Ապօրինի ծառահատումների երեւույթը 100 տոկոսով կանգ չի առնի, ինչպես ցանկացած հանցագործ երեւույթ. մարզպետ

Վերջին օրերին «Հայկական ժամանակ»-ը տեղեկություններ է ստանում, որ Տավուշի մարզում շարունակվում են անտառահատումները: Մասնավորապես, մեր տեղեկություններով, օրերս դարձյալ ծառահատման դեպք է բացահայտվել Տավուշում. խոսքը շուրջ հարյուրից ավելի ծառերի մասին է։

Շաբաթներ առաջ էլ նույն մարզի Արծվաբերդի անտառտնտեսությունում 300-ից ավելի ծառահատման դեպք էր բացահայտվել:

Տավուշի մարզպետ Հայկ Չոբանյանը մեր զրույցում ասաց, որ անտառահատման դեպքերն այսօր 99 տոկոսով հայտնաբերում են:

- Պարո՛ն Չոբանյան, վերջին շրջանում տեղեկություններ ենք ստանում, որ Տավուշի մարզի անտառտնտեսություններում շարունակվում են ապօրինի ծառահատումները: Տեղյա՞կ եք այդ մասին:

- Ապօրինի ծառահատումների երեւույթը 100 տոկոսով կանգ չի առնի, ինչպես ցանկացած հանցագործ երեւույթ կամ գողություն որեւէ տեղ: Բայց այն ծավալները, որոնք այսօր փորձում են իրականացնել, մեղմ ասած, անհամադրելի են նախորդ ծավալներին: Այսինքն՝ ոչ թե նույնիսկ 1 տոկոս են կազմում, այլ 0.1 կամ 0.2 տոկոս: Մի քանի օրը մեկ մենք ծառահատման դեպքեր ենք հայտնաբերում։ 99 տոկոս դեպքերում  հայտնաբերում ենք ծառահատումները, քանի որ տոտալ հսկողություն է իրականացվում։ Այս տվյալները ես նաեւ ասում եմ՝ ելնելով այն բացահայտումներից, որոնք մենք իրականացնում ենք: Այսինքն, ըստ էության, կարող ենք ասել, որ մենք վերջ ենք տվել համակարգային ապօրինի ծառահատումներին, ու հնարավոր չէ դա տանել եւ վաճառել: Դրանք այսօր կրում են լոկալ բնույթ, ու այդ դեպքերի 99 տոկոսը բացահայտվում է ու համապատասխանորեն արձանագրվում է:

- Դարձյալ նույն խմբե՞րն են զբաղվում անտառահատությամբ:

- Գոնե վերջին շրջանի ուսումնասիրությունների արդյունքում դրանք խմբեր չեն, այլ անհատներ են: Մի քանի հարյուր անգամ նվազել է այդ մարդկանց ցանկը: Հաճախ մեզ ուղարկում են լուսանկարներ՝ փայտով բարձված մեքենաներով, այդ բոլոր դեպքերին մենք հետամուտ ենք լինում: Հիմնականում դա այն փայտանյութն է, որն արդյունահանվում է կա՛մ թափուկի, կա՛մ քամատապալի, կա՛մ հատատեղերից հատված ծառերի տեսքով: Հատատեղերի վաճառք էլ է կատարվում այսօր: Եվ կան ծառեր, որոնք որ նախատեսված են հատել՝ անտառի կառավարումից ելնելով, ասենք, օրինակ՝ հիվանդ ծառ է: Այսօր անտառտնտեսությունը զբաղված է ծառատունկով: Աննախադեպ ծավալի ծառատունկ է արվում:

- Նախկինում խոսվում էր, որ անտառապետներն ու անտառապահներն առնչություն ունեն անտառահատների հետ: Այլեւս չկա՞ նման կապ:

- Ես չեմ կարող բացառել: Դրանց մասին որոշակի հայտարարություններ հնչել են ոստիկանությունից: Մի քանի անտառապետների մասով էլ կան հարուցված քրեական գործեր: Այսինքն, այնուամենայնիվ, որոշակի իներցիոն դրսեւորումներ կան, եւ բնական է, քանի որ մենք ամբողջությամբ չենք ազատվել գործող աշխատակազմից, որը սովոր էր ինչ-որ ձեւերով աշխատել, ու դա փորձված էր: Սա բնական է, ինչպես ցանկացած ոլորտում հանցագործը գնում է հանցագործություն կատարելու, այլ բան է՝ մենք այդ հնարավորությունն իրենց տալի՞ս ենք, թե՞ չենք տալիս: Մենք, ըստ էության, ոչ թե քչացրել ենք, այլ գրեթե վերացրել ենք ապօրինի անտառահատումները, եւ գրեթե բոլոր նմանատիպ դեպքերը հայտնաբերվում են, համապատասխան վարույթ է բացվում: Բացահայտումների արդյունքում արդեն պարզվում են, թե այդ անտառապահներն ինչ առնչություն են ունեցել:

- Երբ անտառահատողները բողոքի ակցիա էին իրականացնում, այդ ժամանակ նշել էիք, որ մարզում մի քանի հարյուր աշխատատեղ կա, սակայն աշխատող չկա: Հնարավո՞ր եղավ նրանց ներգրավել այդ աշխատանքներում:

- Այդ ժամանակվանից մինչեւ հիմա մենք մի քանի հարյուր մարդու աշխատանքի տեղավորումներ կատարել ենք, բայց դա մոտավորապես 1/3-րդն էր այն առաջարկության, որը մենք ունեինք: Այսինքն՝ մենք ունենք դեռեւս մեծ քանակի աշխատատեղեր, որոնք բավարարված չեն: Իհարկե, շինարարության ոլորտում մի փոքր եղանակային պայմանները լավ չեն, եւ այն կսկսվի նորից գարնանը, բայց մյուս ոլորտներում կան բավականին մեծ քանակի աշխատատեղեր: Այդ մասին պարբերաբար հրապարակումներ են լինում՝ ե՛ւ մարզպետարանի էջում, ե՛ւ զբաղվածության ծառայության Իջեւանի, Բերդի եւ Նոյեմբերյանի էջերում: Եթե հաշվի առնենք նաեւ պայմանագրային զինծառայության աշխատատեղերը, մենք ունենք շատ ավելի աշխատատեղ:

- Եթե ավելի կոնկրետացնենք, անտառահատությամբ զբաղվողներն այդ աշխատանքներում ներգրավվե՞լ են:

- Այո՛, ներգրավվել են: Մի մասը ներգրավվել է այդ աշխատանքներում, մի մասը զբաղվում է ձեռներեցությամբ, ու մենք տեղեկություններ ունենք այդ մասին, օրինակ՝ այգեգործությամբ, անասնապահությամբ, ֆերմերներ են մի մասը: Մենք ուղղակիորեն հետեւում ենք եւ շատ ուրախ ենք, որ կա այսպիսի գործընթաց:

Տպել
1859 դիտում

Հայտնի են Ապարան համայնքի ընտրությունների նախնական արդյունքները

Հայտնի են Թալին համայնքի մի քանի բնակավայրերում ընտրությունների նախնական արդյունքները (թարմացվող)

ՀՀ 36 խոշորացված համայնքներում ՏԻՄ ընտրություններին մասնակցությունը ժամը 20:00-ի դրությամբ կազմել է 42,48 տոկոս

Հայտնի է Շիրակի մարզի 4 համայնքներում ընտրությունների մասնակցության ցուցանիշը

Հայտնի են Ամասիա համայնքի մի քանի բնակավայրերում ընտրությունների նախնական արդյունքները

Առերևույթ հանցավոր 6 ընտրախախտում՝ Լոռու մարզի խոշորացված համայնքների ՏԻՄ ընտրություններում. նախապատրաստվում են նյութեր

Ծովագյուղ բնակավայրում քվեարկությանը չի մասնակցել որևէ ընտրող. «Անկախ դիտորդ»

Ապարանում կրկնաքվեարկության դեպք է գրանցվել՝ հօգուտ «Կարեն Եղիազարյան» դաշինքի

Ընտրություններն ավարտված են, ընտրատեղամասերի դռները՝ փակ. սկսվել է քվեների հաշվարկը

Երիտասարդական Ֆորում՝ նվիրված Կամավորների միջազգային օրվան

Հրդեհ Երևանի բնակարաններից մեկում. փլուզվել է խոհանոցի պատը

Կուտակումներ գրանցվել են դիտարկված տեղամասերի 23․9%-ում. «Անկախ դիտորդը» ամփոփել է 143 տեղամասերի միջադեպերը

Անիի տարածաշրջանի ավտոճանապարհներին մառախուղ է, Սպիտակի, Ստեփանավանի ոլորաններում՝ մերկասառույց

ՀՅԴ թեկնածուն արջի նման մի երգ գիտի, ինչ խոսում է, իմ մասին է. Պետրոսյանը մեկնաբանում է իրեն ուղղված մեղադրանքները

Բուլդոզերներն ավիրել են Վանում հայկական գերեզմանատունը. Թուրքիան կիրառում է «հայ համայնքին վախեցնելու նոր ձևեր»

Ժամը 17:00-ի դրությամբ ՏԻՄ ընտրություններին մասնակցել է քաղաքացիների 33,8 տոկոսը. ԿԸՀ

Մարզերում առկա 1170 օբյեկտներից թեքահարթակներ ունի 116-ը. Բաթոյանը՝ պետական և ՏԻՄ մարմինների շենքերի մատչելիության մասին

Գերմանական «Լայպցիգը» խզել է գլխավոր մարզչի հետ պայմանագիրը

Ոտքի կանգնելու մի ճանապարհ կա՝ աշխատանքը. «PoGo shoes»-ի հիմնադիր (տեսանյութ)

Կամավոր աշխատանքն օրենքով պաշտպանելու անհրաժեշտություն ունի․ նախարար

«Ապագա կա, Գավառ». Նարեկ Գրիգորյանը կատարել է իր քաղաքացիական պարտքը (լուսանկարներ)

Սիրիայում ԱՄՆ-ի ռազմաբազան ենթարկվել է հարձակման

Իշխանության յուրացման փորձ կատարելու համար մեղադրվողների գործով դատավորն ինքնաբացարկ է հայտնել

Ոստիկանությունը պիտի առնվազն այցելի լրատվամիջոցներ, որտեղ երկնում են «ՔՊ-ն ընտրակաշառք է բաժանում» վերնագրեր. Ալեքսանյան

Կորոնավիրուսի դեմ պատվաստումներն ազգային անվտանգության խնդիր են. Արա Բաբլոյան (տեսանյութ)

ՀՀ ԱԻՆ-ը զգուշացնում է դեկտեմբերի 9-ին ճանապարհների մերկասառույցի և տեղումների մասին

Միանշանակ մենք ունենալու ենք 50+1 ձայների տոկոս. Պավել Ցուգունյան (տեսանյութ)

Վստահ եմ՝ Աբովյանում մենք ունենք մեծամասնություն ստանձնելու նախադրյալներ. Ռոմանոս Պետրոսյան (տեսանյութ)

Քարաթափման վտանգի պատճառով շարունակում է փակ մնալ Զովունի գյուղից դեպի Կորեայի ձոր տանող ավտոճանապարհը

«Դավիթ Համբարձումյան» դաշինքի կողմնակիցներն ուղղորդում են ընտրողներին. ՔՊ վստահված անձն ահազանգում է

Ընտրությունների մասնակցության ամենաբարձր ցուցանիշը Թումանյան համայնքում է, ամենապասիվը՝ Արմավիրում

Դուբայում քննարկվել է ՀՀ և ՌԴ երկաթուղային համակարգերը միացնելու հնարավորությունը

Ես իմ քաղաքացիական պարտքը կատարեցի՝ ընտրելով հանուն օրենքի և իրավունքի գերակայության. Ռոմանոս Պետրոսյան

Մենք սև կամ սպիտակ համակարգում տեղ չենք գտել, բայց հիմք չկա, որ ընտրություններում չենք հաղթի. Մարուքյան

Արցախում կորոնավիրուսային հիվանդության 31 նոր դեպք է գրանցվել

Այնթապից 4 անձ բերման է ենթարկվել՝ բռնություն գործադրելու կասկածանքով. ոստիկանություն

Նոյեմբերից հետախուզվող Ստեփանավանի նախկին քաղաքապետը հայտնաբերվել և կալանավորվել է. ՔԿ

Դավթաշենի կամրջի տակ հայտնաբերվել է 20-ամյա տղայի դի՝ մի ձեռքը մարմնից անջատված

Դուք ապահովում եք ակտիվ մասնակցություն, 5 տարի շարունակ ես ապահովելու եմ ակտիվ աշխատանք. Դավիթ Խուդաթյան

Այսօր ժամը 9-ին կլսեք հաղթանակի մասին. Ապարանում՝ ՔՊ թեկնածու Էդգար Փարվանյան