ունեցող անձանց իրավունքների պաշտպանության ոլորտում նախարարությունն արդեն իսկ ձեռնամուխ է եղել երկու կարևորագույն օրինագծերի մշակման, որոնք ուղղված են հաշմանդամություն ունեցող անձանց կյանքի որակը փոխելուն.

««Հաշմանդամություն ունեցող անձանց իրավունքների մասին» և «Անձի ֆունկցիոնալության գնահատման մասին» օրենքների նախագծերը մշակվել են՝ հիմքում ունենալով հաշմանդամություն ունեցող անձանց կարողությունների զարգացման  և անհատական կարիքի գնահատման սկզբունքը: Այս իմաստով համայնքային ծառայությունների զարգացումը և հատկապես անկախ կյանքի քաջալերմանն ուղղված ծրագրերը շատ կարևոր են: Այս համատեքստում շատ կարևոր է նաև հասկանալ, որ գործ ունենք որոշակի կարծրատիպերի հաղթահարման անհրաժեշտության հետ, հատկապես, երբ խոսքը վերաբերում է մտավոր կամ հոգեկան առողջության խնդիրներ ունեցող անձանց»,- ասել է նախարարը:

ԱՄՆ Միջազգային զարգացման գործակալության հայաստանյան առաքելության տնօրենը ողջունել է նախարարության որդեգրած ներառական քաղաքականությունը և որոշ մանրամասներ ներկայացրել 2020 թ.-ին մեկնարկող ծրագրի վերաբերյալ.

«Տիկին նախարար, ես երկու կարևոր և ուրախ լուր ունեմ Ձեզ համար։ Առաջինը՝ ԱՄՆ կառավարությունն այս տարի ավելացնում է Հայաստանի Հանրապետությանը տրամադրվող  աջակցությունը մոտ 40 տոկոսով։ Վստահ եմ, որ այդ գումարն արդյունավետորեն կծառայի Հայաստանի Հանրապետության քաղաքացիներին՝ նպաստելով երկրի զարգացմանը։

Երկրորդը՝ ԱՄՆ Միջազգային զարգացման գործակալությունը սկսել է նոր ծրագիր՝ խթանելու ներառականությունը Հայաստանում և նպաստելու հատուկ կարիքներ ունեցող անձանց խնդիրների լուծմանը։ Ծրագրի անունն է՝ «Դեպի անկախ ապրելակերպ», նպատակը՝ աջակցել Հայաստանում հաշմանդամություն ունեցող անձանց ապրել ինքնուրույն, պաշտպանել իրենց իրավունքներն ու լիարժեք մասնակցել իրենց համայնքների զարգացմանը»,- ասել է տիկին Դեբորա Գրիզերը:

Նա հույս է հայտնել, որ ամերիկյան և տեղացի գործընկեր կազմակերպությունները հաջողությամբ կիրագործեն իրենց առջև դրված խնդիրները, և ոլորտում նշանակալի առաջընթաց կունենանք:

Տպել
375 դիտում

Հայաստանում կորոնավիրուսի եւս 73 դեպք է հաստատվել. ընդհանուր թիվը 736 է

Վրաերթ Երևանի Նանսենի փողոցում. 20-ամյա աղջիկը հոսպիտալացվել է

ԱԳՆ-ն հիշեցնում է ՌԴ-ից Հայաստան վերադառնալու ճանապարհների մասին եւ հորդորում հետեւել ցուցումներին

Թուրքիայում կորոնավիրուսով վարակվածների թիվը հասել է 18․135-ի. երեկ մահացել է 79 մարդ

Երեկ օրվա ընթացքում ունեցել ենք 10 առողջացած պացիենտ. նրանք դուրս են գրվել. նախարար

Չինական Շենչժենում պաշտոնապես արգելվել է շների եւ կատուների միսը սննդի մեջ օգտագործելը

ՌԴ-ում ՀՀ դեսպանը և դեսպանորդը տեսակապով զրուցել են «Դոմոդեդովո» օդանավակայանում գտնվող մեր հայրենակիցների հետ

Երեք դատավորների լիազորությունները դադարեցվել են. ԲԴԽ

Հովսեփ Կուբատյանը հրապարակել է հասցեները, որտեղ 500 ժամանակակից վերելակներ կտեղադրվեն

«Նորք»-ում գրանցվեց մահվան եւս մեկ դեպք. Հայաստանում կորոնավիրուսից մահացածների թիվը դարձավ յոթ

Բոլորս պետք է լծվենք գազի գնի հայտի ուսումնասիրության հիմնավորվածությանն ու դրա գնահատականին. պատգամավոր

Դատավորը նկատողություն ստացավ «օրենքով գող» Հայկո Աստրախանսկիին երկիրը լքելու թույլտվություն տալու համար

Բելառուսը ռուսական նավթը կգնի բարելի դիմաց 4 դոլար արժեքով. հավելավճարներ չեն լինի

ԲԴԽ-ն խիստ նկատողություն է հայտարարել դատավոր Նաիրա Մխիթարյանին

Արցախում մեկուսացված 3 քաղաքացու հետազոտության արդյունքները եղել են բացասական․ ԱՀ-ում առայսօր կորոնավիրուսի դեպք չկա

«Առականի». նոր նախագիծ ԿԳՄՍ նախարարությունից

Բագրատաշենի սահմանային անցակետում հետախուզվող է հայտնաբերվել

Ռուսաստանում կարանտինային արձակուրդը կտեւի ամբողջ ապրիլ. Պուտինը նոր ուղերձով է հանդես եկել

Հայաստանում արձանագրվել է կորոնավիրուսի հետեւանքով մահվան 6-րդ դեպքը

Ներդրումային առաջարկներին մեր արձագանքի արագությունը եւ որակը պետք է էական փոփոխությունների ենթարկվի. վարչապետ