ԵՊՀ դասախոսների մի մասը նախազգուշական գործադուլ է արել․ թե որն է լինելու նախազգուշացման հաջորդ քայլը, չգիտեն

ԵՊՀ դասախոսների մի մասն աջակցում է ուսանողներին, սակայն կոչ անում նախազգուշական գործադուլից հետո վերադառնալ լսարաններ. դասապրոցեսն է տուժում:

Ուսանողների՝ դեռ անցած շաբաթվանից սկսած բողոքի ակցիային այսօր միացել է նաեւ Երեւանի պետական համալսարանի հայ բանասիրության եւ Պատմության ֆակուլտետների դասախոսական կազմը: Նրանք այդպիսով աջակցել են դասադուլ անող ուսանողներին ու գործադուլ հայտարարել։ Ինչպես մեզ հետ զրույցում նշեց Հայ բանասիրության ֆակուլտետի դեկան Արծրուն Ավագյանը, 2 ֆակուլտետներ իրականացնում են նախազգուշական մեկօրյա դասադուլ:

Թե որն է լինելու հաջորդ քայլը, դեկանը դժվարացավ պատասխանել: Չգիտի, թե ինչ կլինի, ինչ կորոշի ամբողջ դասախոսական կազմը, միայն իր անունից չի կարող խոսել:

«Մենք դիմել ենք ուսանողներին, կոչ արել վերադառնալ դասերի, որ դասերն ընթանան նորմալ հունով»,- նշեց դեկանը՝ հավելելով, որ չի կարող ասել՝ արդյո՞ք ուսանողները կընդունեն հորդորը, ցանկալի է, որ ընդունեն, այսպես դասադուլներով ծրագրից ետ են մնում:

Արծրուն Ավագյանը նաեւ հայտնեց, որ այսօր հայտարարություն են տարածել՝ դիմելով նաեւ Կրթության, գիտության, մշակույթի եւ սպորտի նախարարությանը, որպեսզի կազմակերպվի քննարկում, «Բարձրագույն կրթության եւ գիտության մասին» ՀՀ օրենքի նախագծի հեղինակները վիճահարույց կետերի վերաբերյալ խոսեն մասնագետների հետ:

Այն հարցին, թե արդյոք դեկանը կամ իրենց ֆակուլտետի դասախոսական կազմը պատրաստվում է միանալ այսօր ԿԳՄՍ նախարարության շենքի առաջ ՀՅԴ երիտասարդական միության հրավիրած հանրահավաքին, Ավագյանը պատասխանեց, որ իրենք հանրահավաքի հետ ընդհանրապես ոչ մի կապ չունեն: Կոնկրետ ինքը չի մասնակցելու, նույնիսկ տեղյակ չէ, թե ինչ հանրահավաք է լինելու, մնացածի անունից չի կարող ասել, չգիտի:

Հիշեցնենք, որ այսօր ԵՊՀ հայ բանասիրության, պատմության ֆակուլտետների դասախոսներն իրենց համերաշխությունն են հայտնել ուսանողական շարժմանը՝ ի պաշտպանություն բուհերի ոչ մասնագիտական ֆակուլտետներում «Հայոց լեզու» և «Հայոց պատմություն» առարկաների ոչ պարտադիր ուսուցման դրույթին:

Դասախոսները, որպես միաբանության քայլ, հայտարարել են համերաշխության մեկօրյա նախազգուշական գործադուլ:

Անի Ավագյան

Տպել
1058 դիտում

Ոստիկանները ուշ ժամի հրավառություն կատարած անձանց են հայտնաբերել

Նախորդ շաբաթ հակառակորդի կողմից հրադադարի պահպանման ռեժիմը խախտվել է շուրջ 330 անգամ

Նախարարությունը COVID-19-ի դեմ պատվաստանյութի ձեռքբերման համաձայնագիր է ստորագրել. կգնեն 600 հազար դեղաչափ

ՀՀ-ում վարկային թալան գոյություն չունի․ այնքան էլ բավարարված չեմ լսումների արդյունքներով․ Ուլիխանյան

Դատախազությունը հունիսին Ծառուկյանին չկալանավորած դատավորի նկատմամբ կարգապահական վարույթ հարուցելու գործընթաց է սկսելու

Ամենայն Հայոց Կաթողիկոսը Վատիկանում կհանդիպի Հռոմի Պապի հետ

ԲՀԿ քաղխորհրդի հայտարարությունը

Ծանրամարտիկ Արմեն Ղազարյանի գործով ձերբակալվել են ոստիկանության Նոր Նորքի բաժնի պետը և երեք օպերլիազոր. ՀՔԾ

Նախատեսված ժամկետից ավել ծառայելու մասին խոսք լինել չի կարող․ ՊՆ խոսնակ

ԳԹԿ-ն վերադարձնում է դիմորդների գումարը․ ԿԳՄՍՆ

Խոշոր եղջերավոր կենդանիներով բեռնված ավտոմեքենան գլորվել է ձորը. վիրավոր է 5 ցլիկ

ՇՎՏՄ-ն խնդրում է տնտեսավարողներին զերծ մնալ խախտումներից, հակառակ դեպքում կկիրառվի վարչական տույժ

Հոկտեմբերի 1-ից ջուրը կդառնա ժամային գրաֆիկով ՀՀ գրեթե ողջ տարածքում. «Վեոլիա ջուր»

Ադրբեջանական քարոզչության հայկական «ֆրիլանսերները»

Հաստատվել է կորոնավիրուսի 429 նոր դեպք. մահացել է 79-ամյա տղամարդ, 2 անձ էլ՝ այլ հիվանդության հետեւանքով

Եղիշե Թադևոսյանի 150-ամյակին` հոբելյանական փառատոն Էջմիածնում. մասնակցել է ԿԳՄՍ նախարարը

Արցախում հաստատվել է կորոնավիրուսի 17 նոր դեպք՝ տարբեր բնակավայրերից

Հրշեջ-փրկարարները մարել են ընդհանուր 8․4 հա տարածքում բռնկված հրդեհները

«Traction» ծրագիրը կներկայացնի իր 9 շրջանավարտ-ընկերություններին առցանց անցկացվող Դեմո օրվա ընթացքում

Խարկովում կործանված ինքնաթիռի զոհերի թիվը հասել է 26-ի. 2 ողջ մնացածների վիճակը ծանր է (լուսանկարներ)