Նախկին աշխատողը դատի է տվել «Սիթի» եւ «Ալեքս Հոլդինգ»-ին. «գիգանտների» դեմ հայցերը շատանում են

ԱԺ նախկին պատգամավոր Սամվել Ալեքսանյանի հետ կապվող «Սիթի» եւ «Ալեքս հոլդինգ» ՍՊԸ-ների նախկին աշխատակից Օ.Բ.-ն դատական հայտ է ներկայացրել ընդդեմ նշված ընկերությունների:

Հայցը «աշխատանքից ազատելու մասին անհատական իրավական ակտն անվավեր ճանաչելու, որպես հետևանք, աշխատանքային գրքույկում կատարված գրառումը վերացնելու, նախկին աշխատանքում վերականգնելու, չվճարված աշխատավարձի, վերջնահաշվարկի եւ հարկադիր պարապուրդի ժամանակահատվածի համար միջին աշխատավարձի գումարի բռնագանձման պահանջի մասին» է: Այս մասին տեղեկանում ենք «ԴատաԼեքս» դատական տեղեկատվական համակարգից:

Օ.Բ.-ի շահերը ներկայացնող փաստաբան Կարինե Բաղդասարյանը մեզ հետ զրույցում նշեց, որ իր վստահորդն այս փուլում չի ցանկանում մանրամասներ հրապարակել:

«Ընդհանուր առմամբ՝ հիմա ավելի շատ են այն աշխատողները, որ փորձում են դատական կարգով վիճարկել իրենց նկատմամբ աշխատանքային գործընթացում տեղի ունեցած ապօրինությունները և վերականգնել իրավունքները»,- փաստեց ավելի քան 18 տարի փաստաբանական գործունեություն ծավալող Բաղդասարյանը: «Կարծում եմ՝ դա առաջին հերթին կապված է քաղաքացիների՝ արդար վճռի հասնելու հույսի հետ. մարդիկ դատական գործընթաց են սկսում նաև նախկին իշխանությունների օրոք «գիգանտ» դարձած ընկերությունների դեմ: Դա ես կարող եմ ասել՝ հետհեղափոխական դատական համակարգի նկատմամբ վստահությամբ է պայմանավորված: Ըստ էության՝ նախկինում էլ դիմել են, սակայն փաստաբաններին դիմելը, դատարաններ դիմելը շատացել է, և դատարանների ծանրաբեռնվածությունն էլ այդ մասին է վկայում»,- ասաց Բաղդասարյանը:

Ըստ նրա՝ աշխատողների իրավունքներն առավել հաճախ խախտվում են «կոմունիստական ոճով» աշխատող ձեռնարկություններում. «Կանչում ասում են՝ դիմումդ գրի, գնա. իրենք էլ գրում գնում են: Նման պարագաներում պետք է իրենց իրավունքներին տեղյակ լինեն. մեր աշխատանքային օրենսգիրքը, ընդհանուր առմամբ, բավական աշխատողամետ է, ուղղակի պետք է իրազեկ լինել, թե գործատուներն իրենց ինչ կարգով, ինչ ժամկետներում, ինչ հիմքերով կարող են պահանջներ ներկայացնել»:

Փաստաբան Մինաս Ամիրյանի դիտարկմամբ՝ աշխատողները՝ թե՛ մասնավոր և թե՛ պետական ոլորտներից ավելի ու ավելի հաճախ են փորձում իրենց խախտված իրավունքները վերականգնել դատարանով: ՀԺ-ի հետ զրույցում նա նշեց, որ քաղաքացիները, աշխատանքային վեճերը դատարան բերելով, փորձում են պաշտպանել իրենց իրավունքները:

«Նրանք փորձում են և՛ վերականգնվել իրենց նախկին պաշտոնում, իրենց աշխատանքին, և՛ ստանալ պարապուրդի գումարը: Հաճախ դա լինում է սկզբունքային որոշում. մարդը վերականգնվում է և ազատվում սեփական դիմումի համաձայն՝ մտավախություն ունենալով, որ այդ մթնոլորտում այլևս աշխատել չի կարող»,- ասաց նա: Իր փաստաբանական գործունեության ընթացքում, սակայն, եղել են դեպքեր, որ վերականգնվել են ու շարունակել աշխատել. փաստաբանի դիտարկմամբ՝ դա մարդկային կերպարի, բնավորության հարց է:

«Անհրաժեշտ է, որ մեր քաղաքացիներն իմանան իրենց աշխատանքային իրավունքները, իրավունք-պարտականություն տիրույթում իմանան՝ ինչ կարող են պահանջել և պահանջեն»,- նշեց Մինաս Ամիրյանը:

Տպել
1396 դիտում

Կոտայքի մարզի զինկոմիսարիատում քաղաքացին դանակով հարվածել է քաղծառայողի դեմքին

Երեւանի «Հակոբ Կոջոյան» կրթահամալիրը ենթակա է ապամոնտաժման. գործը ձգձգվում է (լուսանկարներ)

Ազդեցիկ ադրբեջանցին Եվգենի Պետրոսյանին ասել է, որ կարող է նրան գաղտնի Ադրբեջան տանել՝ հոր գերեզմանին

Տավուշի ոստիկանները 4 տարի առաջ կատարված ոսկե շղթայի գողություն են բացահայտել (տեսանյութ)

Արմեն Սարգսյանը Կատարի ղեկավարին հրավիրել է պաշտոնական այց կատարել Հայաստան

ՀՀ տարածքում ճանապարհներն անցանելի են. Ստեփանծմինդա-Լարս ավտոճանապարհը բաց է բոլոր տեսակի մեքենաների համար

Նոյեմբերի 28-ը կնշվի՝ որպես Հատուկ քննչական ծառայողի օր

Կենդանաբանական այգու տնօրենի ազատման դիմումը ստորագրվել է. Իրանից հրավիրված փոխտնօրենը ՀՀ քաղաքացիություն կստանա

Հեղափոխակա՞ն է 2020 թվականի բյուջեն, թե՞ ոչ. պատգամավորի կարծիքով՝ քաղաքացին իր կաշվի վրա կզգա դա

Բակո Սահակյանը ստորագրել է հրամանագիր 2020 թվականի ձմեռային զորակոչ եւ զորացրում կատարելու մասին

ՀՀ վարչապետը Միլանում հանդիպել է Լոմբարդիայի շրջանի փոխնահանգապետի հետ (տեսանյութ)

Ադրբեջանից բռնագաղթած, ժամանակավոր կացարանում փաստացի բնակվող 112 ընտանիքի համար ձեռք կբերվեն բնակարաններ

Ցմահ ազատազրկվածը կարող է ներման խնդրագիր գրել 15 տարի պատիժը կրելուց հետո

Մեկ շաբաթում Հայաստանում և Արցախում 2-3 բալ և ավելի ուժգնությամբ գրանցվել է 2 երկրաշարժ

Յոթ մարդու մահվան պատճառ դարձած Զոդ-ի կամրջի վթարի քրեական գործի նախաքննությունն ավարտվել է

Վարչապետի աշխատակազմին պատկանող 3 ավտոմեքենա փոխանցվեց Պետական պահպանության ծառայությանը

Կառավարությունն արտոնություն տրամադրեց «ՆՅՈՒՊԼԱՍՏ» եւ «ԹՐԵՅԴ ԷՔՍՊՈՐՏ» ընկերություններին. 65 նոր աշխատատեղ կստեղծվի

«Գոլդեն Փելիս» հյուրանոցային համալիրը դասական աճուրդով կօտարվի. մեկնարկային գինը 7 մլրդ 526 մլն դրամ

Պարզվել են Սևան-Մարտունի ավտոճանապարհին տեղի ունեցած զինված միջադեպի մի շարք հանգամանքներ. մեկ անձ կալանավորվել է

Կառավարությունը հավանություն տվեց ոստիկանության կողմից իրականացվող հարցաքննությունները տեսաձայնագրելու նախագծին