«Շփման ընթացքում սուզվում է մտքերի մեջ». ոստիկանի սպանության մեջ մեղադրվող պատանին կտեղափոխվի հոգեբուժական հաստատություն

Հոկտեմբերի 16-ին Հաղթանակ զբոսայգու մոտ ոստիկանին սպանելու մեջ մեղադրվող Հ. Գալստյանը 2 օրից կտեղափոխվի «Հոգեկան առողջության պահպանման ազգային կենտրոն»:

Այնտեղ աշխատող փորձագիտական խումբը պետք է դիտարկի Գալստյանի վարքը եւ հասկանա՝ նա մեղսունա՞կ է, թե ոչ:

«Իմ պաշտպանյալն այս պահին առերեւույթ ընդունում է իրեն առաջադրված մեղադրանքը: Հարցաքննության ժամանակ ասել է, որ զղջում է, ինքը չի ցանկացել ոստիկանին սպանել: Ասել է, որ ցանկացել է փախչել եւ այդ կրակոցը, որի հետեւանքով ոստիկանը մահացել է, կատարել է ոստիկաններին վախեցնելու համար, որ իրեն ու եղբորը չբռնեն: Թե այս ցուցմունքերը ինչքանով են արժանահավատ, ինչքանով կարող են ապացույց դիտարկվել, այդ կոնտեքստում անհրաժեշտ է փորձաքննության եզրակացությունը, թե արդյո՞ք նա մեղսունակ է»,- մեզ հետ զրույցում ասաց Գալստյանի պաշտպան Սեդրակ Մկրտչյանը՝ հավելելով, որ եթե պարզվի, որ նա մեղսունակ չի, չի գիտակցում իր գործողությունների բնույթը, հետեւանքները, հետեւաբար այդ ցուցմունքները չեն կարող դիտվել արժանահավատ ցուցմունք:

Մեր հարցին՝ իր շփումներում Հ. Գալստյանի մոտ զգացե՞լ է որեւէ հոգեկան շեղում՝ պաշպանը պատասխանեց. «Շփման ընթացքում ինձ վրա հակասական տպավորություն է թողել, ոչ թե այն առումով, որ աննորմալ քայլեր է կատարել, այլ որովհետեւ շփման ընթացքում սուզվում է մտքերի մեջ, որոշակի հարցերին ոչ կոնկրետ պատասխաններ է տալիս: Բայց առաջին հայացքից տպավորությունը նորմալ է եղել»:

 Հիշեցնենք, որ 2 եղբայրներ հոկտեմբերի 16-ի գիշերը «Հաղթանակ» զբոսայգու մոտակայքում են եղել, երբ ոստիկանները նկատել են նրանց: Տեսնելով պարեկային մեքենան՝ եղբայրները փախչել են։ Ոստիկանության ծառայողները հետապնդել են նրանց եւ Ազատության պողոտայում բռնել։ Բռնված անձինք դիմադրել են։ Այդ ընթացքում նրանցից մեկը խլել է ոստիկաններից մեկի հաշվեցուցակային ատրճանակն ու կրակել նրանցից մեկի վրա, ինչպես նաեւ ատրճանակի բռնակով հարվածել մյուս ոստիկանին։ Հանցագործները դեպքի վայրից դիմել են փախուստի։ Ձախ բազկի շրջանում ստացած հրազենային վնասվածքի հետեւանքով՝ Արաբկիրի պահպանության բաժնի ոստիկան, 38-ամյա Տիգրան Առաքելյանը մահացել է։

ՀՀ քննչական կոմիտեում հարուցված քրեական գործի շրջանակներում ձեռնարկված միջոցառումների արդյունքում պարզվել է, որ առերեւույթ հանցագործություն կատարած եղբայրները դեպքից ժամեր առաջ գողություն են կատարել Արաբկիր վարչական շրջանի գեղեցկության սրահներից մեկից, այդ պատճառով էլ փորձել են փախչել ոստիկաններից: 

Տպել
1190 դիտում

Գնացքների երթևեկության անվտանգությունը՝ տրանսպորտային անվտանգության բաղադրիչ

IDBank -ում համավարակի ընթացքում աշխատանքն ընթանում է ամբողջ թափով

Վիվա-ՄՏՍ-ն ավելացնում է սպասարկման կենտրոնների թիվը

ԳեոՊրոՄայնինգ Գոլդ ընկերությունը շնորհավորում է երկաթուղային գործընկերներին մասնագիտական տոնի կապակցությամբ

Յունիբանկի դոլարային պարտատոմսերը ցուցակվել են Մոսկվայի բորսայում

Վիվա-ՄՏՍ. անվճար զանգի հնարավորություն՝ ընկերությունների հաճախորդների համար

ՎՏԲ-Հայաստան Բանկը Renault Armenia-ի հետ համատեղ առաջարկում են ավտովարկավորման ամենաշահավետ պայմանները շուկայում

Այգեպարում վերսկսվել է կիսակառույց տան շինարարությունը

Արտագնա աշխատանքի հնարավորությունից զրկված քանի հոգի է դիմել Հայաստանում աշխատելու համար. մարզերում թվերը շատ տարբեր են

Կորոնավարակը, աշխարհն ու մենք

Տավուշի և Լոռու հանգստյան տներից մի քանիսի սննդի օբյեկտներում խախտումներ են գրանցվել, բայց կա դրական առաջընթաց

Տրանսֆերային գնագոյացման կարգավորումները տարածվում են շահութահարկի, ԱԱՀ-ի եւ ռոյալթիի նկատմամբ․ Ավետիսյան

Երևանի Կենտրոն վարչական շրջանում ՔՏՀԱՏՄ-ի կողմից խախտումներ չեն հայտնաբերվել

Մտահոգիչ խախտումներ՝ Ծաղկաձորի խոշոր հյուրանոցներում․ ՍԱՏՄ-ն կրկին կասեցման միջնորդություններ կներկայացնի

Որքան աշխատավարձ կստանան նոր պարեկային ծառայության պարեկները․ ոստիկանությունը քննարկման է դրել սահմանաչափերը

Խախտումներ են արձանագրվել Սպիտակի բենզալցակայաններում ու շինանյութի առևտրի կետերում. ՇՎՏՄ մշտադիտարկումներ

Վ. Սարգսյանի անվան ռազմական համալսարանում հանդիսավորությամբ բացվեց Սբ. Մեսրոպ Մաշտոց եկեղեցին (լուսանկարներ)

«Մեգա Տեխնիկս»-ի պահեստում խոշոր հրդեհ է բռնկվել. հայտարարվել է «1-ԲԻՍ» կանչ, տեղում է եղել նախարարը (լուսանկարներ)

Արկը դեռ երկնքում էր, բայց տեղի բնակիչների տրամադրությունները բարձր էր, հումորներ էին անում․ Ղուկասյան

Հետազոտության մտնել լողացած եւ մաքուր շորերով. կրել դիմակներ՝ ինչպես օրինակում (լուսանկարներ)