«Ռոյալ Արմենիա». դատը մեկնարկում է. եւս մեկ ապօրինություն

09/11/2019 schedule10:10

Տպագրվել է «Հայկական Ժամանակ» օրաթերթի՝ 2006 թվականի նոյեմբերի 9-ի համարում

Կենտրոն եւ Նորք-Մարաշ համայնքների առաջին ատյանի դատարանում` Պարգեւ Օհանյանի նախագահությամբ, եկող ուրբաթ կսկսվի «Ռոյալ Արմենիա» ընկերության նախագահ Գագիկ Հակոբյանի եւ նախկին տնօրեն Արամ Ղազարյանի դատաքննությունը: Այս մասին մեզ հետ զրույցում ասաց Պարգեւ Օհանյանը: Հիշեցնենք, որ Հակոբյանը եւ Ղազարյանը մաքսանանեգության եւ փաստաթղթերի կեղծման մեջ մեղադրվեցին այն բանից հետո, երբ համարձակվեցին պաշտոնապես հայտարարել, որ ՀՀ կառավարությանն առընթեր մաքսային պետական կոմիտեի ղեկավարությունը իրենցից կաշառք է պահանջում: ՄՊԿ-ի ղեկավարությանը կոռումպացված լինելու մեջ մեղադրելուց հետո` 2004թ. ամռանը, միանգամից մի քանի գերատեսչություններ սկսեցին զբաղվել «Ռոյալ Արմենիայի» հարցով, եւ մի քանի ամիս անց` 2005թ. գարնանը, ՄՊԿ-ի տրամադրած նյութերով Ազգային անվտանգության ծառայությունում հարուցվեց քրեական գործ, որի շրջանակներում էլ այդ նույն տարվա հոկտեմբերի 10-ին Հակոբյանը եւ Ղազարյանը կալանավորվեցին: Իսկ «Ռոյալ Արմենիայի» ղեկավարության կողմից կոռումպացված լինելու մեջ մեղադրվող ՄՊԿ-ի ղեկավարությունն արժանացավ Հայաստանի ղեկավարության գովասանքին` «լավ» աշխատելու համար:

«Ռոյալ Արմենիայի» գործը վարույթ ընդունելու որոշումը Պ. Օհանյանը կայացրել է երեկ: Պարզվում է` մինչ այդ, դեռեւս հոկտեմբերի 24-ին, Հակոբյանի եւ Ղազարյանի դատապաշտպան Կրոմվել Գրիգորյանը դատավոր Օհանյանին միջնորդել է իր պաշտպանյալների քրեական գործը վերադարձնել լրացուցիչ նախաքննության: Որպես միջնորդության հիմնավորում մատնանշվել են փաստեր, ըստ որոնց, նախաքննության մարմինը, ավելի կոնկրետ` ԱԱԾ քննիչ Մնացական Մարուքյանը խախտել է ՀՀ Քրեական դատավարության օրենսգրքի եւ «Մարդու իրավունքների եւ հիմնարար ազատությունների պաշտպանության մասին» եվրոպական կոնվենցիայի միանգամից մի քանի դրույթներ: Հակոբյանի եւ Ղազարյանի դեմ հարուցված քրեական գործի նախաքննության ընթացքում նրանց պաշտպանները եւ հարազատները բազմաթիվ անգամներ հանրությանը տեղեկացրել են քննության ընթացքում տեղի ունեցած օրինախախտումների եւ ապօրինությունների մասին:

Սակայն վերը նշված միջնորդության առիթ դարձած դեպքը, կարելի է ասել, գերազանցում է բոլոր սպասելիքները:  Հակոբյանի եւ Ղազարյանի քրեական գործի նախաքննությունն ավարտվել է սեպտեմբերի 15-ին: Կազմվել է համապատասխան արձանագրություն, որում մեղադրյալներ Հակոբյանը եւ Ղազարյանը նշել են, որ ցանկանում են ծանոթանալ քրեական գործի նյութերին: Այն, որ մեղադրյալները նախաքննության ավարտից անմիջապես հետո իրավունք ունեն ծանոթանալ իրենց նկատմամբ հարուցված քրեական գործի նյութերին, ամրագրված է ՀՀ Քրեական դատավարության օրենսգրքով եւ «ՄԻՀԱՊ մասին» եվրոպական կոնվենցիայով: Սակայն, ինչպես պաշտպանն է նշել իր միջնորդությունում, քրեական գործի նյութերն իր պաշտպանյալներին եւ իրեն տրամադրելու բոլոր փորձերն անցել են ապարդյուն:

Հետագայում` հոկտեմբերի 23-ին, Հակոբյանի դիմումի հիման վրա, դատավոր Օհանյանը մեղադրյալների պաշտպանին է հանձնել նրանց նկատմամբ հարուցված քրեական գործի նյութերը: Նյութերի հետ ծանոթանալուց հետո պաշտպանը եւ մեղադրյալները հայտնաբերել են, որ դեռեւս հոկտեմբերի 6-ի եւ հոկտեմբերի 7-ի ամսաթվերով քննիչ Մ. Մարուքյանը կազմել է արձանագրություններ` մեղադրյալներ Հակոբյանին եւ Ղազարյանին ու նրանց պաշտպանին քրեական գործի բոլոր նյութերը ծանոթանալու նպատակով տրամադրելու մասին: «Արձանագրությունների բովանդակությունները ամբողջությամբ իրականությանը չեն համապատասխանում, որովհետեւ ինչպես մեղադրյալներին, այնպես էլ պաշտպանին քննիչի կողմից նախաքննության ավարտը հայտարարելուց հետո գործը երբեք չի ներկայացվել, չի առաջարկվել ծանոթանալ քրեական գործի նյութերին»,- նշված է միջնորդության մեջ:

Այլ կերպ ասած, Հակոբյանը, Ղազարյանը եւ նրանց պաշտպանը իրենց համար անակնկալ պարզել են, որ քրեական գործի նյութերում կեղծ տվյալներ պարունակող փաստաթուղթ է դրված: Թե ինչո՞ւ է քննիչն այդպես վարվել, կարծում ենք, պարզից էլ պարզ է` մեղադրյալների իրավունքների խախտման փաստը ինչ-որ կերպ քողարկելու համար:

Պ. Օհանյանի կողմից Հակոբյանի եւ Ղազարյանի քրեական գործը վարույթ ընդունելու որոշմամբ միեւնույն ժամանակ մերժվել է նաեւ միջնորդությունը: Այսինքն, մեղադրյալների իրավունքների այս խախտումը եւս, որը թույլ է տրվել նախաքննության մարմնի կողմից, այլեւս ենթակա չէ շտկման, քանի որ այն կարող էր շտկել միայն հենց խախտողը` գործը լրացուցիչ նախաքննության համար ետ ստանալուց հետո: «Ռոյալ Արմենիայի» գործին ծանոթ իրավաբանները փաստում են, որ սա այն «դասական» գործերից է, որը ցանկացած պահի վեր հանվելուց եւ լրացուցիչ քննվելուց հետո կարող է պատուհաս դառնալ բոլոր այն պաշտոնատար անձանց գլխին, ովքեր երբեւէ դրան առնչություն են ունեցել:

Այլ կերպ ասած, «Ռոյալ Արմենիայի» գործն իրականում քրեական գործ է ընդդեմ ներկա իշխանությունների, որը ապագայում հնարավորություն կտա հստակ պատկերացում կազմել, թե ինչպես են այժմյան իշխանությունները հաշվեհարդար տեսել իրենց ենթարկվել չցանկացող խոշոր գործարարների հետ: 

Վահագն Հովակիմյան

Տպել
863 դիտում

Նիկոլ Փաշինյանը մշակութային արժեքների վերաբերյալ նոր որոշում է ստորագրել

Երևանի Դավթաշեն և Աջափնյակ համայնքների մի շարք հասցեների ջրամատակարարումը վաղվանից 36 ժամով կդադարեցվի

Լայն տարածում են գտել գերեվարված զինծառայողների վերաբերյալ կեղծ, երբեմն միտումնավոր մոնտաժված տեսանյութեր. ԱԱԾ

Կարմիր խաչի ՄԿ-ը լրացուցիչ 400-500 մարդ կուղարկի Ղարաբաղ, կավելանա նաեւ բյուջեն. Մաուրեր

Ծովասար գյուղի անասնագոմերից մեկում հրդեհ է բռնկվել

Կա փոխվստահություն, և կարող ենք աշխատել հանուն ապագայի․ Արմեն Սարգսյանն այց է կատարել Հաշիմյան Թագավորություն

Իսպանիայի Կոնգրեսն ընդունել է Ինյառիտուի հերթական առաջարկ-միջնորդությունը Արցախի հարցով

Ստեփանծմինդա-Լարս ավտոճանապարհը տեղումների պատճառով փակ է բեռնատարների համար

Պետք չէ մոռանալ, որ գերիների փոխանակման գործընթացը կախված է առաջին հերթին ադրբեջանական կողմից. ԱՀ ՄԻՊ

Ռիտա Սարգսյանի վերջին հրաժեշտի արարողությունը տեղի է ունենալու խիստ ընտանեկան միջավայրում

Ձեզնից յուրաքանչյուրն ամեն օր պետք է զգա, որ Կառավարությունը ձեր կողքին է, ձեր ցավով ապրողն է. վարչապետ (տեսանյութ)

Վերադարձող փախստականները, պահպանվող դիրքերն ու հանձնված բնակավայրերը. միջազգային անդրադարձը՝ Ղարաբաղի ներկային

Կորոնավիրուսի ծանր դեպքերի վարման համար Միացյալ Թագավորության շտապ բուժօգնության թիմի չորս անդամ գործուղվել է Հայաստան

Գերության մեջ հայտնված անձանց համար զանգահարեք 010 297415 հեռախոսահամարով.ԿԽՄԿ

Հռոմի Ս․Նիկողայոս եկեղեցում մատուցվել է պատարագ` նվիրված արցախյան պատերազմում նահատակված հերոսների հիշատակին

Երևան-Արտաշատ ավտոճանապարհին մեքենա է շրջվել. կան տուժածներ

Չեմպիոնը հաղթեց գավաթակրին. «Արարատ-Արմենիան» բարձրացավ 5-րդ հորիզոնական

Ֆրանսիան ներդնում է Լեռնային Ղարաբաղի հակամարտությունից տուժած հայ բնակչության աջակցության կառուցվածքային համակարգ

Երեւանում ծառերի էտումից առաջացած փայտանյութը անվճար կարող է տրամադրվել անապահով ընտանիքներին․ նախագիծ

Մեր հասարակությունը պետք է վերանայի կրթության նկատմամբ իր վերաբերմունքը. ԿԳՄՍՆ փորձագետ