Որտեղի՞ց Մանվել Գրիգորյանին 109 միավոր անշարժ գույք

07/11/2019 schedule19:06

Մի քանի օր առաջ հայտնի դարձավ, որ Մանվել Գրիգորյանը որոշել է իրեն պատկանող 109 միավոր անշարժ գույքը փոխանցել դատարանի դեպոզիտային հաշվին՝ որպես պատճառված վնասի փոխհատուցում: Դատարանը կփոխի նրա խափանման միջոցը, թե ոչ՝ հայտնի չէ, բայց Մանվել Գրիգորյանի այդ քայլը հասարակությանը ստիպում է կրկին անդրադառնալ այն հարցին, թե որտեղի՞ց նրան 109 միավոր անշարժ գույք: Եվ ընդհանրապես՝ ինչպե՞ս պատահեց, որ արցախյան պատերազմի մասնակիցներից մի քանիսը կարողացան «կապիտալիզացնել» իրենց մարտական անցյալն ու հսկայական հարստություն կուտակել՝ Հայաստանն ընկալելով որպես ռազմավար ու վերցնելով այն ամենը, ինչ իրենց դուր է գալիս:

Ի վերջո՝ միայն Մանվելը չէ, որ այդպես է վարվել: Մեծ հաշվով՝ Ռոբերտ Քոչարյանն էլ է այդպես վարվել. Հայաստան է եկել որպես «արցախյան պատերազմի հերոս», շահարկելով դա՝ դարձել նախագահ, կարճ ժամանակում վերցրել այն ամենը, ինչ իրեն դուր է եկել ու նույնիսկ հրապարակավ կասկած հայտնել, որ Հայաստանում իրենից բացի այլ տղամարդ էլ կա: Նրա ունեցածը, վստահաբար, «109 միավոր անշարժ գույքից» ավելին է (ինքն ասում է, որ ՀՀ-ում իր ընտանիքի կարողությունների չափ կարողություն ունի եւս 200 ընտանիք), բայց այդ ունեցվածքը որեւէ դատարանի դեպոզիտային հաշվին փոխանցելու փոխարեն նրա կողմնակիցներն այս օրերին Հայաստանի տարբեր մարզերում ու Արցախում ի պաշտպանություն «շեֆի»՝ ստորագրահավաք են անցկացնում:

Խնդիրը նույնիսկ այն չէ, թե ինչի տակ են ստորագրում քաղաքացիները (եթե ստորագրում են): Մուլտիմիլիոնատեր նախկին նախագահն, իհարկե, կարող է օգտագործել իր ֆինանսական ռեսուրսները ու անգամ յուրաքանչյուր ստորագրության համար, ասենք, մի հարյուր դոլար վճարել (եղածը մեծ բան չէ՝ ընդամենը տասը միլիոն դոլար, եւ հարյուր հազար ստորագրություն կունենա), բայց հարց է ծագում՝ ի՞նչ կապ ունի դա արդարադատության հետ: Ժամանակին ինքն ու Սերժ Սարգսյանը նույն մեթոդներով ընտրություններում «տոկոս էին խփում» ու նախագահ դառնում, բայց դրանից նրանց լեգիտիմության աստիճանը չէր բարձրանում՝ անգամ նրանց աչքում, ովքեր վերցնում էին այդ ընտրակաշառքը կամ տեղի տալիս տարատեսակ ճնշումների:

Խնդիրն այն է, որ լեգիտիմությունն անհրաժեշտ է ոչ միայն իշխանություններին, այլեւ ընդդիմությանը: Ընդ որում՝ եթե մարդկանց կաշառելով (կամ ահաբեկելով) հնարավոր է պահպանել իշխանությունը եւ լեգիտիմության պատրանք ստեղծել, ապա նույն մեթոդներով ընդդիմության առաջնորդ ու «ժողովրդի սիրելին» դառնալ հնարավոր չէ: Եթե անգամ մարդիկ, կարիքից դրդված, վերցնեն «պիցցան», միեւնույն է՝ տվողին լեգիտիմ ընդդիմություն չեն համարելու ու նրա ետեւից չեն գնալու: Հարց է ծագում՝ այդ դեպքում ինչո՞ւ են նախկինները միջոցներ ծախսում հանրային գոնե չնչին աջակցության պատրանք ստեղծելու համար: Միակ բացատրությունն այն է, որ նրանց այդ պատրանքն էլ է հերիք: Այդ դեպքում տեսականորեն հնարավոր է արտաքին ուժերի աջակցությամբ երկրում հեղաշրջում իրականացնել ու վարձու «կողմնակիցների» միջոցով ցույց տալ, թե դա «ժողովրդի կամքն էր»: Պարզ ասած՝ առաջ որպես իշխանություններ էին կեղծում, հիմա փորձում են որպես ընդդիմություն կեղծել: Ավելի ճիշտ՝ առաջ կեղծ իշխանություններ էին (որովհետեւ ժողովրդի քվեները չէին ստացել), հիմա կեղծ ընդդիմություն են (որովհետեւ ժողովրդի աջակցությունը չունեն):

Արդյունքում՝ կեղծ պայքար են մղում: Կեղծ, որովհետեւ դա ներկայացնում են որպես քաղաքական պայքար, մինչդեռ իրականում պայքարում են ընդամենը հանուն իրենց արածների համար պատասխանատվությունից խուսափելու: Իսկ աջակիցների «մասսովկան» ընդամենը այդ կեղծիքը քողարկելու համար է:

Տպել
2107 դիտում

Ամենախոշոր փոստային բաժանմունքների դիմաց իրականացվել են գծանշումներ, թոշակն ու նպաստը բացառապես կհանձնվի տներում

Այսօրվանից հանրային բոլոր վայրերում դիմակի կրումը պարտադիր է. արգելվում է սրճարաններում կենդանի երաժշտություն, պարեր

Այվազովսկու նկարը Լոնդոնում վաճառվել է օնլայն աճուրդի համար ռեկորդային գնով՝ 2,3 մլն ֆունտով

Միշիկն ու Ադրբեջանն ընդդեմ ԱԹՍ խոցող «ջարդոնի». Դավիթ Գալստյանը զենքի վաճառքով զբաղվում է, իսկ Կառավարությունը կապ չունի

Պարետի որոշմամբ արգելվել է համար 24 եւ 122 մանկապերտեզների գործունությունը

Սա «սեւ թուղթ» է Հայաստանի ամբողջ ավիացիայի համար, բայց կարելի է շատ արագ դրությունը փրկել. փորձագետ Նավիկ Խաչատրյան

Լուկաշենկոն Բելառուսի կառավարությունը ցրելու մասին որոշում է կայացրել

Չփորձեք հակադրվել համոզման մեթոդին. հակաօրինական գործողություններին կտրվի կոշտ հակազդեցություն. ՀՀ ոստիկանապետ

Արցախում ճանապարհատրանսպորտային պատահարի հետեւանքով մահացած զինծառայողի եւ 6 վիրավորների դեպքով քրեական գործ է հարուցվել

Չինաստանին ուղղված նոր հարցերի, Շվեդիայի սխալների և իրական սոցիալական հեռավորության մասին. COVID-19

Փրկարար ծառայությունում տեսակապով անցկացվել է հերթական օպերատիվ խորհրդակցությունը

Աշոտ Մելոյանը դատի է տվել Երեւանի ավագանու «Լույս» խմբակցության ղեկավար Դավիթ Խաժակյանին

Մեզ հաջողվեց մինի հեղափոխություն իրականացնել. սկսում ենք հանրային վերահսկողության թիմի ձևավորումը. վարչապետ

Չորրորդ զորամիավորումում անցկացվել են կրակային վարժանքներ

Կորոնավիրուսի դեմ պայքարում հաջողության բանաձեւ՝ «Իմ քայլը» խմբակցությունից, եւ ամեն դեպքում, Նոբելյան մրցանակ ԲՀԿ-ին

Արարատյան մաքսատան բանկերի սպասարկման տարածքները նույնպես կանցնեն ՊԵԿ-ի հսկողություն տակ (լուսանկարներ)

ՀՀ տարածքում ավտոճանապարհներն անցանելի են. Վրաստան մուտքն արգելող որոշումը շարունակում է ուժի մեջ մնալ

Եկեք ընդունենք, որ բոլորս սխալվել ենք. այս զրոյական կետը ֆիքսենք և միասին իրավիճակը վերցնենք հսկողության տակ. վարչապետ

Արարատ Միրզոյանը ցավակցել է ՀՀ ԱԺ նախկին նախագահ Արմեն Խաչատրյանի մահվան կապակցությամբ

Վարչապետի և նրա ընտանիքի անդամների ինքնազգացողությունը լավ է. Մանե Գեւորգյան