Հայտնի են ապօրինի որդեգրումներին մասնակից ՊՈԱԿ-ների անունները. օտարերկրացիները 2 տարում 2 մանկատնից 76 երեխա են որդեգրել

«Հայկական ժամանակ»-ին հայտնի է դարձել, թե մանկաբարձական եւ խնամքի որ հաստատություններն են ներգրավված եղել երեխաների ապօրինի որդեգրումների գործընթացում։ 

Նոյեմբերի 14-ին ՀՀ ազգային անվտանգության ծառայությունը հաղորդագրություն էր տարածել, որ Իտալիայի քաղաքացիները Հայաստանում, մեր երկրի օրենսդրության կոպիտ խախտմամբ, որդեգրել են ավելի քան 30 երեխաների: ՀՀ 2 քաղաքացիներ, օգտագործելով իրենց կապերը հանրապետական մանկաբարձական հաստատություններից մեկում, այդ թվում եւ ՀՀ մի շարք գերատեսչություններում ու մանկատներում, ապօրինի կազմակերպել են երեխաների որդեգրումները:

Համաձայն ԱԱԾ հաղորդագրության՝ մանկաբարձական հաստատության աշխատակիցները երեխաների որդեգրման համաձայնություններ են ստացել դիտավորությամբ եւ շահադիտական դրդումներով: Նրանք 2016-2018 թթ. ընթացքում տարբեր պատճառներով հղիության ընդհատման համար ծննդատուն դիմած մեկ տասնյակից ավելի կանանց, առանձին դեպքերում հղիության փաստը բարձրաձայնելու սպառնալիքով, նորածնի հիվանդությունը չափազանցնելու, սուտ տեղեկություններով եւ հոգեբանորեն ճնշելու եղանակով, հակել են նրան, որ ծնողը հրաժարվել է երեխայից եւ տվել որդեգրման համաձայնություն: Ընդ որում, ծննդատանը որոշ դեպքերում չեն խորշել ծննդկաններից՝ մատուցած բժշկական ծառայությունների դիմաց որպես կաշառք գումար ստանալուց:

Մեր տեղեկություններով՝ այս ամենին մասնակից մանկաբարձական հաստատությունը Պերնատոլոգիայի, մանկաբարձության եւ գինեկոլոգիայի ինստիտուտն է («Հանրապետական ծննդատուն»), իսկ բժշկական փաստաթղթերում ծննդատան նշած մտացածին ախտորոշումներն օգտագործած եւ ՀՀ քաղաքացիներին այդ երեխաների որդեգրումը խոչընդոտած հաստատությունները՝ «Երեւանի մանկան տուն» եւ «Գյումրու երեխաների տուն» ՊՈԱԿ-ները:

Հանրապետական ծննդատան տնօրինությունը երեկ ամեն գնով խուսափեց մեկնաբանություն տալ տեղի ունեցածի հետ իր առնչության վերաբերյալ։ Տնօրեն, մանկաբարձ-գինեկոլոգ Ռազմիկ Աբրահամյանի ընդունարանում աշխատող գործավարուհին, լսելով, որ լրագրող ենք, շտապեց տեղեկացնել, որ Աբրահամյանը խիստ զբաղված է եւ տվյալ պահին տեղում չէ: Այնուհետեւ անմիջապես հայտնեց նրա դստերը՝ մանկաբարձ Գոհար Աբրահամյանին, որ լրագրող է եկել: Ապա Ռազմիկ Աբրահամյանի գործավարուհին մեզ ուղղորդեց Գոհար Աբրահամյանի աշխատասենյակ, որտեղ պարզվեց՝ դուռը փակ էր: Այնտեղից բուժքույրերն ուղղորդեցին դիմացի մասնաշենք: Մի քանի ժամ շենքերում պտույտ կատարելուց հետո ի վերջո մեզ մոտեցավ «Հանրապետական ծննդատան» հանրային կապերի պատասխանատու Վարդուհի Սիմոնյանը:

Նա չհերքեց, որ ԱԱԾ աշխատակիցները տեւական ժամանակ եղել են ծննդատանը, աշխատանքներ են կատարել, ապաեւ դրանք ամփոփել հայտնի հաղորդագրությամբ: Սակայն հանրային կապերի պատասխանատուն հավաստիացրեց, որ ստուգումներ են իրականացվել 30-ից ավելի բոլոր հանրապետական ծննդատներում, ուստի շտապեց ավելացնել, որ ոչինչ չի պատրաստվում ասել՝ մինչեւ նախաքննությունը չավարտվի: Սիմոնյանը կոչ արեց հետագայում էլ որեւէ սենսացիա չսպասել: Հանրային կապերի պատասխանատուն եւս մեկ անգամ կրկնեց, որ իրենք կատարվածի հետ որեւէ կապ չունեն եւ մեզ ուղղորդեց գնալ մանկատուն:

Ավելի ուշ «Հայկական ժամանակ»-ին հաջողվեց կապ հաստատել Ռազմիկ Աբրահամյանի հետ: Նա, մեր հարցը դեռ ամբողջությամբ չլսած, պատասխանեց. «Ոչ մի մանկաբարձական կենտրոն դրանով չի զբաղվում, դրանով զբաղվում են մանկատները»: Մեր հարցին, թե տեղեկություն ունենք, որ հենց իրենց կենտրոնն է խառնված երեխաների որդեգրման այս դեպքին եւ իր թողտվությամբ է իրականացվել, Աբրահամյանը հերքեց՝ հավելելով, որ իրենց կենտրոնը որեւէ առնչություն չունի: «Այդ բոլոր գործընթացները կատարվում են մանկատան եւ կառավարության որոշումներով»,- եզրափակեց նա:

«Հայկական ժամանակ»-ն այցելեց նաեւ «Երեւանի Մանկան տուն»: Շուրջ 22 տարի կենտրոնի տնօրենի պաշտոնը զբաղեցրած Լիանա Կարապետյանը պնդեց, որ իրենց մանկատունը որեւէ առնչություն չունի երեխաների ապօրինի որդեգրման հետ: Կարապետյանը նշեց՝ մանկան տունը երեխաների որդեգրմամբ չի զբաղվում, զբաղվում է երեխաների խնամքով: 1991 թվականից այստեղից երեխաներ են որդեգրվում նաեւ օտարերկրյա քաղաքացիների կողմից:

Նա կտրականապես ժխտեց ԱԱԾ հաղորդագրության այն հատվածը, որը կարող էր իրենց վերաբերվել, այն է՝ խախտելով ՀՀ քաղաքացիների կողմից երեխաներին որդեգրելու իրավունքի առաջնահերթությունը՝ անուղղակի խոչընդոտել նրանց որդեգրումը ՀՀ քաղաքացիների կողմից։ Լիանա Կարապետյանը հայտնեց, որ իրենք չեն կարող ասել, թե որ ընտանիքը որ երեխային վերցնի: Միայն ասում են, որ տվյալ երեխան այս ինչ խնդիրն ունի. «Հարցնում ենք՝ ուզում են տեսնել, թե ոչ, հիմնականում ասում են՝ այո, հետո կա՛մ որոշում են վերցնել, կա՛մ ոչ»:

2015 թվականից 2019 թվականի հունիս «Գյումրու երեխաների տուն» ՊՈԱԿ-ի տնօրենի պաշտոնը զբաղեցրած Աննա Գեւորգյանն անակնկալի եկավ մեր զանգից: Նշեց, որ ԱԱԾ հաղորդագրության մասին էլ տեղյակ չէ: Նախկին տնօրենը նշեց, որ իրենց մոտ պարբերաբար ստուգումներ են իրականացվում եւ հաստատությունը միշտ էլ ուշադրության կենտրոնում է: Աննա Գեւորգյանը հրաժարվեց մեր մնացած հարցերին պատասխանել: Հորդորեց կապ հաստատել տնօրենի նորանշանակ պաշտոնակատար Պայքար Վալեսյանի հետ:

ՀՀ աշխատանքի եւ սոցիալական հարցերի նախարարությունը (ԱՍՀՆ) «Հայկական ժամանակ»-ի հարցմամբ տրամադրեց, թե 2016-2018 թվականներին «Երեւանի մանկան տուն» եւ «Գյումրու երեխաների տուն» ՊՈԱԿ-ներից քանի երեխա է որդեգրվել ինչպես ՀՀ, այնպես էլ օտարերկրյա քաղաքացիների կողմից:

2016 թվականին «Երեւանի մանկան տուն» ՊՈԱԿ-ից օտարերկրյա քաղաքացիների կողմից որդեգրվել է 30 երեխա, ՀՀ քաղաքացիների կողմից՝ 4 երեխա: Նույն թվականին «Գյումրու երեխաների տուն» ՊՈԱԿ-ից որդեգրվել է օտարերկրյա քաղաքացիների կողմից 5 երեխա, ՀՀ քաղաքացիների կողմից որդեգրում չի եղել:

2017 թվականին «Երեւանի մանկան տուն» ՊՈԱԿ-ն ունեցել է 21 որդեգրում օտարերկրյա քաղաքացիների կողմից եւ 12 որդեգրում տեղացիների կողմից: «Գյումրու երեխաների տուն» ՊՈԱԿ-ից ընդամենը եղել է 1 որդեգրում, որն էլ եղել է օտարերկրյա քաղաքացիների կողմից:

2018 թվականին «Երեւանի մանկան տուն» ՊՈԱԿ-ից օտարերկրյա քաղաքացիների կողմից որդեգրվել է 17 երեխա, ՀՀ քաղաքացիների կողմից՝ 12: «Գյումրու երեխաների տուն» ՊՈԱԿ-ից որդեգրվել է ընդամենը 2 երեխա, երկուսն էլ օտարերկրյա քաղաքացիների կողմից:

Ընդհանուր առմամբ 2016-2018 թթ. օտարերկրյա քաղաքացիները երկու ՊՈԱԿ-ներից որդեգրել են 76 երեխա. «Երեւանի մանկան տուն» ՊՈԱԿ-ից որդեգրել են 68 երեխա, իսկ «Գյումրու երեխաների տուն» ՊՈԱԿ-ից՝ 8 երեխա:

ԱՍՀՆ լրատվական ծառայության պատասխանատու Սոնա Մարտիրոսյանը ՀԺ-ին հայտնեց, որ համաձայն վիճակագրության՝ վերջին տարիներին արտասահմանցիների՝ Հայաստանից երեխաների որդեգրման գործընթացում ամենամեծ չափաբաժինը կազմում է Իտալիայի Հանրապետությունից որդեգրողների թիվը:

Տպել
10582 դիտում

Նիկոս Դենդիասը ժամանել է Երևան. մեկնարկել է ՀՀ-ի և Հունաստանի արտգործնախարարների առանձնազրույցը

Գյումրու Սուրբ Յոթ Վերք եկեղեցում պատարագ է մատուցվել՝ նվիրված 44-օրյա պատերազմում նահատակված հերոսների հիշատակին

Անցած մեկ օրում հանցագործության 50 դեպք է բացահայտվել

ՄԻՊ-ը ԵԽ գլխավոր քարտուղարին է ներկայացրել ադրբեջանական ագրեսիայի հետևանքները

Հյուսիսային Օսիայի անցակետում՝ Լարսի հետ սահմանին, զորահավաքային կետ կստեղծվի

Ալեն Սիմոնյանը Ժիլբեր-Լյուկ Դըվինազի հետ քննարկել է ՀՀ ինքնիշխան տարածքից ադրբեջանական ուժերի անհապաղ դուրսբերման հարցը

Մասնագիտական ուսուցում և աշխատանք՝ 2016 և 2020 թթ․ պատերազմական գործողությունների մասնակից գործազուրկների համար

«Լուռ աշխարհ». Արամեն եւ կինը 44-օրյա պատերազմի մասնակիցներին նվիրված նոր երգ են ներկայացրել (հոլովակ)

Դավիթ Բաբայանը ԱՄՆ Հայ իրավաբանական միության ներկայացուցիչների հետ Արցախյան հիմնախնդրին վերաբերող հարցեր է քննարկել

19 ընտրատեղամասում՝ վերահաշվարկի, 6-ում քվեարկության արդյունքներն անվավեր ճանաչելու մասին դիմումներ են ստացվել

Մեկնարկել է «Կոմիտաս» միջազգային գիտաժողով-փառատոնը

Բագրատաշենի սահմանային անցակետում հայտնաբերվել է Ղրիմի ոստիկանության կողմից հետախուզվող քաղաքացին

Պատասխան այցով Իրաքում է Հումանիտար ականազերծման և փորձագիտական կենտրոնի պատվիրակությունը

Բաքուն ներխուժել է ՀՀ ինքնիշխան տարածք և սպառնում է հայաստանյան ժողովրդավարությանը․ ԱԽ քարտուղար

ԱՄՆ-ն կոչ է անում Ադրբեջանին հետ քաշել զորքերը ելման դիրքեր․ Նեդ Փրայս

Վարչական տուգանքի՝ 23 որոշում, բնությանը պատճառվել է 2 մլն 855 հազար 162 դրամի վնաս․ ԲԸՏՄ-ն հաշվետվություն է ներկայացրել

Երիտասարդն արցունքաբեր գազ է փչել 21-ամյա աղջկա դեմքին և հափշտակել ձեռքի դրամապանակը

Խոշոր վթար Սարդարապատ-Նոր Արմավիր ճանապարհին․ կան տուժածներ և մեկ զոհ

Ձեր սխրանքն անմար է. Արայիկ Հարությունյանը լուսանկարներ է հրապարակել Եռաբլուրից և Ստեփանակերտի հուշահամալիրից

Արարատի մարզի որոշ բնակավայրերի գազամատակարարումը ժամանակավորապես կդադարեցվի

44-օրյա պատերազմը գոյութենական մարտահրավեր էր Հայաստանի և Արցախի համար՝ լի անդառնալի կորուստներով. ՀՀ նախագահ

Հիշում ենք Հայաստանի և Ադրբեջանի միջև հակամարտության զոհերին և զորակցում նրանց ընտանիքներին. ԱՄՆ դեսպանատուն

Շիրակի մարզպետն այցելել է «Շիրակ» գերեզմանատան «Ազատամարտիկների պանթեոն» (լուսանկարներ)

Թուրքական լիրան արժեզրկման նոր պատմական ռեկորդ է սահմանել

Սևան-Մարտունի-Գետափ ճանապարհահատվածում կատարվում են միջին նորոգման աշխատանքներ

Երկար ժամանակով կհոսանքազրկվեն Երևանի և 6 մարզերի մի շարք հասցեներ

Ժամը 09:00-ի դրությամբ իրավիճակը հայ-ադրբեջանական սահմանին հարաբերականորեն կայուն է. ՊՆ

Երևանում և մի քանի այլ քաղաքներում 4 օրում հրդեհի մասին 5 ահազանգ է եղել

ԱՄՆ-ում քննարկում են Հայաստանին պաշտպանողական զենք վաճառելու հարցը. Հայ դատի հանձնախումբ

Գտնվում ենք այնպիսի ճակատագրական վիճակում, որ պահանջում է երկխոսություն և համատեղ որոշման կայացում. Լևոն Տեր-Պետրոսյան

Լևոն Տեր-Պետրոսյանը հանրայնացրել է տեքստը, որը պետք է ընթերցվեր Էջմիածնի հանդիպումից հետո

Կառավարության անդամները վաղը Եռաբլուր չեն այցելի

Նախնական արդյունքներով՝ որ ուժերն են հաղթանակ տարել երեկվա ՏԻՄ ընտրություններում, և ովքեր կլինեն նոր համայնքապետները

Ազգությամբ քուրդ Աթիլլա Չիչեքի և Հուսեին Յըլդըրըմի նկատմամբ դեռ օգոստոսից ՀՀ-ում հետախուզում է հայտարարված եղել

ժամը 22:00-ի դրությամբ իրավիճակը հայ-ադրբեջանական սահմանին հարաբերականորեն կայուն է

Ֆրանսիան պահանջել է, որպեսզի Ադրբեջանի ուժերը վերադառնան ելման դիրքեր. Փարիզում կայացել է Փաշինյանի և Մակրոնի հանդիպումը

ՀՀ-ի ՄԱԿ Թմրամիջոցների և հանցավորության դեմ պայքարի գրասենյակի միջև ստորագրվել է համագործակցության ճանապարհային քարտեզ

«Մա՛մ, էն տղեն, որ նկարում էի, պատերազմում է զոհվել». Արեն Մալաքյանը դիմանկարիչ էր, հաճախ էր նկարում հերոսներին

Հերյուրանքի հեղինակին դատական կարգով պարտավորեցնելու եմ հրապարակային ներողություն խնդրել․ Շիրակի մարզպետ

Խոր ցավով տեղեկացա Իժևսկ քաղաքի դպրոցներից մեկում տեղի ունեցած ողբերգական միջադեպի մասին․ Նիկոլ Փաշինյանը հեռագիր է հղել