Մակրոնի կարծիքով ՆԱՏՕ-ի մոտ հիմա «ուղեղի մահ» է գրանցվել. դաշինքի անդամները համաձայն չեն

Ֆրանսիայի նախագահ Էմանուել Մակրոնը The Economist  շաբաթաթերթի հետ զրույցում  հայտարարել է, որ ՆԱՏՕ-ի մոտ հիմա «ուղեղի մահ» է գրանցվել:

Նա կարծիք է հայտնել, Միացյալ Նահանգներն էլ այս պահին մեջքով է շրջվում իր գործընկերների նկատմամբ՝ Սիրիայից իր զորքերը դուրս բերելու պատճառով եւ Եվրոպան այժմ չի կարող հույս դնել նրանց աջակցության վրա, ինչի արդյունքում Թուրքիան իրականացրել է չծրագրված ռազմական գործողություններ՝ հայտնի հետեւանքներով:

«ՆԱՏՕ-ն ամբողջությամբ կորցրել է իր հավասարակշռությունը միության ներսում, չկա գործողությունների պլանավորում եւ ծրագիր: Այն, ինչ այս պահին տեղի է ունենում, ոչ այլ ինչ է, քան  ՆԱՏՕ-ի «ուղեղի մահ»,-ասել է Մակրոնը՝ անհավանական համարելով ՆԱՏՕ-ի ներսում ձեւավորված կարծիքն այն մասին, որ Ռուսաստանի Դաշնությունն իրենց առաջնային թշնամին է:

Ֆրանսիայի նախագահի խոսքերով, Եվրոպան պետք է սկսի զարգացնել սեփական ռազմական ուժերը և իրեն տեսնի  որպես աշխարհաքաղաքական տերություն, հակառակ դեպքում տարածաշրջանը չի կարողանա վերահսկել իր ճակատագիրը:

Այս ամենը Մակրոնն ասել է Սիրիայում ստեղծված իրավիճակը մեկնաբանելու համատեքստում՝ որպես անհավասարակշիռ վարքի դրսեւորում օրինակ բերելով Թուրքիայի սկսած գործողությունները Սիրիայում՝ թուրք-ամերիկյան բանակցություններից հետո:

ասել է, որ Մերձավոր Արեւելքում կոպիտ սխալ է թույլ տրվել, անընդունելի է նաեւ Վաշինգտոնի քայլը՝ դուրս բերել իր զորքերը Սիրիայից եւ տեղեկացնել այդ մասին ՆԱՏՕ-ի անդամ երկրներին, այդ թվում Ֆրևանսիային՝ թվիթերում գրառման միջոցով:

Ավելի վաղ ՆԱՏՕ-ի Գլխավոր քարտուղար Յենս Ստոլտենբերգը հայտարարել էր, որ  պատրաստ են սկսել երկխոսություն Ռուսաստանի Դաշնության հետ:

ՆԱՏՕ-ի մասին Ֆրանսիայի նախագահի խոսքերին անդրադարձել են միության անդամ երկրներն ու Ռուսաստանը:

ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մակրոնը տվել է Հյուսիսատլանտյան դաշինքի այժմյան իրավիճակի ուղիղ եւ ճշգրիտ բնորոշումը, հայտնում է РИА Новости-ն:

«Էմանուել Մակրոնը ոսկի խոսքեր է ասել՝ ճշմարիտ եւ իրավիճակն իրապես արտացոլող: Մի հսկայական հարց կա՝ ինչպե՞ս է պատրաստվում Եվրոպան վերահսկել իր ապագան»,-ասել է Զախարովան՝ հիշեցնելով 20-րդ դարի պատերազմներն ու Եվրոպայում տիրող իրավիճակը:

ՌԴ պետդումայի միջազգային գործերով կոմիտեի ղեկավար  Լեոնիդ Սլուցկին էլ իր հերթին հայտարարել է, որ ԱՄՆ-ի հետ կույր համերաշխության դրսեւորումների արդյունքում ամբողջ Եվրոպան հայտնվելու է կոմայի մեջ: Ըստ Սլուցկու, վաղուց էր պետք թողնել Վաշինգտոնի թելն ու վարել քաղաքականություն, որը կբխեր միության բոլոր անդամների շահերից:

ՆԱՏՕ-ի գլխավոր քարտուղար Յենս Ստոլտենբերգը, անդրադառնալով Էմանուել Մակրոնի խոսքերին, հայտնել է, որ չի կիսում Ֆրանսիայի նախագահի կարծիքը՝ ՆԱՏՕ-ի «ուղեղի մահվան» մասին եւ կարծում է, որ դաշինքը շարունակում է մնալ ուժեղ, իսկ ԱՄՆ-ն ու Եվրոպան միասին շարունակում են համատեղ գործողությունները կոլեկտիվ անվտանգության հարցում :

«Մենք այս պահին էլ անում ենք այն, ինչ արել ենք տասնամյակներով: Եվրոպացի գործընկերներն ամրապնդում են իրենց ռազմական ուժերի կարողությունները, ավելի շատ ներդրումներ են անում պաշտպանական ուղղությամբ, ԱՄՆ-ն էլ մեխացնում է ներկայությունը Եվրոպայում»,-ասել է Ստոլտենբերգը:

Գերմանիայի կանցլեր Անգելա Մերկելը հայտարարել է, որ համաձայն չէ Ֆրանսիայի նախագահի՝ ՆԱՏՕ-ում տիրող իրավիճակի մասին ասված խոսքերի հետ:

«Ես կարծում եմ, որ Էմանուել Մակրոնը բավական կտրուկ է արտահայտվել: Այդ խոսքերը չեն համընկնում իմ դիրքորոշման հետ»,-ասել է Մերկելը՝ ՆԱՏՕ-ի գլխավոր քարտուղարի հետ ունեցած բանակցությունների արդյունքներն ամփոփող հարցազրույցի ընթացքում:

 Նա ասել է, որ նման կտրուկ գնահատականն այդքան էլ անհրաժեշտ չէր այս պահին, սակայն չի կարող հերքել, որ դաշինքի ներսում իսկապես խնդիրներ կան.  «ՆԱՏՕ-ն մեր հետաքրքրությունների շրջանակում է, սա մեր դաշինքն է: Ես նախկինում ասել եմ եւ հիմա էլ միանշանակ պդնում եմ՝ մենք ինքներս պետք է մեր ձեռքը վերցնենք Եվրոպայի ճակատագիրը»,-հայտնել է կանցլերը:

Ֆրանսիայի նախագահի ձեւակերպումներին արձագանքել է նաեւ ԱՄՆ-ը:

«ՆԱՏՕ-ն շարունակում է մնալ կարեւորագույն, շատ ազդեցիկ եւ շատ նշանակալի, հնարավոր է՝ ամենից կարեւոր  ռազմավարական համագործակցությունը պատմության մեջ:  »,-ասել է ԱՄՆ պետքարտուղար Մայք Պոմպեոն՝ սխալ համարելով դաշինքի մասին Մակրոնի խոսքերը:

Տպել
477 դիտում

Սեմյոնովկա գյուղի գոմում բռնկած հրդեհի հետևանքով 70 ընտանի կենդանի է սատկել

ՀՀ-ում ԱՄՆ-ի արտակարգ և լիազոր դեսպանն այցելել է Պաշտպանական ազգային հետազոտական համալսարան

Ուրիշի անվամբ ձևակերպել և ստացել է վարկ. ՔԿ-ն փնտրում է (լուսանկար)

Կոտայքի մարզի զինկոմիսարիատում քաղաքացին դանակով հարվածել է քաղծառայողի դեմքին

Երեւանի «Հակոբ Կոջոյան» կրթահամալիրը ենթակա է ապամոնտաժման. գործը ձգձգվում է (լուսանկարներ)

Ազդեցիկ ադրբեջանցին Եվգենի Պետրոսյանին ասել է, որ կարող է նրան գաղտնի Ադրբեջան տանել՝ հոր գերեզմանին

Տավուշի ոստիկանները 4 տարի առաջ կատարված ոսկե շղթայի գողություն են բացահայտել (տեսանյութ)

Արմեն Սարգսյանը Կատարի ղեկավարին հրավիրել է պաշտոնական այց կատարել Հայաստան

ՀՀ տարածքում ճանապարհներն անցանելի են. Ստեփանծմինդա-Լարս ավտոճանապարհը բաց է բոլոր տեսակի մեքենաների համար

Նոյեմբերի 28-ը կնշվի՝ որպես Հատուկ քննչական ծառայողի օր

Կենդանաբանական այգու տնօրենի ազատման դիմումը ստորագրվել է. Իրանից հրավիրված փոխտնօրենը ՀՀ քաղաքացիություն կստանա

Հեղափոխակա՞ն է 2020 թվականի բյուջեն, թե՞ ոչ. պատգամավորի կարծիքով՝ քաղաքացին իր կաշվի վրա կզգա դա

Բակո Սահակյանը ստորագրել է հրամանագիր 2020 թվականի ձմեռային զորակոչ եւ զորացրում կատարելու մասին

ՀՀ վարչապետը Միլանում հանդիպել է Լոմբարդիայի շրջանի փոխնահանգապետի հետ (տեսանյութ)

Ադրբեջանից բռնագաղթած, ժամանակավոր կացարանում փաստացի բնակվող 112 ընտանիքի համար ձեռք կբերվեն բնակարաններ

Ցմահ ազատազրկվածը կարող է ներման խնդրագիր գրել 15 տարի պատիժը կրելուց հետո

Մեկ շաբաթում Հայաստանում և Արցախում 2-3 բալ և ավելի ուժգնությամբ գրանցվել է 2 երկրաշարժ

Յոթ մարդու մահվան պատճառ դարձած Զոդ-ի կամրջի վթարի քրեական գործի նախաքննությունն ավարտվել է

Վարչապետի աշխատակազմին պատկանող 3 ավտոմեքենա փոխանցվեց Պետական պահպանության ծառայությանը

Կառավարությունն արտոնություն տրամադրեց «ՆՅՈՒՊԼԱՍՏ» եւ «ԹՐԵՅԴ ԷՔՍՊՈՐՏ» ընկերություններին. 65 նոր աշխատատեղ կստեղծվի